松屋

營業中

休息中

今日我去咗一間佐敦食牛肉飯嘅餐廳，心情好期待，因為聽講佢哋嘅牛肉飯好出名。我叫咗泡菜牛肉飯，令人垂涎欲滴。首先，牛肉真係好香，切得薄薄嘅，煮得啱啱好，鮮嫩多汁，咬落去口感超級滑。佢哋用咗一啲特製醬汁，味道濃郁，完全唔會過咸，真係好好味！而且，泡菜嘅味道真係為整碗飯添咗好多層次。佢嘅酸酸辣辣，剛好可以中和牛肉嘅油膩感，食嘅時候每一口都有驚喜，啱啱好嘅酸度仲可以刺激味蕾。再講講飯，佢哋用嘅米好鬆軟，飯粒分明，吸咗牛肉同泡菜嘅味道，食落去真係回味無窮。整碗飯嘅比例剛好，無論係牛肉、泡菜定係飯，都唔會搶味最後，餐廳環境都幾舒服，服務人員態度友善，等食物嘅時候都唔覺得等得冇耐。總括來講，呢碗泡菜牛肉飯真係好值得一試！如果你鍾意牛肉，絕對唔好錯過，等唔到下次再嚟啦！

好多年前去過一間吉XX食日式牛肉飯，覺得好甜，之後就冇再食過日式牛肉飯。今日行過莊士倫敦廣場，見到嗰度開咗間新嘅日本餐廳，係牛肉專門店，之前有屋企人食過話好好味，又見六點幾已經開始排隊等位，於是叫埋家姐同佢孫女嚟試吓。等緊位嗰陣，有位餐廳職員行埋嚟話可以scan QR Code 落定單先，又真係幾方便喎。我哋等咗十幾分鐘。網上落單見到啲飯有細、中、大可以揀，👍🏼👍🏼我哋全部叫晒細嘅，我加咗豬肉味噌湯，小朋友加咗雪碧。有位入到餐廳發現，原來先前手機落咗嘅單，喺餐廳門口嗰幾部機確認之後就可以俾錢，跟住就睇屏幕號碼去攞嘢食。我同小朋友都覺得個芝士牛肉飯好好食，我鍾意佢哋個豬肉味噌湯，夠多料又唔係好咸，同平時飲開嗰啲唔係好同。😋家姐話佢個泡菜燒牛五花飯啲五花腩夠晒「林」。家姐見隔離枱個男食客啲咖喱望落好吸引，問佢好唔好食，佢話非常好食，佢都係第一次嚟。😀我哋話下次都要試吓佢哋咖喱。今餐令我對日本連鎖集團嘅牛肉飯改觀，味道唔錯、價格相宜，我已經約咗朋友下個月嚟食晚飯，到時試吓佢哋啲咖喱先。😋😋

松屋牛肉飯$29燒牛肉定食$59合共：$88星期日，運動日，跟老婆去打羽毛球和探正在醫院休養的父親！人一生，吃多少，穿多少，是注定的！在今年不適合前往日本的時間港吃日本菜也是一個不錯的選擇！松屋，據說連日本人也不吃，但在家，卻有不錯的人流，看來帶旺了佐敦一帶的人流！門外有一個qr code，可供客人瀏覽餐牌和點餐，餐廳是先點餐然後自行取餐再享用，幸虧這裡沒有收加一，基本上是全自助的！這裡，我老婆點了一個S的牛肉飯，而我就點了一個燒牛肉的定食！S size的牛肉飯真的是很迷你，份量不多，但飯碗總算鋪滿了牛肉，跟另一連鎖吉野家比較，這裡的牛肉並沒有碎濕濕，但就沒有很多的牛肉汁，整體乾憎憎！至於定食，份量反而不錯，沙律好味，麵豉湯味道不錯，但燒牛肉就略嫌偏咸，筆者就不太喜歡的了！總結來說，這裡的料理屬於中間水平，可以skip!

‼️ 日本 嘅 「松屋」到咗香港‼️·① ［ 牛 肉 壽 喜 燒 （ 肉 雙 倍 ） // 潮州辣椒油芝士牛肉飯 ］| 𝐛𝐨𝐭𝐡 都加咗溫泉蛋！「 牛 肉 壽 喜 燒 」 有少少失望因為冇烏冬的( •᷄◡̑•;᷅ )不過個湯底甜甜地，其實加咗肉𝐱𝟐 份量真係好多😂食落都好夠飽！入面仲有日本運來的香腸，食落好彈口！都幾推介去食！「 潮州辣椒油芝士牛肉飯 」 係用咗李錦記😂食落去有啲格格不入，覺得如果唔揀辣椒油會好好多！｜𓋪8/10•松屋 (佐敦)佐敦彌敦道219號莊士倫敦廣場地下G06-09號舖

