李家 (山林道)

營業中

休息中

宵夜時段 同事就話食呢間 以前食過好好食咁囉就嚟依間舖頭試吓啦～叫咗以下呢幾樣野辣嘅鳳爪 係好辣🥵因為有新鮮辣椒 但係對比喺韓國食嘅就唔係好似樣 味道唔太似 係普通辣嘅雞腳 韓國好似係偏醬偏紅多啲但同事都覺得好過癮 好辣但係繼續食哈哈雙拼炸雞叫咗個原味同埋有甜酸醬嘅 同事話佢嗰邊嗰間原味可以單獨配甜酸醬～如果係嘅話建議大家咁樣叫 因為啲醬浸埋落啲雞度會變得好重口味好林同埋濕咗少少但係認真啲雞係冇乜特別唔算好好食🙁呢個係年糕芝士xxx唔記得咗叫咩名 唔好意思😜 我想講呢個嘅味道好奇怪 係超級難食🤓泡菜海鮮煎餅我想講呢個入面有魷魚㗎超出左我嘅預期之中囉所以覺得幾好食😋本人都試過好多隻嘅燒酒味道但第一次試呢個蘋果味出奇地覺得好飲喎！👍🏼👍🏼呢個偏甜唔係好飲酒嘅女仔可以建議呢款

朋友呢幾日都好想食韓式炸雞！😆我帶佢黎食李家！🐥1️⃣半半炸雞（原味、甜酸）- 無骨（$178）無骨同有骨雞都有，無骨只係加$10，所以緊係揀無骨慳水慳力啲啦～🤪我估應該有成隻雞，成個籃滿滿既雞件🤩，多到我輕輕拉一拉個籃埋黎就跌左一舊落枱！🙃皮好脆，凍左都仲係好脆，而且肉質嫩又唔乾！有醬既更正，因為甜酸醬既味啱啱好！😋2️⃣芝士辣海鮮炒年糕（$158）好多時啲餐廳加兩隻蝦仔就話碟野係海鮮乜乜乜，但呢碟就搵到蝦、青口同八爪魚。🦐🐙除左海鮮，仲有紅蘿蔔、青椒、椰菜、年糕同烏冬！🥕🫑辣醬有啲辣，但好彩有大量芝士解一解，我鍾意～🤤3️⃣芝士雞蛋卷（$128）紅黃搭；🍅同🍋，有啲唔關事。🤣但雞蛋包芝士，絕對唔係打對台既關係，係絕配～呢個配搭冇得輸！😎呢度全部野都大大碟，多幾個人一齊share都得！🤓

啱啱興食炸雞時，第一間食嘅韓式炸雞店，真係由大學食到而家。去到而家都係覺得最好味。一坐低就送上醃蘿蔔同椰菜沙律。自選半半炸雞今日叫咗呢個可以自己揀兩款味道嘅炸雞，每次必點嘅一定係蜂蜜蒜蓉味，今次再試埋未食過嘅青辣椒蛋黃醬炸雞。蜂蜜蒜蓉炸雞（有骨）$108雞件炸到外層鬆脆，入面嘅肉質保持嫩滑。外層裹滿咗蜜糖同蒜蓉醬，唔單只係外層嘅調味，雞件有預先醃製過，肉質唔會淡茂茂，超級惹味。青辣椒蛋黃醬炸雞（有骨）$113炸雞件嘅質素一樣冇得彈啦，青辣椒嘅刺激被蛋黃醬同洋蔥絲中和番。過癮得來又好夾，另有一番風味。芝士雞蛋卷$128蛋卷上蓋滿咗芥辣醬同蕃茄汁，中間有爆多芝士，仲要係拉絲。蛋卷非常嫩滑，蛋香濃郁而且仲有蛋汁。分量超大，三四個人都夠食。（一定要趁熱食啊 ，凍咗食芝士會硬咗，做唔到拉絲嘅效果）無酒精雞尾酒 Beerita $78打卡一流，大杯到一個人飲唔晒。味道係類似西柚同啤酒味嘅混合。如果有巨峰提子味應該會更吸引我。

係尖沙咀附近staycation，更係揾下附近韓國街有咩食，上網揾到哩間，好似好有歷史？跟住買外買自取，叫左最出名的芝士玉子，仲有甜辣炸鷄，芝士炸雞。原來有前菜同送汽水。好好食，但兩個人食唔哂好飽芝士玉子可以拉到絲，好飽，炸雞就揀左有骨version, 下次試下無骨，一啖啖一定好正！甜辣同芝士一半半好夾！

