@東京 (已結業)

三人吃晚飯，埋單四百多元．吃日本菜，頗多款式．

看雜誌的相，這裏的環境應該也很有情調，但實際上比預期差得很多。跟同事在這裏吃東西，吃午餐，午餐價由三十八元起，十分相宜。我們叫了拉面餐、鰻魚飯餐、雙龍卷、特上壽司及三式刺身飯，合共三百廿七元。拉面餐不太好吃，鰻魚飯竟然是多骨，令我的同事吃不下（她是一個超級鰻魚fans，她說未試過吃這麼多骨的鰻魚，吃了三分之一的鰻魚，她還是要放棄）。雙龍卷即是有牛油果，有蝦的卷物，但放在卷物上的有黑蟹子和橙蟹子，這樣就叫雙龍卷了，有點兒戲。特上壽司分了三級制，其實是他用了High Tea的三層架，分別有海膽壽司、鰻魚壽司、八爪魚壽司、油甘魚壽司等九款，不算特色，也不太好吃。最後是本人的三式刺身飯，所謂的三式刺身即三文魚、三文魚子及蟹子。三文魚片不新鮮，味也很淡，不及格；三文魚子也很少，大概只有十粒左右；蟹子都不算多。不過一個餐有沙律、面豉湯、飲品及雪糕糯米糍，雖然掛羊頭賣狗肉（一點都不似日本東西），但價格只是中下，還可接受

I had lunch at this restaurant. Pretty good. tampura yam and pumpkin is very good. but the bake oyster is soso, the problem is not the oyster, it's the sauce, too bitter .

上星期幾個朋友行完街無耐，跟住上左去呢度食小小野啦，點知一去度入面就好嘈，跟住之後坐底打算叫野食，點知入面d野食同和民差唔多，但價錢就差好遠，我地叫左個香芒蟹子沙律，熱情卷，炸雞軟骨，同兩個雪糕新地，一黎到d野食就全部都係嬰兒份量，d雞軟骨仲要炸到黑"炆炆"，又好多油，之後果新地仲衰，係張相睇到既一半size咁大，d waiter 態度又差，叫佢轉過張大台比我地，因為我地多左果人，佢地要問成十幾果人先話比轉，轉台者，又唔係咩事，使唔使要今多人同意先得，埋單最尾差唔多四百蚊，想番三個人都要四百，但真係唔知食左d咩要咁貴！

上個禮拜六去吃晚飯，點了數種食物：柚子沙律味道ok，但個人認為和民的”和民沙律”較好；黑椒三文魚壽司很特別，三文魚最上面一層是半熟的，洒上黑椒，伴碟的washabi是磨的，十分好味；火龍壽司和豬扒飯味道則一般，沒驚喜．

今次選了花火, 呢間野裝修得真係唔錯, 好有氣氖, 但都係花火同三心兩麵好d. 食了好多野,但係上菜好耐,每道菜之間要等好耐先有得食. 二個人叫了花火特上壽司拼盤($99), 以一個好靚的高架上檯, 一共有12件sushi, 帶子sushi同燕窩sushi各一, 個賣點亦係呢2件, 但係燕窩sushi太淡, 帶子味ok但size好細. 拼盤內其他的sushi都係一般貨, 三文魚,海膽,鰻魚,八爪魚, 立魚等等, 另一客火龍卷($38)只係ok, 因為係面的鰻魚真係太薄啦, 無晒口感. 但入面的炸蝦不錯, 海鮮刺身餅($38)由好多款海鮮刺身cut到一粒粒壓成, 有蝦, 八爪魚, 魷魚, 立魚, 三文魚, 海膽, 蟹柳, 蟹子等等啦, 都幾有海鮮味, ok. 炸雞軟骨($38)都唔係用日式炸法, 係中式油炸雞軟骨,感覺有d怪, 個sauce好似淡味的千島汁唔好食. 南瓜甜薯天婦羅幾好, 南瓜同甜薯都新鮮帶甜, good.飲品叫了一個白雪公主($28)係荔枝沙冰, 但都唔係沙冰, 荔枝味ok, 另一個巨峰沙冰($28)係利賓納feel only.但呢度d食品全部帶咸, sushi鼓油似係中

上個weekend 浦完K之後D friend 話有Ｄ餓，但係時間已經成12:30 都己經好多地方收咗。忽然有人提意試吓一間新嘢叫@東京。咁咪試吓囉，點知原來係一間好靚同好型的地方，有D 似浦緊佢哋仲有一個叫喪飲所有drink 都半價，以後都可以約D friend 响度飲嘢。好平!! 仲有Ｄ日本小食都好味！

我上星期去試個@東京嘅紅房部份, 我覺得無"胡迪"講到咁黑喎(要用電筒照Menu), 睇嘢光暗足夠, 頭頂大大枝射燈射住張枱. 我再好奇問D Waiter 係唔係有電筒俾客人照Menu 叫菜. 原來佢話之前天花無裝射燈, 所以每枱配給電筒, 後來聽到客人嘅意見, 6月尾已經喺每張枱加咗射燈方便客人. 咁間餐廳都幾好呀, 聽到客人嘅意見就馬上跟進. 其實入到嚟餐廳嘅時侯, 個侍應都問我想坐紅房二人廂座還是靠窗的Sofa位. 我先知道呢間餐廳唔係淨只有紅房二人廂座, 還有其他坐位選擇嘅. 仲想一讚佢地會提供一啲免費飲品俾等位嘅客人. 味道不錯.

