村爺爺龍蝦湯.泡飯.燉湯專家

營業中

休息中

著名村爺爺，高質湯飯專門店，超飽肚又好味，回味無窮😆 食物選擇好豐富，食材高質 價錢好親民～ 晚晚都好多人排隊，好受街坊歡迎，不設加一服務費👏🏻🦞花膠《龍躉翅》螺片雞海鮮龍蝦湯 配絲苗白飯大大隻龍蝦頭，好正呀😆 滿滿的一大碗海鮮，有青口、元貝、扇貝、魷魚圈等等，非常足料👍🏻 湯底鮮味十足，配飯食一流！底部有好多生菜 吸收晒湯汁，好味又健康🤤🐔鮑魚花膠蟲草花雞配絲苗白飯、蠔油生菜、秘製豉油濃郁雞湯滋潤清甜 不會油膩，半隻雞份量十足，雞肉同龍躉都好滑嫩，配上花膠、龍眼肉、元貝、杞子等食材，十分豐富又滋補🥰 雞肉配上秘製豉油好好味，鹹香微辣！🐖鵝腸皇拼黑毛豬 配秘製豉油好正嘅冷盤！爽口鵝腸好大條，黑毛豬片軟腍 肉味濃郁，配上自家製辣鼓油一流😍👍🏻🍹石榴梳打🍹鮮果冰茶鮮果冰茶有新鮮熱情果、火龍果、芒果及檸檬，口感清涼豐富，石榴梳打酸酸甜甜😚 兩杯都好解渴，超大杯😆

早幾日收工後 我同朋友黎到油麻地一間專食龍蝦湯泡飯既餐廳覓食🍴其實呢間餐廳早年前都同同事食過幾次 經過總會見到有人係門口排隊🤣 原因都有幾個-價錢親民貼地 而且食物用心製作 份量十分之多.我同朋友就點左幾款食物🥘🦞極上海鮮龍蝦湯泡飯呢一款我個人係十分推介. 唔係講笑佢既龍蝦湯底味道係好濃郁入味. 要花好多時間去熬製而成。而且佢既份量就咁睇都知道 一定食得飽😂 成個龍蝦頭做裝飾. 有青口 扇貝 魷魚 同埋蜆 再配上一碗白飯 大件夾好食🤤🐓花膠龍躉·雞煲雞煲好足料都係 有半隻雞 大大舊既龍躉 同埋螺肉. 湯係清清地 可以撈落個飯到一齊食 或者當湯飲😋 餐廳好貼心咁準備埋手套比我. 方便我用手慢慢撕雞食.鮮嫩既雞肉再配以自家製既辣醬 真係好好胃口 好好味道😍 🔥爺爺三寶分別有炸雞翼 炸魚腐同埋炆冬菇魚腐炸得好好食 好香口 . 冬菇超入味 炆到好淋 好好食🤤🍍菠蘿梳打梳打一支同果肉分開上👍🏻很加分 成大支自己倒 . 大大杯又解渴

成日經過都見到大排長龍，原來親民價就可以食到龍蝦，今日午餐就要去食豐富一些!🔸鮑魚花膠蟲草花雞煲翅份量十足，有半隻雞，仲有鮑魚、魚翅、珍珠帶子等等配料，好豐富! 雞肉好嫩滑，湯好鮮甜，滿滿的花膠和蟲草，鮑魚煮得夠腍。有手套提供，可以手撕雞，再點埋佢地秘制辣豉油，perfect! 不過食完雞都好飽，碗白飯真係食唔晒!🔸爺爺三寶有炸南乳雞翼，炸魚腐各三隻和一隻炆冬菇。第一次食炸魚腐，微微的脆邊仲有鹹香味，好好食! 炸南乳雞翼好大隻好香南乳味，冬菇超入味好好食。🔸花膠•《龍躉》螺片海鮮龍蝦湯龍蝦頭好吸晴! 龍躉仲好大塊! 仲有大大舊花膠，魷魚、青口、蜆等等。湯底非常鮮甜，食配料已經好夠飽! 我就揀左米線唔要飯，米線索左龍蝦的鹹鮮味，食完好滿足!🔸鮮果冰茶大大杯，好大新鮮芒果肉，入口好清新!🔸熱情果桂花烏龍冬天飲好正! 桂花烏龍茶味香，加埋熱情果酸酸甜甜，不錯!

