李家 (山林道)

營業中

休息中

無得飛韓國玩，唯有久唔久吃番個正宗韓國餐當望梅止渴啦😂李家呢度夠地道夠正宗，除咗有特色泡菜湯泡菜煎餅之外，懷舊地道蠶蛹湯都有得食㗎！夠膽又想試嘅就可以嚟挑戰下！蜂蜜蒜蓉炸雞🍗強烈推介呢個炸雞！甜甜嘅蜂蜜味無得輸呀！而且呢個炸雞完全唔辣，只有香噴噴嘅蒜蓉味，一家大細都可以食啊！勁鍾意佢炸到個雞皮勁薄脆，仲晒滿晒蜜糖醬，咬開就嫩嫩嘅雞肉口感，可能因為呢度用雛雞，所以肉質特別正！連啖啖肉雞胸都滑一滑㗎！辛辣麵🍜用梯煲煮真係好正宗好有feel呀!好似同oppa食宵夜咁呀！而且面條爽口彈牙，一啖啜入個口嗰陣，狂野嘅辣味直衝入口，越食越辣，越辣越過癮！豬肉泡菜湯🐷我食返正宗泡菜湯OK啦😂湯底好濃郁，唔好見到咁紅以為好辣呀，其實因為落咗泡菜，食落少少辣好惹味，配搭豬肉一流！泡菜搭豬肉仲可以食起無咁油膩感，而且加咗大量泡菜和豆腐，健康又醒胃！配個白飯真係啱啱好！

李家最近睇得多韓劇，心郁郁想食炸雞開心下！問左好耐朋友食邊間好，最後朋友介紹我去食李家炸雞，因為多款又出名，由其我想食甜味炸雞😍我地今次叫左無骨炸雞自選味～ 叫左蜜糖蒜香+甜辣味原來2個味係分開上🥰蜜糖蒜香甜甜地好正😍甜辣味其實都唔會辣，怕辣既都可以唔使驚照叫就得豬肉豆腐泡菜湯，個味唔會太辣完全係飲到✅個豆腐好好味，個湯入面仲有好多泡菜同豬肉，單飲或者配飯都真心一流仲有我最中意既泡菜餅都好好味呀配埋個汁真係岩岩好😬其實個份量都幾爆抵食😍個人認為性價比好高

今日又再係李家叫外賣 上左長長既樓梯 終於行到 今次既外賣前菜同上次有d唔同 真係多左額外裝起既泡菜 芝士腸切成八爪魚形狀 好有心思👍👍👍而且同樣是份量十足 味道同上次一樣 保持水準 甜甜辣辣既豬肉 好好食 又食得好飽🤤🤤🤤👍👍👍價錢合理 滿分滿分 值得經常去食🤣🤣今次外賣仲送左個OpenRice 既環保袋👀成日叫外賣都係第一次有呢個袋出現😆😆下次依然會再叫外賣/堂食 值得推薦👍👍👍👍👍👍

天氣炎熱，食慾不佳，最想吃的都會是炸雞，加上冰凍的啤酒，又是另一番風味。今天便來到尖沙咀的李家炸雞，一嘗心願。海鮮辣湯$188，材料有蝦、藍青口、魷魚、蟹、椰菜和洋蔥，還有少少飯粒在湯裏。味道鮮甜可厚，辣到頗高，如果醎度能夠減少一點，味道更佳。原味炸雞全隻$158。炸雞的份量十分之多，外表香脆，內裏肉質豐富，可以加些甜辣醬，增加味道層次感。青島啤酒500ml$45，冰凍的啤酒一隻是炸雞的最佳伴侶。

