東羅 泰館 (已結業)

剛剛落咗8號風球風大雨大下唔走咁遠，去到觀塘裕民坊的東羅泰館食泰國菜。12點入去人流唔算多，可以直接入座。餐牌上選擇十分多，有15款主菜，另有小食和飲品加購。泰式蘆荀蟹肉炒飯，炒飯粒粒分明有鑊氣，配搭蘆荀和蟹肉出奇地夾！泰館大蝦冬蔭功湯粉，有2隻大蝦，廚師已細心地除去蝦殼，蝦肉爽口彈牙，冬蔭功微辣開胃，味道不錯！小食叫了炸薯條和泰式咖喱配薄餅，2樣都是水準之上，推介！飲品方面，芒果青檸梳打和菠蘿梳打，酸酸甜甜非常解渴解膩！總結：每人約$80-$100，職員細心服務良好。

全新裕民坊開了超過半年, 一直都沒有去過，今天lunch時間比較充裕，所以就去行下順便吃lunch。行過看見有間泰國餐廳東羅泰館 ，就決定入去試。泰式炭烤雞髀船麵泰式炭烤雞髀船麵非常吸晴，整碗麵有滿滿的配菜，烤雞髀大大隻，肉質嫩滑入味，配上濃味白蘿蔔及炸豬皮圈圈，非常有口感。船麵湯底吃得出用了青檸、金不換、香茅、南薑和魚露等，十分香，而麵煮得剛好，不會太軟身。東羅泰滷豬手飯東羅泰滷豬手飯為特別推介，試完確實值得推介。豬手滷得十分香濃，豬手肉質嫩滑，有一點豬手皮，瘦中帶肥，用來送飯實在一流。另有額外的滷汁提供，一定足夠喜歡用汁送飯的人。泰式鹹蛋黃單骨雞亦骨雞亦份量比較小，鹹蛋黃令雞亦充滿鹹香，單骨非常方便食用。氮氣荔枝檸檬茶

去 explore下凱滙，突然問到好香嘅烤雞味。呢個香味吸引左我地入去。泰國野一直喜歡食，但平時少叫烤雞。但今次唔理喇，半隻烤雞唔該！同叫左一個焗全個椰菜花，及一個炸頭腐。因為烤雞同椰菜花係即叫即整，時間大約20-30 分鐘先有得食。但係值得等的，個烤雞又滑又入味！淨係隻烤雞火我俾滿分！大家一定要試下個烤雞！！

環境幾好幾寫意。話就話係泰國菜館，但其實可以分類為泰式Cafe。餐牌係冇泰式拚盤同patai果D，反而好多新奇既既菜色，估唔到居然有意粉食!🔸炭烤燒魷魚份量都OK多，燒魷魚香噴噴，加埋泰式辣汁，係一個唔錯既開胃小吃🔸東羅泰鹵豬手見到食評話豬手好食，所以跟點左一份，份量夠之餘亦鹵得夠晒淋夠晒入味!個汁咸咸甜甜味道唔錯，另外糖心蛋都好好味!🔸碳烤肉眼牛丸船麵本人會意錯左，以為係肉眼打既牛丸。上左先發現係有烤牛肉眼同埋牛丸，船麵味道都唔錯，湯底係少少甜甜地咁幾得意。牛肉正常發揮，牛丸係爆汁果隻! 仲有好多炸豬皮可以過下口癮。🔸泰式鹹蛋黃卡邦尼意大利粉味道唔錯，比普通卡邦尼多左D鹹蛋黃香味。🔸泰館特調雪條奶茶成個package，外觀已經滿分啦，夠晒色水XD!店員有提甜味主要來自雪條，最好等條雪條溶左一半先飲。泰茶本身好濃好香，雪條溶晒之後都唔會太甜岩岩好。🔸椰子沙沙又係好靚既一杯飲品，沙冰整到超高，椰香十足。不過會溶得好快，如果唔飲緊D係會漏出個杯度，所以影相真係要快手D!🔸泰國街頭雪糕好掛住係泰國街頭既雪糕，呢杯雖然唔可以同泰國街頭買到的比較，但都可以一解旅行之魂。呢餐都十分滿意，有得打卡D

