李家 (山林道)

營業中

休息中

一直都知香港有這間傳統的韓國店裝修乾淨、還有韓國音樂同電視節目，氣氛好～今次並不是食炸雞🍗 而是想吃傳統韓燒五花腩同魚餅湯！🍲魚餅湯$168這個月魚餅湯，滿足了我對魚餅的要求三角形、圓形🍢份量比一般多，一啖沙一啖魚餅湯也有新鮮的芽菜、香蔥調味，令人感動！🍗燒五花腩肉 $208高溫鐵板燒至外表焦脆，誘人的五花肉油脂豐富，肉質鮮美，🥳今次真是入口即化，仲有少少燒焦的香脆感配上泡菜同埋伴菜 ，油而不膩更加惹味🙌🏻🍹西柚打麗塔$78（冇酒精）叫了一杯西柚打麗塔，適合食五花肉嘅時候一邊飲一邊解膩而且很適合打卡。

而家食韓國嘢周街都係，但係以前唔係得好多間. 你依家喺山林道個位算方便，但係屹立不倒咁多年一定有佢嘅原因.今日比較休閒，所以去食返以前嘅味道.佢裝修好似韓國小店咁播住Kpop mv,好友去咗外國嘅感覺.叫咗個牛油蜂蜜炸雞,最緊要佢可以揀無骨.食落去啖啖肉. 趕時間嘅話就唔係咁好嚟呢度啦，因為佢即叫即炸15分鐘到先至炸到出嚟.佢啲蜂蜜一啲都唔手軟，吾會好似其他舖頭咁得少少喺面. 每一個部位都有蜂蜜包圍着. 個皮好脆啲雞肉好亂，浸蜂蜜令到件雞一啲都唔油膩仲有叫咗個五花腩，佢同普通唔返啊，唔同食落有啲似煙肉，一啲都唔油.我哋兩個人真係食唔晒，下次可以試吓其他嘢

餐廳採用溫暖嘅橙色調，牆上掛有多樣霓虹招牌同美觀海報，突顯懷舊情懷🚩芝士雞蛋卷🧀🥚融合嫩滑雞蛋同拉絲芝士，淋上蜜糖芥末醬和茄汁，熱辣辣嘅蛋卷味道鮮美，口感豐富，令人驚艷。🚩鐵板燒牛仔骨🥩肉質嫩滑，搭配醬汁，味道濃厚，口感極佳。每啖肉都充滿風味，烹調恰到好處，口感、味道都絕對唔會令食客失望。🚩自選半半炸雞🍗🧀🌽我地揀左芝士調味炸雞同埋粟米炸雞，全份炸雞都係無骨，簡直就係每啖都帶黎滿足感。酥脆外皮散發出濃郁芝士風味，令炸雞嘅味道更豐富。而粟米炸雞入面，我地見到甜美多汁嘅粟米。炸雞表面上鋪滿香噴噴嘅調味粉，完美帶黎粟米嘅獨特風味。

吸引的韓國炸雞店，主打家傳秘方炸雞及其他韓國料理 ，朋友愛吃的韓式牛肉白菜乾湯是家式韓國湯飯套餐新品，滿滿韓式牛肉和有口感白菜乾，香味滿滿之牛肉，白菜乾是完美配合。濃香搭了香濃湯底，微微辣～配白飯吃非常吸引泡菜餅韓國泡菜餅，令朋友難忘，份量大，煎香，中間也有點魷魚令口感棒海鮮芝士炒年糕 香濃芝士辣味濃，海鮮滿滿，滿滿芝士辣中帶鮮，年糕有韓國特色。辣炒年糕，澎湃拉絲芝士鋪滿碟面，再配年糕和海鮮雜菜吃，棒