🇰🇷李家 尖沙咀炸雞配啤酒 係絕配！！🍗🍻🐓蒜香蜜糖炸雞honey garlic 好正！好juicy同埋嫩滑一啲都唔會乾🤤最難得嘅係佢真係好多蒜香蜜糖汁喺底！$208來講份量好合理！🦐🦑海鮮湯真係好authentic. 海鮮份量好多之餘仲好新鮮！特別係啲蝦好大隻好鮮甜😍啲湯亦都唔會太辣好有海鮮嘅鮮甜味. 🍻去韓國餐廳好多都有pear juice 但係我最鍾意嘅～而我嘅朋友就揀咗啤酒配襯炸雞！總括嚟講嘢食啲質素都好好. 餐廳好多都係卡位所以坐得好舒服😊 6:30已經開始多人所以要預早book位！下次去我會想試吓去其他味嘅炸雞🤤

-尖沙咀真係有好多韓國餐廳🥰今次食其中一間 李家😆一坐底，就有麻醬沙律和醃蘿蔔做前菜💫餐廳仲會播熱門韓文歌🤟-半半炸雞(蜂蜜蒜蓉&甜辣味) ($168)因為想試不同口味所以點半半炸雞🍗就最適合不過🥰今次就試甜辣味和蜂蜜蒜蓉味每款口味都有大約9件雞🤤甜辣味都幾正٩(๑❛ᴗ❛๑)۶少少辣但好惹味😀而蜂蜜蒜蓉都不錯雖然味道都想像中不同❤️但炸雞外脆內嫩皮薄食落好Juicy😎正(*´◒`*)-泡菜餅❤️（$128)生米酒（$98)食泡菜餅梗係就要配生米酒Makgeoli🍻泡菜餅的油膩配生米酒飲就岩岩好💛估唔到泡菜餅都幾大份，仲有魷魚🦑而生米酒好香濃😀個人覺得易入口💫-紅醋（$28)Pomegranate vinegar 開胃飲品之一食到好飽飲一啖，又可以繼續食～-Name🏠:：李家 (山林道) Chicken HOF & SOJU (Hillwood Road)Location📌: 尖沙咀山林道54-56號利雅商業大廈地下2號舖（港鐵佐敦站 D 出口, 步行約7分鐘）價錢💰:半半炸雞(蜂蜜蒜蓉&甜辣味) ($168)，泡菜餅（$128)，生米酒（$98)，紅醋（$28)

同事兼老友生日，Lunch同佢慶祝請佢食好啲知佢喜歡韓國文化更加喜歡韓國炸雞，同佢嚟咗山林道 李家🤩上條短短地斜路，上到去地方算大，午餐時段都幾full裝修韓國feel，以木式為主當然要食炸雞啦，揀咗半半炸雞🍗甜辣炸雞大概有六件，甜辣醬非常惹味，唔會太辣，雞肉嫩滑，醬汁非常夠，一啖炸雞一啖soda非常之match😍😍另外揀了蜂蜜蒜蓉炸雞，蒜味十足a ，仲有蒜蓉粒伴住炸雞，加上蜂蜜特別得來，口感不錯👍海鮮炸醬麵一上枱嚇咗一跳，份量夠五人食，哈哈真係好誇張🤩🤩面質彈牙唔會太鹹有魷魚蝦仁等等，海鮮雖然不是新鮮貨，但也不錯正宗韓國炸雞店份量真係多得驚人，最後食唔晒還要打包走呢份量超級多，下次真係要三五成群過嚟食，味道不錯價錢合理😛

