@東京 (已結業)

查實平時食野都唔會order刨冰, 因為諗住佢都係"冰" je~~ 唔慌會special!但由於今期老細請客, 咁梗係乜都試啦!! 我點了雜果刨冰, d雜果當然唔係罐頭啦, 不過有咩生果我唔記得lu! 皆因d 冰太吸引啦! d 冰係有味道架! 有d 奶味, 甜甜地! 而且唔係"冰碎", 係"冰粉", 好似食"雪花" 咁軟! 唔會食到"shot shot" 聲!問呀老細, 佢話師傅同佢研究左好耐, 點雪d冰先可以造到好刨冰, 原來only舊冰就要好花時間造, 要做到好似天然冰雹既效果, 刨出黎先好口感咁話! 我記憶力差呀, 大概係話要把d"材料"(唔係水咁簡單, 有d甜奶味)重覆不同溫度咁雪, 要計住時間隔幾耐就轉雪櫃! 唔係一舊普通既冰刨碎就得! 各位下次有機會真要試試! 有驚喜架!但人手似乎真係唔夠, 想搵個人order都搵好耐! 而且開左成個月, d侍應都仲係好生手咁! 唔識入單唔識應付問題既!

17 July 2004, 12noon.響銅鑼灣做完野, 12點, 路過天橋見@ 東京無人! 即刻仆上去試 因為之前排晒隊勁想試好耐都未到.又, 因為我好想試睇o的desginer chair, 所以去o左三心兩麵館, 裝修偏暗, 食拉麵咁暗好古怪呢~叫o左個麵豉湯+魚湯叉燒拉麵, 拉麵水準OK, 麵夠滑, 魚湯則嫌太腥. 無魚鮮味.不過會再幫襯. 因為好平,比$40 食麵就有得坐$2000 一張designer chair 食麵

我0地3個女仔琴晚去試『花火』, 但因為是繁忙時間, 餐廳規定要人齊才可以有位, 所以見到裡面有位都唔坐得, 反之門口就有很多人(唔係等位而係等人), 我0地等朋友期間就好欣賞帶位小姐的工作態度, 因佢十分守公司的規則, 就算有一個人去了洗手間都要等佢去完先至帶位, 仲要數人數, 本人十分佩服.至於食物方面, 因為碟頭細可以試多幾種, 可以試下『牛舌鍋』水準不錯, 『柚子沙律』個碟好大, 份量小, 味道普通, 『鰻魚拉麵卷』原來是放湯熱食, 味道麻麻.其他都冇特別之處.服務都可以, 特別是加茶次數.

同朋友去左花火. menu上面都有好多選擇, 但為免糟糕..先叫了個海膽海鮮炒飯先...個炒飯既份量真係好細!! 係普通飯碗咁多, 但用個超大既靚碗裝住....味道呢, 係無咩味, 我差d想攞七味粉撈黎食! 之不過海膽都有2小瓣既...之後我地就去左其他地方再食..不過服務係好好既...不停refill你杯茶

上午十一點幾同朋友去到銅鑼灣, 食個簡單既早午餐, 朋友之前提議個想去呢間新O既餐廳試試, 所以便順道試試, 上到去個環境幾特別好暗黑, 但略嚴太花巧. 選擇左坐"花火"日本料理O個邊, 本來同朋友面對面坐一張小餐台, 不過張梳化坐得唔係好舒服, 所以最好都要換位, 同朋友平排而坐. 睇左一陣餐牌, 其中都有唔少富有創意既食品, 最後ORDER左:1.海膽金枕頭($33): 海膽好細粒, 無咩味, 金枕頭開頭已為係榴槤, 點知原來係炸南瓜件, 不過質感唔好.2.特上壽司盛盒($98): 味道同賣相唔錯, 一字排開十件不同既壽司.3.法國鵝肝餃($33): 賣上基本上同酒櫻燒賣好相似, 食落去唔多討好, 鵝肝既香味唔夠.另外叫左2杯特飲: 東京黑夜($30) 其實係薄荷朱古力白雪公主($28) 類似係有龍眼肉既檳治其實兩杯都唔討好, 飲左一半就放棄.環境同食物其實都係一般, 太過花巧, 埋單2個人$244 略貴左少少. 服務唔錯.

因有台灣朋友來港,當然要帶佢地去d特別的地方,希望佢地可以幫助唱好香港,繼而振興香港D間店幾特別,裝修得有創意,但基本上,無機會去慢慢欣賞,加上燈光陰有生意頭腦,因分三個區域,而且不能跨區點菜,因本人想試鴛鴦拉麵,可惜我們坐的唔係三心兩意館,所以無得食,令我有種心思思,要再去光顧食物,唔係好貴,但係唔係好大碟,所以我們三個大人加一個二歲的小朋友,我們足足點左十樣野食,味道都可以,烏冬好Q,GOOD,但燒牛脷及雞肉,真的唔好點.牛脷太難咀嚼,雞肉唔新鮮,本來我想投訴,可惜因為太少,我和朋友各試一口,就沒有証據了,真的好唔掂,其他算可以價錢可以,十樣野都係四百有找幾蚊.ok la,建議三五知己去試下,可以試多幾樣要等位,個日係星期五,以為開左無幾耐,可能會比較少人去,點知,嚇了一跳,人山人海,要等位,好彩我地等左唔係好耐

