松屋

營業中

休息中

咁聽聞就是第一間香港開既松屋，想試好耐，但之前見好多人排隊，好彩係今日排左十幾分鐘就有位～咁同朋友二人係門口有部機簡餐，簡左燒牛肉定食（雙倍量）+燒牛五花定食～比錢再取票等號碼再取餐，個人覺得燒牛肉比較好食有牛味多點（燒牛肉醬一定要落）重點來的，燒牛五花就軟身少少但牛味就無咁重，咁整體都真係幾好食同埋大滿足（都好夠飽），又唔係太貴，自己斟水飲同食完自己收餐，無叫野飲埋單$153都真係幾飽，食lunch後唔洗食夜晚果餐

咁聽聞就是第一間香港開既松屋，想試好耐，但之前見好多人排隊，好彩係今日排左十幾分鐘就有位～咁同朋友二人係門口有部機簡餐，簡左燒牛肉定食（雙倍量）+燒牛五花定食～比錢再取票等號碼再取餐，個人覺得燒牛肉比較好食有牛味多點（燒牛肉醬一定要落）重點來的，燒牛五花就軟身少少但牛味就無咁重，咁整體都真係幾好食同埋大滿足（都好夠飽），又唔係太貴，自己斟水飲同食完自己收餐，無叫野飲埋單$153都真係幾飽，食lunch後唔洗食夜晚果餐🤣

每次經過，聞到都覺得好香，成條柯士甸路都聞到但係，每次都排長龍，午市和晚市都係結果今晚夜少少去，都係要排隊食完之後就明白了，真係好好味性價比高，午餐和晚餐的，價錢最低的可以不用$40而且有免費水，坐位都坐得舒服，餐廳屬於半自助式，自己點餐，自己取食物，以及用餐後自己放回餐廳重點是，食物質素幾好，真係識香味俱全，今晚我點了芝士牛肉飯，溶咗少少的芝士，同牛肉飯原來可以咁夾，有少少驚喜朋友點咗個咖喱漢堡扒，味道都好好

松屋 Matsuya漢堡咖哩飯 $79比個咖哩嚇親，原本以為係普通日式咖哩一擺入口！！！！！！！個味道真係要一試燒牛五花定食（兩倍肉）$94連埋泡菜食！超正！溫泉蛋 +$6 好多葱 正！

星期日去開佐敦 諗住下晝兩三點應該冇乜人點知都係要排隊🥲排咗15分鐘左右～～～叫咗兩個餐首先 牛肉咖喱飯加配油菜飲品通常平時食開嘅日本咖喱會有少少甜味 但個咖喱都幾鹹 唔太辣 牛肉就正正常常油菜都係旁邊加蠔油同麻油另一個餐 一碗細嘅牛肉飯加配薯蓉沙律菜同埋湯牛肉飯就唔係好夠味 每個座位都有唔同嘅醬料俾你配搭 但啲醬就幾”特別”, 燒肉汁同BBQ汁就幾鹹 柚子醬都真係幾酸湯就係好普通嘅麵豉湯反而薯蓉沙律菜幾好食 薯蓉幾香薯仔味同好滑可以加芝麻醬拌啲沙律菜走嘅時候 記得自己清理返 還返托盤🙂‍↕️

松屋終於喺香港開第一間分店！選址係佐敦！咁啱喺尖沙咀收工向着柏麗大道方向一路向前行就到，餐廳一啲都唔難搵，非常之方便就去到。仲掛住日本家鄉嘅味道，你一定要去食！今次嗌咗兩款菜式比大家參考吓山藥泥牛肉飯 呢個丼飯係一個非常之健康嘅選擇，山藥不僅能夠消除疲勞、強壯身體，還可以抗老化，達到美容的效果。牛肉飯拍得住其他日本牛肉丼飯，牛肉份量十足，一般男仔叫M size都夠食，仲可以叫店員加牛肉汁用嚟撈飯非常之正。芝士太陽蛋布朗醬漢堡飯呢個套餐仲配搭沙律麵豉湯同罐裝汽水，份量都非常之多，如果胃口唔大嘅朋友可以同其他人分享食。漢堡扒份量十足，好香肉味，同布朗醬配搭真係一流，芝士非常之多，食落真係好飽。

