村爺爺龍蝦湯.泡飯.燉湯專家

營業中

休息中

晚晚都大排長龍，今次專登早d過去，好快就輪到我哋啦，排隊嘅時候店內一直有播採訪，里面有制作方法之類，聽到更加覺得呢個價位食到真係物超所值～🍜花膠@極上幹貝龍蝦湯米線簡直海鮮盛宴，22小時熬制嘅龍蝦湯果然鮮甜，唔同類型嘅海鮮鋪喺上面，每款都巨多🤤第一啖想食米線根本無從落手，要先食上面先🤣🥘鮑魚花膠蟲草花雞煲翅（內含半只雞）雞都煲得好入味，睇到湯面就感覺到滿滿嘅膠原蛋白🤤帶上手套撕開嫩滑嘅雞肉，唔夠味嘅話旁邊仲有辣椒醬油可以點哦😌而家時節嚟上一份滋補又暖身😌🫘阿爺三寶（頂級蠔油冬菇，南乳炸雞翼，手制魚腐）真嘅要點份試一下，冬菇吸收咗蠔油，香滑嫩口，唔油膩～雞翼外殼酥脆，內部汁水飽滿，如果唔系要分享，連續吃兩只都唔夠🤤🍹阿爺鮮果冰茶好多水果擺喺杯邊，里面仲有芒果粒🤩果香與香茶交織，好大一杯，根本飲唔嗮🤤🍦芒果沙冰消暑就飲呢一杯，多到滿出嚟🤣飲到一半突發奇想將百香果倒埋入去，一起喝更加有口感😉真系吃完好滿足，份量俾得足够又足料，而且雖然忙，但系該有嘅服務一樣用心，推薦嘅餐品都好滿意☺️

本养生博主太愛村爷爷辣!每次到油麻地必吃系列！店里的每一款几乎都尝了个遍〜都很值得點呀，鲍鱼花胶虫草花雞煲已经不懂吃过第几回了，金碗里竟然有半只雞，老板説雞是新鮮貨〜難怪吃出鮮味了！汤底是黄灿灿超浓郁的鶏汤，每次都有种在家喝妈妈煲汤的感觉〜加上里面还加有鲍鱼、花胶，鱼翅，虫草花，真的滋补养生到不行啊〜肉鲜嫩多汁，花胶Q弹爽滑，鲜味倍增！建议先喝汤再吃肉〜还另外加了 © 15配米饭和青菜，鶏肉蘸上他们家的自家制辣椒豉油，再配上饭一起吃，真的好吃！如果是海鲜爱好者+养生达人，請pick这家店！！

每次經過這家店門口都排大隊很多人都為了吃他們的馳名湯飯而來而且特色泡飯每日數量有限今天下了班約朋友過來試一下～✔️花膠極上龍蝦湯泡飯巨大的龍蝦頭好震撼 真材實料看得到湯底很鮮甜 沒有味精 濃濃的龍蝦🦞味這湯里配料的量我也驚呆了料跟湯的比例是一比一 超級多海鮮扇貝、元貝、青口、蛤蠣.....沒想到一份就有這麼多配菜 好經濟實惠！✔️鮑魚花膠蟲草花雞煲翅金黃的湯充滿雞味，又香好甜！雞煲竟有半只雞 雞味好濃還很貼心配了手套和刀叉可以自己切和撕開雞肉～配料有鮑魚、花膠、魚翅 不得不說他們家的辣椒豉油真的是靈魂醬汁！！非常值得一試蘸了一下海鮮和雞肉味道提升了一個level🆙

成世人從末食過咁難食既車仔麵，湯底唔夠熱，片頭極咸，牛肋骨極乾，龍蝦湯底完全唔夠熱，車仔麵基本野都做得好差，收得咁既價錢，比返少少有質素既食物比顧客，極度失望，完全無下次👎🏻

