東方小祇園齋菜

營業中

休息中

今日買外賣$22南乳上素飯--好多ar!!但唔太重南乳味$22茄子豆腐飯--呢個係十二點前的特價--呢個就少d,但茄子煮得鮮甜,豆腐滑,正呀!

餐餐都係肉，其實想食番餐齋好耐，奈何身邊的朋友都是食肉獸，無肉不歡，所以遲遲都未有實行。是日初一，難得有同事發起食齋，我第一個贊成。公司附近既呢間齋舖好出名，應是我們的不二之選吧！一行六人於是就來了這裡。樓下是做外賣，樓上有雅座。舊舊的環境加上來往不斷的人流，顯示出這是悠久歷史的一間素食館。生意一向好的小祇園，加上早排阿蘇的推介，再加上又是初一，真係好生意到做都做唔切。點的菜分別是五柳魚、大蝦什菌、麻婆豆腐煲、菜謄鴨、什齋、雙菇玉子、茄子肉碎炒麵和福建炒飯。五柳魚外層係腐皮，幾脆；裡面有冬菇絲、紅蘿蔔絲等，加上酸酸甜甜的醬汁，還可以。大蝦什菌係用好多椰汁撈上菇和素蝦。素蝦外觀幾似，但味道就一點也不像，好假的感覺。麻婆豆腐煲送來時是熱呼呼的，豆腐唔錯，不過唔辣，與想像中有點出入。菜謄鴨幾奇怪，除了有素鴨和菜謄以外，更有素蝦和金菇菜。碟菜好似好濕咁，唔討好。什齋總體來講味道較淡。炒麵算唔錯，脆；另有種外表似午餐肉的物體，味道真的很像，唯較韌。生意都做唔切，加上呢類舊式齋舖，服務可想而知。環境擠迫也是預計之內。總括來講算是平平，間中一餐兩餐都無妨既！

想試呢度既糕好耐lu今日終於買左呢個紅豆糕..幾好味，好多紅豆，又唔甜比個笑佢先

睇蘇絲黃介紹兼daddy 在附近返工，叫爸爸在新年前買了...豆沙角，我無食到前堆和酥皮前堆，擺左幾日先食，已經唔脆，我只吃了一口，很難評分第一次食山楂糕，我諗住daddy 買幾件返黎，點知佢買左一底！這是凍食的，擺o係雪櫃幾日會出水，所以要快食。我覺得好好味，酸酸地，有少少山楂微粒，值得推介~~

今日同兩個同事去小衹園，其實見到人家點的菜已心知不妙—好油呢樣已經預左，但係味道真係差同色素勁多，又唔係平，都唔知佢點解可以唔執笠？

Want to have a correction.There are 2 stores in Wan Chai, v. close by.The old store is still ok, the new store is operated by another new chef, and the dishes are not the same.The old store is better than the new store.

中午行過,呢排吾多想食肉,見佢有外賣飯盒,廿蚊,幾吸引.叫左個茄子鮮竹配炒面. 其實吾係鮮竹,係類似素鴨類野,茄子幾件,吾多,個汁都幾油,個炒面係幼面,炒到少少隻,個人鍾意濃味,覺得偏淡.如果以健康素食黎講,就吾多合格,太多油了.間吾鍾食下都無妨.佢地仲有粟米粥,可能會清掛.另外買左蘿蔔糕,鮮竹卷,蓮蓉水晶餅各一,未試,食完再比評語.

好多油啊! 其實以前我成日同d同事到那裡食飯, 但有一次我看到職員在隔離枱 大魚大肉, 個心有d唔舒服. 我知職員無必要一定食素, 但你都用屏風格一格開d 客啊! 價錢偏貴, 無服務.

昨天晚上跟友人到灣仔「東方小祇園齋菜館」吃飯，最初不是選擇它的，只想到舊式酒樓或餐廳懷舊一番，「龍門酒樓」與「東方小祇園齋菜館」作選擇，最後希望能在國慶狂吃月，盡量吃得健康點，還是選了「東方小祇園齋菜」。食客不太多，在附近環境相熟的，大都已經結業或搬遷，它能剩下來也是不錯的了。坐下點菜，友人問侍應:「什麼是馬蹄飄香?」，那侍應答：「一D馬蹄同其他野囉...」，友人再追問:「什麼其他野。」那待應居然邊走邊道:「其他野囉...」，沒有問到問題。我再向另一個侍應問同一問題，他答道是馬蹄、黃耳、黑耳及草孤等。於是我們便點了這項。為何第一位待應未能回答呢?為何他不理我們便別面以去呢?相信很...很多舊式酒樓或食肆也有相類似情況，但第一個侍應並不太老，若是他是上了年紀的，我還可以原諒。味道方面，我們點了三樣菜式，分別是馬蹄飄香、芒果腐球蜜豆及八寶粥。馬蹄飄香、芒果腐球蜜豆的原料及味道也差不多，八寶粥鹹了一點。齋卥味最抵最大碟。吃舊式酒樓及餐廳，除了懷舊之外，也是預了欠清潔、欠服務，但對年青服務員及菜的水準還是有期望的。希望有關主持人仍要花時間改善這一點。招牌要老、管理要新及與時並進比較長壽。