自從來自星星的你之後，炸雞熱潮冒起。我間唔中都有鋪食炸雞嘅癮，今日就決定去食炸雞好出名嘅李家過下癮！主角半半炸雞揀咗半份蜂蜜蒜蓉味，每件炸雞都被蜂蜜包裹，入口唔會太甜。雞皮即使淋有蜂蜜都唔會變軟，能夠保持香脆口感，肉質鮮嫩。而另外半份就嗌咗芝士味，雞皮包裏上香濃嘅車打芝士粉，再灑上適量嘅巴馬臣芝士粉味道有趣，比較乾爽同反而無咁膩！芝士雞蛋卷超大份，上面有蕃茄汁同蜜糖芥末醬，一切開啲芝士流出來非常邪惡，雞蛋煎得剛剛好，滑嫩唔會老！而喜歡食魚糕嘅我再叫咗份魚餅湯，份量都超大滿滿都係魚餅！魚餅切成合入口嘅大小，好夠彈牙！亦有好多大豆芽同白蘿蔔增加湯嘅鮮甜，湯頭清淡唔會死咸非常好入口，係食完咁多肉肉後嘅解膩之選！嘢食真係超大份，再次眼闊肚窄食唔哂添！

山林道有好多好食嘅餐廳，行到山林道墜入，有一間獨立屋仔嘅韓式餐廳，粉藍色嘅外牆好吸引，今次試吓呢度嘅韓式料理。餐廳好大，座位空間感強，坐得好舒服。環境乾淨光猛，食物選擇都唔少，我哋下午茶時間，剛過咗午餐時段，所以只能夠散叫。半半炸雞$168分量超級驚人嘅炸雞，一半原味一半甜辣醬。炸雞非常新鮮，醬汁都好美味。$168一大盆，真係好抵食。海鮮蔥餅$158好多海鮮材料豐富，有魷魚、蝦、蜆肉等，蔥餅嘅口感很好，有點煙人及雞蛋香味，我都好鍾意呢個食物。年糕餃子湯$98大大隻嘅韓式餃子，係食韓國餐必食嘅食物。餃子入邊材料好多，每隻都非常飽滿。連埋個湯好好飲，年糕份量都唔少，呢個清清地嘅菜式唔錯。西柚梳打$38食炸雞一定要飲遊戲嘅飲品，呢個賣相好靚，而且杯上面有店家嘅嘜頭。整體呢餐都非常滿意，好飽足，幸福感滿分。

雖然去唔到韓國旅行，但知道朋友們都鍾意食炸雞🍗，所以我哋揀選尖沙咀好出名嘅炸雞店食晚餐。首先梗係要開支啤酒大家Cheers一番，傾吓計慢慢揀嘢食。整一個泡菜湯飲一飲，入面嘅材料好豐富，驟眼睇泡菜嘅份量都好多，而且好入味啊，少少辣令我哋食得好滋味。過到嚟點少得食炸雞呢，我哋三個人揀兩款口味半份雞，蔥炸雞夠晒香呀，我最鍾意佢蔥嘅口感，配以咁香脆可口嘅炸雞，話咁快食咗幾件了。鍾意甜甜地嘅口味一定要揀蜂蜜蒜蓉炸雞。仲有可以拉出一條長長的芝士雞蛋卷，雞蛋卷非常滑溜，仲有好Creamy芝士，令我哋食得好滿足。#李家#李家炸雞#尖沙咀炸雞

呢間韓國餐廳超正宗！店內有韓國店員👻，店內播住K-pop，環境闊落！🤟🏻✨主打「炸雞🐔」即叫即炸，仲有好多經典韓國菜🇰🇷：-1️⃣「青辣椒蛋黃醬炸雞🍗🫑($218)」(new)超推薦😍‼️，外皮炸得香脆乾身，雞肉嫩滑juicy，就咁食or配開胃嘅蛋黃醬食都好味🤣~Cheongyang mayo deep-fried chicken: cooked to order, perfectly fried, crispy and juicy👍🏻-2️⃣「芝士雞蛋卷🧀🥚($128)」小編身為蛋控，當然要試！超大份‼️蛋一層層而且幾滑，佢入面包住超多芝士，拉哂絲咁！🧀😝，配茄汁同芥茉醬一流🥫🍯～Cheese egg wrap: a huge portion, with cheesy filling, topped with ketchup and honey mustard 👍🏻-⚠️：炸雞🍗跟🥗

