東京站 章魚小丸子 (已結業)

自從上年，與家人到台灣旅遊，吃過當地美食，其中最令我印象就是當地稱之「車輪餅」的小食，一直令我念念不忘，掛念至今。在多個月前，經過旺角的街頭小食檔看到原來香港也有售賣，心感興奮，想不到香港的街頭小食已漸漸變得國際多元化，難得經過當然要買來一嚐，做法相似但香港取名為「叮噹餅」，味道有三種口味，分別是豆沙、奶黃和椰絲，相比起台灣的十多款口味，甜鹹俱備，除了基本的紅豆和奶黃的餡，還有芋頭、蘿蔔絲、芝麻、綠豆和菜脯等等，味道層出不窮，香港實在不能媲美。最近，為了考試的事忙碌著，連家門也沒踏出一步，所以老爸專程走到旺角的<東京站 章魚小丸子>買我最喜歡的街頭小食「叮噹餅」作為支持，令我大為感動！拿到回家時還存有一絲暖意，把盒打開，香氣充滿四周，頓時令人食慾大增！兩款外型一樣的叮噹餅，就隨便挑一款先嚐。其實所謂的「叮噹餅」就是由日本的銅鑼燒演變而來，我個人覺得兩者味道差不多，只是叮噹餅的餅皮麵粉奶油味較重，兩者各有千秋，而且在台灣的車輪餅不但餅皮薄脆，餡料比例更是令人滿意，做得比香港出色許多！可能是香港少有這類型的小食，加上現時百物騰貴，所以單買一個也要$6呢！豆沙叮噹餅(4/$2

經過此店,見到有幾得意既日式Q餅,同埋叮噹餅有紅豆味、奶黃味、椰絲味一個叮噹餅$6,四個$20我不嬲對椰絲無咩興趣,所以揀咗2個紅豆味+2個奶黃味($20)另外,日式Q餅有20款唔同既口味選擇,令到我心大心細最後揀咗芝士粟米帶子紫菜($18)先講叮噹餅紅豆太甜,幸好外皮夠蛋香味,還挺濃郁的,而且不太甜可以中和番甜漏既感覺返而我認為奶黃味的餡甜而不膩,同埋餡料十分之滑溜,讚!初嚐日式Q餅的芝士粟米帶子紫菜,我覺得芝士與其他配料味道挺夾的但唯一美中不足的是餅皮太脆,食既時候會跌到周圍都係,好麻煩整體最好味既係奶黃味叮噹餅,可以一嚐!

旺角不是我常去的地區，之前在尖沙咀看完電影，散場後沿彌敦道一直走，約了網友在某間商場的大堂交換物件，完成交換後，難得身在旺角熱鬧的街道，當然要逛逛街。行至晚上八時，還未食晚飯，看到這裡的日式Q餅似乎不錯，有很多不同的配搭，看別人買了Q餅，即叫即製，我也忍不住買一份 - 芝士蘑菇煙肉，在等待的時間我把店員製餅的步驟拍下，餅底雖然很薄，放上的配料卻很多，餅底摺疊起來時，變成厚厚的饀餅，非常鬆脆，只是煙肉和蘑菇都煎得不夠熱，散發不出食材的香味，相信選擇素菜口味，例如栗米紫菜肉鬆，味道會夾啲。

