李家 (海壩街)

營業中

休息中

韓流真係好吸引我，朋友上次介紹荃灣有間李家，份量大，今日假日去感受非一般韓流超脆炸雞是韓國老闆嘅家傳秘方，有骨和無骨，10款口味，真的令人難以抗拒。半半炸雞份量超大，今次揀了甜辣和原味，甜辣有滿滿韓式滋味，甜度高，辣味會慢慢出現，外層非常香脆，完全不油膩，無骨食到啖啖雞肉嫩滑感鐵板燒牛肉好有份量，牛肉爽口彈牙，配上鮮甜紅蘿蔔、爽口椰菜、新鮮金菇、爽甜洋蔥、加上醬汁甜甜地，夠惹味酥炸魷魚鬚原隻魷魚炸得十分香脆，粉漿好薄，鹹鹹地好香口，加年糕湯套裝更抵食士多啤梨味和西柚一樣特別開胃

李家（荃灣）上次係尖沙咀同朋友食過一次覺得好好食，今次帶屋企人去荃灣分店試下！半半炸雞🍗今次都係叫甜辣味同埋香蒜蜜糖味 因為上次食過一次真係返尋味 😍 荃灣分店既汁有d多 但味道同尖沙咀分店一樣 😋雞既嫩滑程度就尖沙咀優勝一點👍🏼韓式炒粉絲呢個第一次試 放完入口即刻嗌咗出黎：好好味呀！唔係誇張 因為好足料好入味 好正宗 😋配料揀咗豬肉 豬肉嘅份量都算多👍🏼鐵板燒牛肉🥩哇 呢個係最出色的！首先用鐵板上keep住熱辣辣已經好抵讚👍🏼 繼而味道都好出色 牛肉都好香口 一d都唔韌 仲有入口即溶既感覺😍整體嘅感覺係食物份量好多！上菜速度都好快✌🏼店員嘅服務態度都好好👍🏼臨走嘅時候有位韓國既女職員同我地好有禮貌用韓文講拜拜😉地址：李家 (海壩街) (荃灣)荃灣海壩街16號地下

韓式炸雞講到韓式🇰🇷炸雞，真係每次去親韓國都必食嘅item，奧妙之處在於雖然加咗醬汁，但外皮仍然可以長時間保持香脆，肉汁仲好豐富而且又夠多口味。呢間係韓式🇰🇷炸雞🍗啱啱流行嘅時候就已經存在，可以話係香港嘅第一代韓式炸雞🍗專門店，由韓國人開設。坐低先放低一碟沙律菜, 一碟醃蘿蔔。半半炸雞 - $168炸雞好正宗，可以自選兩款口味，同帶骨🍗或無骨。我地叫咗一份原味, 一份甜辣, 即叫即製，上檯時仍熱辣辣。雞皮脆身香口，外層炸粉唔太厚，食落啖啖肉，的確有水準。其他口味方面仲有大蔥、蜂蜜蒜蓉、芝士🧀及辣咖喱味，款款份量都好多，一份有成十幾件雞! 送啤酒一流, 啱哂同朋友一邊傾計, 一邊暢飲, 一邊食雞🤣🤣!鐵板燒牛仔骨 - $198另外叫咗鐵板燒牛仔骨🥓, 上檯時已經香到不得了! 店員好細心幫我地剪開細細件放便食。 牛仔骨好juice , 好香牛味, 再加埋洋蔥嘅甜味, 真係好好食! 😋 鐵板上鑊氣十足 👍🏻Lemon Soda - $38雖然我地冇飲啤酒, 但我地叫咗兩杯Lemon Soda 🍹都好滿足呀! 地址: 荃灣海霸街16號地下#hkfoodie#hkfood#香港美食#韓國#韓式炸

雖然已經開始可以出外旅行，不過我最愛嘅韓國仲未去到好在香港一樣有好多韓國連鎖餐廳可以揀今次又去食炸雞！李家嘅裝修真係好還完韓國當地，真係好似去咗明洞咁最近天氣成日濕濕笠笠，又成日落雨，最適合食返啲辣野開開胃！韓式豬紅湯就啱曬啦，辣度夠！豬紅無腥味，口感偏硬身！每次必嗌嘅韓式蒸水蛋，CP值高，不過食嘅時候要同時間競賽，因為擺耐咗會影響口感！當然唔少得嗌炸雞！最鐘意李家可以自己選擇半半，各種口味都可以自選！今次就揀咗青辣椒蛋黃醬！一上檯完全比佢嘅醬量嚇親🤣🤣就快見唔到炸雞本人雖然個名叫青辣椒，不過丁點兒辣味都無嘅！怕辣嘅朋友都可以一試！另一款就揀咗蜂蜜蒜蓉，甜甜嘅蜂蜜配上炸雞真係好夾，而蒜蓉味又可以中和咗蜂蜜嘅甜膩就配埋西柚蘇打，非常滿足！