星期六下晝突然想食齋菜,於是同朋友二人幫襯佢老字號,上去到幾乎爆滿,仲見到有好多外國人幫襯添1)細齋($30)-一碟分隔擺放,款式齊全,保持原汁原味2)冬菇麵($26)-賣相非常吸引,冬菇鋪面有成大約9粒,但略為少湯3)紅燒素翅($55)-有成5-6碗,料多過湯,加少少紅醋好好味二人共消費:$126

買完靚叉燒,順道買d凍糕比大人食。小祇園由媽媽細個已經開始幫襯,自己都買過無數次,今次至第一次寫食評=)芝麻糕:質感軟棉,唔太甜,但芝麻濃度已經無以前咁濃,稀左好多lu,之前真係好黑好多芝麻架,如果下次再稀過今次,相信可以出局。紅豆糕:質量比芝麻糕好,好多紅豆,口感軟軟但有咬口,味道唔係太甜,呢個比較好味!!山楂糕: 今次第一次見到呢款糕,初初仲以為係蔗汁糕添。質感都係軟軟糯糯,味道酸咪咪,而且好多山楂核微粒,口感就無前2者咁滑溜,個人唔太喜歡呢款,試過算數。

放工諗唔到食乜, 於是乎兩個人去左呢度食野。兩個人點左碗翅，一個錦鹵雲吞同一個八珍豆腐煲份量都幾大，幾碟左都可以夠3個人食!! 味道都唔錯，唔太油，又唔係好重味精。埋單都唔駛$150不過都係食番佢最出名既紅豆糕同齋鹵味好d!!!

以往,灣仔以「佛海」、「東方小祇園」兩間齋舖最出名,在這裏可品嘗到比較正宗廣東齋菜,又有別於新派的台灣齋。粟米粥-- 以前祖父常在這裏叫的一味,小時不喜歡吃,現在ok,不過以前的做得比較好,例如以前粟米粥有生菜絲,口感不可同日而語。齋鹵味-- 不過不失,如果我問齋义燒和齋鴨腎有甚麼別?答案是味和質地都有分別,真义燒和鴨腎咬下去都有分別,這裏的齋鴨腎不夠咬口。點心-- ok鼓椒炒生根-- ok可以好D!

話晒呢間老舖都算有少許名氣，好耐都冇來食過。食齋諗住清淡點，但事實不如想像。不要期望在此店食得清淡。素食其實跟健康沒妻必然關係...話說回來，兩個人點了一個羅漢齊干燒麵、一個菠蘿咕嚕肉，同埋幾碟點心：煎蘿蔔糕、咸水角及煎腐皮卷。侍應話明點心係凍的，堅持要吃就是有一點自作自受。咸水角同煎腐皮卷，如果熱一點就會幾好。蘿蔔糕真係麻麻，完全唔覺得有煎過。羅漢齋幾多，干燒的麵底很脆，很有口感，但太大碟食唔晒。最好食的要數菠蘿咕嚕肉，咕嚕肉做得很似，賣相及口感亦言。個汁酸甜度適中，而且夠晒杰，非常之好。齋中最難做的，莫過於那些要模仿肉的質感和味道的素肉，目的都是因為素食的人始終忘不了肉香，就如想還俗的出家人心態沒有兩樣。

$10/4件, 買左2件馬豆同2件紅豆,紅豆糕既紅豆密度好高, 真係食到一口都係紅豆...直情好似將一碗紅豆沙濃縮到呢舊糕度咁, 有少少滯.馬豆糕就好重椰汁味, 馬豆份量okay.2件糕都係比較實心, 可能重料,我只覺okay, 同埋好在2件糕都唔會太甜, 遮左d味.媽媽就好鐘意食