札幌拉麵 Miso No.1

放假過黎荃灣行, 諗住是但搵間唔洗排隊食晚餐, 記得以前札幌都幾OK, 所以就入去試下.要左兩個自選晚餐($85), 可以揀1款拉麵+1款小食.雜錦拉麵(+$5) & 豬軟骨拉麵(+$5)兩款既拉麵麵質都麻麻, 好似食油麵, 豬骨湯唔太濃, 普通味精湯咁.雜錦有义燒, 蟹棒, 日式魚蛋等等, 义燒較薄, 其他正常味道.豬軟骨比較好, 肥瘦適中, 但唔算好入味.雞軟骨 & 串燒雞翼兩款個面都炸到幾乾, 雞翼都算可以食到有肉. 雞軟骨好硬, 咬極都咬唔開, 麻麻地.

經過荃新天地，見到札幌，諗住佢係大型連鎖店，應該唔會係伏！就入去試吓，叫咗一碗普通拉麵加四個餃子嘅套餐。首先來了餃子，餃子煎得不錯，只是皮太薄，但味道還不錯，餡料新鮮。但拉麵卻令人大跌眼鏡，湯的方面，湯就係飲到奶丶芝麻等等嘅調料的味道，完全冇熬製而成嘅感覺，而且非常難飲！面的方面，首先面量偏小，吃完一碗都完全不夠飽，而且面好諗，一點都沒有咬勁！至於叉燒，普普通通，算不上難吃。服務來說，真心算不錯，服務員有禮貌，定時加水，收走碗碟前亦會詢問。

雖然呢個商場冇乜嘢食, 但由於返屋企個巴士站响樓下, 所以响呢度搵食, 大部份都係食日本嘢, 仲要係放題, 我地又唔係咁食得, 所以都係嚟呢間, 食個拉麵算數~ 話就話食拉麵, 但點會咁dry丫, 點都要配d小食, 而且佢d餐都係配埋小食的, 只係我地額外叫多咗1個廚師推介, 所以飽到上心口~叫完嘢食, 周圍望下個環境, 原來牆上有介紹佢個味噌湯, 雖然我唔識日文, 但都識睇d漢字, 呢d字先係重點, 又可以美容, 又消除疲勞, 又防止老化, 仲有對胃、肝等等好多功效, 所以呢度d湯底只係得味噌湯, 冇其他選擇~   豬肉拉麵  湯底好濃味, 好香味噌味, 佢講到咁勁, 又咁多功效, 真係唔飲多d都唔得, 但飲得多, 又好鬼飽, 而且食到尾, 但味越嚟越濃~ 豬肉太瘦, 有d鞋口, 但啱我呢d唔鍾意食"肥"的人, 佢d豬肉即係平時叫的叉燒, 唔知係咪佢塊肉太大塊, 平時食開拉麵的叉燒, 都係一片圓碌碌的, 但呢度係切到起角, 好似切蛋糕咁, 有d奇怪, 而且又厚身咗少少, 要好小心咬, 因為好易攝牙~   豬軟骨拉麵只係得3舊左右, 唔算大舊, 但炆到好林, d軟骨林到好似牛筋

今日去荃新天地睇戲, 就去左樓下食拉麵, 最主要俾佢隻蝦餃子蝦吸引到, 不過食落又冇咩特別, 都有成隻蝦係入面, 但味道好普通...另外個拉麵好一般, 完全唔似平時係出面食個種, 麵質過淋, 又唔彈牙, 而且塊叉燒好硬, 唔好食. 個湯底又鹹...似味精湯...仲有個豬軟骨拉麵, 啲軟骨竟然係硬...個蛋又唔係糖心....個幾隻開邊雞翼, 食落冇味, 同埋好乾..應該唔會再有下次....

(前) 招牌牛油拉麵 (後) 豬肉拉麵 湯底是濃醇麵豉底，不杰，內有炒香洋蔥，味道帶多少甜味；牛油大塊，在湯裏溶掉後也嚐到一些牛油香。叉燒是一片帶肥膏的腍滑豬肩肉，肉味香。喜愛這款生麵，能掛湯之餘也具彈性，微曲的麵條令我記起公仔麵。 自家製餃子的皮薄餡量多，煎香過也不油膩，脆口好吃。

今次食 豬肉定食，飯係珍珠米，豬肉夠味但鞋左d，另外薯仔沙律幾好味，但餐牌上的是蟹子沙律，職員吾出聲轉左薯仔沙律，多口問句職員只話呢個餐係配薯仔…，甘好心個餐牌改正下啦。下午茶餐好味又抵食，日式平價路線，不過不失