星期三上完急救堂之後和老公去觀塘吃泰國菜。泰式生蝦刺身配酸辣青汁生蝦不會有霉味和腥味，吃到辣的配料時會舌頭辣得發麻，還有點芫茜的味道。炭烤手作雞肉串有三串，烤得剛剛好，雞肉不會太過柴。冬蔭功海蝦意大利麵冬蔭功味很濃厚，和意大利麵不會違和，有一顆半熟蛋和意大利麵伴勻吃，使意大利麵變得滑溜。泰炭烤肉眼牛丸船麵湯底濃郁，肉眼軟嫩，牛丸也好吃，整體很出色，必吃。提拉米蘇杯和一般的提拉米蘇做法不一樣，整杯充滿提拉米蘇味的忌廉，忌廉裡鋪了蛋糕粒。泰式特調雪條奶茶首先把熱牛奶倒入杯裡融化奶茶味雪條，再加茶膽，很特別。另一杯叫了凍泰館悠柚。

之前公司有工程在裕民坊，今日過來觀塘，就專程過來裕民坊行嚇。商場有很多餐廳，尤其是三樓，有公園亦有餐廳，很舒適，見到這一間東羅泰館，內外都很多座位，有泰菜亦有西餐，價錢平民。炭燒虎蝦串燒配泰式酸辣汁兩隻$58虎蝦真的頗大隻，燒得頗香，肉質緊緻，因為大隻，所以感覺頗多肉，點上泰式酸辣汁，酸酸甜甜好惹味！芒果紅菜頭米紙卷兩件$32米紙卷裡面有紅菜頭、紅白蘿蔔絲、芒果粒及一些沙律菜，紅菜頭好清甜，配著沙律菜中帶苦的火箭菜，味道頗特別。泰式冬陰功湯$68 餐廳對於材料絕不吝嗇，兩隻蝦都頗大隻，湯底少少酸，如果多些奶，感覺會更好。泰式魷魚酸辣粉絲沙律$58這個沙律裡面很多粉絲，伴有紫洋蔥、香芹菜……等，沙律菜，一圈圈的魷魚，令整個酸酸甜甜的沙律菜更顯鮮味！東羅泰鹵豬手$88鹵豬手份量都算多，鹵得頗入味的，尤其喜愛連豬手皮齊食，又腍又滑。除鹵豬手，還有半隻好正的唐心蛋，好香又軟滑。泰式鹹蛋黃單骨雞翼$58第一次食鹹蛋黃單骨雞翼，鹹鹹香香的蛋黃，令雞翼特別好味。最後食埋個特色甜品，提拉米蘇杯及美祿恐龍雪糕，好滿足哦！！

今時今日嘅官塘已經換上全新面貌，商業大廈林立，自然需要高質素食肆支援一下係新開不久嘅裕民坊YM2商場就開左呢間泰菜館，裝修簡約而華麗，大量吸引年青上班族👨‍💼東羅泰滷豬手 $88豬手燜得非常入味，軟硬適中不會骨肉分離而且大廚把雜毛處理乾淨，食得相當安心冬陰功海蝦🦞意大利麵 $93 意大利粉crossover冬蔭公，味道恰到好處，每條麵條亦掛上冬蔭公汁，不會太稀，而且相當惹味大蝦新鮮爽口，建議將蝦頭咬開將蝦膏撈意粉一齊食泰館虎蝦冬陰功湯粉 $96 傳統嘅冬蔭公湯麵當然要試上菜先試一啖湯頭，已有啖啖香葉同濃濃蝦味，辣度適中，不會蓋過原始應有的味道！金邊粉仍煮得恰到好處，不會太淋身，雖然不到5分鐘我已把整碗麵連湯KO

自從今個月頭跟母親大人吃過泰國菜之後，我們就很像上了癮一樣又忽然想吃泰國菜，於是我便帶她到朋友推介的「東羅 泰館」用膳。這裏的設計主要是走簡約路線，簡約路線中又帶點休閒風情，地方不算是十分大，但卻非常舒適。我們晚上6:00到步，當時餐廳還未有其他客人在內，所以我們便選了其中一個卡座。這時候我們並沒有想過他們如此細心提示我們所選的卡座是風口位，選別的卡座會好一點，實在值得一讚！坐下後，看看餐牌發現食物的選擇一點也不少，所以我們也看得眼花撩亂，很不容易才選下了好幾個款食物和飲品。東羅手打蝦棒先來的蝦棒外層炸得香脆可口，內層爽口彈牙而富有相當濃郁的鮮味，就這樣單吃已相當不錯，不過醮一些泰式甜辣醬則更為開胃有層次！泰式鹹蛋黃單骨雞翼單骨雞翼不只吃上來特別方便，而它更是炸得外脆內嫩的同時，又富有濃郁的鹹蛋黃味，而鹹蛋黃味之中有滲透出牛油香。即使味道這麼濃郁，也沒有蓋過它本身的肉香味，所以吃起來十分滋味，令人吃過不停！泰北咖喱雞手作麵點下這泰北咖喱雞手作麵前，他們細心地溫馨提示這個麵相當有辣勁之餘，辣度又不能更改，所以請先考慮再點下來。雖然如此，我們還是把它點下來，隨後當他們呈上手作麵時又再次溫馨