見咁多好評，Honey 又鍾意龍蝦湯，所以同Honey 都記低左一定要搵日去試，但係都幾失望去到見有人喺門口排隊諗住無伏啦，但係首先服務態度已經令人覺得好odd，排到就快有位時，職員已經比定餐牌揀定餸落order，餐牌寫到好亂，咁揀都要時間，職員好急又催催貢，想揀嗰樣無，又唔寫清楚，點完先話無點左花膠螺片雞煲，半隻小雞完整上，螺片得兩片，半隻雞完整上，睇落去係幾靚，比埋手套同刀叉，但係我會鍾意切件，同埋個湯偏淡味，隻雞又唔滑跟住叫埋 鮮雞豬肚龍躉龍蝦湯泡飯，食落去個湯比個雞煲仲淡味，龍躉比龍躉魚頭，完全無肉，餐牌好似有得揀菜，又無問就上菜，鍾意飲湯既Honey 都只係飲左一半其實唔明點解咁多好評，對我黎講係無下次

呢幾日天氣好凍，想飲d熱辣辣既湯，收工後來到村爺爺龍蝦湯.泡飯，差唔多8點門口都大排長龍，真係好受歡迎☺️✨花膠·《龍躉》螺片雞海鮮龍蝦湯泡飯 $108龍蝦湯泡飯係餐廳招牌，呢款超級足料，有大塊龍躉、花膠、螺片、青口、蜆肉、雞肉、翠玉瓜加生菜底，湯底鮮甜，豐富又足料🥰✨鮑魚花膠蟲草花雞煲翅 $128一開蓋就聞到濃郁雞湯味，有成半隻雞，雞肉嫩滑，仲配左特製辣椒油，配埋一起食更加惹味。配料有鮑魚、花膠、蟲草花、螺片，超級豐富呀，配料都煮得好腍，雞湯飲落濃郁，天氣凍更加正🤤✨爺爺三寶 $45包括頂級蠔油冬菇、南乳炒雞翼和手製魚腐，蠔油冬菇好入味，雞翼香脆，手製魚腐幾特別，食落彈牙😋✨熱情果梳打🏝️✨鮮果梳打🏖️好大杯，鮮果梳打新出，有好多新鮮水果😝

凍冰冰既天氣一定要食返熱辣辣既野，唔想下下打邊爐咁熱氣，就搵左呢間村爺爺試下，當日就算8點半去到門口都排晒長龍，就知我冇簡錯啦! 雖然要排隊，但老闆好好咁係門日先幫客人落左單，等我地埋到枱唔使一陣就上齊野食，真係要讚一讚!💕💕我同男朋友分別叫左個花膠·《龍躉》螺片海鮮龍蝦湯泡飯同鮑魚花膠蟲草花雞煲翅，再叫左個爺爺三寶食。野飲男朋友就叫左個石榴梳打$18，我就貪得意叫左杯鮮果茶$36，唔係講笑杯鮮果茶係好surprise既，冇諗過會有大半個熱情果同火龍果係面，飲飲下原來仲有兩大舊芒果肉係底，好正! 🥳爺爺三寶$45爺爺三寶入面係有炸南乳雞翼同炸魚腐各3隻加一舊炆冬菇，賣相平平無奇，但炸南乳雞翼都大隻好香南乳味 ; 冬菇係超入味好好食 ; 炸魚腐就一般般唔夠熱。花膠·《龍躉》螺片海鮮龍蝦湯泡飯 $108 龍躉好大塊!!! 龍蝦湯唔似平時西餐既龍蝦湯咁得個鹹字，係好鮮甜既，而且料好足!!入面除左有龍蝦仲有幾種海鮮配料，有 魷魚、青口、蜆等等，最緊要係有大大舊花膠·同螺片。鮑魚花膠蟲草花雞煲翅$168套餐+$15套餐係包左一個飯, 一碟辣豉油同一碟油菜，叫完套餐有D後悔，因為湯入面除左係有大

