影片
係油麻地上完堂, 返屋企途中見到呢間松家手工點心, 又口痕買啲返屋企開心share<蟹籽燒賣皇(左)及鮮蝦菜苗餃(右)>蟹籽燒賣皇唔錯, 啖啖肉而且燒賣皮都唔會分離鮮蝦菜苗餃都好足料, 鮮蝦比菜苗更多, 外皮又唔會好厚<四寶雞扎(左)及蠔皇鮮竹卷(右)>四寶雞扎裏面係滑雞、火腿肉、芋頭同豬皮, 相對其他點心份量較少, 但滑雞真心正蠔皇鮮竹卷亦唔差, 但大食妹覺得太咸啦<醬皇蒸鳳爪>醬皇蒸鳳爪中規中矩, 幾入味<特色山楂叉燒包>最失望竟然係特色山楂叉燒包, 水落得唔夠, 包嘅部分太乾了
繼續閱讀
等人嗰陣見肚餓就行去買，見到門面舖頭企理乾淨，仲有靚姐姐介紹😆本身諗住淨係買春卷食下（因為我係春卷迷🤤🤤）之後就推介話燒賣好多客買，是但買埋佢啦，一打開個盒睇，d燒賣好夠大粒，$22/4粒，好食過酒樓多多聲！小店黎講有咁嘅質素真心唔錯！懷舊款春卷，好有「兒時回憶」，依家係好多酒樓都係蒜香蝦春卷，食唔返呢隻味道，一放入口嗰種回憶勾返晒出嚟！😳好後悔淨係買左3條！超好食！下次都一定會返嚟幫襯👍🏼
繼續閱讀