芭堤雅炭烤脆燒雞（半隻）- 皮夠脆但肉不夠嫩。食不出炭燒味，估計並非炭燒。份量明顯有偷工減料，成排雞胸肉無哂。東羅泰滷豬手 - 好吃，但不夠熱。餐牌張圖明明有兩個半邊流心蛋，但來到只有半邊。炭烤燒魷魚 - 讓人極失望之作。魷魚是之前燒落的，他們只是把食物番蒸，之後上碟。成碟野是充滿水氣的，沒有香味。。。。。羅勒肉碎炒豆角 - 豆角無用水煮過，還是很爽的，有草腥味 。肉醉加咗不少肥豬肉，還有落油過多。。。整體水平在平均以下。泰炭烤肉眼牛丸般麵 - 最好味這碟。牛丸好味有咬口。橙汁 - 28元一杯橙汁，細細杯的不說，最可恨的是很明顯用水溝稀在。。。。不用這樣吧。。。

人生食過最難食嘅餐廳，我哋嗌咗兩款嘢食。巴東蟹肉炒飯配炭烤雞（$118）：蟹肉又少 個飯又無味。以為蟹肉炒飯啲蟹肉會炒喺飯入面，點知係「蟹肉放面炒飯」仼何一間茶餐廳嘅炒飯都出色過佢。泰館大蝦冬陰公湯麵（$108）：🙃世紀大難食！唔酸唔夠味，個辣仲要嗆口，個蝦又乾又硬。覺得十幾蚊嘅合味道冬陰公都好食個佢。服務：黑色衫店員服務尚算正常。間條衫男店員，服務態度差😰😰😰成間鋪唯一值得去嘅位係店舖裝修。。。。

今日去觀塘逛逛，想起有段時間沒逛裕民坊，馬上去 openrice 睇下有冇好介紹，見到東羅評價都不錯，又有得買餐飲券。扑鎚，打電話去訂座。我 book 咗5:30，去到剛剛好。好彩之前有人講過要行出平台; 否則我一定搵5到。其實店舖只係門口位比較靚，內里則是普通小店既裝潢。店係細間，不過都有3 張卡位，會坐得比較舒服點。然後有幾張靈活變動既2 or 4人枱，今次我地坐在收銀機旁。說實話，感覺太狹逼，因為通道不是寬闊，旁邊總有人穿梭。由于店舖小，在 peak hour 用餐就要先訂座; 否則只能坐室外。服務方面，只有一點讓我介懷。餐廳樓面有3位員工 (包括一位應該是經理吧)，那時餐廳大約坐了60%客人，我先找經理加水，是我整個用餐時間的第一次要求加水。經理叫我等下，就已忘記了。等了幾分鐘後，我隻杯一點水也沒了，只好再找女員工加水。。。哈。。。她有點反白眼，然後將手上捧著的水杯放到我面前，說“是乾淨的，先給你“ 說回食物質素，我們叫了：1. 脆皮豆腐配魚露：豆腐內里軟滑，外皮脆脆。好味~2. 雞肉串：雞肉嫩滑，不錯~但醬汁則稀了點，少了沙嗲味道3. 蒜茸法包：不過不失4. 炭燒肉眼牛丸船麵

今日約了朋友鬆一鬆，真係要傾訴一下紓緩壓力! 朋友住觀塘附近, 説這裡的商埸有多間食店，而這店的泰國菜好出色，所以就試試。炭烤肉眼牛丸船麵，份量頗大，肉眼味濃，易嚼不韌。牛丸好味，湯底濃郁令芽菜丶河粉十分入味。東羅泰滷豬手，正合我低碳生酮飲食！豬皮軟滑，入口即化！只可惜是滷蛋只得半隻，我倆不夠分。泰館冬薩功湯，冬陰功味道濃郁可口，雖然和正宗的冬陰功湯有點分別，但大大隻新鮮海蝦，滿足度十足！泰式鹹蛋黃單骨雞翼，這個是我最推介的鹹蛋黃菜式！！鹹蛋黃分量十足，雞翼炸得香脆。如果不是有其他菜式，我簡直想一個人吃完一整碟！東羅手打蝦棒，是新鮮蝦肉製成，比起一般的蝦餅更有口感，新鮮香脆可口。只是份量只得兩件，有點意猶未盡⋯⋯哈哈完美的一餐，當然唔少得甜品。這個美祿恐龍雪糕，看似平平無奇，但嚐第一啖，慢慢地吃到雪糕是椰子雪糕，再加上濃濃的美祿粉，伴上朱古力脆脆，十分有驚喜！