無論係日本定香港都係第一次食「松屋」😆咁啱新年期間，周圍都唔開，決定去松屋試吓，呢日去大概等咗15分鐘左右～自助機點餐！落完order 等叫號碼拎餐，用餐後需將餐具托盤交回餐盤回收區，不過店員見我哋食完主動幫我哋收返泡菜牛肉飯再加沙津菜同溫泉蛋牛肉飯叫咗M Size，女仔嚟講一定夠飽～牛肉非常簿，肥瘦均勻，飯加入溫泉蛋攪拌，更添滑溜感，特別好食店舖有提供免費水，柚子汁，BBQ醬汁，壽喜燒汁～可自行配搭～沙律菜好新鮮，加芝麻醬食燒牛肉定食🍱定食跟咗沙律同麵豉湯，牛肉同飯分開上，牛肉燒得好香，偏肥，口感較扎實～

#20250207 🤍📍 #松屋 @matsuyafoods.hk 佐敦彌敦道219號莊士倫敦廣場地下G06-09號舖 🍽️深水埗青山道217-235號映築地下5號舖➖➖➖➖➖➖➖➖➖➖➖➖➖➖➖➖➖#牛肉壽喜燒定食 #S $79 🥢 #野茶 +$10💭 繼#すき家 進軍左香港大排長龍之後，松屋都加入戰團‼️由落單、拎餐到收餐盤，甚至斟水都係全自助，肉既份量好多，夾起都有成碗，完全唔需要雙倍份量，唔知點解食落有啲prama ham既咸香味🐮 一開始覺得個湯得好少，點知好鬼咸，啲位用尼溝水稀釋返佢就岩岩好，菜有冬菇、娃娃菜、唐生菜、冬瓜同洋蔥，全部都壽喜燒湯底都好夾🧅飯可以揀份量，特登揀左S，去到M都免費，珍珠米勁好味🍚本身個煲入面有舊豆腐同條歐陸腸，用尼淥都唔差，脆皮爆汁有啲驚喜🤩成餐飯最搞唔掂係個爐，大又滾得濟，細又會自己熄，不過overall可以覆桌既～.#佐敦美食 #🐷在佐敦 #深水埗美食 #🐷在深水埗 #🐷_食

終於有機會嚟到試日本三大牛肉飯連鎖之一嘅松屋，竟然撞正有壽喜燒套餐提供。今次嗌咗一份嚟試吓，牛肉同喺日本食差唔多味道，環境服務都唔錯，牛肉份量仲可以因應自己食量再追加。日後想食日本嘢，又多一個選擇了。

松屋進軍香港已經有一段時間，位於佐敦彌敦道219號莊士倫敦廣場地下G06-09號舖。每次到日本旅遊都冇時間食，反而第一次是在香港店吃。 餐廳主打性價比高的牛肉飯，晚餐🥢 ～ 燒牛肉定食$70、 薯蓉$6、布朗醬漢堡定食$75。 燒牛肉定食$70、薯蓉$6 🍱～ 定食已包括配飯、沙律及麵鼓湯，滿滿的燒牛肉，香味濃郁，加$6仲可以有薯蓉。    布朗醬漢堡定食$75 🍱～ 啖啖肉的漢堡扒配上惹味的布朗醬，拌飯之選。 整體平靚正，果然不錯。 🏷️溫馨提示～ 整個用餐體驗均屬個人分享意見， 只作參考😊。

某一晚9點，突然心血來潮想試下香港嘅松屋，話晒嚟咗香港都未食過，就狗衝去佐敦有以下體驗：（去到門口）我：咦，9點都有8成滿座喎，嗰邊有位⋯⋯（準備埋位時，職員突然殺出）職：先生，幾多位？我：兩位職：呀，自己搵位啦下（唔耐煩嘅語氣）我：呆咗（心諗，我剛剛咪自己搵位囉，係你截住我咋嘛）無嘢嘅，無礙回味日本味道嘅雅興，叫咗個喺日本時常食嘅「生薑牛肉燒定食」，以及普通嘅燒牛肉定食。環境評分✅✅✅乾淨度不過不失，但我覺得無咗日本松屋嘅感覺，用色有少少唔同，所以個親切感無咗。食物評分✅✅✅✅見佢話用返日本嘅米，而生薑牛肉燒都有日本時時嘅水準，連個沙律味道都好似喺日本，淨講食物係有feel嘅。性價比✅✅✅講真，同日本比就無得比，喺日本食個定食都係1000yen左右，香港就要$90，多接近一半，抵食當然喺日本，不過香港作為回味止癮嘅定位，兩個人食接近$130，唔貴囉!