次次起附近做完facial經過都好想去食，但每次都勁多人排隊...今日好凍就特別想食有湯嘅野，就去排下~ 雖然係假期，原來都比想像中等位等得快唔洗10分鐘已經有位~ 叫左個花膠螺片雞海鮮龍蝦湯+飯 同 鮑魚花膠蟲草一場黎到仲叫埋個爺爺三寶tim❤️個雞都真係好驚喜，呢個價錢竟然有半隻雞，勁多肉！個湯好濃，係集合雞同蟲草嘅精華，本來以為D煲湯雞一定好老但最後係好食到食晒一滴湯都不漏😍😍😍好滑好嫩口另外的龍蝦湯一樣係好濃，絕對可以食2碗飯😆😆本身見到辣豉油要+$2諗住慳返， 但見佢係推介又忍唔住🧐🧐結論係：食湯飯一定要加埋佢！！因為佢唔係淨辣椒+豉油咁簡單應該係調左類似魚露嘅野~雖然本身湯係夠濃夠鮮，但因為自己鐘意食辣野所以試埋如果鐘意食辣野嘅你一定要加!最後好想讚下長頭髮嘅STAFF~落單個陣問佢邊個好食D,佢好細心話返我地知裡面會有D咩可以跟返自己喜好去叫~野飲又係好驚喜!大大杯，本來以為係好甜會中伏，最後都係成杯飲晒❤️❤️

膽粗粗帶呀媽去試泡飯，2:15到達要排2組客人，排隊期間店員先派上餐牌等我哋𢵧定食咩先，絕對節省不少時間，餐牌好豐富，好多選擇，講真有小小亂的，要睇清楚D，有D連飯，有D配飯要加錢，有D有送熱飲、凍飲+ 3蚊，有D冇配飲品，要睇清楚再清楚，如有飲品配的話店員係吾會提你，你冇點店員就當你吾要，最好多咀問吓，點咗龍蝦湯花膠雞魚腩湯米粉，及龍蝦湯雞海鮮龍躉泡飯，小食爺爺三寶，石榴梳打，份量好足好大份好鮮味，淨係食個湯及D餸都好飽，個米粉底及白飯完全食吾到，太飽了，個特飲好正一定要試，此店可列入再食名單中

心血來潮走去試一試6點零鐘有位唔洗等，賣相滿分💯配料方面感覺太多，見龍蝦鉗同身分開咗覺得唔多對路一試蝦身好梅一pat嘢咁，鉗就好正常幾實淨明顯好壞兩溝，龍躉翅值得一讚好新鮮好好食下次必點，湯底可以，餐牌就少少亂標原價減價有點多餘，整體嚟講龍蝦扣分，65分門口介紹片段見到秋生哥，掂

Intro: 呢一日喺油麻地附近上完堂，就決定去一間好出名龍蝦湯泡飯嘅餐廳試試下晝；由於呢到排緊隊嘅時候要點餐，咁岩好快就排到我地，所以要拿拿林就叫左個好似正常嘅泡飯～ ___________________🍽 螺片雞件魚腩龍蝦湯泡飯💰 68 ⭐️7.5/10✍🏻 魚腩真係有兩大舊，又厚肉唔會腥，不過啲骨就多左少少（偏長冇碎肉），要小心食；✍🏻 而雞件真係好滑又彈牙，有差唔多成十少件，但幾餸黎講算多；✍🏻 最估唔到就係個生菜底，份量多到驚人，索滿湯汁嘅味道，而且唔會有青味；✍🏻 螺片嘅味道就正正常常，冇乜特別；✍🏻 龍蝦湯嘅味道就偏淡，唔會重口味，喜愛程度就睇唔同人嘅口味，整體嘅感覺就比較健康，而且餸嘅份量真係極多。___________________🏠 村爺爺 龍蝦湯泡飯📍 油麻地砵蘭街72號地舖⭐️ 7.5/10___________________