朋友快移民，所以每月食二次亞洲菜今次選了李家既韓國菜因為佢地等左我太耐，所以先點左二款食住等泡菜煎餅，好脆身，有好多蔬菜周少量海鮮（魷魚周蝦）係入面配埋佢個韓國醬汁真係好好食😋。之後佢地點左燒五花肉，中間有韓國醃蔥絲加埋烤五花肉食，好惹味，但唔知點解佢煙燻到五花肉勁似煙肉，如果可以包菜食更正更清新。半半炸雞，我地要左醬油味同粟米味，今次試左尖沙咀呢間比較乾，唔知係唔係主要雞胸，乾到唔係幾好味🥲（但筲箕灣李家又好juicy , 真係唔太明白）個人覺都係醬油配蔥比配呢個粟米味好食，佢芝士過甜唔識欣賞人蔘雞湯，配埋白飯同泡菜五小碟我幾鐘意呢個雞湯，落左好多配料同埋唔智死咸同唔會得苦，飲落係回甘同補身湯咁而且佢中間都放左米飯，如太多可走左額外白飯（但當然我地分享有要埋碗飯）staff會主動教點食同埋問岩唔岩食值得再去性價比高

睇開韓劇 時不時炸雞條癮起係呢個時候當然要去醫一醫佢近排見李家 原來15週年 1/10-15/12 做緊全場8折咁就去幫襯下店內kpop氣氛濃厚電視播放KR MV飯聚唔錯👍必食一定係半半炸雞🍗原味加甜辣炸雞🍗香脆鮮嫩多汁食🍽️唔停口🤤叫左個特級牛肉set惹味醬汁撈飯一流加上多款配菜抵食推介餐飲都係+$7咁就加返罐蘆薈青提子汁雪濃湯🍲濃郁開胃 一上菜香氣四溢仲有米線係入面配飯真係好正😊唔少得就係Apple cinder Rita🤘🤩巨杯 加上倒插成至Apple cinder 機乎係食雞必備良品🤘😆

尖沙咀/ 15年韓式老店突然係尖沙咀炸雞胃發作 一定唔可以錯過呢間韓國菜 小編之前已經食過好幾次 今次叫左兩款炸雞青辣椒蛋黃醬炸雞 (半隻) $118必叫！！！！ 青辣椒蛋黃醬迎合香港人口味 不太辣，配上洋蔥減少油膩感，令炸雞食落好清爽，推薦！粟米炸雞(半隻) $118第一次叫粟米炸雞，本身擔心粟米和炸雞唔太夾，點知有驚喜！粟米炸完外面再裹牛油鹹香味好出色，炸雞有少少辣，鹹香牛油再慢慢滲出粟米嘅甜味。好食，值得一試！宜家到15/12仲有15週年優惠，全單8折!!李家Shop 2, G/F 55-56 Hollywood road, TST好味指數 🔴🔴🔴🔴⚪️性價比 🔴🔴🔴⚪️⚪️再訪 ✅

窩夫與蝦子餅心血來潮想吃韓式炸雞，腦海浮現「李家」的名字。「李家」由韓國人主理，是香港第一間韓式炸雞店，已有15年歷史，港九新界也有分店。光顧「李家」必點炸雞，可選有骨或無骨，亦有不同口味。點餐後先吃點椰菜和蘿蔔。吃炸雞當然要配啤酒，點了西柚味的無酒精麗塔($78)，西柚果香濃，窩夫與蝦子餅都很喜歡。點了無骨半半炸雞，喜歡無骨啖啖肉，兩款口味沒那麼單調。無骨甜辣炸雞(半隻)($103)是經典的韓風味道，微微的辣度是窩夫也可以接受的程度。無骨蜂蜜大蒜炸雞(半隻)($118)上面有蒜粒，還有蒜蓉，蒜香十足。炸雞新鮮炸起熱辣辣，外脆內嫩，多年來還保持水準。鐵板燒牛仔骨($208)有驚喜，肉質不錯，散發燒烤的香味。

