東海酒家 (已結業)

係東海酒家叫了孖寶點心~~鳳爪排骨飯+咸水角飯幾好唔會爛，是完整一粒粒的且煙韌有咬口。但最想讚是咸水角，炸至外脆內軟，咬落去仲有五香肉汁味滲出，完全沒有討厭的肉腥味，好味到掛住食，差啲忘記影相tim！眼利嘅朋友見到張相應該望到有我嘅牙齒印。哈哈！

女朋友腰痛，知道有間人體工學椅maker係奧海城擺檔，就去睇睇睇完，見樓上有間東海，上次食美孚都OK，就試試呢間東海睇下點一入，嘩，全場爆咁濟，同美孚個場真係兩個世界，不過多人D熱鬧D都唔錯好在即時有位，是但叫左幾個菜唔知咩鮑魚，有個MENU叫十大名菜，以為係鮑魚，原來係鮑魚切碎加蟹絲，炸，感覺幾得意，不過沙律醬如果改做蛋黃醬就good十大名菜，唔記得名，有個蠔字，淡淡地，有D老少平安FEEL，OK啦~十大名菜，JERJER菜煲?好好好好味做緊PROMO, 恒生卡$33既九吐魚，脆口好味~仲有好多$33小菜，抵到爆~早D發現狂叫$33一定勁抵下次啦總的來說，可ENCORE~

今日第一站去咗東海飲茶醫肚先, 主要係吃點心質素一如以往的好. 那個炸雲吞新鮮熱辣D皮好脆真的令人回味無窮。另外叫咗個$128套餐選咗個田園帶子炒飯同埋炸尤魚鬚, 個炒飯睇落去無乜特別但食落有點驚喜因為好重彊味我個人十分鐘意。最尾吃了個滑滑的豆腐花, 完滿的一個午餐。 

前幾日見到報紙賣廣告有＄38條魚，所以家人決定一試～去到見到原來恆生卡做緊優惠，＄33款小菜～好！一於試晒D佢～因為OT夜左，8點幾先到達入座，一坐底侍應姐姐即刻話廚房得返一條魚咋！你地係咪要？我幫你hold起！可能海鮮酒樓唔會存太多貨吧，現場都不少人客，我地一行8人，本其實打算叫多幾條，3款試晒佢，無辦法啦～【金不換鹽燒海魚】圖片只供參考！～不過都算似樣...燒魚比較乾身，但係新鮮既！不過無打鱗....燒魚好想食埋塊皮呢....【農家雞】雞味好重！剛好熟，肉質很嫩滑 ～！【石窩海皇豆腐】足料，有蝦有帶子有豆腐 南瓜湯底 夠健康！8款＄33恆生特價我地叫左6款無將價就貨～份量都OK的啊～【黑椒蒜片豚肉粒】 好食到encore左碟，唔係講笑～蒜片好香口，豚肉肥瘦剛好，一點肥膩味也沒有～伴飯一流～（沒有黑椒味，不過正好，我不喜歡黑椒)【鎮江小排骨】呢個都唔差，醬汁酸甜適中，又香口，一樣食到停唔到口，本來都想encore,但太飽了....【椒鹽九肚魚】熱氣野我最岩～新鮮炸起，好難唔好食～【紅燒雙菇】無咩特別～OK～最特別既係......食【蒜香四季豆】有芥末味～～食【芥末蝦仁】無芥末味...

今日約左位長輩在澳海城食飯傾偈，首選飲茶啦，於是去左東海酒家，因為想避開人群，於是1：30pm先入座，所以大把位。不過因為太多客埋單，所以我地落單既野食好遲先上菜，好彩我地唔趕時間，可以慢慢食。瑤柱蛋白菜粒炒飯 +浸豆卜肉丸呢個套餐好抵食，炒飯唔油，飯炒得好乾身，而浸肉丸份量好多有十幾粒，清清地，長輩好滿意。棉花雞長輩每次飲茶都必食的，但味道一般。小籠包去東海飲茶必食的，水準保持得好好!杞子燕窩燉蛋白食飽飽仲想食個甜品，叫左個燕窩燉蛋白，一大啖燕窩係上面，蛋白又滑，唔算太甜，好滿意。