有德國朋友來香港旅遊, 想帶她吃點中式的東西, 給她三個選擇, 最後她選了這家村爺爺, 叫了龍躉三寶龍蝦湯泡飯 (因她未吃過龍躉), 另外她問伙計有什麼推介, 伙計推介花膠鮑魚雞泡飯。🦞 龍躉三寶龍蝦湯泡飯上菜看見大蝦頭, 她便很興奮 (但原來這個是沒有龍蝦, 看錯了) 龍蝦的鮮甜味道與龍躉的滑嫩結合，湯底濃郁，帶有海鮮的鮮香，令人忍不住多喝幾口。🍚 花膠鮑魚雞泡飯花膠的口感彈牙。雞肉經過精心燉煮，真材實料，有半隻雞，肉質鮮嫩，湯底濃厚，泡飯充分吸收了各種食材的精華。相對龍蝦湯, 德國朋友和我都更喜歡雞湯。

公司自從搬離左旺角後，就好少出去旺角食野啦。早幾日要去探朋友啱啱出世嘅BB，咁就有機會出旺角食我好耐無食過嘅花膠雞啦！可能因為平日下晝少d人，之前食晏就要排一陣隊先有得食，今次就唔駛排啦Yeah!無黎一段時間，menu多左好多野食，樣樣都想試但一個人又食唔得好多。揀左照舊花膠雞同加多個小食！雞同以前一樣咁滑咁嫩，仲有花膠同螺片食，湯都仲係好好飲，大大份好滿足呀！仲揀左個爺爺三寶小食，個南乳雞翼超好食，好入味好香！推介！

已經來了幾次，今次又食雞煲翅，經過上次食到食枱都係湯汁，今次叫佢上之前幫幫手剪一剪果半隻雞，四眼哥哥話路會幫你剪，咁我表示我想食得衛生一點，唔駛彈到成枱都係湯。四眼哥哥話絕對唔可以，而且態度十分差，話個個都係咁要求，我幫得邊個剪呀。記得以前都唔係咁，而家呢度越做就態度越差，又催人落單，又游說客人幫手打卡點讚。所以真心果句，你唔怪得部份香港人寧願坐個幾兩個鍾都北上食飯，人地服務好態度好，係有原因的。所以我真心希望佢地可以檢討吓。

📍村爺爺真"盛"海鮮龍蝦湯泡飯 $ 168新鮮大龍蝦+7種海鮮配料，足料，但係個湯真係好鹹。。米飯配上龍蝦湯底，有海鮮味，性價比一般。花膠螺片雞煲 $ 68呢個好抵，雞肉一點也不柴很鮮嫩，和黃金雞湯底好配。還有花膠和螺片很Q彈，冬天吃應該好舒服。

叫咗個花膠螺片雞，螺片兩塊細細塊，花膠一片爭啲睇唔到，同埋唔知點解即刻煮出嚟個湯係唔熱嘅！另外叫咗一個花膠魚頭蟲草面。我見我老公淨係食咗兩啖就話唔食！我好奇食咗一啖！嘩簡直係唔係人食魚頭成浸泥味，成碗腥到🤢🤢🤢🤮🤮我哋食咗兩啖就冇食，超難食，可能我哋唔應該喺呢度叫魚頭啦！食到成碗嗰個真係唔簡單🤮🤮🤮簡單啲，而家真係越嚟越差啲嘢越嚟越細件！冇質素價錢就越嚟越貴！冇下次冇下次冇下次冇下次！

⬆️⬆️極上海鮮龍蝦湯泡飯$78🍴海鮮真係好多好足料，惟誤以為入面有少少龍蝦肉原來得龍蝦頭😹😹👨‍💼👍🏻另外值得一讚嘅係老闆，佢真係好Nice，服務態度好好😀真係拎好多獎😎👍🏻我見好多人叫「懷舊推介」、「必食推介」、同埋「爺爺推介」，大家都可以考慮試吓😀睇落大大份好抵食📍村爺爺

