影片
快步行過博文街，見到喺兩間食店之間，有一處共用的冇冷氣「黑暗空間」，開咗幾張枱，唔少人在食碟頭飯、吹水或者扯煙，明顯同周圍的正常食肆格格不入，睇得見巿井地踎味濃到不得了。舖頭內外貼滿餐牌，當牆紙咁用，夠晒特式，超鍾意下快快手揾位坐好叫飯。午餐韭黃滑蛋蝦仁飯同叉燒炒蛋飯，賣相靚。蝦肉冇「梅」，冇雪藏味，唔係得蝦毛幾隻，蛋炒得滑，鼓油鹹度適中，成碟飯份量足，性價比高。叉蛋飯用料同樣多，只係自己唔太好食肉，覺得叉燒較肥。現場所見，男士多數都係食叉蛋飯。餐飲可以揀餐湯或熱飲，餐湯係自助形式，行去「黑暗空間」埋邊，打開個大煲自取就得。奶茶用不鏽鋼杯載住，感覺上用厚身奶茶杯會更加好，會覺得好飲啲。茶夠熱，味亦濃，可惜欠茶香。坐喺店內用餐，有都巿閒情送飯；坐喺外面的「黑暗空間」，就可以望吓街，吹吹風。返工要長時間坐喺寫字樓，難得呢個鐘可以喺呢個地踎環境叉吓電，個人都輕鬆好多。
繼續閱讀
食過依間野幾次，講真味道唔係話比最好既好。叫好食又唔係特別好食，但令我一黎再黎既原因，除左因為近同平之外，我諗應該係因為有地道味。佢既咖哩汁唔係話有咩別國風情，味道嘛又係咖哩味囉。值得我講只係因為有落薯仔，約五六粒掛，細細舊的，唔係硬薯粒，係用老火煲出黎既軟腍腍薯仔粒。其實依啲野以前真係冇咩值得講，只係依家淨返唔係多。茶走大杯更係我至愛，我唔解釋咩黎。明既人就明，一切盡在不言中。
繼續閱讀
簡單地說，這只是間廉價飯堂，賣的不是食物質素，更不是環境，而是以相對廉宜的價錢，為普羅大眾提供只為填飽肚子的食物的地方。只可惜，這裡的食物價錢雖然的確經濟，但要說它特別便宜可是算不上的，至於食物質素，更是十分普通，甚至偏低，教只是碰巧來訪的自己在幫襯過後再提不起勁下次再來。畢竟，只需要花費多十元八塊，便可以在一個環境比它好得多的地方，吃到比這兒的食物質素好上一截的東西，那麼，又何用再來呢！
繼續閱讀
原本想試神x館隔離檔..以為早上有飯食.,.點知無就黎呢度只需行幾步路就到la..24$ 試左 豬扒 肉丁 麵...豬扒睇落去好正..咬第1啖都仍咁覺得...點知中段度發現成舊好多肥膏...唉...算..未至差黎形容,.,.而肉丁就唔駛多講..份量一般..5粒左右掛..而另外可揀包/菜..幾特別..第1次見早餐可配塔菜..結果真係黎左碟有5塊左右既生菜..但佢淋上面既唔係毫油..而係鼓油..呢下麻麻地變得..最後凍古力...有味就合格la...服務方面幾個阿姐都好興講:坐呀(見客人入黎就講)叫野食呀(岩岩坐低就講 心諗:唔駛睇下咩=.=)
繼續閱讀