東龍島合全士多

營業中

休息中

同朋友行山前整返個餐蛋麵先。第一次食咁厚切既餐肉，碗麵好足料，尤其欣賞老闆仲加幾條菜老闆都好健談同細心，見到我地食米線即刻叫店員拎匙羹俾我哋，話易食啲，仲介紹米線裏專登加入麻油，令到碗麵香口好多。老闆仲推介自家製叉燒同柴火紅豆沙。下次有機會再試不過我哋今次係新年期間到訪，所以士多有加一服務費。另外，廁所都算乾淨，哈哈！

今日10月20日來登龍島行山。食咗呢度嗰個一個茶餐廳誒嗰邊嘅餐廳公仔麵雞翼好好食。全部。餐廳老闆的。服務態度好好。嗰兩小時山。行了一半路程下午三點船回去鯉魚門。今日行程尚算舒服有啲熱。茶餐公仔麵大個45文一個回鍋肉公仔面。

東龍島上有幾間士多，如果大家一落船即刻想叉叉電先，呢度必定係一個好地方！首先厚切餐蛋麵足料好食，用咗出前一丁，而豬扒麵同魚片頭米線都係用心製作！不得不讚嘅係佢嘅柴炭紅豆沙，老闆娘話要一直煮，一直加炭，一路搞，煮到紅豆一粒粒有口感之餘，又有啲起沙！紅豆沙甜度適中，非常好味！西多士亦煎得好好食！睇得出呢度嘅食物雖然係用普通嘅材料，但感受到老闆同老闆娘用心製作的那份溫暖！加上呢度嘅風景，再普通的食物，都變得一啲都唔普通！正呀😄👍🏻👍🏻

🏞東龍洲🏝又叫東龍島（舊名南堂島）西灣河碼頭上船 先到三家村再搭30分鐘就到東龍島啦一落船向右轉就會見到士多正所謂先苦後甜我哋行完梗係之後先食嘢啦一路嘅風景都好靚但係大家要留意除左一開始果個🚾有一段時間都冇洗手間坐低咗叫咗杯山水紅豆冰 $26能夠可以行到熱辣辣成身汗嘅時候飲到一杯凍冰冰嘅飲品夠凍又足料 實在太舒服啦仲要有貓店長係到我哋一坐埋佢佢又坐埋黎望到佢咁舒服喺度瞓覺就覺得好放鬆好想一齊瞓覺💤Btw 坐低食完嘢之後建議去下面嗰間士多買一支陳皮紅豆沙紅豆同埋陳皮味都好香而且隔紅豆皮隔得好足起沙得黎又唔會有皮清熱又好飲買返屋企做手信都得😂⭐️⭐️⭐️⭐️⭐️⭐️⭐️味道：👍🏻👍🏻👍🏻👍🏻打卡：🦚🦚🦚推薦：🐽🐽🐽🐽⭐️⭐️⭐️⭐️⭐️⭐️⭐️

對住海景的士多特飲非常正上次東平洲，嗰間出名士多，紅豆涼粉冰，好正昨日去東龍島，也有另一間正士多菊花蜜糖冰水唔太凍，蜜糖是自家養的蜂場。唔係俾煲了菊花茶你飲；融是朵朵菊花放在水中，份外清香太熱，我叫多杯金桔蜜糖冰金桔是自家醃製，飲完喉嚨非常舒服老板好好人，免費加水，我可再桔下金桔，飲多杯

假日嚟咗東龍島郊遊 我哋係由三家村碼頭搭船過嚟 嚟到東龍島碼頭 最近嘅一間士多就係合全士多 咁我哋梗係坐低食啲嘢 差足電先出發喇🥰本身以為嚟到郊外地方 價錢會偏貴 但係呢度價錢都算幾合理 我哋叫咗兩碗即食麵😎五香肉丁即食麵麵既味道正正常常吐 比較特別嘅係 五香肉丁 佢係會成罐罐頭俾你🤭 所以份量都真係幾多㗎 食完成個麵 啲五香肉丁都仲未食晒呀😂厚切餐肉煎蛋公仔麵呢個麵可揀雙拼或者單拼 我哋就揀咗後設餐肉同埋煎蛋 厚切餐肉黎講呢佢真係好厚切😺 仲有兩片添呀 $34來講都幾抵食特別一提 士多有貓咪行嚟行去 如果怕小動物 或者對貓毛敏感嘅朋友 就要留意啦🙈

