松記糖水店

營業中

休息中

同朋友係佐敦打完邊爐之後就黎左松記食堂水，未入門口，店員已經好熱情咁問你幾多位，我地好好彩唔駛等位。今次我地5個人叫左4樣糖水食1. 榴槤雪山說好的雪山呢🤔西米露有好多。但雪山就好少，有啖啖既榴連清香，味道都唔錯2. 榴槤雪糕配榴槤pancake 黎到而已好香榴連味，pancake 好creamy,雪糕都係榴連黎,pancake 皮夠簿3. 榴槤奶凍個奶凍好似浴浴地，有個雲呢拿雪球,個奶凍食落去無咩榴連味4. 雪球紫米露呢個反而有驚喜，好香紫米味 而且好濃，Oreo 味雪球同紫米露好夾，正本物諗住住榴槤宴，不過可惜有個朋友唔食榴槤。但紫米露都好好食

喺佐敦食完晚飯，想食個甜品😋。又唔想行到咁遠去尖沙咀厚福街食，所以就喺佐敦搵左間松記糖水食。見到門口冇乜人，所以就可以唔使等位入了，但入到去要同人搭枱。🙈三個人其中一個要坐係條通道度。叫嘢食個陣，我就一如既往叫我最鍾意食嘅朱古力心太軟❤️，佢呢度個價錢40幾蚊🤔都叫中位價正常啦。不過個size就偏細🙈，味道就正正常常冇乜特別。👌🏻不過服務就麻麻😔，好似成日想趕人走咁。已經坐得唔係幾舒服㗎啦，😣食糖水梗係想慢慢食傾吓計。但嗰個環境係侍應好似想趕你走咁。可能佢哋多大陸人生意啦。😓我諗下次我都係去返尖沙咀食糖水了。🙈不過我見到佢外賣自取會有discount, 我諗佢真係唔係俾人傾計食野。

⭐️看到推荐来的这家松记糖水🍧点了第一名的幻彩明珠和随手点了一个金枝玉露，❤️幻彩明珠真的好吃💔金枝玉露有点踩雷，里面小丸子挺好吃的东西很多，看花眼了一不小心踩雷了

今日同朋友兩個夜媽媽想去食下糖水，甜品於是去左食松記！ 而間野應該無乜人無食過掛平。靚。正既選擇喔！！！而間松記開到周圍都係，超多分店，但係好多到左夜晚都要排隊先入到去食。。。 認真誇張呢！座低之後我自己就揀左個summer 仲可以有好多味既雪糕揀唷而家而個天氣熱啦啦，食summer 就最very good 啦而我朋友就揀左個榴連pancake 最於唔食榴連既我黎講就覺得唔正啦不過我朋友就勁中意食， 佢話好多榴連溶，食落去啖啖都有榴連肉中意榴連可以一試喔！

話說早幾個禮拜同女朋友的屋企人一齊去到佐敦附近的食肆吃飯，吃完飯大概只係九點半鐘左右，所以我哋就去到附近的糖水舖吃糖水，經過松記糖水時見到非常之多人排隊，所以都入去試一試。雖然係非常之多人，但我哋大概等左15分鐘左右就已經入到去，松記糖水款式都係非常之大路，我哋有叫腐竹雞蛋糖水，又叫左椰汁紫米露，同埋叫左一個榴槤甜品。腐竹雞蛋糖水同埋芒果西米露水準正常，我自己就非常之鍾意個榴槤甜品，覺得非常之有榴槤味，啱晒我呢個鍾意食榴槤嘅人。最後埋單四個人大概＄100左右，以糖水舖來講亦唔算太貴，都非常之推介大家去試一試。

剛剛做完野，想食d甜野，行過松記食糖水，我入去差不多6點，呢d時間客人唔多，見到伙記多過客，我就直入準備坐低，門口位置兩位疑似老闆的人企左收銀位，都唔發覺我入左來，第一句劈頭就問，坐低食定外賣，我都被嚇一下，雖然我知你想問，但語氣都可以客氣d下個日落雨，我又衰無準備膠袋整到地下滴濕幾滴，又俾老細2號喝住要入返膠袋，我都明白，但我感覺又好似俾風紀記名咁,我知我行為令老闆有困擾，但我都是一位客人，可以俾返少少禮貌都得掛終於坐低左，應該還是學生的partime哥哥態度仲有禮貌，叫左幻彩明珠都會細心問下要不要花奶其實人唔好再話後生做野無譜，我見老年人都唔見得好好，我明落雨生意唔多好，但都唔好怪人啦，糖水姐，又唔係一定要食