🕠 下午五點幾去到，排隊大約十幾分鐘就入得。🪑環境寬敞唔逼，全部都係自助式。🫵🏻 係點餐機揀完就等叫號，自己拎埋位，食完自己擺餐盤入回收架。【 牛肉飯 (L) 】 $50🍚 秋田小町米煮出黎既米飯好香好好食，唔會太軟有口感😋🐂 牛肉無筋，入口即溶，非常美味想encore多幾碗！🥳【 燒牛肉定食 (肉雙倍) 】 $89👍 欣賞佢牛肉同飯分開上，燒牛肉用鐵網墊底，隔開啲油，唔會油淋淋浸住啲牛肉 🫶🤤 燒牛肉非常出色，肉質口感紮實，充滿油脂感，好香燒牛肉味👅💦完！

經過佐敦就排下新店啦由於獨L一位，反而好快有自閉位唔駛久候。十分鐘就可以點餐後坐低慢慢等叫取餐😆爬咗頭有啲好彩成份由於執行緊低碳飲食，飯嘅定食無叫到，散叫咗魚、肉、豆腐、湯試吓味道過下癮就算靈魂嘅味噌湯..得呀料頭多而且仲有蓮藕片，大大碗飲完暖肚好滿足。三文魚做得好，唔乾唔柴口亦唔過咸（すき家都好，但咸少少🤏）松屋第一間店嘅出品唔錯👍鯖魚，有做好魚嘅處理無出面啲本地「日式料理」做得好，煮出嚟無剩低魚腥，亦唔會又乾又柴口，仲有啲魚汁👍佢同すき家係兩種唔同做法，すき家係煮唔係燒走滑同多汁嘅路線。食鯖魚化算抵食有質素首推兵器榜嘅松屋同すき家。牛肉夠味嘅有配飯就更好（見鄰座碗飯都好靚仔，可惜呢餐小弟唔食飯。）溫泉蛋、山藥泥同泡菜都合格👌豆腐冷奴都簡單好食😋（起碼做得好，無上菜果陣豆腐係咁出水，呢啲雖然係普通日本料理，但細處睇到店家有啲出品要求。）有日本人店長坐陣嘅日子，應該唔會走樣，希望佢哋保持水準💪奸爸爹。

Matsuya 松屋 來到香港喇！地點就在 佐敦-莊士倫敦廣場，就是在童軍總會斜對面，地點正正在旺區，最旺之處！新店到步，而且地點方便，要排隊等食就必然喇，在晚飯時間大約等了半小時，就入到座 ~我們點了 月見山藥泥牛肉飯、柚子蘿蔔蓉牛肉飯、豚肉味噌湯、芝士咖哩飯 ~醬汁和調味料都很齊全，有沒有比日本的多或少呢，這個我就不清楚，都忘記了 ~總括來說，味道跟在日本吃過的沒有多大分別，牛肉都軟嫩，味道濃郁，米飯甘香又Q韌；特別要講溝，個日式咖哩汁都相當不錯吃 ~因為經常在這區活動，所以定時都會來吃 ~

本來一份很簡單的食評，但不獲刋登，說有人檢舉松屋與寫食評人有利益關係？我比錢店家，店家供應食物，這是相方利益吧！的確存有利益吧！知道日本松屋進軍香港，急不及待的走去佐敦店食午餐，與日本相同，先到售票機購票，然後等叫號自行到櫃枱領取，食物有很多選擇，有單點，有定食套餐，最後點選了$80元的豬五花肉定食，定食包括麵豉湯、菜絲粟米沙律、蘿蔔蓉+青蔥、白飯、五花肉等，飯是日本米飯，很大碗，不錯，沙律加上芝蔴醬，清爽，豬五花肉一大碟，很驚喜，肉切得薄，肥瘦適中，很美味，可自行加上柚子汁、甜醬汁或B B Q燒汁，很滿足的一餐，簡單而美味。