今天我和老婆仔都不用上班是非常難得的日子我們決定去遠一點選擇了去屯門玩但到達屯門前已經覺得肚餓了就在中途站荃灣吃點東西這間日式餐廳好像也有不少分店但我們都是第一次吃我們都決定要68元的自選三寶套餐老婆仔選了辛辣拉麵、串燒雞翼和雪碧我就要了招牌牛油拉麵、叉燒炒飯和芬達這個招牌牛油拉麵就是普通拉麵加了一小塊牛油其實拉麵加牛油是不錯的我起初是把麵沾著牛油吃但老婆仔就這樣會很肥所以後來我只讓牛油溶入湯中這樣味道就不明顯了還好其他配料也不錯豬肉也有數片至於叉燒炒飯就普通得多就是普通的炒飯味叉燒我想只有數粒更重要的是整碗飯非常少三至四口可把它吃完選其他小食比較好一點而老婆仔的辛辣拉麵也非常辣辣得來也很香算是不錯而裡面也有豬肉算是比較意外另外的串燒雞翼老婆仔說就像燒烤出來的一樣不過沒有塗上蜜糖的確味道淡了一點只有雞原先的味道不過也值得推介其實這個價錢已經算是非常合理食物雖然不是超高水準但我和老婆仔都坐得很舒適讓我們有足夠體力出發往龍鼓灘下次再經過或者會再試

本身諗住去荃灣食碗好嘅拉麵開心下啦！經過openrice查詢過見到佢d相片幾吸引，但試過之後簡直係難食到想死，一睇menu諗都唔諗就叫了佢嘅招牌拉麵諗住實無死啦！點知一試落口就覺得麵質差湯又唔熱，連塊义燒又肥又薄重要得一塊，真可憐！下一次請我都唔會再食！

見食評甘差都想親身試下，真係好難食，第一：湯底很淡，淡而無味第二：麵質很林第三：肉吾係平時日式x燒味道，怪怪地味第四：最離譜係雞蛋吾係唐心蛋。另外叫左蝦餃子又真係好好食，蟹子沙灘ok啦，可能d定食飯會正常d，拉麵真係我食過甘多間最難食的，吾係同日本比，都係香港內最難食的…，同埋真係未食過日式拉麵吾係唐心蛋

係樓上睇完電影一落來就見到呢間拉麵店, 未入去前當然戴定頭盔 上網睇下食評先決定入唔入去.網上食評好壞參差 但因為睇完戲實在太肚餓 最後都係入左食.ORDER左個泡菜拉麵同蝦餃子.泡菜拉麵叫OK 唔算特別好食 但味增加埋泡菜種感覺幾得意.蝦餃子就真係誠意之作 起碼唔係買番果D先. 隻隻都好足料.總結來講 味道你要同D日本來GE店比就無可能GA啦 但價性比絕對高 今時今日比一舊水到可以食到甘GE水準算係甘.起碼碗麵GE湯底唔係用味精粉開水之後扮自家製高湯. 

湯底真係唔係好掂，我同屋企人食，弟弟叫左個普通拉麵，我試左淡湯，味道十分唔討好，好難飲，有陣怪味，我唔識點形容，真係屋企自己煮都好食過佢，自己就叫左個咖喱吉烈豬扒定食，賣相仲ok，附送舊凍薯蓉，堅係好難食，跟著試下咖喱豬扒啦，就真係好普通，唔算好難食，但確實冇咩值得再去食的原因…

今天和朋友行街途經荃新天地，share叫咗，「招牌牛油拉麵+串燒雞軟骨」套餐 $85 +「 串燒雞翼」$25~ 「招牌牛油拉麵」來到，賣相十分不討好！湯底好混濁！好淡！（見上下圖）平時食日式拉麵，第一時間會試湯底先！下！這是什麼湯底來的！味道咁既？於是問那位操非本地口音待應，這是什麼湯底來？她說豬骨！豬。。骨。。！札幌不是味噌湯嗎？是這個味道嗎？拉麵，我也食過好多間！E間湯底貌似味噌湯+豬骨湯多些！但實際味道不似味噌湯、亦不似豬骨湯！又稀又淡！湯底好唔掂！*** 牛油細嚿、一D牛油香味都無！溶曬都不覺又牛油味！死得！配料有筍、昆布和蔥！*** 叉燒少得很！一開二，細細嚿，味道極差！又乾太瘦又無味！好耐未食過拉麵店叉燒可以咁差！*** 麵屬於粗及硬身，算正常！不太彈牙，麵質一般。「串燒雞軟骨」！好味，但燶咗D！「串燒雞翼」！好味！總括：只試過荃灣這分店拉麵和串燒，其他食物就不予置評！作爲招牌牛油拉油已咁差，確實可一不可再！後記：「招牌牛油拉麵」令我回想起N年前，曾經食過銅鑼灣有間叫「八八八拉麵」， 雖已關門大吉，亦是主打招牌牛油粟米拉麵！味道好得多！可惜！