o個日同男友係時代睇完戲都成十一點幾, 真係隨o左翠華或其他茶餐廳都冇乜食既選擇, 不過當我地行經波斯富街時見到一個好有禮貌同幾靚o既女仔問我地有冇興趣試下新派日本菜, 見佢咁有誠意咪試下law. 佢親自帶我地上去2樓一間叫@東京既餐廳, o個度裝修得真係幾靚, 成十一點都好多人, 個reception問我地食拉麵、壽司定日式西餐, 我地去o左花火食壽司. 講到野食真係不得不推介黃金海膽雞軟骨同明太子豆腐煲真係好正, 仲有佢地既海膽海鮮炒飯都係$39,真係抵食到爆, 野飲方面真係好平, 因為我地成12:00先上到去, 佢地話有個乜鬼"喪屍時間"所有飲品半價. 佢地dwaiter同waitress服務態度都幾好, 佢地收2:00, 我地坐到2:00佢地都無趕我地走, 仲叫我地慢慢坐tim haha, 我同男友食完都好happy, 一定會再返去. 唯一既缺點係唔可以叫其他地方(拉麵同日式西餐)既野食, 不過我都一定會同其他朋友去試下.

Its environment is similar to Aqua. Yes, it's quite dark and may get lost but isn't it fun? The food is fresh at reasonable price. Not enough varieties though.Service is ok. but the servers are very much in a hurry and want you to leave somehow ... perhaps they have a lot of people waiting in a line.

今晚係花火度食dinner,見到個menu,無論係菜式,分量同埋價錢都有o的似和民o既style。可能因為覺得食厭o左和民,所以覺得花火o的o野食都幾好。入到去覺得周圍都好黑,爭d蕩失路囉!哈!~入返正題,講返o的食物先啦!炸雞軟骨,唔好食囉,因為炸得太, 而且個醬汁又唔係好好味,好似無味咁,下次一定唔會叫。芒果蟹子沙律,好普通,只係普通蟹子沙律再係面加返幾片芒果咁解囉,而且個沙律汁好淡味!柚子沙律,碟就好大,不過份量就好少囉...同埋可能因為柚子有o的苦味,影響到沙律個味,如果個醬汁加以改良,應該會幾好食!!~明太子豆腐,好好食~跟埋個一鍋仔咁上頭,連埋個火,即場加返熱個豆腐,等d明太子唔會因為凍左而有醒味!!~串燒,叫左任選五串o既拼盤,我地揀左一串煙肉露旬,雞軟骨,雞肉串同埋兩串雞翼。以上串燒都不過不失,雞軟骨個味都係串燒呢個好食o的!!~黑(之)珠海鮮飯,呢個真係好好食囉,一定要食!!最後就係sushi,一個好似係叫做亞拉斯加卷,有o的似加洲卷咁,但係入面淨係有蟹肉,外面就係蟹子,呢個又係必食!!~講完食物,飲品個度就真係同和民無得比,因為d choice都唔多,我地4個一人叫

昨天和honey 去了火花食下午茶我叫了意大利乾酪焗肉醬意粉配蟹子+ 凍檸茶$, 覺得比較酸, 一般好味..凍檸茶就超淡味, 無咩甜味, 要叫人拿糖漿先可入口, 坐位都幾舒服啦, 但好像趕人走咁, 見你食完就即刻收嘢!!如果唔係都幾ok 啦!而我honey 叫了豚肉拉麵配豬骨湯底+ 凍檸茶, honey說豚肉幾好味,但湯底就一般喇,味千拉麵既湯底更好!

見佢d拉麵咁搞笑咪去試下law拉麵個part地方真係勁細，又無分吸同非吸煙區，我食2首煙多過食麵囉佢個麵呢你就當然係要食完1邊先另1邊啦好難兩邊1齊食ga ma咁你1路食麵又會1路傾計wor當你食第1邊就會覺得幾好食同過癮但到你食另1邊呢d麵已經林晒，唔好食lu

係門口睇完三間既MENU....揀左呢間三心兩麵館...所謂三心兩麵....其實係一碗拉麵可以揀兩個湯底(共有6款)...再加叉燒或海鮮或雜錦(即叉燒加海鮮)做配料...我揀左魚湯+麵豉湯+海鮮....個魚湯好腥....攪到D麵都難食....但係個麵豉湯就OK....海鮮包括有一條蟹柳...一個急涷帶子....一舊炸魚蛋...同埋一隻蝦...由於個碗分開左一半....所以份量其實唔多.....間舖真係好黑麻麻....但係就冇其他食家講得咁恐佈....不過暗暗地咁都幾眼訓....果D所謂designer chairs 就真係好睇唔好坐....P.S. 好唔鐘意佢個toilet....男女同一個門口....各得一格咁大把...又係同一個地方等...都幾令人尷尬.....

鐘意佢個yin Yang湯底，好好玩，好得意個豬骨同魚湯底幾鮮甜!!面都幾好個環境就嫌佢窄左d, 同d侍應就好似趕住收野咁