東龍島合全士多

營業中

休息中

讚1. 環境好企理，以鄉村士多黎講，係難得既整潔2. 野食幾好，豬扒米既豬扒醃得入味，煎得香口，檸蜜好足料，幾跌眼鏡3. 服務好，姐姐勁好傾，仲好好人咁介紹左好多野飲彈無

今日放假去東龍洲行山 未食嘢就入去所以一入到去就見到呢一間士多就好不猶豫坐低嗌嘢食今日人好多 d嘢食都等左一段時間🤔🤔🤔嗌左一杯紅豆仙草 其實冇乜甜味可能係純天然啦但係用黎解渴都OK嘅🤔西多方面都OK正正常常咁囉冇咩特別🤔但係麵類方面真係完全唔得😑😑😑😑首先啲面係未熟咁樣好硬 然後雞翼又冇咗一忽好似俾人咬過咁樣 見到都唔想食同埋雞翼豬扒完全冇味!!! 好難食…明明嗌公仔麵湯底連少少味精既味都冇 真係好難食 🤦🏻‍♀️🤦🏻‍♀️

今次行山行到去東龍島，雖則佢係離島，但其實一啲都唔遠，響西灣河碼頭坐街渡大半個鐘就到。今日都幾熱，但係遊人都唔少，亦有好多人帶埋帳幕一包二包去露營。可以行既地方唔算好多，大概兩三個鐘慢慢行都可以行晒，島上亦有幾間士多，同另一半行到身水身汗等下一班船離開之際，就揀左呢間合全士多嚟打躉，因為佢地外邊大大隻字寫住柴炭紅豆冰實在係太吸引。雖則舖面都幾大，但係都坐滿晒一家大細，好彩咁啱有兩個位，即刻叫杯柴炭紅豆沙俾另一半，自己就要仙草奶茶，再嚟多個厚切餐肉蛋麵，即刻平衡返晒今日個運動量，同冇做過一樣。

去東龍島次次都會行完山嚟呢間士多度食嘢， 士多細細冇乜特別裝潢， 食物亦都係好普通野， 但係特別有風味。餐蛋麵同腸蛋麵當然唔少得， 呢度嘅西多都係一個唔錯嘅選擇。 另外飲品方面， 有好多嘅選擇， 最出名嘅就係檸蜜， 據說 啲蜜糖係店主自己養嘅， 係唔係幾好飲嘅。

秋高氣爽，是郊遊好時節。是日一早，與Cc兩上搭船去東龍島，親親大自然。走過荒棄的村落，爬入一小段斜路，再上落不知數百級的樓梯，欣賞完歷史悠久的石刻，飢腸轆轆，折返碼頭附近的合全士多開餐。士多由村民舊居加建而成，屋前空地以鐵皮搭建，再漆上大自然相呼應的綠色。坐在其中，從樹縫中，可隱約望到大海和對面海邊的高樓大廈。享受，瞬間寧靜鄉村的悠閒時光。店中大枱上，放著一堆蔬菜，估計乃後園自家種植的。熱檸蜜$18杯，不算平宜。膠杯和膠匙印證著斑斑的歲月痕跡。身處孤島，物資缺乏，不該厭棄，無懼地飲下。啖啖，滲透出兒時祖母沖調蜜糖水的味道！那是一種純天然，無添加的味兒，教人回味。店中，見有一年邁駝背老婆婆，不禁，想起最愛的祖母。。。。。。我們點了兩碗公仔麵，又點了一客煎豬扒$27，以補充體力。煎豬扒徹底教人失望 - 既是急凍雪藏劣質貨色，毫無肉的質感和味道可言，且煎得味淡且油膩。咬一口，不屑一顧也。平平無奇的餐蛋麵$25，總不會教人失望。雖非用上出前一前，雖則麵淥得偏淋了點兒，然而，煎蛋無得輸，兩塊厚切的鹹香餐肉也克盡己職，再加上才許新鮮蔬菜和濃淡得宜的湯，超正！公仔麵的滋味，只有肚餓的人，才會知道的！

年初三同友人去左東龍島行左成4小時山..真係成個人都精神曬..出左身汗都已經好累...一早已經plan定要去此士多想食d野..最衰行山行得耐左又要趕坐2時既船走,最後我地只叫左杯山水紅豆冰外賣飲就算.佢地都無講錯..個紅豆冰又真係唔錯..不過如果佢地煮淋d紅豆就更加岩我口味.如果下次再有機會一定會再來此店食埋佢既出名西多士.

整頓好營地一切已是下午, 時間不夠作環島遊, 退而求其次, 只好折返碼頭觀港島曰暮之色. 路過士多, 見餐牌處多了柑桔特飲一項, 不如又攤抖一下, 就跟阿婆要三杯凍柑桔蜜好了. 檸檬三大片, 蜜糖墊底三分厚, 十五蚊杯也算很足枰. 當然主角還是那枚咸柑桔, 那陣咸咸酸酸的味道為味蕾帶來一陣舒泰的感覺, 加以蜜糖調和更易入口, 比市區人氣茶餐廳絕對尤有過之. 最厲害處是柑桔味濃厚, 可堪翻沖, 圖中一杯已是第四轉水, 味道絲毫不減. 好喝且抵喝, 令人再三回味.