東喜茶 (已結業)

行經這個商場又剛好想飲杯台式飲品，就買了一杯金鳳茶王配芝士奶蓋。這間鋪好似偶然都會有折扣，每個星期有幾款茶有七折優惠。店舖歡迎顧客帶自己的杯子去裝茶，650毫升左右的杯子剛好。雖然沒有自攜杯優惠，但可以為地球慳一個膠杯。在冷氣的商場內等待，算是不錯。老實說這個奶蓋真不錯，質感滑味道又濃，但又不會太滯；茶底都ok。這杯奶蓋茶比附近另一間台式飲品店的好飲，但價錢貴$15，相對之下性價比低。我當做試過一次便算了，下次再想飲奶蓋茶我不會挑這間。

一開始見到個價錢真係嚇一跳，大部份嘅飲品都超過$40以上，已經可以足夠買一個飯盒，於是就抱着姑且一試嘅心態去試吓，點了應該最穩陣的芝士可可，上邊還有Oreo的餅碎，喝下去的時候的確有很濃的朱古力味，朱古力也做得算滑，然後喝下去的時候，會把餅碎也一同吸上來，就好像喝的時候吃到脆脆一樣，老實說其實也頗好味，但以需要外賣沒有得在店內坐的話，這個價錢跟星巴克差不多，就真是覺得飲品再好喝，沒有得坐下來慢慢品嚐始終差一點，而且之後喝過喜茶之後，更加覺得不值得這個價錢了

超難頂每一口都喝到種子，每一粒大概是一粒咖啡糖的尺寸，全完沒有打碎打爛，真的沒辦法喝下去，這家店太不用心了，第一次喝這家店就遇到這個，太失望，真的不會考慮第2次

之前就成日返深圳飲喜茶今日經過見到有間東喜茶就諗住試一試買咗杯平時飲開嘅綠妍飲落去佢個茶都算有茶味 又有好多芝士但係個芝士味道我覺得太濃但總括嚟講個口味都算唔錯$35杯

原本揾甜品食，點知發記同另一間已結業，出名那間又大排長龍。 行行下不如去Mikiki睇下有冇甜品，結果改飲茶。一行四人猶豫好耐唔知飲咩，收銀見到同我地講，買住一杯試下先。買左鮮果烏龍，幾清新。於是買多二杯，我杯鮮果綠茶好遲先有，很多客人遲過我買的已取得飲品。 當女店員叫我的號碼，立即話唔好意思要我等咁耐。即時覺得呢間店的員工好好。果茶甜度適中，又有鮮西瓜蘋果青檸在內，清新怡人。 另一杯桃子就好香。 下次都會再來光顧。

今日同屋企人食完晏，沿途經過東喜茶，心癢癢想飲一杯，眼見完全唔需要排隊，我哋於是走去cashier買。職員好有耐性同好貼心咁推介唔同茶底既分別，最後我哋叫咗杯超級水果茶同奶蓋桂花烏龍茶。 超級水果茶水果份量多，而且冰冰涼涼，幾啱夏天飲。但成杯都好淡，只飲到茶既苦澀味，但沒有茶香味。$42 杯，不太值得。奶蓋桂花烏龍茶奶蓋嘅芝士鹹香味幾出，而且幾厚身同香濃😋😋， 但係烏龍茶底比較淡，所以有啲蓋過原有烏龍茶味，桂花味更加唔使講。 整體而言，服務幾好，但飲品質素有待改善。

東喜茶一直有啲抄內地喜茶既感覺，不過佢啲野飲又幾好飲嘅，而且仲成日有親味推出，員工又有禮貌，都抵佢開到成行成市！否過唔鐘意佢既餐牌，睇完啲名都唔知用咩整，名下面又冇解釋之前飲過佢啲芝士奶蓋系列$42，幾大杯，又幾好飲今次適逢桃既季節，試左桃子小姐個樣好靚，而且用新鮮果肉加奶整，味道唔錯，有好香既桃味，不過就細杯啲，冇奶蓋係面，白色個啲係泡黎

未飲過呢間東喜茶，經過見到好多人都買珍珠奶茶就買左杯試下。比錢嗰陣嚇左下，成30蚊一杯我有冇聽錯？？？我就試下到底值唔值呢個價。好彩嘅係我係覺得值嘅茶味夠，奶又適中， 唔會好似出面嗰啲咁淨係得奶味或者淨係得茶味。我見佢直接係個大茶壺度倒d奶茶出泥，一早整好左，相信佢地係用人手打奶茶，先會有咁嘅味道。 仲有佢地啲珍珠係琥珀顏色嘅，唔係黑色果一d開頭我重係到諗咩叫琥珀珍珠奶茶...原來係講緊珍珠嘅顏色。d珍珠都幾好咬雖然貴就係貴過其他飲品舖頭，不過呢杯奶茶係值得一試嘅。