好食有特色既炸雞份量比想像多 可能叫一份炸雞加一個小食都差唔多夠飽 叫咗兩款味道炸雞 蛋黃醬洋蔥 同 蜂蜜 比較鍾意蛋黃醬 味道均勻 吾會好甜 膩 下面洋蔥滿滿有驚喜拎起炸雞同洋蔥醬連住好似芝士拉絲既感覺水蛋要快啲起筷 打卡太耐會變老 豬紅湯都好特別 豬紅比一般豬紅唔同咬落會有口感 重點系湯底飲完無口渴辣椒連白菜芽菜大豆等一齊煮好健康既湯 飲完有暖胃感覺環境都好靚好乾淨 韓國明星海報同啲韓國燒酒既擺設燈飾都有得打卡影相好適合食完野既情侶臨走再打卡 利申第一次寫食評無咩好挑剔韓國風格既炸雞

之前已經食過尖沙咀嘅李家，今次再黎試荃灣嘅😆自選半半無骨炸雞辣咖哩味炸雞🌟🌟🌟🌟熱辣辣嘅炸雞非常香脆，炸粉唔會太厚，外面嘅咖哩粉味道唔會太濃，但同時食到少少辣嘅咖哩味蜂蜜蒜蓉炸雞 🌟🌟🌟雖然個皮依然保持好脆，但由於個汁幾甜，好快就有膩嘅感覺炸醬麵🌟🌟🌟🌟非常大碟嘅海鮮炸醬麵，感覺唔係特別大食嘅話3個人齋食呢碟麵都會飽🤣味道方面偏濃味，鹹甜配搭適中，而且好多魷魚、八爪魚、蝦、蠔等海鮮，不過食得多真係會有啲口渴🤭鐵板炒泡菜豬肉 🌟🌟🌟🌟🌟好惹味嘅泡菜豬肉，酸辣口味超開胃，泡菜同豬肉各佔一半，令人有想加碗白飯嘅衝動🤤

前一排仲未有得堂食,又唔知食咩好就試吓外賣李家，點知完全唔掂！我叫咗泡菜煎餅，一打開個盒，我哇出嚟！與其話佢係煎餅，不如話佢似係一條毛巾，仲要係濕晒嘅毛巾！個賣相極度嘔心，見到都唔想食呀講真！佢攞錫紙包住個煎餅，包到變咗煎餅卷，但係已經林晒😓食落口淨係食到麵粉味，泡菜味極少….認真喺超級市場買嗰啲現成泡菜餅自己煎仲好食！另外叫咗個辣炒年糕，啲年糕唔知係咪擺咗好耐，所以食落口好林好粉😫一d都唔好食！雖然叫外賣一定冇堂食咁好味因為唔係熱辣辣，但係都冇諗過會爭咁遠😓😓真係冇下次

這間韓國炸雞店一直都很喜歡食，今次來到位於荃灣的分店，來回味一下韓國的味道！甜辣炸雞，炸雞用上藤籃盛裝，雞的份量都好多，滿滿一籃！醬汁的味道甜甜辣辣，辣味又不會太重，不會令人辣到吃不下，炸雞肉質嫩滑juicy，十分惹味！炒粉絲，粉絲的肉可以揀選牛肉或豬肉，粉絲份量好多，不會好油，味道剛剛好，也不會好淡！而牛肉的味道是韓燒牛的味道，所以食落有點甜甜地的感覺！粉絲加上蘿蔔、菠菜、洋蔥、冬菇等蔬菜炒，那就不怕食得太多肉了！韓式魚子湯，如果平時中意食魚春、魚卜的朋友不要錯過，這個湯非常足料，有大量魚子同埋魚春，仲有大量蔬菜，不過湯都幾辣，但辣得過癮！西柚梳打、藍色多瑙河，兩杯飲品都是酸酸甜甜的梳打，而且好冰凍，熱辣辣天氣加上食完辣飲就最好不過了！

每次係荃灣行完山，都會落番市中心食野，行完山攰到死最岩就係大啖大啖肉，決定去李家食炸雞🤤第一次黎荃灣店，之前係去尖沙咀店，荃灣店有半露天位，而且裝潢再新淨d，感覺不錯。食炸雞梗係唔少得依個正方粒粒醃蘿蔔，爽脆酸咪咪，開胃! 另外仲有椰菜絲。炸雞一份! 份量好多，兩個人食都差d食唔哂，叫左墨西哥辣椒洋蔥酸忌廉味，炸得金黃香脆但內裡juicy，岩岩炸起就上碟超香口，雞皮脆卜卜🤤大量洋蔥絲加上酸忌廉醬，同炸雞勁match! 食落好似yogurt咁，有d解膩開胃，平衡番炸雞既油膩感👍🏻如果可以再多d墨西哥辣椒會更正!韓國補身既魚子湯，哇入面勁多料，白子同魚春都有好多舊，無腥味，魚春食落仲幾香添。湯帶微微香辣，加左豆腐，蘿蔔等等，好足料。食完簡直將行完一日山所消耗既力量補足番哂仲有突添😂

