本場

營業中

休息中

見賣廣告有優惠，四人同行一人免費，食120分鐘，就嚟呢間試下。一入到去無乜人都知衰架啦，我哋六個人揀左$328另加一既燒肉餐，第一轉侍應拎俾我哋，一睇賣相已經知係伏，未解凍既。之後就要自己嘟QR code order食物同飲品。肉類有得揀原味、味增味、汁燒味、辣味，咁咪試吓其他味，點知嚟到見到係未解凍既肉加上唔同味既汁，而唔係醃左既肉。其他小食反而大大碗，如蟹籽沙律、中華沙律、味付八爪魚。溫泉玉子叫左兩隻，一隻正常樣，一隻整漏蛋黃既。炸物係ok既，可能人少，全部都熱㶧㶧既。之後叫左幾次雞肝，侍應都拎雞腎嚟，同侍應講完我哋係要雞肝唔係雞腎，但廚房都係出一碟雞腎俾我哋，點解廚房同侍應都分唔到雞肝同雞腎，要再三提出先俾到雞肝我哋。甜品有幾款，但都麻麻地，榴連麻糬個麻糬皮硬既。好彩每人有杯movenpick雪糕。最後埋單無俾優惠我哋，要我哋提先俾返優惠我哋，但我哋訂座時已經問咗係咪有優惠，佢哋覆我哋係，個廣告都只係話預先訂座就有優惠，而家就要like FB先有，如果我哋唔check單就要俾正價錢。無下次🥲

上次係旺角瓊華中心食Thai菜見到隔黎有間新開既日式燒肉店🥩趁放假🥳同朋友即刻去試一試餐廳用日系裝潢 · 座位寬敞🎈岩哂叫到一枱都係野食呢度用QR code落單 · 圖文並茂方便你揀番想叫邊款牛肉🧏🏻‍♀️·♡ 極上牛小排海鮮放題（$378）選擇種類超過130款 · 絕對唔怕無野岩食餐廳會根據你既套餐 · 先上一盤牛肉🥩砌得靚靚仔仔 · 比你打卡影相📸️最鍾意係牛小排同牛板腱前者紋理超靚仔 · 滿滿油脂感✨後者牛肉味濃郁 · 口感札實啲除左牛肉仲有雞肉｜豬肉試左雞翼同豬頸肉燒豬頸肉真係要睇火🤪一睇漏眼就食炭👻海鮮類超推介大家食花枝片🦑大大塊而超級厚身 · Q嫩彈牙而牛油蠔同牛油帶子 我偷偷加左芝士落去🙈超邪惡小食類炸物最愛當然係芝士年糕🤭女生必點系列🧏🏻‍♀️而沙律試左青瓜蟹籽沙律🥗好耐無試過青瓜絲係咁清爽口感我食左兩大碟🥳成日食放題都錯重點👻甜點類除左每人一杯既movenpick 雪糕🍨仲有我食左4粒既榴連糯米糍雖然個皮硬左少少🤏🏻但個榴連餡超正♥️佐料類第一次食燒肉有得點佐料🧂試左溶岩芝士同蘿蔔蓉前者配海鮮類一流🥳後者可以解解燒肉油膩感✨ ༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞

又到咗燒肉時間🔥今次去咗旺角新開業嘅本場食燒肉放題。呢度環境幾大，而且裝修幾有日本味，坐得都算舒服😌• 極上牛小排海鮮放題(星期一至四) $378/位呢個等級嘅放題有成137樣食物可以揀，選擇超多！同大部分燒肉放題店嘅做法一樣，都係會先上一個燒肉拼盤，擺盤我覺得可以放得整齊少少，同埋如果可以落返啲Label標示返唔同嘅部位會清晰啲🤔咁呢個放題以牛小排為名，我哋當然主攻牛小排，佢嘅油份好豐富，所以食落都特別香口，另外個人建議可以配埋月見汁一齊食，甜甜哋嘅燒汁同蛋汁撈埋有種食緊壽喜燒嘅錯覺！至於第二個重點就係海鮮喇，牛油廣島蠔同蝦仁我都幾推介，事關個牛油汁真係幾香🙆🏻‍♀️除咗燒肉仲有啲冷盤、小食同主食，不過我哋就淨係試咗少少😛。明太子蕃茄上有滿滿嘅明太子醬，啱晒明太子控！芝士年糕新鮮炸起，炸皮輕薄。甜品較特別嘅有榴槤麻糬，內饀嘅榴槤味濃到不得了，可惜個皮唔煙韌真係失色咗啲，唔介意口感嘅係值得一試嘅，另外仲有每人一個Movenpick雪糕☺️