上星期收工跟老公去奧海城買東西，由於下雨，所以決定響附近酒樓食晚飯，最後選擇東海。由於係下雨天既關係，唔算太Full ，經理主動俾我地一張六人既枱，仲要係對著電視架( 雖然播放既係新聞台)，但我也感覺不錯，很窩心J!最後我們叫左三餸一湯明爐老火湯 : 　正常老火湯，因為有粟子所以都甜甜地味道不錯。d侍應姐姐都好好服務，一見我地就快飲哂果陣，都主動問我地需唔需要再斟過碗。砵仔焗蠔: 係東海推介既十大名菜，因為老公喜歡蠔所以嗌左，佢地用左大粒既蠔仔去做，都幾重手，所以口感好豐富，因為基本上啖啖都有蠔食到，但還是食到一小蠔殼 (只食到一少塊)，　但整體不錯，可以再食。海參醬爆雞煲: 好野味，但唔知係唔係要保持雞的嫰滑，響骨位有少少紅，還算可以啦。瑤柱上湯什菜煲: 最喜出望外，平凡中顯現不平凡，外面街賣既什菜煲，係好似大兜亂咁上菜，但佢地排得靚靚又整齊，令人可以選擇既時候唔駛咁麻煩。粉絲食得出係真係有用上湯煮過而且好入味! I AM LOVING IT !! 菜有四種可以比你響煲裡面選擇 (娃娃菜，西蘭花，菜心，小棠菜) , 仲有兩種菇類，另外大隻蝦乾( 老公愛好)同埋適量瑤柱都令到整個煲提鮮

今日難得有一日意外假期,梗係約埋班姊妹去tea一tea,第一次去呢個東海酒樓,坐底點茶後,侍應生遞上茶壺後,竟然比我發現意外驚喜佢地用左荼袋入住D茶葉,除左衛生D外,仲控制埋茶葉既份量,唔會好似出面D酒樓甘.....一係太濃......一係太淡跟住我地幾個女仔梗係立即叫點心啦......因為下午茶時間......點心半價.....小籠包, 流沙包, 豉汁蒸鳳身爪, 鮮蝦腸, 綠豆煎軟磁, 炭燒雞翼, 皮蛋天酸薑, 又值得一贊,就係個雞翼......一個為我地女士而設既點心,雞翼起晒骨,等我地唔駛係到趙骨甘失禮, 而且各樣食物真係即叫即蒸,熱騰騰甘送上檯面,唔會凍冰冰, 加埋食物水準好評.  不過有少少美中不足既係流沙包唔夠流....呢個有待改進.

一家人預祝我生日！預早訂位，本來想訂尖沙咀店，不過要2030先有位，太夜了！奧海城店有位，仲要唔使分兩場！所以改呢度食！地方在商場內，大廳好大，樓底高無壓迫感，地方乾淨企理！提早去到，一早同家人講咗唔食圍菜（平時歡送加大食會已經食得太多！怕怕）我寧願揀幾個特別嘅小菜！叫了一樽鮮橙汁比三隻馬騮！因為未到齊，所以先叫幾個小食！百味豆腐：呢個好好味，外脆內軟滑，仲有啲辣辣地！好正！海蜇青瓜：海蜇煙韌，青瓜爽口，陳醋汁辣辣地！好味！陳醋青瓜雲耳：雲耳爽口，青瓜爽脆，陳醋濃味微辣！好味齊人之後叫小菜，店員介紹一條兩斤東星班，兩味食！8百幾！我哋見都抵食！信你喇！金銀蛋莧菜：莧菜好嫩，三色蛋多，咸蛋微咸，皮蛋嫩！上湯入味！翡翠黃金大蝦球：薄薄咸蛋包住爽口大蝦球，西蘭花爽口！好好味！砵仔焗蠔：好多蠔，雖然唔大隻，蛋焗得熟，好似蠔味蛋糕！順德生煎雞（半隻）：個鍋好大，煎得香口，連雞胸都唔嚡！切得唔大件，一啖一件！好味！東星班球炒西蘭花：斑肉厚身嫩口，皮好厚但嫩滑，西蘭花爽口！好味！蒸東星班：一個字「滑」東海壽桃包：呢個包係東海出名嘅！包鬆軟，蓮蓉滑，蛋黃出晒油！正！紅豆沙：足料唔過甜，紅豆軟糯，如果熱