李家之前食過一次架啦，上次食完尖沙咀分店，今次來到這間位於荃灣海壩街嘅分店試吓，因為我妹住元朗，所以就就佢🤭一入門口已看到有室外座位感覺很舒服，而家疫情空氣流通食到食得放心啲🤓今次我地點左同上次一樣嘅菜式，因為上次好食，所以今次叫多次等我妹試下🤓前菜酸蘿蔔同沙律，酸味味醒神又開胃～海鮮湯🦐佢有中辣和大辣🔥我地叫左個中辣，好鮮甜好足料，啲蝦又係大大隻，辣得來好過癮😋海鮮炸醬麵🍜份量又係超大碟😀足料八爪魚魷魚和蝦😚超夠味😋上次我同我老公都食唔晒，今次我同我妹就更加食唔得晒🤣仲有2杯色彩滿滿的飲品，重要超好飲，啲色水岩晒女仔打咭用💕西柚梳打🍹士多啤梨梳打🍹

作為香港韓國炸雞始祖嘅李家我都食過好幾次啦，荃灣分店就第一次食，炸雞都係一如既往咁好食，而且份量十足😍青辣椒蛋黃醬炸雞 (半隻) $118少少辣嘅青辣椒配埋香濃嘅蛋黃醬同埋爽脆嘅洋蔥，炸雞亦都做到皮脆肉嫩，無論口感同味道都非常之有層次🤤芝士味炸雞 (半隻) $113炸雞真係炸到脆卜卜，冇骨啖啖肉，芝士粉都落得好均勻，唔會有啲太多有啲又太少，食落鹹鹹地又甜甜地☺️泡菜餅 $128韓式煎餅可以話係韓國最地道小食，呢度嘅泡菜餅亦都煎到外脆內軟，一嚟到就已經聞到泡菜嘅香味，口感都好鬆軟，食落口仲食到粒粒爽脆嘅泡菜😆蘋果梳打 $38西柚梳打 $38

我最喜歡吃他們的蔥炸雞啲蔥配上炸雞，超級嘢味就算啲炸雞打包返屋企，返到屋企啲雞依然都係非常之脆蔥炸雞超級讚每次去到都必食我覺得佢個石頭鍋飯送嘅湯非常之好味其實佢個石頭鍋飯都好好食不過就唔建議打包返屋企因為打包返去屋企就已經冇咗嗰種風味

李家開到去荃灣啦！愈開愈多分店，咁就更加方便～今日同媽媽撐枱腳，去咗李家食LUNCH，荃灣分店環境乾淨企理，地方好闊落，仲設室外位置，成個感覺都好CHILL～餐牌除招牌炸雞以外，仲有好多選擇，店員就特別推介荃灣店獨有既鐵板燒牛仔骨。芝士雞蛋卷一大條上枱，份量十足，賣相極吸引～切開後緩緩流出濃濃既芝士，有拉絲效果，雞蛋卷入口鬆軟，充滿濃濃芝士香味同蛋香。鐵板燒牛仔骨肉質鮮嫩，味美鮮香，配埋秘製醬汁，味道濃郁得黎層次感好豐富！以巨型鐵板上枱，有助KEEP住熱度～泡菜餅金黃色既泡菜餅酥脆可口，加入泡菜、魷魚同煎，好有嚼勁，口感煙煙韌韌好過癮。

餐廳供應多種不同口味的炸雞，包括甜辣、醬油、芝士、辣咖哩等等，總有一款口味合你的胃口。可以選擇全雞或是半份雞，還可以選擇無骨，懶得吐骨頭了。下單後隨即送上醃製的酸蘿蔔切粒和沙律菜，味道酸酸甜甜，口感清爽，也可減低食炸物的油膩感。蜂蜜蒜蓉炸雞$104半份大概有7至8件的炸雞，滿滿的蜂蜜汁包裹在炸雞上，但不會影響外皮的酥脆度。青辣椒蛋黃醬炸雞跟洋蔥$109青辣椒少少辣，配以柔滑順口的蛋黃醬，清爽辛辣，再配爽脆洋蔥，口感層次豐富滋味。豬肉泡菜湯$158紅紅的泡菜湯，加入豬肉粒及泡菜熬煮而成，味道濃郁，酸酸辣辣，還能消除飽餐一頓的油膩。

#李家韓式炸雞無得輸最近煲返《愛的迫降》，突然好想食炸雞🍗。行開荃灣海壩街，就有間「李家」，未食已經流晒口水🤤。食炸雞梗係要配韓國酒，雖然店舖暫時停止供應任何酒精類飲品，不過可以過隔離買或自攜都得。🌟超推介蔥炸雞🍗$188炸雞外脆內嫩又香口，肉汁豐盛而沒有肥膩感，連埋香蔥一起吃，更添上多份惹味。🌟芝士辣海鮮炒年糕 $158去李家一定要叫呢道菜，真係好抵食，有大蝦、青口、魷魚仔、仲有烏冬年糕係底，超大碟！拉絲芝士勁正，辣辣地又甜甜地好刺激好滋味🥰。🌟雞泡魚乾 $98呢隻雞泡魚乾，帶有燒烤味道，但食落口唔會硬骨骨，點埋沙律醬更正，送酒一流。