大家都知道尖沙咀有韓國街，但係原來山林道嘅盡頭，竟然有一間隱世韓國料理😯佢入邊唔係有啲咩華麗嘅裝修，但係就彷彿置身於韓劇入邊學生打工嘅餐廳咁🤣自己F F去左韓國一轉✈️豬肉泡菜湯食咗咁多炸嘢梗係要嗌個湯冇咁dry啦😋我好鍾意呢個泡菜湯有豆腐又有金菇🤤上碟嘅時候個石鍋仲keep住滾左兩三分鐘先停😋泡菜好香😘入邊都好多豬肉好足料🤩泡菜餅泡菜餅味道非常好😘小編鍾意去泡菜比例偏多😍同時間在家入咗啲魷魚好有咬口😋唯一係佢質地比較散😛如果煎得再香脆啲就更加好🥰醬油炸雞呢個醬油炸雞做得好好🤤超級惹味🤗每件炸雞都沾滿醬油😛同時間咬落去仲有脆脆嘅感覺😍醬汁有啲微辣好開胃蜂蜜蒜蓉炸雞呢一款食落去有香嘅蜜糖味😋雖然佢冇醬油咁香濃😉但係食落去真係好清新🤤同樣外層都係脆脆😘醬汁都係微辣👍🏻西柚梳打由於小編唔係好食得辣😝所以叫咗杯西柚梳打🤪睇佢顏色勁驚係藥水味😅好在佢最後只係偏甜嘅西柚汽水😋非常解到辣🥰大家唔使俾佢個樣嚇親

口痕好想食韓國炸雞，上網OpenRice下穩到間幾受歡迎嘅 韓國人主理的韓國炸雞店。去到山林道，一條食街無誤！去到最尾尾就見到李家了！好多炸雞！吾同味道！雙眼發光！叫左好受歡迎嘅半半炸雞：青辣椒蛋黃醬味同甜辣味炸雞：$113/$93見到人哋都推介呢兩隻味！蛋黃醬味好讚👍好味，炸雞嫩有肉汁！甜辣都吾錯！芝士辣海鮮炒年糕：$158芝士好多,啱曬我呢個芝士怪。年糕好有咬口！海鮮有魷魚，青口，大蝦，同八爪魚仔！好多配料。炸雞配埋前菜酸蘿蔔同椰菜沙律好搭！食埋芝士年糕已經好飽了😆叫多兩杯士多啤梨soda :$38 滿足口福既一餐😋下次再下其他味！

約埋三五知己梗係要去食炸雞之前試過尖沙咀三角公園的「 李家 」 @李家 嘅炸雞質素真係唔錯今次就去到位於尖沙咀山林道另一分店去試吓🤤⊰⊹════════════════⊹⊱✎ 食後感 ：✨有好多款口味嘅自選半半炸雞🍗我哋三個人就帶咗兩款開心share食🟢「 #蔥炸雞 」香蔥迷的我無蔥不歡我哋就揀咗有骨有口感啲佢嘅香蔥鋪滿面遠處已經聞到好香嘅蔥味還有雞的份量很多食落去每一件雞肉都頗滑🟡「 #蜂蜜蒜蓉炸雞 」甜甜地好開胃呢估唔到雞肉同樣都係咁鮮嫩味道很濃郁哦有雞背位置 亦都有雞胸位置想像不同雞肉口感🟠「 #芝士雞蛋卷 」這個不得不試吓的雞蛋卷一攞起已經有芝士拉絲裏面仲有半生熟的雞蛋🥚配以面頭的醬汁令我哋食得好滋味另外還有朋友最鍾意食嘅🔴泡菜餅、泡菜湯配埋THRRA瓶裝啤酒暢談心事加上燈光昏暗嘅環境坐得好舒適

🔎李家 (尖沙咀)尖沙咀有極多韓國餐廳揀 今次就揀咗比較有名氣嘅李家 山林道行到尾就會見到佢🔹半半炸雞 $168/有骨 （無骨+$10）第一樣一定係食炸雞 而最經常食嘅一定係半半炸雞 原味mix甜辣！個人比較鍾意食有骨 感覺更加有食炸雞feel🤣即炸夠熱份量又唔少 都ok🔹豬肉泡菜湯 $158上菜仲係滾住上 除咗豬肉同泡菜 仲加咗豆腐同金菇 都係基本配料 勁勁勁勁多泡菜😂多到食唔哂 辣度幾岩香港人 唔會好辣🔹Corona Rita $88食炸雞又點可以唔飲啤酒🍻不過就咁飲就單調啲 呢杯加咗好多冰同檸檬嘅Corona都幾好飲 兩個人飲一杯都夠🔹忌廉溝鮮奶 $18除咗啤酒 基本韓式飲品都有嘅📍尖沙咀山林道54-56號利雅商業大廈地下2號舖