今日心情唔多靚仔，食飽飯要補充番多點糖份。所以突登去mikki 試下呢間東喜茶～初初開張都幾多人，不過而家隊都唔使點排。本身想飲水果茶，不過原來都幾貴，成四十幾蚊💀可以食個lunch～～所以最後轉呔，買左好多年都無飲過既珍珠奶茶（因為腸胃本身唔好，之前一飲奶茶就柯🤢）✨最近大熱d 虎紋珍珠，見到呢個琥珀珍珠奶茶仲以為係同一類野等我咁想飲添。。原來自己諗錯左😂只係珍珠顏色似琥珀。✨叫左半糖，甜度啱啱好。少冰就真係無冰咁濟，啱晒我少冰既standard~~茶味唔算好香，味道其實好普通，珍珠我就覺得偏韌，不過都有淡淡黑糖香。飲飲下最後都ko左成杯，但個胃都係消化唔掂。$30 其實都有d 貴。但係外賣個packing 幾貼心，又有紙隔同紙袋算加番d 印象分。

如果是芝士愛好者的你，東喜茶的芝士系列飲料是絕對不能錯過。今日經過mikiki商場，見到東喜茶，決定試一試！我地點咗靜崗抹茶同芝士芒芒這兩款飲品。由點單到攞到飲品當中，過程都只係5,6分鐘，店員亦好有禮貌。未飲都已經對佢地加晒分喇！不過，重點都係落係d奶蓋到，d奶蓋都佔咗飲品的4分1。由於，女仔始終都怕肥，所以簡咗低脂既芝士，心裏面都猜想芝士味應該較淡.....點知！一啖飲落去既時候，芝士味十分濃郁，完全喜出望外，再飲多幾啖，當中茶味亦能配合芝士，減低芝士的膩度，令人一試愛上。如果怕肥又饞吃的你，可以選擇低脂，但人一世物一世，我下次會試全脂！夏日炎炎，想要fresh d，活力感亦可試水果口味，同樣能夠令人一試難忘！

最近mikiki又開左東喜茶，心癮癮想飲野，加上要等朋友，所以一於試下東喜茶。行到cashier前，店員向我推介新出既脆脆椰椰，見係店員推介，又好似幾吸引，決定買呢杯。雖然我買個時好多人等緊，但亦都見到出茶個位店員姐姐好有耐心同每位客人講解杯野點飲法先最好。收到呢杯野既時候，店員姐姐亦都好有耐心向我介紹杯野點飲，服務態度加分佢地就建議呢杯椰椰要攪勻上面啲cream，咁先好飲。我攪勻之後再飲，原來係沙冰黎，甜度剛剛好，椰子味十分出色，而且內面有啲椰子脆脆，呢啲脆片甜甜地又有椰子既味道呢杯脆脆椰椰不但只可以飲，又可以食。味道也十分正但唯一比較吾好既地方係，價錢比較昂貴，對我呢啲貧窮既小妹，40幾蚊既野飲真係吾係可以成日飲。但我見mikiki呢間東喜茶有時候會出學生優惠，好似有85折，都算對班學生哥幾有良心總括而言，雖然杯野有啲貴，但佢既杯野飲真心幾好飲，而且店員態度都值得為此而加分，性價比為中上

前天行經新蒲崗，見到一間新開的東喜茶，加上天氣勁hot ,點了杯芝士火火！芝士味好夠， 顔色非常吸引紅肉火龍菓味道十分*正*我叫了少甜，已夠哂味出茶又不太耐，出茶哥哥又nice , 仲教我點飲才有最佳味道！值得推介！ 下要試下芝士黑提

今日放假去左mikiki行街，食完飯經過見到呢到都有間東喜茶，就諗住買杯做飯後飲品。唔同觀塘同旺角分店，呢間好快就出到飲品俾人，好有效率。間舖係商場入面，環境舒適，係大熱天時有冷氣真係好好。佢係開放式店舖，可以好清楚咁睇到d店員係到做乜，衞生環境睇落都幾好，好整潔。平時飲開芝士系列，今次就試左超級水果茶。佢有兩種茶底，收銀姐姐都好有耐性好nice咁同我講解兩種有咩分別。最後我簡左超級水果綠妍。大約等左幾分鐘我杯茶就攞得，其中一個男店員亦都好友善咁同我講應該用咩飲管，重俾埋隻叉我吉生果食。超級水果綠妍 好清新，唔算好甜，啱哂夏天飲。佢野真係有好多生果係入面，最好食係d西瓜! 又多水又甜，真係好解渴。如果大家有時間，可以泥呢間分店試下。環境舒適，服務態度又幾好，唔錯

星期日，一行三人，難得過海去Mikiki，咁啱又見到朋友推介嘅東喜茶就買嚟試下，點知飲完杯芝士可可，之後就屙嘔到脫水，明顯衛生情況有問題，需要立即改善，以免有更多受害者。

新蒲崗 Mikiki 新開 東喜茶, 好多人排隊, 聽講佢地最出色係芝士奶蓋系列。 本來我覺得水果再加芝士奶蓋真係好古怪, 但職員好親切咁介紹佢地既熱門飲品 - 芝士芒芒... 而我又選擇困難症發作, 所以最後都係聽取左職員姐姐既意見, 點左一杯芝士芒芒。 領取飲品時另一位職員哥哥有指導我點樣去飲呢杯奶蓋先為之最佳享受, 就係唔用飲管, 拎住杯野飲45度角咁飲就係最好~ 我真係冇諗過原來個味係可以咁夾!! 真係非常驚喜!! 好好飲呀!! 一定會再幫襯, 試埋其他水果+芝士系列  佢地仲推出學生優惠, 好多學生放學都排隊買黎飲, 算是幾貼心及受歡迎的推廣!