杏甜品 (香檳大廈) (已結業)

榴槤爽冰（$59)一上枱已經聞到濃濃既榴槤香，最頂有大大舊嘅榴槤肉🤤榴槤肉香甜綿密，中間嘅榴槤冰香濃甘甜，冰亦係刨得非常幼滑滑，令人齒頰留香🤤芒果奶昔雙皮奶（$59)表面一片片嘅芒果肉大塊得黎又香甜🤤🥭配搭住中間既芒果奶昔，令芒味更加突出🥰最底既雙皮奶口感滑溜，奶味香濃！簡直係三重滋味享受，鍾意食芒果甜品既話好難抗拒🥳😋杏仁茶燉蛋白（$45)杏仁茶係小店既招牌🤩每一啖都非常細緻順滑，入口帶有豐富嘅杏仁香，同燉蛋白非常搭配！小編平時覺得杏仁茶有陣藥水味🤯但呢到絕對唔會，完全冇違和感，平時唔飲杏仁茶嘅朋友都可以一試😚全家福湯圓（$49)全家福湯圖分別有黑芝麻、抹茶同榴槤味，每粒湯圓皮都非常煙韌有咬口，而且厚薄適中🤩最令小編驚喜嘅就係抹茶味，一咬落去就爆咁，味道超濃郁🤤-Almond Dessert 📍尖沙咀加拿芬道40-46號香檳大廈地下6號舖抵食指數：😚😚😚😚😚😚😚/10舔舔脷指數：😚😚😚😚😚😚😚😚/10

尖沙咀新開咗間小清新風格嘅甜品店環境好舒適，又啱打卡📸港女我試咗3款甜品款款都咁出色好味，推介大家必試呀💕㊙️試業期間外賣自取有八折優惠喔！-🥣杏仁茶燉蛋白（$55）有潤肺美顏功效好啱宜家初秋嘅天氣食喔🍂入口富杏仁香，唔會有苦澀味👍🏻燉蛋滑溜爽彈，絕對係高質之作呀！🥄榴槤爽冰（$59）推介各位榴槤迷必食❣️利伸港女我係榴槤初入門愛好者🤪但食完呢杯甜品之後，深深愛上咗榴連喇！呢杯榴連冰真材實料製作榴連味超級濃郁，又唔會太甜膩💯以榴連肉、榴連冰及水晶珠組成榴連冰用咗榴連果肉製成口感非常綿滑，好似食雪糕咁🍦加埋新鮮嘅榴連果肉，香味double up呢🤤面頭嘅水晶珠晶瑩剔透賣相討好之餘又增加咗口感喔👍🏻🥭芒果豆腐花（$42）配料有水晶珠、芒果果肉、芒果沙冰及豆腐花🤩芒果沙冰入口即化好似飲緊新鮮果汁喔🧃配搭埋芒果肉，果味更加香濃同有口感呢！底層豆腐花滑嫩整體口感同配料嘅層次都非常豐富呀😍

放假晨操完🏃🏻‍♀️晚上總需一些甜來慰勞一下自己😋今日黎到尖沙咀發現到呢間新開張既甜品鋪即刻入去試試去🤩大多人都愛食甜品，但又怕會唔健康🥲而呢間餐廳以有種「杏」福源自健康作為經營態度，證明左甜品都可以放心健康咁食👍🏻餐廳裝修小清新系列，有好多乾花與盆栽加上射燈配上小木桌完全係在鬧市區中一個小花園的感覺🌳既然每日新鮮自家製杏仁茶係餐廳既主打招式就揀番一款試吓先💁🏻‍♀️咖啡☕️杏仁茶$48唔多飲杏仁茶嘅人都會容易接受嘅味道，完全無藥水味😚而中間好似啫喱狀嘅係咖啡冰，倒入嘅杏仁茶係熱同甜甜哋，冰火交融，並且可以按個人口味決定將唔同份量倒入咖啡冰。芒果奶昔雙皮奶$59上層為大大片既新鮮呂宋芒🥭中層係手打奶昔而底層係雙皮奶，雖然依家唔係芒果當造季節，但都無酸既情況呀！而手打奶昔好creamy，雙皮奶有點似豆腐花咁滑同埋唔會太膩👍🏻榴蓮爽冰$59店舖堅持用新鮮榴蓮製造，加上花奶以及健康嘅果糖，啖啖榴蓮果肉係最面層再配以打得好滑嘅榴蓮冰口感好一致！係榴蓮人士必會愛上既甜品🤗

好耐冇試過食完正餐去甜品舖食甜品lu, 偶爾都真係要放縱一下😂 始終食甜品可以減壓~好中意個環境好小清新feel幾舒服~ 每樣甜品都好真材實料，睇粒湯圓幾流心就知咩料😍 全家福有晒榴槤，抹茶同黑芝麻，一次過有唔同味幾開心！個榴槤爽冰又係超濃郁，面頭仲有真。榴槤肉，愛榴槤者必食！另外仲叫左個芒果奶昔雙皮奶，夏天食好消暑，雙皮奶好滑芒果好足料~ 當然唔少得招牌嘅杏仁茶燉蛋白，食完凍野暖一暖胃都幾正，蛋白夠滑，配埋杏仁茶好香口😋每樣都係around $50, 性價比幾高下💗

“咖啡杏仁茶”($48)“蜜瓜爽冰”($52)“抹茶湯圓”($42)喺尖沙咀食完飯,經過香檳大廈見到間新開甜品店店面用上超靚湖水藍色💙加上店員熱情招呼抵抗唔住入咗去食甜品😝店名用上Almond“杏”顧名思義用上杏仁茶作為招牌菜店主話呢道嘅杏仁茶每日都新鮮煮,數量限定所以平時對杏仁麻麻嘅我都忍唔住叫咗當中一款試吓😆叫咗造型好特別嘅咖啡杏仁茶☕食法係將熱辣辣嘅杏仁茶倒落咖啡冰杏仁茶飲落有滿滿堅果香,冇我好唔鍾意嘅藥水味🥰係我第一次覺得入到口嘅杏仁茶😆同埋估唔到配上咖啡又幾夾,好得意😚第2款甜品要咗同樣係餐廳推介嘅蜜瓜爽冰🍈除咗蜜瓜冰,仲落咗椰果,蜜瓜粒,水晶珠個冰入口十分綿密,食得出冇咩溝水😝味道十分清甜,夏天食清暑一流😍最後一款甜品係湯圓😚呢道嘅湯圓口味都好特別😍除咗我地叫嘅抹茶味,仲有榴槤味😆榴槤控絕對唔可以錯過🤣湯圓外皮好夠軟糯又唔會太厚☺一咬落去係勁爆餡😍好正😍今次食咗3款甜品都好高質🥰下次再嚟要試埋其他餐廳推介先😆