今日夜晚嚟到村爺爺食泡飯～平時經過都見到好多人排隊，見到菜單有好多配搭，都係一啲養生嘅泡飯！今次我哋叫咗每人一個鮑魚花膠雞湯飯～ 一上菜都好驚喜食，每一個餐都有成半隻雞喺個煲度雞湯係黃色嘅賣相好吸引！個煲係熱辣辣店員都好貼心會提我哋小心整親。味道方面，個湯係比我想像中淡嘅～不過隻雞肉質好滑， 而且份量唔少，呢個餐仲有埋青菜添，食到好飽咁嘅價錢嚟講都唔錯。我哋本身仲叫咗一個牛三寶拼盤，但係呢個唔好食肉質好硬，味道一啲都唔吸引，而且仲要成$58唔抵！嘢飲方面我哋叫咗竹蔗茅根同埋無花果蘋果茶！呢啲健康飲品，店主話係自己煲嘅，好淡嘅，完全冇添加，都幾平$25有好大支～

見咁多人話性價比高諗住嚟朝聖下，晚市時間要係門口排隊，齊人先俾入，要留意啦如果到你但係你唔齊人佢只會直接跳過你，完全無視你叫下一個，唔會有任何通知，所以要自己企定喺度啦。野食方面龍蝦湯有啲咸，d魚嘅味道偏腥，同埋骨多無咩肉，唔太抵食。雞湯就唔錯足料，可能始終主打。呢度湯飯唔連野飲，特飲沙冰跟餐要三十幾，散叫要68蚊都幾得人驚。成間鋪環境偏窄，入到去會有陣味不過未算臭到頂唔順嘅，不過最大獲都係服務態度惡劣，試過就算啦。

食完去廁所洗手，度門又好難關，諗住有膠簾隔住就算，跟住有個阿姐突然撥開膠簾跟住就大嗌做乜唔關門？我話：關唔到跟住我行出嚟，佢仲繼續惡言相向又話我肉酸又乜又物我宜家都唔係冇遮冇掩咁去廁所，態度唔需要咁下話？

本人平時真係唔會去寫食評，今次真係忍唔住要寫吓佢，見FB成日賣廣告話點正點正,昨日終於叫老公帶我去試，首先佢本身要限定每人一定要嗌一大碗佢哋指定嘅湯飯/套餐，如果細食啲都唔得。但都唔緊要，呢個不是大問題！如果好食、服務態度好，多錢都值得！但係其實佢哋嘅湯底真係麻麻哋之外，服務態度差！而且一間食肆連最普通嘅豉油竟然都話冇，因為佢啲雞其實浸落湯度係無味嘅，佢俾咗一碟佢哋所謂自家調教嘅辣椒豉油，我同我老公都覺得從未食過啲咁差完全冇味嘅汁，我哋覺得任何一支超市嘅醬油都好食過佢。我唔食得辣我都覺得完全冇味！都唔緊要…我問佢有冇其他辣椒醬又話無！最後我問佢有冇普通豉油，佢竟然答我：都冇，真係好離譜囉！一間食肆連一支咁普通嘅豉油竟然都俾唔到顧客，講真啲嘢食真係唔好食，個湯底甜到好似落咗砂糖咁，完全冇鮮香嘅味道！ 我諗好多都係俾佢呃食一次唔會返轉頭！唔好食唔緊要，服務態度差，做一間食肆點會一支豉油都冇！真係黐Q線 😤😤😤一間食肆冇聽顧客意見、冇反應 、亦冇照顧佢哋嘅需要，聽執笠啦 ！

一定要食2號餐 花膠螺頭雞煲 加$15就有套餐 跟飯米線或者其他主食飽到你不要不要 一定夠你食！個雞湯係世界第一 至少都有亞洲第一先鮮甜 絕對唔係其他舖頭嗰啲死鹹老闆超好人超友善 我已經幫襯咗5年以上 連社交平台都有專開一個story highlight 俾佢 老細仲要幫我加大杯嘢飲 人情味max絕對打贏全亞洲 全宇宙嘅雞湯雖然次次都要排隊 但其實10至15分鐘一定入到座排隊就係佢最好嘅實力證明 用食物說話！！係我第一個食評！希望推到村爺爺上市！