東羅 泰館 (已結業)

待應哥哥有禮貌經常斟水，但係叫左個印度燒餅，只得一片，咖哩蝦啲咖喱好似水造咁，蝦又老。。得個辣字，一啲咖喱味都冇，除咗有五六隻蝦，一啲配菜都冇，餐牌咖哩只得兩種，一係咖喱煙鴨胸，一系咖喱蝦，完全見唔到有咖哩雞或者其他。。。。蟹肉炒飯勉強叫可以，炸蝦餅有点膠，餐廳也未有酒牌，伏，伏！！見周圍無位，先上黎見到有位就坐低，無諗過中伏。

見到午餐set有包咖啡，用消費券比錢有九折，咪入去試下。一個人，安排坐窗邊位。可能新開，窗戶都乾淨。午餐包湯或沙律，一個主菜和餐飲。本來行到熱叫左凍咖啡，但坐低左之後冷氣好勁，即改熱咖啡。仕應好好立刻幫我同廚房改。這次叫咗西蘭花沙律 、喇沙和熱咖啡。沙律份量夠。喇唦味道正常，可選全米粉，但米粉量不算，女仔食ok。加埋餐飲好飽。熱咖啡吾算好飲，但也不難飲。埋單是告訴他使用八達通便有九折。不過原來餐廳是加一的，所以等於免加一。·

泰國野，係裕民坊新商場裏面其中一間新開嘅鋪頭。星期日十一點半黎到，岩岩開門。兩個人，嗌左一個串燒、一碗冬陰功湯同兩個主食。有趣嘅係，雖然泰國野，佢主食大部分都係意粉。呢個紅咖喱意粉就比人少少唔夾嘅感覺，尤其係佢炒埋芽菜同韭菜，配埋意粉感覺有啲怪。冬陰功湯好辣。材料係新鮮嘅，不過一落到個胃就火燒咁。煎帶子喇沙一貫嘅精緻風格，蛋係溏心蛋、帶子有鮮味、麵質都好。不過一碗喇沙三位數字價錢，我就覺得性價比唔太高。整體黎講，基本上可以用碟串燒總結成間鋪：走精緻路線，材料唔錯，而且係好食嘅，不過幾十蚊就只得兩串。

平時經過好幾次都無乜人光顧，由於星期日中午兩、三點想食嘅都仲係要排隊，所以就試吓吧！上菜速度其快到感覺上好似快餐店咁我點了炭燒香辣豬頸肉意大利麵及黃咖喱炭燒虎蝦加一白飯個意大利麵好有大排檔風味，就好似叉燒炒意咁樣諗住叫個咖喱就送飯食喇！店舖太貼心可能怕我食得太飽大約4～5啖白飯便可以ko一碟咖喱汁（最後半碗白飯無食），上菜時黃咖喱剛剛好鋪滿整個白色餐碟，當放咗2～3啖白飯上去嘅時候，咖喱馬上乾塘⋯⋯最後有6隻小蝦之中嘅大蝦，感覺廚房用心製作應該隔夜烤焗了一個晚上⋯⋯應該叫做「點到即止煙燻咖喱蝦」比較貼切對飲食有冒險精神嘅話就去試吓啦🙈

今午，凑住bb行開附近。見到新開泰國菜。入到去，整體座位好寬敞，環境乾淨，侍應也好禮貌。我們坐係角落位。對出見到花園，食野都食得開心d.我們坐左2個鐘先走。侍應都沒話會趕客。食物擺設得好靚，味道都唔錯。就係選擇少。凍檸茶加左其它果汁，好清香。少少貴，下次都會再來。

路過見環境企理，又唔使等位，不妨一試。餐牌五頁紙，有三頁飲品，兩頁食品，睇咗三分鐘都揾唔到泰國菜基本有嘅炒金邊粉，炒粉絲，菠蘿焗飯，燒原隻魷魚，咖哩蟹，冬蔭功湯，沙爹串燒淨得雞肉揀，真失望。揀唔落手都要揀，叫咗炸蕃薯條，千年油炸，賣相又黑又燶。芒果魷魚沙律，芒果切到手指尾咁大，魷魚得五細件。芒果糯米飯，不是用泰國芒，無芒果味之餘，份量只得正常芒果四份一隻。沙爹串燒，雞肉無醃製，亦沒有醬料。東羅泰館。。。街邊小店好食過佢9倍

其實份量細，真係5緊要，最多米叫多份！好食，就真係無所謂，但個紅咖哩🤦🏻‍♀️🤦🏻‍♀️🤦🏻‍♀️🤦🏻‍♀️水黎！燒牛肉沙律🥗牛肉有D咬5到好伏，好伏，好伏2個人400蚊賣單🤣食5飽，又5好食