近排不停煲韓劇，煲到要去食番餐韓家餐先得，其實日日食先可以滿足到我呀，近近地去食番李家先😚😚😚每次都一定要嗌哩嗰烤五花腩肉，喜歡上枱嗞嗞作響的聲音，五花肉中附著爽口彈牙的豬皮，烤出黎非常可口，烤熱後豬腩部位甘香脆口，仲有配撘兩款唔同嘅泡菜❤️芝士雞蛋卷，芝士控要留意啦！芝士同埋大量芝士製成嘅芝士蛋卷，芝味豐郁香濃，蛋卷保留到芝士味嘅同時，亦有淡淡嘅蛋香😍豬肉泡菜湯，開胃的泡菜和豬肉一起吃的感覺很滿足，煮泡菜湯一定要加豆腐，先完全吸收晒湯底既清甜，味道濃郁，帶少少香辣味，是韓國傳統方式熬制嘅味道💋💋

最近追緊韓劇，諗返起以前好興韓式炸雞，突然間就心血來潮想食，於是今日就食好耐冇食過嘅李家。雖然位置有少少偏僻，但係靠近晚餐嘅時間都幾多人入座，環境佈置得好有地道韓式炸雞店嘅風味，播住韓文歌又有女團MV。《芝士調味炸雞》$198炸雞因為即整嘅關係，大約要等20分鐘，我哋要咗有骨嘅炸雞，上枱嘅時候真係熱辣辣，而呢個芝士炸雞灑滿芝士粉，未食到流晒口水，外皮十分香脆，雞肉好嫩滑，即使係雞胸都唔會覺得好乾好孩，唔錯。《辣咖喱味炸雞》$198呢個十分吸引，又係灑滿滿晒咖喱粉，勁香，每一啖入口都食到香濃嘅咖喱味，辣到啱啱好，小辣，想食好辣嘅人唔好期望太多。整體來講比我預期中出色，推介呢款口味。《corona rita》$88炸雞當然要配一杯雞尾酒啦，除咗雞尾酒之外仲有一啲下有啲特飲好似都幾吸引，每杯都只係$38，下次有機會試吓先。

中午朋友想吃韓食,  於是就來到位於山林道尾「李家」食炸雞。第一次來，明明google map顯示已經到步，但就是看不到餐廳所在，找了一輪，原來向右轉個彎就馬上看到，看來我真是個路癡。餐廳門口還有一個天使打卡位餐廳以炸雞為主，但也有很多地道特別的韓食，好似「蛹湯」，看Menu一隻隻「蟲蟲」浮在湯面，真的非常特別，自問細膽的我暫時未有勇氣嘗試。雞泡魚乾伴酒就最啱，但因為是中午，一陣食完仲要行街，所以沒有叫酒，淨食聊天也很不錯。雞泡魚乾真是鮮味十足，圓圓三片晶凝通透切成條，外層帶有蜜糖香甜，煙韌有嚼口。無骨蜂蜜大蒜雞(半隻)，哈哈.....啱晒我呢種食肉唔𦧲骨嘅人。外皮用薄薄的脆漿把雞塊炸得脆口後，再用蜜糖大蒜包裹，甜蜜蒜香啖啖肉，正呀！無骨蔥炸雞(半隻)，炸籃上鋪滿衝刺，下層同樣是外脆內嫩的雞塊，食的時候伴著蔥絲，非常清香解膩。

又同老公黎李家食炸雞。叫左半隻蜂蜜蒜蓉炸雞同半隻原味炸雞，我就鍾意蜂蜜蒜蓉炸雞，雖然加了大量蜂蜜仍然好脆口，咬一口都有脆聲音，外脆內軟juicy ！面層仲放左綠色既蓉，微微辣，感覺唔膩。酥炸魷魚鬚+年糕湯套餐原隻魷魚鬚炸得酥脆，粉薄，咬落又嚼口，感覺同香港既好不同，年糕湯除左年糕仲有魚板，年糕煙韌，湯底紅色甜甜的，魚板入味。辛辣麵成日睇韓劇見主角食到津津有味，好想食下有咩分別，比自己煮既唔太同，比較辣，加了大蔥雞蛋更加惹味。食炸雞緊係要飲番柸有氣既野飲啦！我就叫左西柚梳打，老公叫左藍色多瑙河梳打，藍色多瑙河梳打冇怪味唔係藥水味。