尋晚又來東海，係有個好朋友仔仔滿月在這裡預訂了幾圍 今個星期都食咗好多餐酒席，講番想講既主題打頭陣的乳豬豬質素不俗，外皮香脆，肉質更是難得的半肥瘦嫩口，唔錯的 外層香脆，食落夠彈牙加上酸甜汁醬，十分好味  髮菜柔細口感很一般 瑤柱的份量算重手，隻隻大大粒亦算質優，茨汁味濃味不俗,唯一係嫌個茨汁開得較薄 煲仔排翅每人一煲用料十足，一梳梳的翅，而且個湯底很清甜，唔錯！ 鮑魚鵝掌兩者湯汁均餵得入味夠淋，鮑魚入口彈牙味亦鮮 單以賣相來說已夠吸引, 以蜜豆為配料色澤亮麗也爽脆甜味 蝦球好大隻好爽. 但食落欠鮮味 魚蒸得剛好，豉油亦調教得不錯，魚肉肉質頗嫩滑 可能廚子在掌握火候時有點失準肉還有點痴骨(可能條魚較大)浪費了些少美食 蒜香脆皮雞外皮炸得香脆,當然冰鮮雞是欠雞味, 但起碼食落肉質亦不嚡口 雲吞有點魚湯鮮味,雲吞夠新鮮...正! 每個壽包入面都有原隻蛋黃蓮蓉夠滑不會過甜充滿流沙口感 每席 $7880 不過貴得來食物水準很高 裝修雅致，坐得挺舒服整體算過得去

媽媽大人一向喜歡到東海飲茶，說這裡的點心很好吃。今次跟媽媽一起到東海飲早茶，這裡的早茶從早上十點半開始，雖然沒有早茶優惠，但卻免茶芥。早上客人不多，即使我們只有三個人，被安排的座位都很寬闊。二話不說便一起劃點心。媽媽最喜歡這裡的蝦餃。餃皮晶瑩剔透之外，鮮蝦餡料也很多，好味！而媽媽不厭其煩提醒我們吃蝦餃的秘密是，先等一分鐘才吃新鮮送到的蝦餃，這樣餃皮才不會易穿。又點了蝦角，蝦角皮很香脆。而我的最愛之一珍珠雞，荷葉味很香。另一最愛，又是媽媽推介的是奶黃包。她特別喜歡這裡的奶黃包，說流心做得出色。奶黃包當然要趁熱吃時最好，熱度剛好，不會太熱盪傷舌頭。流沙保持水準，金黃色的流沙緩緩溢出，甜而不膩，尤其鹹蛋黃的香味四溢，好味！叉燒腸粉也做得軟潤爽滑，不愧為頂點，略嫌叉燒不夠香。另外還點了鳳爪、牛肉球、鮮竹卷和排骨。我們都異口同聲對最後才上菜的排骨感失望，因為大部分排骨只有骨，甚少肉，而且芋頭太多，跟排骨數量幾乎是一比一。不過總括來說，點心如一貫有水準，雖然服務一般，員工面上不帶笑容外，也不時有錯漏問題，但既然是媽媽喜歡的酒樓，一定會有下一次。

週日於奧海城東海用膳，相較較常光顧的灣仔東海海都，不論用餐環境、舒適度及服務都稍稍差一點點，但價錢則便宜了少許，整合來說都算合理。吃了一系列點心，同樣地賣相精緻度及品質都是相對上次一級，成品屬中價酒家水準。較出色的點心有蝦餃、腸粉及蛋撻仔，其餘點心則無乜特別。

大家千其唔好去奧海城二期既東海海鮮酒家食野，訂左位都要等成半個鐘 ，訂左八點，早左十五分鐘到，職員話八點一定有位，到左八點，問有位未，佢話汁緊枱，過多十分鐘再問，都係答汁緊枱，仲叫我地自己入去睇，我地睇左一眼，跟本就無人做野，仲叫我地自己同佢既員工講，之後同我地講話：「我好想死」好想死既員工，我地只係見到佢行來行去，唔知仲咩囉，至到八點二十分，都未跟進。只係好想死。到左差唔多八點半，終於有位啦！有個職員問我地飲咩茶，我地答左一次！之後大約一鐘時間，有另一位職員行過黎，問:你地飲咩茶，我地又再答多次！落order叫野食，又有唔同職員過黎問，問咗兩次！之後d野食等得好耐！我地有七個人，叫七人份量野食，佢有d只係得六件，立即唔食至問佢拎番一份，仲話我地已經食咗，其實無得追番！

