影片
港鐵朗屏站 F 出口, 步行約6分鐘
繼續閱讀
開飯介紹
東北梅花鹿肉專門店--專賣梅花鹿肉菜式。此鹿源於大陸東三省長白山。
繼續閱讀
營業時間
星期一
全日休息
星期二至日
11:00 - 21:00
以上資料只供參考, 請與餐廳確認詳情
聽人講，元朗有間賣梅花鹿肉的店舖，都係40幾50蚊個餐，一聽，係咪假野黎丫。岩岩果日係元朗要食 LUNCH ，仲係舊食街(炮仗坊) 附近。一坐低，同個老世吹吹先，睇下菜牌。成隻鹿每個部位都有唔同菜式，因為新開，好多菜式仲研究緊。老世推介新菜，鹿展煲餐。但我試左葱爆鹿肉 ($45) ，少辣，不好過野味，好香口。點左個，鹿丸湯($25) 。鹿丸唔係人手做，不過佢加入左黑胡椒粉同杞子一齊整。仲食到一粒粒杞子添。同鹿尾靶湯 ($50) 12月份會加價至 ($60)。食落唔似牛，亦唔似豬。軟熟入口算幾滑，無乜噪味。真係鹿肉黎喎。因為係外國食過。老世話食鹿肉 2 日內不可以飲茶，否則浪費功力，所以，靈芝茶任飲。靈芝茶，好香靈芝味，仲好濃，老世推介左我買包返去煲。每包入面好多材料。佢話佢地D靈芝茶煲左成日喎。真係好順口，正丫。味濃過涼茶舖果D。我推介過鹿尾靶湯，好濃好好味，飲完成身暖晒。講番同老世吹水，問佢點解唔係旺角開，佢話係元朗靜街平租試業，仲話賣得多都無貨，大陸政府一年有限制千五頭出口，買晒就等下年。所以，唔可以大量供應，佢仲話研究湯包，返去叮番熱就飲得，好希望快D推出市場。至於鹿肉來源係長白山下，有自家場養的，無鹿角生產能力就會劏黎比國內領導人食同出口。
繼續閱讀