記得好多年前韓國炸雞啱啱係香港好hit果陣，呢間李家就已經好出名，當年我都慕名去食過一次，印象中係好好食既🤪幾年冇黎過，再次食返水準依然都keep得好好🙈呢度最正就係可以任配口味🤩平時d餐廳一叫就要叫一隻，但呢度最少可以點半隻，咁就可以一次過試多d啦👍🏻我地揀左半隻甜辣炸雞$93同半隻青辣椒蛋黃醬炸雞$113。甜辣炸雞唔算太辣，同正常好食既炸雞店一樣😂但青辣椒蛋黃醬炸雞真心令人好驚喜！蛋黃醬中加入韓國料理經常使用既「青陽辣椒」，再配上生洋蔥，成個口感十分清爽，勁開胃🙈另外仲叫左個芝士辣海鮮炒年糕$158。海鮮好豐富，大蝦青口八爪魚魷魚都有，加上滿滿既拉絲芝士，好難唔好食🤣🤣最後飲返杯生啤...當自己去左韓國啦🇰🇷

近排睇得韓劇多，好想食炸雞飲soju。所以今日找了這間以食炸雞為主的李家滿足一下。這裡的裝修跟韓式傳統食店差不多，播著kpop。 店主是韓國人。餐牌上除了主角炸雞外，另有其他韓式傳統菜式。點菜後，便會送上開胃沙律及醃蘿蔔。這裡有六，七款炸雞，我選了蜂蜜蒜蓉炸雞$198)，大大碟的炸雞有十多件，炸得香酥金黃，乾身不油膩，沒有厚厚的粉漿，內邊肉質仍然嫩滑有肉汁，淋上甜甜的蜂蜜蒜蓉醬汁，兩個人都可以消滅一整碟，邪惡又美味。有炸雞當然要配soju, 絕配。另外點多份比較清淡的年糕餃子湯$98)，圓身飽滿的韓式餃子，煙韌有咬口的年糕配上清甜紫菜湯，傳統又好味。

#尖沙咀 #李家 飽到上心口系列🤣突然好想食炸雞，梗係上openrice睇吓邊間口碑好，因為平時好少食。見到李家完全冇劣評，梗係要試吓，而且有得book位，唔洗等位。三個人去食，因為唔知份量，所以叫咗三樣嘢，結果。。。三樣都好大份呀，救命🤣首先講吓個炸雞，我哋要咗半半炸雞，168，兩隻口味。原味有少少辣，好少，應該正常人都食到。佢嘅皮好脆好脆，雖然有骨，不過都啖啖肉，當然可以揀冇骨嘅，都係貴十蚊。另外一隻係甜辣味，偏甜，食唔出辣味，鍾意甜嘅人應該會鍾意呢個味。第二樣係芝士拼辣bb豬骨，呢個貴啲，288一份，不過份量真係好足。豬骨已經煮到好冧同埋好入味，等芝士溶咗就可以包黎食，不過佢嘅芝士唔知點解斷唔開，好似香口膠咁，好難分開。另外仲有薯角，真係好飽。第三樣係芝士辣海鮮炒年糕，158一份，價錢好合理，因為海鮮都唔少。雖然係炒年糕，但係入面反而烏冬比較多，同平時食嘅炒年糕係同一個味，偏甜，加埋海鮮同芝士，都幾好味。叫咗幾樣野都係好飽肚嘅。。。救命呀🤣🤣🤣

