東海海鮮酒家 (已結業)

食母親節飯,叫左半圍酒席,真係冇咩驚喜,普通過唔普通,價錢($1800/6位)簡直係可以食buffet!我覺得散叫既小菜更有特色更好食!唉,下次咪制!

清明時節，又係時候一家人祭祖，之後例牌動作一齊食lunch。上次嚟飲茶，水準不錯，今次又再斬多四両...又係叫到一枱都係，唯獨今次臨門冇叫到招牌蓮蓉大壽包，太可惜嘞...牛什依舊相當入味，真的食個不停；黃橋燒餅size比以前大個咗好多，食味亦比以前普通；煎墨魚餅及山竹牛肉足料又頗彈牙...晚飯水準絕對及不上下午飲茶，呢點係可以肯定嘅....

2008年2月4日，東海去年8月來吃過同一套餐，相隔不久又來，又是上次的金桃宴（4980元12位），不是我覺得很好吃，只是主人家覺得“抵”，所以再來，不過今次是做節。雖然是同一套餐，上次的富貴黃金包變了芙蓉蟹籽：這個是最玩gimmick的菜，心型的玉子豆腐加D蟹籽等，無咩好食。瑤柱扒時蔬變了上湯竹笙扒時蔬：幾好，竹笙清清地，我喜歡。其他的如乳豬全體、翡翠炒蝦球、蠔皇鮑魚海參、巴楚菇燉翅、清蒸老虎斑、脆皮炸子雞、長壽炆伊麵、黃橋燒餅、杏汁萬壽果則沒有變。翅和燒餅都好好食。雞無咁咸，伊麵好味，杏汁萬壽果都關係咁甜，但好多人鍾意咁。都有進步。

又係family gathering嘅飲茶時間。可愛嘅姪女病倒了，未能一見。唔緊要la，專心食嘢...好肚餓。一坐低已經狂食脆脆銀魚及花生，再來一碟臘味糯米飯，水準當然冇得同志記比，但因太肚餓，又掃咗兩碗...再嚟牛什煲，炆得好入味，牛肚、牛腸、牛膀...一件接一件，吃得不亦樂乎...招牌黃橋燒餅有D退步，皮厚且不鬆化...其餘點心普遍保持水準。食得太多，根本唔太記得食咗乜嘢...押尾隆重登場當然係招牌壽包。雖然蛋黃有點偏硬，但就流晒黃油，包夠軟熟；白蓮蓉不過甜，又夠軟滑。的確係自己食過水準最高嘅壽包...食包包食飽^0^..

呢次同公司黎東海, 陪聖上出席合作公司的EGM, 行業關係, 其他老總絕非高文化人. 開會前大家有說有笑, 齊人後, 首先食飯. 既然是Board Meeting, 訂的酒席當然不馬虎, 魚翅當然是上等, 其他菜式也很高貴. 小弟一飽口福. 最後來一個東海馳名大壽包. 外皮夠軟, 蓮蓉香口....那蛋黃最是吸引, 老細右手之同事, 食唔落都要整左個蛋黃出黎食.食飽, 會議開始, 主席首先致詞, 說出討論問題, 次後開始有不滿的股東們開始打斷說話, 繼而口角, 然後爆粗, 再而用杯拍檯. 結束後, 問問右手同事上次經歷, 他說, 今日沒有論拳, 抛杯拋碟算好了.我! 汗一個! 但會後, 各股東又Friend返! 真奇怪!但! 免費食了一餐上等酒席, 樂事!

昨天一行六人吃$328(每位) 蟹餐，我們沒有加點任何飲料食品，餐牌說免茶芥，我們用匯豐信用卡有九折，但埋單竟是$2,205。我們當時趕著走，沒有check單，還付了$15 小費，共銀$2,220。即每人$370！！！素聞東海掠水，多次給它機會，但今次是最後了！我們不怕貴，但討厭不老實！

2007年9月26日，東海。又係呢度!飲茶做節。叫了一大堆點心：蝦餃、燒賣、鳳爪、千層糕、魚皮雲吞、炸雲吞、白灼菜芯、叉燒包、豬腳薑醋、荷葉飯、賽螃蟹、馬拉糕、椒鹽白飯魚、豉汁排骨等等。最好的是炸雲吞，雲吞皮夠薄夠脆。其他的都沒有特別出色的。叉燒包和千層糕都兩樣都做得不好。豉汁排骨肉不夠嫩。椒鹽白飯魚過鹹。

另一半的爸爸的壽宴。不便宜的套餐，$4980(送金壽桃一對)，12位套餐，包紅酒一枝，另加多了兩隻鮑魚，但都夠16人食（有3個是小孩子）：1．乳豬全體：OK。都脆，不算肥。2．翡翠炒蝦球：蝦不是鮮蝦，有發水的味道。3．富貴黃金包：包包裏面的蝦肉菇菇和sauce等，都幾香幾美味。4．蠔皇原只鮑魚海參：鮑魚唔得，韌，texture又唔得，鮑魚味淡。海參OK。5．濃湯巴楚菇燉翅：都多翅，巴楚菇無咩味，但幾得意。6．清蒸老虎斑：老虎斑幾細，但好滑呀。7．瑤柱扒時蔬：西蘭花，瑤柱是碎的。份量好大。8．脆皮炸子雞：主人家認為鹹，我只吃了一件，因為太飽了！9．長壽炆伊麵：完全無味。不值一提。10．黃橋燒餅：全場我覺得最好食的一個。很香，皮薄，也不油。11．東海壽桃包：東海的經典，好大，成粒蛋黃，包夠新鮮，但我就是不喜歡裏面的蓮蓉，個人喜好。跟包上的籠底有機關播壽歌，好正。12．杏汁萬壽果：應該叫萬壽果杏汁，不然令人以為是全個木瓜，只有木瓜蓉，而且很甜，唔得。