旺角搵食 ，見到新開日本燒肉有折，所以要試一試，環境幾舒服，19點入坐但無咩人，佢令一邊係做泰國菜，出餐時見到好似都唔錯 燒肉都幾好食 海鮮d蝦都係彈牙既 值得一試 仲有Mövenpick 呢到既服務員態度好好，不過後面因為越來越多人入座，大約6成滿左右，佢d通風唔係好得 有啲焗好大煙

［ #燒肉控出動 ］#燒肉癮發作， 又係時候出動！經開旺角就去試吓呢間高質和牛燒肉放題新店《本場》焼肉， 店內設計充滿和風風味，空間感十足。.4 款不同價位燒肉放題套餐選擇，可以 100 分鐘任食澳洲M8和牛、伊比利亞黑毛豬，日本直送矜貴博多雞以及宮崎豬～更可無限追加半殼生蠔及車海老等多款海鮮，另有多款刁鑽牛部位及百幾款料理俾你慢慢揀～每款燒肉放題均可無限追加醬料、多款日式野菜、冷盤、小食、主食、甜品同湯等等，而每位客人更可免費獲MÖVENPICK® 雪糕一杯，同時可享無酒精飲品放題，加 $48 更可任飲 Asahi 及 1664 Blanc 生啤讓享受最矜貴日本海陸滋味食材。.我地就試咗頂級澳洲和牛放海鮮放題，肉肉質素唔錯，海鮮新鮮爽甜，超豐富！.🌟推介必試🌟M8和牛牛板腱🥩M8和牛封門柳🥩伊比利亞黑毛豬肋條🐷車海老🦐時令半殼生蠔🦪博多雞爽肉🐥鯖魚一夜乾🐟.@NikuyakiHonba.#本場 #honba.nikuyaki #日本燒肉放題 #任食和牛 #燒肉放題============

無意中發現男友食完燒肉之後好滿足🤩 因為又食得飽，食完好多肉肉之後又可以去gym room 做運動💪🏻。我地去食既係位於旺角瓊華中心既本場燒肉🥩，今次試左極上牛小排海鮮放題 ($398)，有100分鐘任食❶ ❸ ❾種豬、牛、雞、海鮮、冷盤、小食、野菜、主食同飲品，根本唔會食得哂😂⟡ 牛肉🥩 ⟡M8和牛牛板腱、M8和牛封門柳、牛頸脊、牛小排、牛舌、壼漬牛肋條等等，非常多選擇。厚切封門柳牛味最濃略帶口感🧡；薄切牛板腱牛味同樣濃郁，質地軟焾🥳；牛舌入口夠爽口。燒起牛肉後可以加配鹽、燒肉汁、辛味醬汁等調味，增加味道甜、辣層次。推介❗️我最愛係壼漬牛肋條，上枱時已預先醃好，仲係筋肉中間𠝹開，燒起上黎熟得更快同平均👍🏻。牛肋條幾厚身，肉同油脂比例剛好，入口質感焾，有滿滿既油脂甘香😋⟡ 海鮮 ⟡帶子同廣島蠔肉🦪都係又新鮮又大隻，輕輕用牛油調味已經香味十足⟡ 冷盤 ⟡胡麻醬豆腐有好多櫻花蝦🌸鋪面，好香口。和風醋蕃茄🍅好開胃，男友食完都特意再叫一碟😂⟡ 小食 ⟡雞軟骨好香脆，又冇油膩感。一粒一粒接住食，大大碟都好快食完😂泡菜唔酸，甜辣交替，係我鍾意既味道👍🏻🤩食飽飽後仲有無法抗拒既 MÖVENPICK®