觀塘泰式下午茶泰式afternoon tea 很特別，所以特別來一試。Afternoon tea set 包括三款甜點，五款鹹點。甜點包括tiramisu ，macaron 和朱古力。Tiramisu 以海綿蛋糕代替手指餅，上層的cream 很綿滑，加上微微苦澀的咖啡粉。Macaron 和朱古力甜度適中，不會死甜。鹹點包括雞肉串、沙嗲肉醬撻、泰式鹹蛋黃雞翼、蝦餅和芒果紅菜頭米紙卷。芒果紅菜頭米紙卷很特別，芒果和紅菜頭也很新鮮，味道突出。鹹蛋黃雞翼鹹香味突出，很惹味。另外亦點了泰式生蝦刺身。刺身新鮮肉厚，配上酸辣青汁，最適合炎熱的夏天吃。這裏環境舒服，staff 很有禮貌和耐性。

是日相約姊妹到她附近的大型商場晚膳~簡單慶祝一下我倆的姊妹紀念日一間位於裕民坊商場上蓋~3樓花園平台的【東羅泰館】---------------﹂我倆點選了﹁----------------〉炭烤虎蝦串燒配泰式酸辣汁 ----- 蝦質爽口彈牙，絕對新鮮〉暹羅芽菜 ----- 阿懵一向偏好食芽菜，這味正合我心...作前菜小食十分恰當〉羅勒肉碎炒豆角 ----- 味道略咸了一點，若配碗白飯是不錯的(單吃就不好了)〉泰南紅咖哩慢煮牛肋條 ----- 嘩~牛肋條肉質嫩易入口，帶點微辣....〉泰式炭烤雞髀船麵 ----- 姊妹大愛這船麵，烤雞髀香滑入味(吃得出是有醃製過再香煎)配上濃味白蘿蔔及炸豬皮圈圈，船麵有口感，不會過軟身！〉美祿恐龍雪糕 ----- 嘩！嘩！嘩！甜品有驚喜，久違了的美祿味道xD 一球普通的雲呢拿雪糕......配上美祿脆片+美祿粉 ！升格另一層次！阿懵十分推薦這個美祿甜品~〉手作花香斑蘭藍碟豆花茶 ----- 賣相滿分*打卡一流^^姊妹喜愛就清甜味〉手作氮氣冷泡檸檬茶 ----- 一杯凍檸茶xD完！-------------------------------------

今日嚟到觀塘裕民坊，喺呢個重建後嘅裕民坊商場嘅二樓同三樓有不同國家菜式的餐廳，而我小編今次揀咗泰國菜 — 東羅泰館。前菜方面我地叫咗泰式木瓜沙律，雖然一上菜見到一堆綠色嘅瓜絲，感覺唔多妙，以為會勁大陣草青味，但係食落去竟然有驚喜，青色嘅木瓜絲同埋少少嘅青瓜絲咬落去嘅口感非常爽脆，配上醋嘅酸味，作為前菜真係好開胃。主菜方面我地叫咗一份泰南紅咖喱慢煮牛肋條同埋巴東蟹肉炒飯配炭燒雞肉串。牛肋條經過慢煮嘅處理，的確煮得軟腍腍完全唔會痴牙，而牛肉嘅香味與紅咖喱十分配搭。而炒飯方面都炒得幾惹味，雞肉串蘸上魚露亦令到味道變得更加豐富，更加充滿泰式風味。我地最後叫咗一杯泰式奶茶同埋美祿恐龍雪糕。一飲泰式奶茶，就係呢隻雲呢拿香味，即刻有去咗泰國嘅感覺。佢嘅茶味亦特別濃郁，唔會過甜而有膩嘅感覺。而雪糕方面係椰子雪糕配上朱古力穀物脆片，上面再撒上美祿粉。雖然小編唔太鍾意椰子，但係加埋美祿粉之後出奇地好味。