去東龍島選擇半日遊 上網搵資料時都見到唔少介紹依間士多既野食 大概因為係正碼頭嗰邊 基本上係屬於必經之路 。 東龍島上正式應該大概有3-4間士多（？） 不過聽伙記講疫情關係開既都得番2間，人手本身都不足，加上來往東龍島既船只限星期六日公眾假期開，所以都忙到冇停過 ，好多枱面都係客人剩左既野食唔得閒收， 見到貓貓係咁執客人食剩既野食咬😅 不過試菜速度好快 相信係方便行山人士食完追船😀😂 職員態度都相當友善價錢方面， 大致上各有不同 ，飲品方面一般比市區貴，反而食物方面一般都同市區差不多甚至更平，而味道係點，就等等試下味先睇到openrice講 依間既豬扒麵相當有名氣 ，不過同樣因為疫情來貨比較少 所以都係賣哂， 所以就叫左「厚切午餐肉紅腸公仔麵」（$35） 。 價錢比市區平。 紅腸有3塊而午餐肉有2塊。 話明厚切餐肉，真係冇扼人 ，超厚 食完都飽左一半 岩哂行山人士醫肚， 公仔麵偏硬身。 另外行完山 行到熱辣辣就叫左佢地既「仙草紅豆冰」（$30） 價錢偏貴 不過都相當足料，不過味道就偏淡，紅豆煮得唔算硬 不過不失。下次黎其實好想試埋佢既厚多士， 有機會入黎會再試下！

疫情之下行山變咗我唯一嘅興趣⛰️去多啲戶外活動吸收多啲新鮮嘅空氣相信都會對身體比較好👍🏻東龍島上面都有唔少士多，之前朋友嚟過介紹我一定要嚟食佢哋嘅炒麵估唔到相當有驚喜😽題外話呢度有超級多無敵貓貓周圍走好可愛🐱-▪️豬扒炒麵$65呢個價錢相對出邊就會貴少少不過份量同埋鑊氣十足🔥豬扒醃製到非常入味唔會乾巴巴，識落啲肉都好稔身🐷不得不讚一定係佢炒麵嘅厲害👍🏻用水嘅係豉油王炒麵嘅嗰種麵條，簡單豉油調味但係都可以感受到佢嘅用心，行完山之後食返一大碗炒麵真係完全可以補充體力😻

一家人去東龍島遊山玩水，喺鯉魚門三家村碼頭上船，大約20分鐘船程，沿路行上山就見到合全士多。-假日中午時分，餐廳一下子迎接約半班船嘅客人，立即變超忙，店員有禮貌，人手不足，似係家庭式經營。餐廳似大排檔設計，衛生情況一般。餐牌選擇不多，價錢合理。因應政府政策二人一枱，一同六人分開三張桌子坐，其他較遲嘅船客需要等位。-柴炭紅豆沙（熱） $25份量正常，上枱時完全唔熱，稍暖。紅豆多，有起沙，有陳皮，唔香。所謂「柴炭」，完全感受唔到，食唔出，太甜，食咗五分一就放棄。-腸仔蛋公仔麵 $34公仔麵係出前一丁，腸仔有兩條，蛋係全熟蛋，公仔麵同蛋味道正常，腸仔鹹，其中一條有怪味。-榨菜肉絲配炒麵 $62冇食，幾乎係其他朋友食完先上枱，等咗好耐，份量多，煮得勁HEA，炒麵底，就咁放罐榨菜肉絲淋喺炒麵上，冇煮過。友人指炒麵味道正常，榨菜鹹到食唔到，要挑走。-整體而言，落單後情況混亂，經常重複問單，友人要再三複單，食物唔新鮮，煮法求其。東龍島上有其他士多賣同類型食物，建議各位去其他地方。

難得放假，緊係黎個離島遊一日啦🤣不過真係因為太晏起身，未食野就入左黎，驚miss船，一落船即刻見到呢間士多就二話不說入左黎食野。叫左個西多士食，大熱天時又肚餓，食到呢個西多士真係好滿足，雖然呢個西多士同平時出邊食嘅唔同，但佢落咗好多煉奶，食埋個環境都唔錯，不過不失另外叫咗個午餐肉紅腸公仔麵，喺嚟到用呢個價錢食到呢個面都叫抵，午餐肉煎得夠香因為趕時間，本身諗住叫多個紅豆冰，所以最後都係要放棄。唯有下次黎再試過啦