松屋首店開業，港鐵佐敦站D 出口, 步行約2分鐘，香港終於齊曬「牛丼御三家」。 店內設計沿用日本的木色為主調，延續日式簡約風格。至於食物方面，香港餐單與日本同樣豐富。我點左日本「松屋」最基礎牛肉飯味道跟想像中的牛肉丼差不多，牛肉軟腍，飯的質地也不錯。價錢便宜最細份的牛肉飯，只要29港幣，再加上沙律及味噌湯也是只是41港幣，在附近上班的做午餐是一個不錯的選擇主要想稱讚侍應們的服務很周到，而且座位上的醬汁紙巾筷子等物品也補充得很快。（食得太快唔記得影相）

大假之一天，放學後同老婆去食飯，今日唔算係好多人排，QR code落單之後去嘟機入座⋯拎飛過後排排坐等食之後叫號拎飯，叫蔥蛋牛飯加山藥今次啲葱唔夠上次多，其實呢個飯幾好食加埋啲蔥正呀⋯但係個汁就爭啲啦⋯⋯唔識講總之唔得啦⋯⋯加番普通汁會正啲⋯⋯個菜加咗少少麻油咁，最正竟然係佢👍👍👍👍👍究竟係頭都大埋定頭大身細呢🤔🤔🤔🤣🤣🤣🤣🤣🤣

在佐敦要填飽肚子有很多選擇，聽聞身為過江龍的牛肉飯龍頭，竟然選擇在此開松屋所屬的第一間分店，就讓我來回一會這一間身為三巨頭的牛肉飯是否真的完全Man所說一般令人食指大動回味無窮？今天是週日的下午一時人龍並不是很長，我們等了大概15分鐘就可以進去進去之前已經有一個QR code公里落單選擇一條龍的服務，令我感覺非常舒暢，我選擇了一個正常的細牛肉飯，一入口感覺牛味頗為濃郁，價錢亦很相宜，只是我不明白他其實跟另外兩間在香港的日本牛肉飯餐廳味道也差不多哦。

波波素聞淨係喺佐敦都已經有好多類型食肆作為“選擇困難症”患者，而且最近公司搬咗Office嘅小妹，於是趁住星期六放咗工喺公司附近行一個圈覓食 當我行吓行吓，發現莊士倫敦廣場門口有一條長長嘅人龍，於是小妹喺好奇心推使下排隊光顧一試，結果只需排咗一陣就可以入內…… 💛💛💛💛💛💛招牌牛肉飯（中）$35 秋田小町米煮出米飯口感煙韌；牛肉肥瘦比例均勻，而且食落無嚡口嘅感覺！再配上爽甜嘅洋蔥，真係好好食吖😋～💛💛💛💛💛💛

終於去食「松屋」了，隔咗一段時間，熱潮過咗，門口無人排隊，直入仲可以隨意揀位坐。香蔥溫泉蛋牛肉飯［ML］（$58）有少少失望，唔知點解，牛肉個醬汁好咸，撈埋蛋汁同飯一齊食先勉強中和到（啲牛肉本身嘅味道應該無咩問題）。L size 嘅牛，份量好足，夠多可以食到最後一啖飯（另外洋蔥都唔少，甜的，唔辛辣）。月見山藥泥牛肉飯［M］（$48）呢款啲牛肉嘅味道就正常好多。山藥話係日本產，味道正常。飯係秋田米，粒粒分明，口感唔錯，但米香一般。日本三大牛肉飯，「松屋」係我嘅首選（於日本計），而香蔥溫泉蛋牛肉飯亦係我至愛，但可惜香港店令我有丁丁失望。

食開Sukiya$29牛丼嘅我，聽到松屋喺香港開咗當然想試吓啦！今次平日收工夜晚8點半左右去到，一個人都要等20分鐘左右，同埋一直排隊就一直發現好多人都睇唔明點排隊——「堂食 vs 外賣？」、「要隊1接隊2？」、「隊2邊度隊頭，邊度隊尾？」，指示牌方面實在需要改善！另外，佢喺隊頭有擺QR code畀人scan落單，但其實得頭一兩個人可以scan嚟睇menu同落單，後面啲人都揀唔到（除非排隊前識到自己走去scan咗先），但先QR code落單再用自助機付款的確快啲啲嘅。對比起sukiya，松屋幾乎全程都係自助，由落單畀錢、拎餐、回收餐盤…都係自己搞掂，有啲似foodcourt，所以唔好期望有店員服務。不過帶位姐姐好有禮貌，每個人食完擺餐盤，佢都會「唔該晒」。講到食物，我嗌咗牛丼S，再加油菜+溫泉蛋，其實個人認為個牛丼又未到其他人話好好食，甚至完勝sukiya嘅，同一價錢嚟講，份量好似仲比sukiya少。不過啲牛嘅肥位比較少啲，每塊質素都幾平均，同埋食落香啲，唔使排隊同埋唔太肚餓都可以再戰嘅！