3月19號~~~我既日本社長黎左香港~~~佢要食燒豬~~~聽人講呢間野幾好~~~佢又可以book到房咪去試下囉~~~點知一入去~~~個waitress己經唔係好高興咁~~~~開頭以為我既錯覺~~~咁我老細佢地好飲得~~~所以我地成日都要倒酒~~~一直我地都話自己攪掂~~~叫佢唔洗理我地~~~但佢又要搶住黎做~~~做左2次之後佢就開始黑我地面~~~出面有人嘈~~~我地請佢閂門~~~係請佢閂門~~~唔係命令佢~~~佢黑面不特止,仲要射呢眼bear左我地一鑊~~~~全情由我地食飯到走~~~佢都係黑口黑面~~~好似比人迫佢做野咁~~~我地咩都無做過~~~真係第一次食飯食得咁嬲~~~5-6千蚊食餐晚飯~~~竟然要受個waitress既氣~~~~有無攪錯~~~~佢呢餐~~~5千蚊~~~同我o係出面食3千蚊既無分別~~~仲要量少~~~賣相差~~~~當日餐單1. 紅運乳豬全體--(無腳豬)2. 發財瑤柱甫---勁少菜3. 脆皮海鮮卷---得一隻蝦& 幾粒芒果4. 白烚基圍蝦(自己改--原本係甜頭鮮蝦仁)----隻隻既size好似5蚊銀咁大5. 紅燒竹笙雞絲翅----見唔到有翅6. 清蒸游水東星班---

點解揀東海，因為有原隻蛋黃壽包同老豆賀壽。一個4位用套餐及3個1位用套餐，2款套餐的款式基本上一樣，只有少少出入。大家同一樣的有：濃湯燉翅-湯底真係好濃，但食得出無味精，翅都算叫做一梳梳，份量算足。蠔皇鮮鮑魚鵝掌-鮑魚size幾大，不過好韌。鵝掌炆得好入味又腍身。豉油皇煎中蝦-煎得較乾，蝦肉一般，唔算彈牙。上湯時菜-一大粿一大粿的生菜又綠又爽嫩。竹筒排骨飯-排骨好食，肉地好滑，不過飯勁腍，又唔夠香。其餘還有：清蒸老虎斑-唔算大條，蒸得剛好，都幾新鮮。順德生煎雞-好香好入味，不過雞肉好"鞋"。雀巢雞柳-好唔掂，雀巢勁腍。最後奉送糖水，仲有三款選擇，南瓜西米露及杏仁茶口碑唔錯，我食的紅豆沙唔多得，有陣味。當然唔少得有壽包，我最鐘意佢的流油蛋黃及又滑又唔太甜的白蓮蓉，可惜今次水準差了好多，包身唔夠鬆軟，有點硬，而蛋黃不是流油的，好失望。

星期日飲茶, 十二點幾到, 都要等一陣先有位.點心價錢又唔算貴wo, $18-26, 都仲幾大件. 傳統燒賣, 叉燒包都幾好味! 不過款式唔算多lor.仲有多款小食, 但款款都要$52! 例如, 豬皮蘿蔔魚旦, 燒味等, 雖然好似size都幾大, 但就覺得唔抵lor... 最終都叫個醉雞, 好夠酒味, 但d肉就好實雪好耐咁, 認真麻麻啦. 搞到好似越貴越唔好食咁wo!呢度除寫點心紙之外, 不時都有人拎住新鮮點心小食叫賣(即係代替以前推車仔). 服務就一般啦, 其中有一個部長姐姐就特別好禮貌lor. 裝修好一般!同其他酒樓無分別, 仲有少少殘舊感覺tim.

上星期哥哥同朋友去食飯聽佢講半圍要一千多元菜式不選特別而味道亦只屬ok外賣左燒鵝伊麵同叉燒酥番黎但食飽左無試到d伊麵但賣相ok又炒得不太油鵝肉亦多第二日先試番叉燒酥外表似合桃酥多d無錯外層係幾酥化但一咬就即時散晒餡料反而好好味有洋蔥粒同叉燒粒不過就略鹹左少少

以為食在尖沙咀,又係新世界入面,應該有番咁上下水準,入到去枱同隔離張枱鬼甘貼,地方又細又曹!!叫左個五人餐\,頭菜伙唔熟似番了既燒鵝,D鵝肉重有血,成碟比番佢\,其餘D菜一般,大排檔重好食過東海,埋單成880,唔好食無水準,一個\"差\"字.

聽講東海轉左手不過大師傅好似無變一家人最少一年一度大閘蟹大餐暫時都不變六個人黎到叫$1988既大閘蟹餐menu可以睇報紙不詳述不過今年黎講d蟹粉無舊年咁足料用黎搽麵包果d好鹹大閘蟹以前會等你差唔多食完一隻先至上第二隻今年一次過上晒食完一隻第二隻都凍晒...其他野都係一般質素總括而言都係以前好d喎食到尾明明勁飽唔知點解阿爸仲叫左六大個壽包係好好食既...不過見到個鹹蛋黃食係見到都飽... 每人食左半個(仲食剩)其餘唯有打包啦

與家人一行六個人來飲早, 點了一共十樣包括有乳豬, 燒南肉, 煲仔飯, 前兩種如果走肥的話, 是做得不錯的燒味, 皮脆得來入口鬆化, 但近一大半是肥膏來的。另外的是梅菜豬x煲仔飯, 除了飯質煙韌較討好外,飯面的 普普通通的, 吃不出那種 味來, 還有一個我喜歡吃的竽角, 表面熱辣又鬆化, 但底部很多油,整體來說, 點心質素一般, 優勝之處是假日前打個電話來留座, 不用等位。