✨黎東龍洲玩,呢度景色確係唔錯,本身計劃好行到一半會揀間士多坐低飲吓嘢！最終我揀咗呢間合全士多,啱啱好係行程路線既既中間😏！.坐低後見個餐牌都有好多嘢揀,個好nice既老板娘過黎問吓我地食咩順便傾咗兩句後,最終無叫嘢食,因為無咩胃口,但叫咗杯仙草紅豆冰飲😆！咁熱天氣飲確係好爽‼️味道啱唔差既,中規中矩！都算足料！..

嚟到 camping 第二日，行十分鐘到嚟東龍必食嘅合全士多，食咗個透心涼嘅仙草紅豆沙，係其他地方未食過嘅仙草口感，紅豆大大粒起哂沙，有種自然清新嘅甜味。加埋一支啱啱好攝氏四度嘅可口可樂，簡直完美！😎不得不提嘅係，呢一度嘅職員同埋老闆，都係非常之咁有人情味，佢哋遞上食物嘅時候，都會同你噓寒問暖，簡直就好似令到你有賓至如歸嘅感覺。😘呢度仲有好多小動物，有兩隻好可愛嘅貓貓，而且俾你任攞任玩，非常溫馴，大家入嚟東龍到記得探佢哋。😍

復活節假期放5日連假 冇理由喺屋企發吽哣架嘛就約左朋友到東龍島行山環島連埋打卡揾路嘅時間 我地足足行左5個鐘有多最後到5點15分左右 返到搭船碼頭呢邊順利喺給尾班船之後 到合全士多食野入到去坐低 個肚已經打晒鼓同朋友黎之前 已經做好晒功課知道合全士多出名紅豆沙我就毫不猶豫地叫左碗熱紅豆沙朋友就叫左碗餐蛋麵老闆都知道我地趕尾班船所以都好快就整好野食送上黎紅豆沙好足料 味道適中 唔會話太甜而熱度都岩岩好 唔會燙親個嘴呢d都係d細心位最後 冇錢收都要賣一賣廣告 黎到東龍島 要揾野食 一定要黎合全士多老闆店員都nice 又好人又有禮貌唔似隔幾條街間放x士多

「合全士多✨」..少油西多士$30行完山食野特別滋味😌食落似法式西多士👍🏻真係食得出少油嘅🥰我認為佢應該係煎塊西多士👌🏻但係真係好味嘅✨兩塊西多士之間夾住煉奶同花生醬😋好鬼邪惡但食落又唔錯🌟..🍽環境 ：🌟🌟🌟👀賣相 ：🌟🌟🌟💰抵食 ：🌟🌟🌟✨👅味道 ：🌟🌟🌟✨🗺地址 ： 合全士多 (西貢)西貢東龍島南堂村

東龍島上面好似總共有4間士多 今次東龍島之遊試咗兩間😂普遍物價都正常 唔會好似西貢嗰啲坐地起價😕呢間合全士多係碼頭一落船行2步就見到 同埋出名好似係個 碳火紅豆沙 （好似係） 所以我哋就臨走時先食 食完再去碼頭排隊走😇 🧉柴碳紅豆沙 $25 聽個名好似好勁咁 用碳火燒（佢話） 但其實食落同聞落都聞唔到碳火同柴味🤭🤭🤭同普通紅豆沙好似無咩分別😂同埋我同朋友都覺得甜左少少🤏 紅豆都大粒既 但份量唔多😂 反而令一間假日士多嘅紅豆冰 既紅豆有好香既陳皮味 好似重有心思所以share 試下好了🤣🤣 - 少油西多士 $30 唔知如何少油法😂 不過都ok 因為好多練奶😍出面西多會用厚多士 入到離島就唔好咁多要求啦 佢用普通方包中間夾花生醬 再沾蛋漿拎去炸 不過不失啦🤣*佢哋營業時間好似去到一點 露營朋友宵夜太開心🥴- 上菜時間快過另一間（假日士多）- 坐得舒服過同開揚另一間 （假日士多） - 有廁所