呢間燒肉除左任食肉之外 仲有啲放題嘅前菜海鮮炸物小食食嘅 不過暫時就未見有刺身( '-' )ﾉ 燒肉套餐分4級 詳情可以睇相嘅餐牌💁🏻‍♀️可以睇budget做人 不過食材選擇嚟講 要第3級開始先食到蠔呀帆立貝等等🤤🤤雖然呢度係食燒肉為主 但前菜幾多選擇嫁 仲有牛角見到嘅明太子蕃茄 夠曬開胃(｡･ω･)ﾉ 沙津呀豆腐海哲都有 另外炸物都做得唔錯 我地試左雞軟骨同薯餅都炸得好香脆 特別想讚雞軟骨係好大粒 唔會食炸粉咁 而係真係大大粒雞軟骨喺入面( ･⌓･̥ )主食方面 連烏冬都有😂😂更加可以自製香蔥溫泉玉子飯 我就自製左 個飯 不過如果想清少少 可以叫店員走汁走飯素(∩´∀`∩)甜品方面除左一人有一個movenpick 雪糕 仲有幾款甜品係任食嘅 朋友最鍾意榴連麻糬 表示個餡好香 我唔食榴連就食左泡芙 都正常水準

Yakiniku Night♨️ HONBA IZAKAYA💫..冇左晚市堂食太抑壓 決定要瘋狂吃燒肉！👻 今次揀左一間新開既燒肉店，見好評不斷，身為吃貨思既我當然唔錯過，捉埋食肉獸既朋友來一戰喔！餐廳以木系裝修風格，感覺簡潔舒服，有點和風居酒屋🏮 格局，地方闊落，坐得舒服喔。l放題]l $448+$48 任飲 Asahi / 1664 生啤早鳥 (7pm 前離座) or 夜貓 (9pm 後入座) 78折154 品：🐮M8和牛牛板腱 (原味、燒肉汁）🐮M8和牛封門柳 (原味、燒肉汁）🐮極品牛小排 (原味、燒肉汁）🐽伊比利亞黑毛豬肋條 (原味、燒肉汁）🦐車海老、原隻魷魚筒、牡犡、北海道帆立貝🐟鰻魚、鯖魚一夜乾、雞泡魚乾、牛油廣島蠔肉主食類：🍚溫泉玉子牛肉飯、香蔥玉子飯、本場紫菜飯🍜香蔥胡麻冷烏冬、壽喜燒烏冬、牛肉湯烏冬🍜泡泡菜牛肉湯烏冬、中華冷烏冬甜品類：🍰芝士蛋糕、榴槤麻糬、西米椰汁糕🍡日式麻糬、日式泡芙小食類 (推薦)：🍢章魚小丸子、唐扮炸雞、味付八爪魚🍗唐揚雞軟骨、男爵薯餅、炸芝士年糕..超級豐富！一餐大滿足任點任吃燒肉肉放題喔♨️..×××××ש旺角彌敦道628號瓊華中心16樓

堂食終於放寬到12點喇！終於可以出返來食餐好既，今晚放工黎咗旺角一間勁多好評既燒肉放題。餓左咁耐，點都要食返餐好既！所以我地揀左最多$$既「店長推薦」——頂級澳洲和牛海鮮放題！全程都係掃碼ORDER，落單1分鐘第一樣野就到左——M8和牛牛板腱，M8和牛封門柳，極品小牛排。M8和牛牛板腱 (原味)我覺得係全場最正既單品，雪花均衡，每面燒20秒就剛好，食得出高級和牛既味道，質感鮮嫩，絕對唔係一般「食到飽」既放題貨色，點少少燒汁更惹味，用鹽調味就更突出原味。當然我地有ENCORE啦。車海老聽講呢度既蝦係招牌。既然放題我地就唔客氣咁狂點！果然佢啲蝦好大隻而且望落好飽滿。我地PREFER燒到佢外殼有少少燶，一隻蝦既蝦肉已有兩隻手指公既SIZE，彈牙不失鮮味，不過我都建議點鼓油食，鮮味會更突出。牡蠣要讚既係呢度既貝殼類都相當出色，當中有RAW既生蠔、有錫紙兜咁上既牛油廣島蠔肉，北海道帆立貝，前兩者蠔味都極重，生蠔燒完仲有陣海水既味道，好正，唯一SIZE唔算大。牛油本菇放題唔叫蔬菜？唔一定架。呢個牛油本菇好值得叫，牛油同菇本身就係PERFECT MATCH！而且一道菜兩種食法，可以喺個兜內加熱，又可