很久也沒有到旺角掃街, 一早起來心兒忐忑地召喚我, 腦電波也映出一些肥姐串燒、燒餅皇等美食的影像來打擾我, 我忍受着忍耐着......直到下午,我的身體和手脚都像着了魔般不由自主地逼我換上街服及穿波鞋。 就是這樣我被帶上巴士, 乘車到旺角去。旺角街頭多了很多大大小小高高矮矮的美國水兵, 他們也很識食, 識嚟旺角掃街。 我第一站就要嚟食$16超巨型嘅串燒金菇肥牛卷及$13超厚身的串燒鴨胸。 我記得好似是每樣加咗1蚊價。當阿姐幫我煮熱時, 我見到一個阿兵哥用半鹹淡廣東話同阿姐講:「三個。」阿姐好似認得佢咁, 笑住口問返佢:「今次要三個??」手也豎起三隻手指,阿兵哥點下頭而佢旁邊嘅水兵兄弟就問佢地講乜野, 阿兵哥就解釋俾兄弟聽, 而且重教佢講廣東話嘅一至十。後來發展成點就唔知啦, 因為阿姐pack好咗我盒食物, 一手交錢一手交貨, 我就行去旁邊間Coco買珍珠奶茶啦~~巨型嘅串燒金菇肥牛卷...一串有4巨件, 阿姐剪開就有8粒, 別人街鋪一碟4粒小吃都要賣十多元一客, 還要size是這兒的二分之一。超厚身的串燒鴨胸就一串3厚件, 阿姐又剪開就有6塊。 阿姐還加上唔辣兼甜甜地又有花生粒的

　最近真的愛上了小丸子這間店了，從遠處都能聞到香味，每次都不能抵擋它的誘惑而買下了佢的食物才行。　這次仍是要了叮噹餅♥，兩個豆沙﹑一個椰絲﹑一個奶皇，外賣三個給媽媽吃，一個自己吃了豆沙，本來一個五元，四個只要十八元，真伐算！　我覺得叮噹餅仍然是傳統的豆沙味最棒！不過不知道媽媽喜歡什麼味道所以三種味道都買齊了。整個叮噹餅都充滿了餡料，各種香味都飄進我小小的鼻子裡，真想把其他的都吃掉了！　個人很喜歡豆沙的味道，吃下去很有口感，豆沙味令人都會更加開心，哈哈而其他的味道就不太清楚，不過媽媽說三個都很好吃，不過還是最愛豆沙♥

　去完cafe，就到了小丸子的店，今次不想吃小丸子，所以叫了一個叮噹餅，這次要了豆沙味。　叮噹餅傳出一陣陣的香味，我放置了十至十五分鐘，仍然是暖暖的，咬下去仍是充滿豆沙的香味。豆沙佈滿叮噹餅內，只吃了一個，但我吃完都很飽了，實在不錯

　一直覺得這間店的章魚小丸子很好吃，價錢亦很平民化，14元6粒(雖然加了價兩次)。但仍不比日船差。　這間店的醬料很足夠，紫菜也不會吝嗇，而且放了一會兒也是熱辣辣的！如要吃小丸子，這店一直是我的首選！

食完Pepper Lunch未夠喉, 繼續係旺角搵野食突然間想食章魚丸, 路經此店, 於是就買盒試下其實有時候食章魚丸係好睇運氣, 我自己就運氣麻麻, 每次食既章魚丸一於粒章魚細到食左都唔知, 一係就無章魚係裡面$14有6粒, 價錢合理, 章魚丸微熱汁醬方面, 店員落手重左, 下次食既話要叫佢輕手D第一啖咬落已經食到有章魚, 很好再咬, 原來唔止一粒章魚, 唔錯三咬,食哂餡料夠, 幾好幾好, 好開心食到有章魚既章魚丸 (唔係搞gag, 呢個世界真係有章魚丸係無章魚)

