影片
以上資料只供參考, 請與餐廳確認詳情
食評 (62)
成日都會去金魚街買吓糧俾啲寵物，有時都會喺條街食嘢，今日又唔係好肚餓，所以就諗住食碗麵係咁易啦～其實冇話專登揀邊間，純粹行過就入，但係食完呢間權記今次真係冇下次。又貴又唔好食🙂↔️叫咗個招牌牛三寶河粉，啲牛太腍，一坺嘢咁。個湯係完全冇味，唔夠熱之餘好似普通滾水咁。食物差都算，員工態度超惡頂，唔係繁忙時間，間鋪唔係full，都要係咁叫啲客調位，食緊都要郁，傾偈講嘢唱歌大大聲，完全當啲客冇到。真係好渣。奉勸大家真係唔好去。
繼續閱讀
第一次寫食評第一次到這家餐廳用餐，真是讓人失望，極之垃圾！首先，服務態度極差，呀姐唔覺得自己有問題，仲同個客嘈交，完全冇悔意。唔該，唔好意思，麻煩晒，一句都冇。其次，食物質素完全唔掂。勁咸，個口咸足成日，勁口渴，飲水飲野飲都係咸！食完每一口都讓我懷疑這筆錢是否花得值得。最後，地方十分細，不建議孭背囊、書包及行李篋去，因為會指責返係食客既問題！可以說，我一定不會再光顧這間餐廳，因為花錢買來的只是失望和不快。比錢買難受！認真 同真心 附近都有好多野食，唔需要食佢！真係好垃圾
繼續閱讀
今日我去到食嘅時候，有個短頭髮呀姐好似食咗朱古力咁個口勁臭，我問佢嘢嘅時候服務態度太差，勁串咁同我講嘢。食嘢嘅時候，啲嘢食又鹹，又唔好味，飲咗一支水個口都好鹹。衛生環境勁差，我見到廚房有幾隻老鼠走來走去，個短頭髮阿姐仲郁我張凳，我問佢做咩，佢話俾人過先得㗎，但係我仲食緊嘢，嗰吓我真係好嬲。其實側邊仲有好多嘢食，可以唔使食呢間，本身好期待個牛腩河，最後變成失望，呢間嘢又貴又唔好味，浪費錢，食到想嘔，等又等得耐。啲嘢食真係好垃圾最重要係個短頭髮阿姐態度唔好，個呀姐比個西面比人睇，我係嚟食嘢，唔係嚟受氣
繼續閱讀
短髮阿姐果然出名，點了豬潤面加腩汁上枱時漏了已經講左聲唔該加番，即時大叫『唔係漏左係你冇叫』，之後同佢講落單有叫的，再比佢噴到一面，生意多左就惡了，比起舊店味道差不多，價錢唔平但態度真係改變得好快，剛裝修完仲笑住口開門，到宜家經常客滿就全店變面，價錢唔平正常味道
繼續閱讀
呢晚同朋友一齊嚟咗呢間粉麵店食個簡單嘅港式晚餐🤣$52「鮮蝦雲吞 拼 片頭 麵 加紫菜（+$6）」：鮮蝦雲吞 / 片頭 兩樣都幾好味🤣，麵條係幼麵，夠彈牙🤣$44「淨權記水餃🥟」：大大隻水餃🥟，裏邊 有豬肉、鮮蝦仁、脆脆哋嘅木耳，落足材料，好味😋跟麵加 $16「各款時蔬」：叫咗2碟，一碟係菜心一碟係生菜，2碟菜都夠新鮮😋$16「清湯蘿蔔」：白蘿蔔清甜，煮得好腍🤩跟麵/餐 送熱飲，叫咗「熱奶茶」同「熱檸水」，「熱奶茶」香滑「熱檸水」熱辣辣 👍$48「淨南乳豬手」：有3件，豬手炆煮得非常軟熟🤩$30「炸鯪魚球」：鯪魚球爽滑又炸得香口🤩
繼續閱讀