辛苦咗成個學期，完sem食燒肉會話係必須🥹今次就嚟試吓呢間本場燒肉，食之前見到呢間相都冇張都有少少擔心，但係有試業優惠88折，一試無妨嘅心態行入去，估唔到都幾有驚喜🤩同朋友今次係食100分鐘極上牛小排海鮮放題 ($398)，一嗌就會先送上一盤牛肉拼盤🐮 牛肉油脂分布平均，牛味濃郁，冇筋，燒完逼晒啲油出嚟超正😚咁多款牛比較鍾意牛小排、牛舌同封門柳🥰 海鮮嗌咗帶子都覺得幾有質素😛 而且個爐嘅溫度係有分gradient，燒得耐啲嘅雞肉可以放側邊，快嘅牛肉放中間，火喉可以控制得好好🔥但其實自己唔算食咗好多轉牛，因為呢到總共有139品，想樣樣試少少乜都嗌勁快就飽🤏🏻特別欣賞呢間日式放題有勁多日式小食，章魚小丸子、芝士年糕直情可以媲美出面掃街嘅質素😝 唐揚炸雞同男爵薯餅都炸得好香口🤪最痴線嘅係呢到醬料竟然有月見汁同溶岩芝士😱 咁齊全配太嘅日式燒肉真心未見過 respect🫡最後除咗有放題嘅基本5款甜品，仲會每位一杯movenpick雪糕🍦呢到座位幾闊落好坐，而且店員服務幾殷勤，成餐飯食得開心又滿足🥳 係一間可以再回訪嘅日式燒肉٩(˃̶͈̀௰˂̶͈́)و

本場 (旺角)小編比較少食燒肉放題，今日放工同男朋友去旺角食下先～🐮頂級澳洲和牛放海鮮放題 $428/人揀左最貴果個餐，因為有埋海鮮🦞同和牛食☺️除咗M8和牛外，海鮮方面有扇貝、雞泡魚乾、車海老，好豐富～除左海鮮和肉類，還有熟食和蔬菜，小編揀左章魚🐙小丸子、壽喜燒烏冬、蟹柳青瓜沙律、菠蘿🍍、日本南瓜🎃，好多選擇～仲有埋雪糕，小編揀左朱古力🍫口味，食到撐著肚皮😝*需加一服務費地址：旺角彌敦道628號瓊華中心16樓

本場和牛燒肉放題嚟到本場食燒肉 因為係平日午市放題 所以無乜人而且有好多卡位 即使無卡位坐相信夠闊落都會坐得好舒服2個人 就叫咗頂級澳洲和牛海鮮放題 $428 一位 先嚟咗一盆牛 入面有：M8和牛牛板腱M8和牛封門柳極品牛小排M8和牛全部都可以再encore我哋覺得牛小排同埋五花肉最好食如果怕太油膩 可以點份生菜同埋泡菜包住嚟食個人喜好都唔會燒熟晒先食 唔係徒咗咁靚嘅肉叫呢個餐 都係想食吓海鮮大蝦, 帶子, 生蠔, 都好味道但最情有獨鍾都係雞泡魚干記住燒一陣就好 太耐會乾身晒好硬但燒一陣間就食 會好神奇地食到有啲水份保留係入面隻夾好細心地選用咗長直夾 怕個爐太熱燙親隻手仔但同樣地 開合隻夾就要用啲力 唔係太就手其他小食都好驚喜 推介黑醋蕃茄 好新鮮開胃而薯餅同埋炸雞都出奇地好食點埋熔岩芝士食 係好match好正蔬菜方面 推介蒜蓉露筍 牛油金菇Encore再encore 蔬菜食多啲都唔怕啦如果怕食得太濟 叫解茶, 烏龍茶去吓油膩啦！