又到伴娘帶我周圍食嘢嘅時候喇佢話新開嘅樓盤下面有好多嘢食本身見咁遠就唔想行不過佢拍心口話唔使等位就信佢啦😆果然真係唔使等位我哋揀咗呢間泰國餐廳首先好欣賞佢播嗰啲泰國歌超好睇跟住環境都唔錯我哋被委派左去一個好寧靜嘅角落頭仲要望住窗口食飯真係好舒服然後講返食物首先佢嘅泰式奶茶雖然偏甜少少但我覺得味道不錯然後到佢嘅小食，可能我鍾意食三文魚又係好like主餐嘅肉碎蛋飯我食到舔舔脷仲有佢嗰個是日餐湯南瓜湯，我亦都係覺得好正👍🏻好滿意嘅一餐，雖然呢個價錢都偏貴不過我覺得呢個環境好舒服，而且我見OpenRice話服務態度一般我又唔覺得喎，我覺得佢哋幾好喎😆所以我覺得性價比來講都偏高

雖然見到openrice 無乜食評參考，但諗住新開就即管試下其實呢間餐廳唔係唔好食，有D 仲OK 好食添，不過D 野細碟到。。。我地就算食曬個Main dish 連少少飽感都無。Menu 無乜揀擇，就算叫多幾碟都唔覺得會飽，同行朋友覺得咁唔係辦法，決定轉場覺得呢間野好無誠意，連沙律都好少🙄 我地連相都無mood 影無下次了

漏單問題，等了15分鐘，已經提醒了一次需要跟進，男侍應只hea應食物整緊，沒有向廚房查詢過，結果再等了15分鐘後，我地再提出跟單，廚房才發現漏單，侍應事後並無歉意，服務態度極差。食物方面：咖哩慢煮鴨胸普通，同超市買既即食鴨胸一樣味，價錢還要$138，可以唔使試。蝦餅味道不錯，蝦餅包住香葉，個泰式酸辣醬鋪碟，有心思👍簿餅就等左半個鐘，原本諗住拎黎點咖哩食，結果咖哩都凍曬。搞到成餐飯好掃興。唔會再幫襯。

本身唔係諗住食呢間，但係想食果間因我冇訂枱所以冇位，跟住就一路行，行過見到呢間食fusion泰菜，裡面冇咩人，環境裝修都光鮮乾淨，所以就入去試下，點知中左伏，點左一客烤餅，出黎又凍又韌，自己係超市買返黎烤仲好食過佢整，跟住黎個柚子沙律，味道都可以，但係份量真係少到唔夠攝牙罅，柚子得果幾舊，洗唔洗咁少家呀，仲有個炸春卷，$68得果兩件，乜而家啲食物成本真係咁貴咩，最後黎個烤魚，味道都係一般，加埋兩杯飲品埋單4百幾，又唔好食又唔值呢個價，大把其他選擇啦。

晚餐。每日都YM2坐巴士回家，知道平台花園開了家泰菜，決定與家人一試。是晚order了:蝦餅／咖哩虎蝦／手爪餅／魷魚香芒沙律／冬蔭公／盲糟魚扒／烤雞，味道來講可以打很高分數，但份量頗少，如果侍應主動提醒份量，等客人有所準備會較好。食物非常可以，略嫌份量少，以及High stool chair位比較難坐，當日有兩位老人家，吊著腳吃飯，老人略感不太自在。總結來講，出色的食物，服務很周到，份量如果親民一點就完美。

非常地道泰國菜， 裕民坊開咗好多新餐廳，所以今次就試下呢間新餐廳 ， 餐廳唔係好大但係望落去都好舒服。第一次吃有驚喜，鐘意食蝦餅，鸭肉醬汁非常美味，咖哩豬 送薄餅非常惹味. 冬蔭公湯 充滿龍蝦味 唔係太辣， 菠蘿香茅雞串燒好好味 燒得好香， 廚師好畀心機做每一道菜，每一道菜都好精緻美味。 甜品椰汁糯米香晚飯 非常好味 糯米飯好煙韌 芒果好甜 裝修簡約坐得好舒服， 唔擠迫 ，仲可以坐外面 望住啲樹好舒服， 餐廳服務非常之好 細心款待每位客戶 會，我会再光臨

每樣食物都好精緻非常之有層次廚師應該係好畀心機令到每個食材都新鮮同配搭得宜冬陰功湯最有驚喜湯底好似用咗龍蝦湯從未飲過咁好味豬頸肉同雞串燒都燒得非常之好香茅非常入味蝦餅係 自家製造型有口感紅咖哩鴨胸肉配印度薄餅非常之精彩早知叫多個飯last order唔記得叫甜品下次想試下其他餸菜我哋係夜晚九點後先至入場 舖頭係新開張係好多客人所以對佢冇乜期望但係食落非常之有驚喜感覺真係好似去咗泰國正宗泰菜而家去唔到旅行可以嚟試下