見咁多人推薦所以嚟嚟到見到舖頭冇乜人 唔使排隊不過間舖頭都幾隱秘 喺條街最尾最尾位舖頭入面有三部電視機一直播kpop哥位置都闊落 坐得舒服嘅入到嚟上咗兩碟小菜menu冇乜選擇 最後揀咗mayo炸雞（$218）同埋炒粉絲（$158）再加咗碗飯（$10）以上價錢未計加一價錢篇貴 份量嘅話炸雞都比得多 但另外嗌左個粉絲就唔算好多 得個碟大不過好彩上嘅嘢食都熱辣辣炸雞熱辣辣 脆卜卜 幾好 熱到帶住手套都可以辣親手指嗰隻 足以體現佢幾熱不過乾 啲骨都好碎 炒粉絲就不過不失 都係嗰啲味 唯一可惜係份量見佢每個餸都100蚊起跳 都篇貴 仲要加一我諗試一次就夠

我平日比較都鐘意食韓國料理，所以今次我就帶朋友嚟到李家食lunch。主要因為李家係香港第一間韓式炸雞店，由韓國人主理，而且好多人推薦嘅，嚟到可以感受到韓國當地嘅飲食文化！同埋今年係李家炸雞品牌成立第15週年，所以佢哋會係10月1-15日期間做全場8折。😍餐前小食有腌蘿蔔同沙律絲，腌蘿蔔酸酸甜甜，非常開胃，而沙律絲爽口清新，又可以用餐後小食來解油膩。五十歲酒 (이가 chicken hof & soju)食炸雞，點少得叫酒飲？！除咗可以叫啤酒、燒酒之外，佢哋仲有一款叫做五十歲酒，係由百歲酒+真露調製而成，韓國酒類文化，值得飲！直接將整瓶百歲酒與真露倒入一個大茶壺，兩者混酒之後，非常順口，可以飲得出淡淡嘅高麗參味道，正！無骨芝士調味炸雞炸雞有多款口味選擇，作為芝士控嘅一份子，絕對唔可以錯過呢款芝士調味炸雞。入口香脆，雞肉多汁鮮嫩，仲帶着香濃嘅芝士味。牛肉白菜乾湯新鮮滾熱辣送上，湯底係用牛肉、白菜乾調味熬製而成食，所以湯底比較濃厚鮮味，拌飯食一流。

韓國炸雞的始祖，一定是李家的傳統炸雞🍗，主打以家傳秘方炮製，外皮超脆。今個周末，就去了尖沙咀其中一家分店。🍗炸雞共有11款口味，可選有骨或無骨雞件（無骨則有9款），亦可以選擇「半半炸雞」，這次就選了甜辣炸雞和粟米炸雞。炸雞份量不少，每款都有十多件，2個人已經可以食個飽飽😆外皮炸得金黃香脆，而雞肉仍保持肉質幼嫩。甜辣炸雞的醬汁超多，甜而不辣，非常惹味；粟米炸雞則比較乾身，多了一份粟米香甜味，而且附有粟米片增加口感。各有特色兩款都好味😋另外還點了芝士辣海鮮炒年糕🍝，非常有驚喜！芝士份量超多，可以做到拉絲效果。年糕煙煙韌韌有口感。除了多款海鮮例如大蝦、青口、魷魚，內裡還有煙靭的烏冬🍜，加上濕潤的韓式辣醬汁，非常美味！必點推介！#韓式炸雞 #尖沙咀美食 #韓國料理 #韓國街#香港美食 #炸雞 #炒年糕

