杜老誌大飯店 (已結業)

工作做完左，跟住左係灣仔周圍行，本來諗住去灣仔站走，跟住突然見到呢間餐廳，見到餐牌上面啲野食相好似幾吸引，所以就走左入去食下。 一入去可能我地都已經相對夜左小小，都唔洗點等都有位坐。 乳鴿根據餐廳職員講今日嘅乳鴿好評如潮，我地好好彩咁岩咁夜黎仲有得食，我地今晚就有口福食喇，乳鴿入口夠晒嫩滑，一啲都唔會太肥，而且仲好惹味。菠蘿皮焗西米布甸呢個菜式係餐廳自創的，焗西米布甸最重要嘅一點係時間的掌控，師傅呢度嘅焗西米布甸入口唔會太濕，而且夠晒多足料，菠蘿皮焗得岩岩好，份量亦都好足唔會太小，岩晒我地呢啲鐘意食的甜食嘅人。三個人黎食到飽晒，真係好滿足，絕對值得再黎

今晚掛住食，冇影相。七個人，叫了五餸一湯加一個甜品。當中的清蒸石斑和炸子雞水準一流，極力推薦，必食！椒鹽白飯魚和小炒王亦是中上水準，很入味而又剛剛好不是很咸。豆腐白菜仔魚雲湯就一般，至於鹽水㴆花蛤份量甚少，是今晚最失望的一道菜。甜品訂枱時留了西米布甸，可惜味道不夠甜。差不多完餐時，店員很有心詢問意見，有向他們反映，希望日後有改善。服務很好，見到食肆很有心去做。有時間會再去幫襯，希望會遇到其他美味的菜式。

收到風，係灣仔開左間好有設計感嘅大飯店咁岩係灣仔附近做完野收得工就過去食個DINNER啦.行到去杜老誌道走入呢個平平無奇嘅群策大廈一出LIP 門，好似回到去七八十年代咁餐廳裝潢以懷舊為主題有唔少充滿回憶嘅霓虹燈景點如「漁人碼頭」，「富貴大押」「今時今日世界夜總會」等等環境設計真係好逼真我哋淨係影相打卡都用咗唔少時間建議四周圍行吓，探索更加多嘅打卡位.餐牌方面有十類，分別係前菜，佐酒小菜杜老誌推介，鑊氣小炒，蒸類， 賣魚勝推介蔬菜類，鐵板煲仔類， 炒飯麵類同湯類全部都係地道嘅港式小菜部份仲係餐廳嘅改良進化版添.豉椒炒蜆配煎米餅 （$138）豉椒炒蜆我就食得多但配埋煎米餅就係第一次見，所以都好期待炒蜆未拎上枱就已經香氣四溢😍鮮蜆同香蔥，燈籠椒等材料爆炒再放係煎至金香酥脆嘅煎米餅上最後淋上芡汁惹味香濃又夠鑊氣而煎米餅食落好香口沾少少芡汁，仲有另一番味道最欣賞嘅係蜆肉新鮮又冇沙個個都有蜆肉，吾會有空殼.魚香茄子煲 ($88)由細到大都好中意食魚香茄子煲全因佢強大嘅吸汁力！熱辣辣嘅茄子煲，拎上枱時仲滾動緊茄子口感軟綿綿，盡吸醬汁同料頭嘅精華啖啖都係濃辣惹味，配上豬肉碎嘅口感送飯堅一流.椒鹽雞中翼

今日同事介紹咗一間新開嘅茶餐廳，話裝修好特別，坐得舒服。我地一行揾食飯團就去試下。去到裝修真係好有手懷舊色彩。裝修好有心思，好多特色招牌我最鐘意依個機鋪，真係好似講返食物，我叫咗個栗米石班飯，個汁好玻璃，唔係好得。魚份量都唔錯，咪道正常，但係我覺得栗米石班，個汁你靈魂，令到整體失色。栗米石班飯同事叫咗個男人的浪漫，佢話唔錯奶茶正常我見其他人叫炒野好似好d, 都嗅到有鑊。下次會再去試下炒野，應該會好食d

唱完K肚仔餓，誤打誤撞比我發現咗一間不論環境，食物，衛生，服務質素，同氣氛都好好嘅餐廳，餐廳裝修帶有懷舊氣息，加埋d舊歌好似返咗八 九十年代咁。我個人比較八卦所以行咗個圈參觀下餐廳，原來呢個遊戲機中心入邊係有張大枱，多人食飯嘅話可以包房，聽侍應講入邊真係有機打好啦講返食物先，望一望個餐牌，雖然餐廳身處喺灣仔，不過價錢唔算太貴咋喎:去圖啦喂~食中菜唔少得咕嚕肉，因為我覺得咕嚕肉望落好易整，但係其實要整得好食真係好講技巧，呢碟咕嚕肉真係做到外脆肉嫩，而且仲保留到肉汁，甜酸醬分量剛剛好，正！跟住叫咗個鐵板豬手，呢個份量起碼夠三個人食。豬手煮得好淋，好易入口，黑椒汁配搭perfect match,而且都好入味，送飯一流！海鮮就必食啦當然，蒜蓉粉絲蒸元貝$48隻，其實都幾大隻㗎，同埋好新鮮仲有蒜蓉粉絲蒸開邊蝦，隻隻都好鮮甜又大隻又多肉係咪見到都流晒口水呢味叫杜老誌炒飯，就係見到餐牌上面寫住杜老誌炒飯我就睇吓杜老誌係咩來頭，原來炒飯係用咗鮑魚仔，鮑魚汁，叉燒，瑤柱絲，同埋香蔥炒成，真係好優秀！必食推薦，因為真係又好食又抵食，飯粒粒粒分明，炒飯落瑤柱就實無死，仲要有鮑魚粒！p.s足料又大碟！另外想讚