在嘉禾看過戲後，出來時已經3點幾，我們都想食點東西才回家。我本來提議去荃新1期的T CAFÉ 1954，正當邊說邊下電梯的時侯，友人看到札幌拉麵的出現便說"我想食碗拉麵"，我反正沒所謂就順著其意思去吧。其實來過荃新2期很多很多遍，但偏偏就沒有幫襯過札幌拉麵。在門口先看看餐牌，正好有下午茶餐，價錢相當抵食。(午餐都不會話好貴，大約五十幾元一個定食)餐廳地方細小，呈L型，裝潢簡單但企理，牆上掛有好幾幅的日本風景﹑日本圖畫，門口旁邊有一個小書櫃，裡面放有漫畫及日本漫畫月刊。貼近窗口的位置是一條'巷仔'，只能放下三張枱，而我們就坐在其中之一了。半開放式廚房可以看到廚師在煮食，不過廚房前那排位置都坐滿人客了。以往經過餐廳N次都不及今天這時候如此的旺場呢，人多都爆之外兩位店員都忙得不可開交，很難才找到人來落單及送上茶水。(可能遇正電影落場吧)枱上放有餐具及紙巾，在轉轉盤上也放了胡椒粉﹑七味粉﹑辣油及蒜蓉都齊備，感覺不賴。友人吃的是Ankaka拉麵$38，有粟米﹑海帶﹑芽菜﹑荀﹑雞蛋﹑香蔥及叉燒。試了一口湯，原來是醬油湯，看來油份不算多，湯汁味道不濃厚，我不是"重口味"人但都覺得很淡口。我突然想吃泡

 上個星期日睇完戲想搵野食醫肚, 行曬成個荃新天地都好似無咩下午茶係可以飽肚。見到呢間札幌拉麵下午茶都有人排隊，見到個下午茶餐牌又有麵，又有小食，就排下啦。轉檯都幾快，等左十零分鐘就有得入去食。叫左個普通拉麵加餃子套餐，唸住下午茶應該份量好少啦，結果出奇地足料大碗。普通拉麵個名真係好普通，不過塊叉燒都好入味，但係太瘦，唔會好似其他拉麵甘入口即溶，不過感覺亦都無甘油膩。餃子皮好薄，好考師父功力，都算煎得香脆，餃子餡好滿，好食。 成個下午茶好抵食，可惜太肚餓，無影到相 = =

今晩向先施買完野之後有d餓，樓上果2間酒樓也吃過多次，所以今晚打算試新野。今次試下這拉面店，店面不太大，人也不算多，開放式廚房見到師傅在煮面的情況，我就是旦找個位坐。餐牌上有拉面丶炒飯丶小食丶飲品和1人前/2人前/4人前套餐，價格唔算特別貴。我點了招牌牛油拉面丶豬軟骨拉面丶薯仔沙律和煎蝦餃子。牛油拉面有1片叉燒丶一些粟米粒丶醃蘿蔔條丶昆布和1粒牛油，牛油撈落湯溶掉後，成碗味噌湯即刻有濃牛油味，幾特別，拉面條灼得剛好軟硬適中，叉燒就好一般冇咩特別，拌有粟米粒昆布這些蔬菜我覺得反而唔要塊叉燒更好，因為湯底已經頗濃郁了。豬軟骨拉面都係味噌湯底，應該係這店的拉面都係以味噌湯做底，豬軟骨好𣺉而且醃得好好味，其他配菜都係一樣有粟米粒昆布，拉面仍然煮得剛好，正。煎蝦餃子除左煎得夠香之外，真的是原隻蝦，冇花冇假，餡料好味，唔洗點醬油都已經好食。推介！薯仔沙律都要推介，薯蓉滑到似雪糕，內有薯粒，味調得好！整體都不錯，會再來。