朋友上星期話未食過韓式炸醬麵，問我有冇好推薦~記得上次同其他朋友黎過呢度食佢地既“韓式海鮮炸醬麵”HKd$188+10%，大家都一致讚好架！！！所以呢日約左佢食飯就帶左佢黎呢度今次除左要一份海鮮炸醬麵之外，我地仲order左一份“燒五花腩肉”HKd$198+10%一齊shareeee點好食物之後，店員就放低左醃蘿白同椰菜沙律俾我地等左一陣，我地既海鮮炸醬麵同燒五花腩肉都先後送到啦兩款食物既份量都好多，每份都係三至四人既份量咁濟炸醬麵中除左有魷魚蝦仁呢啲海鮮料之外，仲有薯仔粒同洋蔥粒其他配料，好豐富炸醬既調味剛剛好，唔會過咸/過甜而燒五花腩肉既味道都相當唔錯！！每片厚切既腩肉都層次分明，肉脂相間夾上味道酸甜既泡菜同吃，更覺滋味飲品既選擇都有幾多，主要分為酒精同無酒精兩大類呢日我同朋友分別要左一杯“西柚梳打”HKd$38+10%同“香桃果汁”HKd$28+10%前者清爽解渴，後者濃郁香甜

又諗起炸雞，我第一次時間想去既就係李家佢既味道係無餐廳取代到！炸雞有好多味道選擇:原味，燒烤味，芝士調味，蜂蜜蒜蓉另外可以選擇無骨/有骨今次決定貪心d叫左雙拼無骨一點完餐就有前菜自家醃製酸蘿蔔同椰菜沙律好開胃原味 + 蜂蜜蒜蓉 (無骨)第一次食無骨但真係好爽快！啖啖肉，完全唔洗就住推薦大家試下！原味一如既往好食而蜂蜜蒜蓉既甜度剛好同炸雞好夾李家炸雞真係未試過令我失望泡菜餅份量好大，4個人都夠食有海鮮之剩仲有泡菜微辣既味道好惹味口感都好好，煎得香脆

難得星期六出嚟食lunch，朋友就介紹咗我嚟依間韓國炸雞嘅元祖店，點解佢叫做元組店呢因為佢喺香港開左其實都幾耐㗎喇，入到去嘅感覺就有一種韓國地道小店嘅感覺無論你係要食炸雞、炸醬麵、泡菜炒飯定係其他嘢食你都可以喺呢度搵到，而且五餐嘅餐牌定價真係勁抵，相比起其他韓國餐廳真係性價比高好多因為我同朋友都勁鍾意食炸雞所以就叫咗一份兩隻味嘅炸雞分別係蒜香蜜糖炸雞、第二款係醬油炸雞，估唔到1分嘅炸雞份量有咁多兩隻味仲要分咗兩盤咁樣上菜，兩個女仔食真係差啲食唔晒所以我哋另外叫咗一個辣豬腩肉配泡菜做小食就已經勁飽啦，豬腩肉嘅味道都調製得勁好食落去係半肥瘦嘅豬，配埋泡菜嘅感覺真係好開胃最後食炸雞梗係要配啲酒精㗎啦，我同朋友就share左一支提子味真露一邊食炸雞一邊飲酒

李家 (山林道) (尖沙咀)尖沙咀山林道54-56號利雅商業大廈地下2號舖蜂蜜大蒜炸雞$113/半隻不僅擁有一股香濃的蒜味，甜甜蜂蜜醬汁令到雞的味道更加突出！第一次吃這個口味的炸雞，發現原來非常特別，一定要食！雞肉鮮嫩，外層炸得香脆！芝士味炸雞$113/半隻芝士味雙重刺激味蕾，芝士味配任何色等也是沒有得輸，炸雞外脆內嫩 , 鎖住肉汁, 咬下去雞肉汁溢口而出，雞肉入味不油膩。芝味炸雞不單芝士味龍，還製作很像小食一般，外層脆得像薯片。海鮮蔥餅$158餡料十足，有粒粒大蝦，還有新鮮魷魚，但味道非常濃郁，蛋漿混合米粉漿，但吃下完全不油膩。烏冬$58煮得爽口彈牙！湯頭清甜，配上泡菜。感覺韓國人吃什麼也配泡菜。年糕餃子湯$98年糕煙韌韌有口感，餃子粒粒皮薄餡靚肉口多汁！湯頭有紫菜清甜！蘋果梳打$38清甜梳打，夏天飲清涼！店面乾淨企理