成日都好好奇以前既香港係點,呢間懷舊既大飯店比我見到逝去既光景。真心多打卡位,樣樣野都有標誌性,好代表到香港。有好多打卡位,實在唔錯。愛吃海鮮既我點了4隻果皮鮑魚,食到陳皮既味道,鮑魚有嚼勁,果皮滲了進去,有果香。跟住就叫左GARLIC元貝,好大隻,好香既GARLIC味,DIP埋D SAUCE真係一流,粉絲有好飽滿既GARLIC味同元貝味,正!之後仲叫左金湯龍蝦,好大隻,真心啖啖肉,我一口可樂一啖肉,係一流既享受。連D穀都唔太洗開,CHEF幫我地敲過黎,底下既烏冬吸晒D 龍蝦汁,正!最後叫左果皮蒸泥蜢,泥蜢既肉質好鮮嫩,冇錢食東昇斑,食呢個過下口癮。朋友叫左杯凍檸茶,認真香港。呢度既服務都幾好,D野食好快就上到。讚!

同朋友來到呢度，佢話仿如返到80年代嘅香港。熱鬧，璀燦，多姿多彩。你可以見到霓虹處處，有漁人碼頭，今日世界，游戲機室，桑拿，茶檔，蔴雀娛樂公司……仲有两間獨立VIP房，一間有舊式游戲機供細路仔玩，適合一家大細家庭聚會，另一間供朋友間聚會又唔怕太吵。沙薑雞腳58蚊一大碟，一上枱濃郁沙薑味扑鼻而來，加上有咬口雞腳，實在好紅燒乳鴿78蚊/隻，皮炸得好脆，連D細骨都可以吃落肚，而D肉質就好嫩好滑，係我吃過最好味嘅乳鴿之一。椒鹽魷魚，好新鮮，熟嘅程度啱啱好唔會韌。砵仔焗魚腸味道非常鮮甜，而表皮焗得金黄好靚。甜品焗西米布甸最初吃落覺得有D甜，其實係錯覺，甜度都幾平均，好满足的一餐。

今晚收工朋友又帶我去間較特別的主題餐廳食晚飯，它位於灣仔杜老誌道6號群策大廈7樓全層，個名都幾特別，叫做「杜老誌大飯店」，以八、九十年代灣仔景點作主題的餐廳，我地這80後大多會聽過，例如曾經在銅鑼灣的《今日世界夜總會》、《漁人碼頭》、《茶檔》、《總統桑拿》、遊戲機鋪等......仿如置身於80年時代的灣仔中，讓人逐一回憶當年銅鑼灣、灣仔的舊時光，每個景點的裝潢都做到好細緻，讓人賞心悅目，地方環境又企理，寬敞又舒適，估晤到在此也可以吃到大排檔的風味菜式。比起街邊的大排檔，這裡環境更乾淨又寬闊，起碼空調又足，燈光光猛，感覺讓人更舒適，那些木圓枱、摺櫈、鐵水壺等......充滿著大排檔的情懷，持起著個餐牌，飲品有維他奶(樽裝)、龍鳳可樂、地道奶茶、濃滑咖啡、紅豆冰等....一場來到當然先試杯紅豆冰($24)，而友人點了杯熱杏仁霜($17)，我個人真是好喜歡杯紅豆冰，夠大杯紅豆份量十足，每粒紅豆都爆花夠腍身，甜美可口，友人杯熱杏仁霜她覺得都好香滑。是時侯開始看下此餐廳的食物，款式都幾特別，分別有前菜、佐酒小菜、杜老誌推介、鑊氣小炒、蒸類、鐵板煲仔類、炒飯麵類、湯類等......前菜方面都幾特別

約左家中兩老去食晚飯醒起之前見到網上介紹依一間新開既餐廳 — 杜老誌大飯店兩老都表示有興趣 於是今晚就黎左試一試餐廳掛上具香港特別既霓虹燈播放住懷舊歌曲 有老香港風味晚餐菜式種類豐富 好多樣都想試紅燒乳鴿乳鴿外皮香脆 可口美味點上椒鹽和喼汁孜然雙蔥爆牛肉洋蔥香甜 牛肉爆得好香 同孜然味好夾用心制作 有種出面食唔到既好味道蒜蓉粉絲蒸元貝元貝味鮮多肉 食落去充滿蒜香底部舖有滿滿既粉絲 好滿足蝦多士賣相用心 用料好 蝦肉彈牙 多士炸得香脆 食落去有意想不到既味道難怪係店舖推薦菜金銀蛋肉碎浸白菜皮蛋、鹹蛋味香 加入肉碎一齊煮自選配白菜 唔會太淡或太鹹 健康又好味店員服務用心 仲細心送上檸檬配茶佢洗手之用/兩老都表示滿意餐廳十分適合家庭或朋友聚會 好味又溫馨

俱代表性，令人回到八十年代的懷舊地標餐室。飯店屬懷舊排擋風的餐室。位於杜老誌道，前杜老誌夜總會對面羣策大廈7樓。電梯門一開，仿似穿越時光，回到香港八十年代最蓬勃時期的老灣仔。整間餐室維繞著杜老誌夜總會，總統桑拿，今日世界，行運麻雀館，百樂門酒店，富貴大押等等；以代表措日香港地標店鋪作主題。令八九十後一輩感受到當年老彎仔特色。年長一輩亦能回味惜日最燦爛的香港。餐室內另設有兩間充滿主題性的廰房。內有街頭霸王街機。服務員殷勤有禮，親切。食品不錯。價錢合理。環境主題設計逼真，打卡亮點！賣相佳。足料。雞排烹調過程認真厚切全熟，而冇過火；但不夠入味。烏冬太淋，沒煙韌感。湯底不錯