小編每次去日本都會幫襯松屋做宵夜，因為小編幾鍾意飲佢哋嘅豬肉味噌湯，亦好鍾意佢哋坐吧枱，圍住店圓坐，睇住佢整嘢食嗰個情景。咁話說香港都開咗第一間松屋 @matsuyafoods.hk ，人多就預咗，但實際上要排幾耐？小編就幫你試咗！如果喺平日夜晚19:40排，人龍大概分成三條，大概要20:21 先入得，足足40分鐘！燒牛五花定食（ 雙倍肉量）＋豬肉味噌湯 $94＋$15牛五花會比一般牛肉肥位多啲，燒牛五花其實係以煎炒嘅方式烹飪，所以明顯會見到有少少燶位，食落油香會比較突出。但佢又未至於煎到好乾，會保有一定肉汁。另外佢會附上蔥同蘿蔔蓉，食嘅方法可以好多變，例如蘿蔔蓉加柚子醋，會更加清新，但問題出現在蘿蔔蓉係凍嘅，多少會影響牛肉溫度。所以小編鍾意蔥花、燒肉汁加七味粉，味道更濃郁惹味。豬肉味噌湯同日本一樣咁足料，但飲落感覺冇日本咁鹹，小編反而幾欣賞，推薦大家可以加～味道：7.6/10香蔥溫泉蛋牛肉飯（L）＋油菜飲品套餐 $63＋$23小編喺日本都係食呢一款，大量蔥花再加溫泉蛋蛋汁，蛋汁可以令成個飯更加濕潤豐厚，蔥可以提供一個爽口清新嘅味道同口感，兩個夾埋冇可能難食。值得讚一讚佢嘅白飯，選用秋

會落來買外賣嘅，即係冇時間/趕時間嘅，但係店外排隊嘅堂食同外賣居然係同一條龍？這是什麼安排？？新舖開張多人食，買個外賣排到都要二十幾分鐘，點完餐又要等，攞到手已經半個鐘之後嘅事，咁樣何必買外賣？直接堂食仲乾手淨腳！好彩味道同响日本食嘅相差無幾，唔係就真啲唔抵啦！店長さん、イートインとテックアウトの排列を分けてくれませんか？ニューオープン時期人並みは大変混んでいるから、ほとんどのサラリーマンの食事時間は1時間しかなので、ちゃんと二列を分けて頂ければ、時間ないの人は感激します。

早出嚟尖沙咀做嘢，知道從開咗。就特登早啲出嚟食個早餐。因為早都冇乜人排隊，但係侍應安排入座就差少少，明明有位又無人又唔俾選位。再同佢講冇人，佢先俾我唔使坐「面壁思過」位。上次去日本嘅時候都冇試過味噌豬肉湯。套餐小食就叫左牛肉。另外就加咗一份山藥泥。個味噌湯飲落去記錄，但係唔會太鹹，如果加泡菜嚟食應該幾好味個牛肉份量就預咗佢少㗎啦，因為係跟餐小食，但係就覺得佢鹹咗少少。咁就先整咗一個山藥牛肉飯，紫菜加埋啲山藥泥，滑得嚟又唔會太寡口。跟住留咗大半飯，整埋豬肉湯飯。用個湯嚟撈飯真係一流，初頭仲驚佢啲湯會太多，點知倒咗落去剛剛好。薯仔煮得好腍，蓮藕都有少少脆口，豆腐亦都好滑。另外服務嗰方面都有個小插曲，始終都係新，可能唔熟。攞餐嘅時候佢同我講份餐齊啦，但係其實裏面少咗份紫菜同埋個薯蓉。可能嗰啲係已定嘅配料，所以電腦單上邊冇寫，店員就唔為意冇執齊，之後執得多應該冇呢個問題。除咗個牛肉有少少失望，其他都唔錯。早食來講，性價比都係高。

飲食新聞報導之後幾天才來試食，選擇12點前來排隊，等候人數不多，大概十分鐘就可以入座，點餐要到售賣機自己落單，完成後返回座位等，出餐時間很快，自己再去取餐處拿取食物及飲品。今次叫了兩個定食，一個漢堡扒和一個燒牛肉，兩款食物質素

在日本，也不會刻意去食，通常，在沒辦法情況底下，才會選擇吃牛肉飯，難得品牌專程開到香港，就一番誠意排隊去食不知道，是剛開業關係、抑或，其他什麼原因，我跟朋友分別點了牛肉飯、燒牛肉定食，兩樣都是一樣，牛肉是凍、飯只是暖，燒牛肉凍不特止、口感還挺硬，好像放在外涼乾很久完全不明白，為何飯不熱、牛肉全是凍？！早知係咁，我去食壽司，食完，一肚氣、嘥咗一餐食嘢 quota，無論味道幾好，溫度係凍都冇用，這方面，吉 XX 就做得不錯，叫外賣到家，牛肉、飯仍然是熱再講，衞生真的要加強注意，用的匙羹全是油漬，真係嚇死人，好彩，我習慣會睇一睇、自己再用水濕餐巾再抹，大家要小心！