原本想叫魚翅鮑魚餐(全包免加一), 不過幾個細路仔又冇理由加錢加人頭, 唔抵嘛... 所以最後決定散叫... 特式併盤--鴨舌暖暖地, 幾好味... D燒排骨就普普通通冇咩特色... 蝴蝶夾伴藕餅--食完都唔記得食過, 可以不理... 蒜片和牛粒--D牛肉好好味喎, 仲好易咬開, 正... 生猛龍蝦(芝士焗)(另加2個伊麵底)--D龍蝦好多肉好新鮮, 芝士伊麵好好味, 叫咗2個都唔夠喉... 瑤柱貴妃雞(半隻)--味道都OK... 北京片皮鴨(1隻)--嘩!!! 乜呢度有1隻鴨??? 隻鴨都多肉同埋冇咩肥膏, 味道都OK... 麼麼--什麼什麼??? 我地對張上菜紙時都R晒頭, 咩麼麼呀? 我地都冇ORDER... 原來... 係包片皮鴨嘅皮... D麼麼薄到我一手夾起一塊, 原來係四塊咁多, 使唔使薄到咁呀??? 香草鮮茄星班骨腩(送濃湯灼時蔬)--呢個都OK吖, 酸酸甜甜仲好香香草味, 點解會成鍋食剩晒o架??? 全晚得呢一味食剩咋喎... 蝦球荷塘滑豆腐--好滑呀D豆腐!!!!!! 味道好清淡, 好快比人掃晒... 馳名無鍚骨--好入味呀, 又夠淋, 如果份量多D就好喇... 金

今餐又係教會細胞小組飯局，上次去Pancake Colour唔多齊人，今勻就差唔多出齊晒，11大4細成15人，仲有幾個組員生日，自不然幫佢哋慶埋生日啦，就祝壽星仔、壽星女福如東海。東海有幾樣嘢好，一就係有16人大枱，我哋一次過坐得晒，二就係就算週末旺日，都無要我哋分時段，唔使話要幾點交枱，三就係免切餅費，仲俾啲新碟我哋分蛋糕，又預備埋刀叉，服務真係幾到位，抵讚。雖然我哋無叫貴價嘅套餐，只係散叫小菜，埋單都係千四多啲，絕對無遭白眼，叫人食得舒服開心。哩一類飯局，志在人齊高高興，食就唔係太講究，況且在座各位對食又真係無所謂，打開本餐牌，盡量搵啲經濟實惠，一人揀一款，就咁點咗9個餸，扮晒九大簋，加兩個湯羮，已經超豐富。況且仲有飯後甜品－大大個生日蛋糕，夠晒皮啦！北京片皮鴨 $198唔知點解，好多時大棚人嘅飯局，好鍾意叫依道菜，貪其一次過滿足大家三個願望：好睇、好玩、好食。好睇－就係睇住大大隻燒鴨送嚟，童叟無欺咁，由師傅晌堂前將隻燒鴨「剥光豬」，睇睇師傅刀法如何，唔差，無乜黐住肉，否則變咗北京填鴨；好玩－就梗係由自己親手包薄餅皮，加醬加京蔥加瓜絲啦，我就勁貪心，加到差啲餅皮都包唔住，跟手一口噬

媽媽生日，一家人去東海食大閘蟹。 我哋叫咗半圍大閘蟹套餐，價錢唔貴，仲有好多嘢食。 蜜糖豆蝦球，份量足，蝦爽口但無味!佛跳牆燉湯，湯清甜，花膠海蔘冬菇大大嚿，仲有瑤柱、螺頭添，正正正!大閘蟹每人有一皇一后，唔細隻都幾多蟹糕，好禾味，配埋佢哋調製嘅醋，好正!蟹粉小籠包和蟹粉蒜蓉包，足料又好好味喎!臘腸紅米飯，竹籠上，香噴噴，臘腸潤腸粒粒好香唔算肥，但油香流入飯內，好好味但不宜多吃!炸子雞，雞鮮嫩，皮又脆口!