店名: 李家地址: 尖沙咀山林道54-56號利雅商業大廈地下2號舖佐敦站 D 出口，行7分鐘環境: 4/5價錢: 4/5味道: 4.5/5近排睇得韓劇多📺想食炸雞，就約左朋友黎呢間位於尖沙咀既李家 - 이가 chicken hof & soju！香港第一代過江龍韓式炸雞店🍗，全港九新界均有分店，由韓國人主理🇰🇷出名味道正宗🏆！送兩款前菜之餘炸雞仲可以按個人喜好選擇！適逢今年佢地既炸雞品牌成立15週年🥂，即日起至12月15日全場享有8折！仲唔快啲約埋朋友黎😝～甜辣炸雞 (半隻) ❤️❤️❤️❤️❤️$98有骨炸雞🍗肉甜可以吮骨又啖啖肉，一個字正😋～韓式甜辣醬甜中帶點少辣🌶，調味恰到好處！就算加左醬汁外皮依然保持到外酥內嫩又多汁💦，令人越吃越開胃，非常適合同朋友分享👭～蜂蜜大蒜炸雞 (半隻) ❤️❤️❤️❤️$113炸雞金黃色外皮香脆乾身🍗，零油膩感🙅🏻‍♀️！醬汁方面加上香濃蒜蓉🧄同甜甜蜂蜜🍯，面頭仲有幾顆拍蒜同蒜蓉，夾埋黎食好惹味🤤！魚餅湯 ❤️❤️❤️❤️❤️$168魚餅有厚、薄、圓、方🍢，份量多之餘仲滑嫩有嚼勁！湯頭清得黎帶點白蘿蔔既鮮甜🍲～仲加入了新鮮的芽菜同香蔥調味，令人一啖接一啖😳～Coke Zero ❤️

呢間炸雞由我中學期間已經好岀名，佢有吾同口味嘅炸雞🍗岀面個大大天使翼更加是我地打卡嘅好地方，今次特登約咪細佬去試下先順便打個靚卡📸🌟半半炸雞 $178入面有原味及甜辣味既炸雞，呢度既炸雞全部都係即叫即炸，原味炸雞一啖落去係勁香脆🍗d肉勁嫩，一口咬落去係勁juicy，爆曬d汁出黎。而個甜辣炸雞超惹味，食落去甜甜辣辣，但完全唔會影響炸雞既口感，d雞肉係炸到岩岩好，超嫩口，入口即化，送咪啤酒真係一流🌟海鮮蔥餅 $168呢個海鮮餅係好大一塊，入面有魷魚同咪大大隻既蝦🦐仲加左好多既香蔥，一啖落去個香蔥味好重，好香口，仲要啖啖都有海鮮，超多料，仲可以點咪個醬，食落去就辣辣地，好惹味🌟無酒精麗塔 $78呢杯係無酒精飲品，我今次揀左西柚味🍹成杯特飲都係粉紅色，個西柚味超重又唔會好甜，食炸雞飲咪呢杯特飲就真係一流，打卡都好正

因為好多朋友都推介李家嘅炸雞，於是就去咗嘗試，不過佢都係尖沙咀比較入嘅位置，係一條巷嘅尾段要特登行到最後，試完之後發現味道都唔錯，舖頭仲有其他嘢食，都可以一試。環境都舒服，會播韓文歌，有韓國feel。

🔸半半炸雞 $241🔸鐵板燒牛仔骨 $208🔸西柚梳打 $38🔸檸檬梳打 $38-星期日同男朋友出去行街relax下，放假總個想放縱一吓，於是決定食邪惡好食既炸雞。第一個moment就醒起山林道既「李家」！第一件事緊係要點炸雞，揀咗無骨嘅半半炸雞。蜂蜜大蒜味係偏甜，佢上邊有炸蒜粒同埋一大堆蒜蓉醬，蒜蓉唔會太生太辣，加埋蜂蜜都幾夾～青辣椒蛋黃醬炸雞配爽口洋蔥絲，加埋少少辣蛋黃醬，非常惹味開胃，唔會覺得膩。再叫埋鐵板燒牛仔骨，原塊鐵板上超足料，大大塊嘅牛仔骨可以用剪刀剪成一口size，啖啖肉好好味。天氣太熱，所以叫左2杯soda(檸檬&西柚味)，檸檬偏酸岩我，男朋友鍾意西柚多d唔太甜，食炸雞配梳打真係絕配。