第一次來這間糖水店食甜品，人挺多的，所以也要等了一陣位，我點了一個雪糕楊枝甘露，沒有太大驚喜，雪糕我估應該也是維記雪糕，＄42大洋。我還是懷念元朗B仔涼粉的楊枝甘露。

同朋友食完飯， 總覺得食番個甜品先可以完成一個聚會， 見到松記 滿心歡喜， 這一間都開咗很耐歷史。 先唔講佢d 甜品 ,這一間 通常都好多人,我們 因為附近冇乜選擇，便揀這間。 坐低唔夠一陣 ，甜品也上枱 ，食到一半，開始多人，這一間員工就好迫切 ，想你快啲食完走 ，有時候食得咁辛苦， 真係唔想再嚟呢間食， 食甜品都想嘆下啫。另外食落的甜品已不如之前那麼好食。 希望這一間會改善下。

今日下午茶時間，去咗松記食糖水，叫咗芝麻糊和合桃糊，真係似自己係屋企開盒「多多」沖咁，無芝麻味又無合桃味，真係十分「糖」水，啲湯圓...唔可以話好食，糖水鋪嚟講，真係唔合格，將軍澳啲足料過佢好多，呢間都係名大於實，唔會再嚟

成碗糖水好似無煮過甘，好似只係用水溝椰汁，加左d芡汁甘，淡茂茂，一d味都無，超難食以為好出名就試下啦，第一次食竟然甘失望，叫左個最難中伏既野都可以中伏一定吾會再有下次！

成班人去左睇國慶煙花，之後直落就梗係去食糖水啦！沿西九行落佐敦其實唔遠，但係天氣都仲熱，行到出晒汗。行左四個字先反到佐敦，嚟左松記。要等左十分鐘先有位。呢到既甜品選擇多，中西也有，自己點咗呢個雪糕楊枝甘露，雪糕就有得揀口味，我就揀左芒果啦，天氣熱熱食冰凍雪糕真係一流。芒果雪糕幾好味，夠fresh，同楊枝甘露好夾，不過個楊枝甘露就好似唔太有黃色，椰奶落得比較重手，當雪糕溶左之後，就可以出反d黃色了。楊枝甘露入面既西柚絲亦足，酸酸甜甜，不過不失。友人就點左呢個雪糕海底椰紫米露，他都話幾好食，不過呢到成日都好多人甘，逼埋一齊食糖水，食完一陣就要好快走，梗係有股無形壓力叫你食快d甘

如果說生意好咗，擴充咗，然後食物質素差咗，松記糖水應該係表表者 😂😂😂多年前的六寶湯圓的確好好味，皮薄餡靚，柔軟煙韌，現在呢？ 個人認為只有一半功力。先介紹好食的有 綠茶奶皇~ 依然有綠茶味，和奶黃相當合襯。花生湯圓，芝麻湯圓~ 餡料香甜，保持水準 😘唔啱食嘅有 紫米奶黃 & 奶皇湯圓~ 皮厚而且完全沒有紫米味。伏伏的是 紅豆湯圓~ 一個硬字 😂芋圓呢~ 有紫色和黃色，但是沒什麼分別，因為兩樣都食唔出有味😂😂😂 唉， 呢個時候要唱，逝去感情如何留得住~ 😂😂😂飢Point : 5/10#hungermarch #飢詩 #非飢詩

佐敦店的松記糖水， 曾經搬過地址， 今日路過附近， 有機會再去幫襯。松記依然很多人光顧， 叫了一個喳咋， 上面鋪了椰汁， 喳咋足料。友人叫了一個鮮果涼粉， 涼粉是一大整件， 而不是一小粒的。 做甜品做得十分有誠意， 而且價錢合理。 不過此處吃甜品就是吃甜品， 不是坐得耐嘅地方。

賣相很不錯；叫咗極之錯布甸硬到無法用匙羹或叉享受，不知雪在冰格多少天，店員提議我待一會溶D先得，但面舊雪糕都溶了！布甸依然非常硬淨，一D溶化蹟象也沒有，結果要用刀🔪切開，但不想難為舌頭，所以拒絕吞下！

在永安百貨買完東西，想行去搭地鐵，哎，我這個路痴又行錯路了😵好累呀，食個甜品再重新出發吧。座位有點逼，枱的尺寸較小，也明白的，租金貴🙈坐得越多人越好。點了紫薯芋圓紫米露 - 比預期中大碗，紫米露多，紫薯看落似雪糕球，其實是紫薯蓉，加上有椰汁吊味，好好味呀😚也超級飽肚😂😂餐廳其他的menu, 選擇很多，有凍有熱，也有特式甜品，有點不知怎樣選擇吧，對嗎？😈總括來講，是坐位有點逼，但味道完全ok的。