我都好同意"糊迪"o既評語，真係好似去咗d色情網吧到食飯咁! 星期日晚我倆人7點鐘去到, 竟然唔使等位, 但編咗我哋座d好窄好黑的2人位, 佢哋其實有3個主題餐廳, 我選擇咗Sushi Rose My Tokyo. 我哋叫咗"海膽金枕頭", 海鮮魚生餅", 三文魚芒果券及"天婦羅烏冬", 服務員好有禮貌咁問我哋試唔試吓佢哋的"翡翠雜菌包", 見佢咁有誠意, 所以都order咗, 但好失望, 因為個雜菌包十分之難食!!! 1. 海膽金枕頭~ 炸豆腐+小小海膽, 幾香脆可口2. 海鮮魚生餅~ 魚生的頭頭尾尾整出嚟, 唔好味3. 三文魚芒果券~ 好香芒果味, 配合得幾好4. 天婦羅烏冬~ 好大椀麵, 天婦羅幾好味5. 翡翠雜菌包~ 好熱, 但唔好食6. 巨峰提子梳打~ 好好味呢間嘢好得意, 你食食吓會好眼訓ka, 可能係因為佢真係太黑啦! 佢都唔算貴, 2位食咗HK$260, 覺得佢哋都幾有創意, 應該會再同d friend 再試多一次.

佢有3個主題,而我就試3心2麵,一個有2個湯底,我要豬骨湯同咖哩湯底,個fd就要日本芥末同麵豉湯底,豬骨湯---->夠味,有香味,咖哩湯底---->食到辣味,似溝粉而成既味道日本芥末---->like新野可以trylor麵豉湯底---->夠濃另外,裝修特別,係佢想吸引人既地方。用黑色做主色,遠睇望入去真係睇唔到d人既樣,侍應又係黑色制服一個字"絶".食麵d燈光都ok,but cafe個邊要用電筒咁誇??

幾同意"糊迪"o既評語，真係有D似色情網吧，尤其是雙人卡位．o個度環境都幾暗，不過好彩我o地唔使照電筒都睇到Menu，如果光番D同埋音响細番D，都不失為一間有型格的食肆．講番食物，可以用失望o黎形容，價錢亦都幾貴，樣樣細細碟，唔覺唔覺人人接近兩舊水埋單．天婦羅厚夾唔脆，失敗！法國鵝肝餃完全無鵝肝味，失敗！海膽意粉(唔記得正確名稱)一試就知係用平價海膽做，唔鮮甜不特止，意粉仲好硬，乜意粉好難做得好食咩？無敗中o既失敗！我覺得和民同魚一丁好好多o羅！好心改善下排隊等位o既秩序，又亂又等得耐，真係想走落一層幫襯滿江紅算喇！等個幾鐘又食得唔好，下次咪搞！

女友話銅鑼灣開左間日本新野，咪去試下囉！由於鋪位係二樓的關係，早在地下已經放有menu，等客人可以先望望餐譜先至決定食唔食，都幾方便！話明係日本野，當時要試試佢sushi個邊的水準啦！最後，我地被帶到去紅色地帶。座位係屬於卡位，椅背高，所以不會望到前座的食客，但座位唔算寬敞，有d逼夾，故對我而言，就有如入左色情網吧一樣！此外，燈光極之暗，睇menu時係需要用電筒，如果唔係你根本叫唔到野食，你可以想像下係黑到咩程度！不過相信對鐘意係公眾場所痴纏的情緒或者會歡喜！你可以話佢呢個設計好特別，但我就唔識欣賞啦！吃完野食後，侍應係會收番支電筒，即係話食野時係睇唔到d野食的買相。好味的食物係講求﹕色、香、味！但呢度的食品只可以憑嗅覺、味覺去試，所以就算味道再好也是沒用。服務態度ok，侍應會經常沖茶，但是亦都係由於太黑的關係，侍應因睇唔到水已經沖滿，熱水綠到隻手，而我條褲亦有少少濕，可見，黑暗的工作環境，除左食客感到不便外，侍應的危險程度亦提高，就如用煲上的食物，仲要用火熱煮食個種，其實真係好危險！老闆，似乎在鋪面的裝潢上花了好多功夫，可是忽略了食客進食及侍應工作時的危險性。而且要食味道更好的日本野

見到新開張，梗係要黎試下啦﹗位置0係滿江紅樓上，一過左滿江紅之後d裝修唔同晒，好似入左別一個世界咁，好特別。一早諗住食三心兩意，想試下個鴛鴦拉麵，同埋好似平D。但上到去，見到都有人等位，再睇下餐牌，發覺另外兩間都唔算太貴，所以咁reception姐姐邊間唔駛等，估唔到Tokyo Cafe唔洗等喎，即入啦﹗其實三間都有部份食物係一樣，但相對地三心兩意選擇較少。睇個餐牌都有少少花多眼亂，但見有個Tokyo Pizza幾特別，所以揀左個夏威夷(粟米、火腿、菠蘿，$33)試下；另外叫左個海膽汁焗豬扒飯($58)同黃金海膽雞軟骨($28)。先講下個Tokyo Pizza，佢係用椰菜同煙肉做底，加唔同材料而成，但味道一般，可以唔試﹗海膽汁焗豬扒飯同黃金海膽雞軟骨都係有海膽汁，但有d似沙律醬，但都ok好味﹗尤其係個炒飯底同個豬扒，真係唔錯。初時以為呢類食店都好似和民咁細細碟，但原來份量都唔細，個焗飯都幾大碟，見隔離枱食個湯烏冬，個碗好大架﹗整體黎講唔錯，試得過。有機會試埋另外兩間先﹗p.s. 男女廁所叫做0係埋一齊，雖然裡面再分男格女格，但一入去見到有個男人0係度洗緊手，都幾尷尬…