話說肥Glor真係太耐冇食放題啦 前排經過瓊華中心發現哩度多咗好多新餐廳 16樓仲開咗一間日式燒肉加海鮮放題～一去到發現佢嘅裝修好新淨 而且好有日本風情 座位都好闊落！呢間餐廳用QR code落單 上菜速度都好快👍🏻今次我哋就揀咗頂級和牛海鮮放題👍🏻💛揀好咗你要邊個放題套餐之後店員就會每樣先上一款 我呢個set就包括左M8和牛牛板腱、M8和封門柳、極品牛小排 雖然講唔上係最高級嘅和牛 但係就咁睇都見到佢嘅油脂分布好平均 牛肉兩邊輕輕燒至5-7成熟 食落肉味好濃 唔會過分油膩 建議大家可以嗌埋生菜包住啲牛肉一齊食 口感更佳！海鮮款式都比想像中多 我哋叫咗帆立貝、車海老、原隻魷魚筒同廣島🦪等等 原隻帆立貝同車海老都十分鮮甜 特別推介車海老 大隻夾新鮮～魷魚筒燒到表面有少少脆口再食真係好香！廣島蠔就係配合埋牛油一齊燒 都幾惹味～Menu入邊仲有唔同款式嘅日本小菜同醬汁 溫泉蛋配埋牛肉一齊食好夾 醬汁方面 除咗枱面上嘅燒汁 我哋仲嗌咗胡麻將同蔥油醬油 肉類就比較襯胡麻醬同燒汁 蔥油醬油就比較適合海鮮～食完咁多鹹點係時候要食下啲甜品啦！我哋試咗綠茶蕨餅、榴槤mochi、泡芙同椰汁西米糕～甜品si

旺角既燒肉放題真係食勻晒咁滯😆見到本場新開，即刻同男朋友去試試佢😍餐廳走日式木系風格，裝潢企理乾淨，簡潔明亮👍🏻我地坐卡位都坐得舒服😌服務員非常好態度，問我地識唔識用QR code落單，仲話拎野飲俾我地飲住落單😆我地揀左最高級既❤️‍🔥頂級澳洲和牛海鮮放題❤️‍🔥除左有M8和牛之外，海鮮都好多選擇👍🏻除左肉類呢到仲有冷盤、小食、主食等等 我就叫左幾樣冷盤做開胃菜左：胡麻醬豆腐雖然只係簡簡單單豆腐+麻醬，但豆腐既質素就好睇得出餐廳質素👍🏻豆腐入口好滑，豆味唔錯重點係食肉中途個口熱辣辣食啖凍冰冰既豆腐降溫又解膩，又可以再食過😂右：蟹籽沙律青瓜夠新鮮食落好爽脆，加埋蟹柳絲配埋蛋黃醬同蟹籽perfect match😋急不及待叫啲M8和牛黎開餐😌上枱既質素真心有驚喜👍🏻牛肉紅卜卜夠新鮮，雪花夠多而且好均勻厚薄適中唔會過厚都唔會薄到紙咁用鐵網燒既好處就係會有網格紋😍入口牛味比想像中濃厚，油脂亦不出所料非常夠食落未到入口即化，有番啲口感，無論口感、牛味、油脂感既平衡都非常唔錯😋店家有燒汁提供去配肉食，但靚牛簡單用鹽同黑椒已經好好食芝士雞腿肉：雞腿肉幾厚切，連埋雞皮食落夠香夠油😍肉質都軟嫩，配埋溶左芝士醬

本場 (旺角).好耐無食過燒肉，今日趁收工去開旺角睇手錶就食個燒肉放題開心下.▪️頂級澳洲和牛海鮮放題▪️ $428/per head.自助落單，飲品就大多數係罐裝飲品，一坐低就會放低碟牛先，坐定定係到用手機落order低要啲咩食材，就會以飛快嘅速度送上門肉類有牛雞豬，除左肉之外仲有一啲雞腎啊豬大腸等內臟.海鮮方面有魷魚，蠔，蝦，扇貝等，個蝦好新鮮，大隻之餘肉又夠實正.另外佢仲有一啲沙律小食，沙律我哋叫咗個蟹子沙律，小食佢有芝士年糕，主食仲有一啲烏冬。我男朋友竟然仲食得落一個壽喜燒烏冬同埋一個冷烏冬😮‍💨.📌 本場 (旺角)旺角彌敦道628號瓊華中心16樓環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️.