第一天到香港🇭🇰就吃上特别鲜美的鱼汤饭点餐小姐姐特别耐心介绍，询问我们吃鱼吗？吃海鲜吗？吃完看外面等位的人多我们就起身走，老板请我们再休息片刻，让我们别急强烈推荐

-又一間Bookmark左好耐的餐廳🍴之前一直聽人介紹這間餐廳-村爺爺☺️今次有機會食到啦👍🏻天氣凍凍地，最岩食暖笠笠的湯飯🤭而且價錢抵食😝下次會再去食🤲🏻-極上海鮮龍蝦湯泡飯🦞（$78）好足料，份量十足有龍蝦頭🦞魷魚🦑蜆，青口，帶子等等⋯⋯湯底都不錯，白飯係分開上😚依個價錢都幾抵食😘-鮮雞蜆肉什菌龍蝦湯泡🦞（$58）雞肉份量都多，有好多不同菇類，味道食落都正常！-白灼墨魚🦑（$36）口感十分彈牙，不錯👌-墨魚手指拼魚腐（$32）魚腐和墨魚手指都好好食，口感酥脆，點泰式甜酸醬都好正🫶🏻-Name🏠:村爺爺龍蝦湯.泡飯.燉湯專家 Location📌:油麻地砵蘭街72號地舖（港鐵油麻地站 A1 出口, 步行約1分鐘）價錢💰:極上海鮮龍蝦湯泡飯（$78），鮮雞蜆肉什菌龍蝦湯泡（$58），白灼墨魚（$36），墨魚手指拼魚腐（$32）

見到咁多好評，諗住點都ok，而家好懷疑d正評係點黎⋯⋯同朋友去到每人叫一碗，有叫下小食，小食正常，不過不失。重點係d湯味道差，應該係同一個湯底，加d料落去當係第二隻湯咁，好似史雲生雞湯，落d蜆，當係海鮮湯咁，最後難食到食剩大半碗，料係好多，但唔好食俾再多都只係俾錢買辛苦，本身唔係嘥野食，但真係勉強唔到自己繼續食⋯⋯通常野食普普通通，都唔會特登上OpenRice出負皮，但今次真係即日打返篇，希望唔好再有人中伏！

花膠螺片雞煲（$68+$25）雞煲好足料，有半隻雞喺裏面😍湯頭好清同喺屋企媽咪煲嘅一樣🤩加$25可以轉套餐，會多咗一個飯一個蠔油青菜同埋辣椒豉，套餐配有嘅川爺爺特色指天椒豉油，個人覺得好惹味，不過同行嘅朋友覺得太辣🤣花膠鮮雞魚頭湯（$88）呢個同花膠螺片雞煲好相似，同樣都係有半隻雞同埋用返雞湯底，不過就多咗一個魚頭，魚頭煮出嚟都幾多膠質幾鮮嫩，不過就可惜喺個湯度飲唔出有魚味～熱菜蜜（跟餐+$6）不過不失唔會太甜熱情果梳打（跟餐+16）一上到枱即刻「哇」一聲，因為係勁大杯啊

black friday係附近做完gym，行埋aeon都三點幾🤣勁肚餓 就去左村爺爺估唔到三點幾都要等位，老闆幫人龍落定單先，排左一陣就入得。上次都係gym完去食左螺片雞件魚腩龍蝦湯米線，滿滿既蛋白質，又有翠肉瓜同生菜，湯底鮮甜，雞件係滑雞，雖然係啖啖肉，不過我比較喜歡有骨落地🤪所以見到隔離枱帶哂手套搣緊半隻雞，我就決定左下次黎一定要嗌雞煲！所以今次嗌左花膠螺片雞煲$68，加$15有飯同菜，我加左但走飯😂😂😂😂雞肉好嫩滑，湯好甜🤤🤤花膠同螺片都好多。食到乾乾淨淨，一滴湯都無淨。好味又健康既一餐👍🏻