東海堂 (港運城商場)

營業中

休息中

粒粒雙重芝士裸麥包 （$16）包體紮實得黎又帶點彈性，好有嚼勁，但略嫌包體裸麥味欠奉，內餡有兩種芝士，份量都好多，鹹香帶點奶味，配上微甜包體，好好食，讓人一口接一口，而且很有份量，只係$16，性價比好高，會回購！

每個月都要買蛋糕有時都幾頭痕呢一個東海堂嘅蛋糕就係我嘅最愛雖然東海堂不時都會出下其他新款蛋糕但我試過就覺得呢款係最好味如果用某信用卡仲有折添 坦白講其實賣相上來講呢一款蛋糕呢就真係唔多吸引因為成個白雪雪然後有幾塊啡色嘅朱古力碎通常啲人都想買個蛋糕黎可以打下卡但係呢個就係真心好味 佢有好濃郁嘅cream 但係又唔會覺得太膩 個蛋糕都幾大個 如果我三個人食 可以食到兩次/ 三次 最鍾意佢好多cookies and cream

鍾意飲波子汽水，又鍾意甜食嘅我，當然唔可以錯過東海堂新出嘅波子汽水味蛋糕！！蛋糕上面有半粒粉藍色嘅「啫喱」，令人即刻聯想到夏天、波子汽水，心情即刻好返曬！咁當然即刻試下哩位「波子」係咩味啦？！唔⋯只可以話佢幾有口感，幾彈牙～但同我想像：可能會係波子汽水味嘅啫喱⋯就距離十萬八千里⋯只可以話係我諗多左⋯哈哈蛋糕整體不過不失。聽店員講，蛋糕上面嘅Cream係用乳酪整嘅，所以有微酸，咁就有啲啲似返波子汽水嘅感覺！試過一次就好足夠啦～

有日返工之前經過東海堂買咗呢個車打金文畢芝士包做早餐，超大個包可以分四件嚟食，包上面有超多芝士超級香，最估唔到佢真實係同個圖一樣真係有流心芝士醬！🧀🧀🧀芝士醬味道仲要好香濃！麵包嘅質地好軟熟 真係早餐嘅享受

生日肯定要有個蛋糕先似樣，蛋糕嚟講東海堂就做得相當唔錯。雖然價錢會稍稍偏貴一d，但都係物有所值。今次買咗個宇治綠茶味嘅蛋糕。你睇呢個蛋糕佢又大又圓，綠色嘅表面隱約透露出佢香濃嘅綠茶香味。上面嘅士多啤梨，黃桃，藍莓，見到就想幾佢地吞落肚。唔同角度有唔同嘅美態。但蛋糕最重要都係好食。裡面都好有內涵，味道豐富，入面仲有d水果，啫喱，下面仲有個餅底，最上面d好似貝殼粉嘅有d栗子蓉嘅口感，非常美味。最後附上壽星嘅相片