這裡的QQ餅,與可麗餅(CREPE)與 班戟(Pancake) 其實..已經續漸融化為同一種美食了！只要是一個煎既麵餅再加些咸或甜的餡再捲起就是了。這天，朋友好想食crepe！旺角有很多食crepe的選擇，例如在朗豪城的Mamma Mia Gelato，新世紀的麻布茶房和女人街的小食店！最後，看過Mamma Mia Gelato唔岩心水就去左女人街到睇雖然這裡的qq餅只售$18，但是它沒有CREAM也沒有雪糕，我們ORDER的這個香蕉朱古力很DRY呀 哈哈，不過沒關係吧，過過口隱也好！這個QQ餅即叫即整，阿姐身手純熟。很快便將適當份量的餅漿倒在煎PAN上，她不需要用殼來控制份量，隨手一倒就已經剛剛好！接著等它熟了一點點便將原條香蕉切面放在上面，再加上朱古力醬，再用純熟的手勢把餅摺起來，壓兩壓，就送到我們手裡！她壓的手勢很好，可能是用了陰力，壓一壓也不會壓破或弄串！我們當然要趁它熱辣辣的時候品嚐啦！它是微微脆邊的，內面的餅底又煙煙UN UN。一開始吃的時候，都吃不到朱古力醬。吃到下面，朱古力醬係咁標出黎，標到腳呀鞋呀衫呀地下都係...朋友仲食到嘴角都有添 即刻影底佢先！其實，食完這個Cr

好一排冇吉魚蛋掃街了. 今日行mk, 吉返夠本先~行經呢頭, 見d 魷魚都好似燒得好像樣, 叫了一串.要13蚊呢.阿姐將佢由個串竹籤放進個兜內.再加d 醬及辣汁.d 汁初初有d 甜, 之後便勁辣!係兩段的口感, 後勁凌厲呀!估唔倒咁勁; 但講返塊肉, 雖不算好爽, 但都幾好咬口, 燒得唔太燶了, 幾入味.但13蚊又真係幾貴~

尋晚去旺角，有個同事介紹呢間魚蛋點好食。呢日終於有機會試下，十蚊有一份，一份就有十粒。辣辣魚蛋講堅，我既程度認為可以再辣。佢辣得黎係加左沙嗲汁，唔會一味得個辣字。講番個魚蛋，我覺得就淋左小小。不過我覺得係食得過既。正唔係正在個魚蛋，而係正在汁到。食完魚蛋，同個同事講笑咁講。將香港既魚蛋文化發揚光大，可以sell到去東京既淺草。咁樣可以宣揚香港文化之後，仲可以賺大錢。純粹講下笑，因為小丸子係其中一個好受歡迎既進口小食之一。

奶皇叮噹餅($5):果個人似即整比我架，所以食落熱辣辣。而且好厚，d味好似雞蛋仔咁!!不過入面既奶皇唔夠奶味，但係好流!!

呢款燒餅而家好少地方先有得賣，以前有就唔買，今次我同家姐經過呢度終於可以買啦，熱辣辣又有好多款式選，有紅豆味、奶皇味及椰絲味。我最中意食紅豆味，所以買左2個紅豆、1個奶皇及1個椰絲。款紅豆又香又熱又多豆，好正！而我家姐最中意食奶皇及椰絲，故個2個係買俾佢既，佢話奶皇又香又滑，而椰絲又香。所以下次再經過呢度都要再買先得。正！

在MK見未開飯買0的小食頂住肚先，要了串燒魷魚﹗12蚊串唔平喎﹗見老闆用剪刀剪一粒粒，再放在小膠盒中，衛生唔會滴到周圍都係﹗魷魚有咬口彈牙，個汁有沙爹香亦夠哂辣，剪埋剪埋幾十粒，兩個人食會比較好，我一個人食一串多左0的﹗我食野其實唔太鍾意多汁的食物，愛吃原味，多汁總是覺得會蓋過其原有口感味道，就像呢度出品的這個魷魚，吃不出魷魚的味道，一切也是沙爹同埋辣，反而我覺得如果要辣的話在上面可以加少少辣粉來燒，會更加原汁原味﹗

經過幾次，都想試試這的小食，但無quota了，因為大家在登大士街都常都已大戰連場！5元而已的叮噹餅,對你身體來講的卡路里是不少.令人更失望的是完全唔熱!叫了奶黃味,在display的是整個橫切面都是奶黃.實物呢?只有中心部分的一點,大約只有整個橫切面的30%.騙人.奶黃,有點甜,其實味道應該不錯,但是奶黃餡太少太少,點試真個味?