木衛二鑄茶所 (南豐紗廠) (已結業)

木衛二鑄茶所，就咁睇佢門面既品牌係好有格調，但我成日覺得讀起黎好似 "無為意" 鑄茶所 有個月球掛住係入面，感覺相當得意～食完正餐行下經過，心思思買左杯，買完直接閃人返屋企。佢飲品既名都好有格調好靚，最後糾結完一大輪，叫左杯蜜瑭冰碧湖，蜜香珍珠。個名夠曬有意境，個杯既設計都好靚仔。蜜糖既甜度剛剛好，同個茶底好夾，互相都唔會搶走對方既風頭，幾有驚喜。原本仲有 D 擔心怕佢會太甜，好彩唔會。珍珠好煙韌，帶有微微既甜味，真心掂。南豐紗廠絕對係閒時悠閒打發時間既好地方，真係幾舒服～

行過睇睇呢間茶品這是之前飲嘅latte 無論杯定店鋪內裝置都有種設計嘅風味☺️左邊係店鋪推介嘅枇杷膏珍珠奶茶呢個配答好創新🤩飲落有枇杷膏涼涼嘅感覺甘甘的 好特別嘅珍珠奶茶🤓呢間茶店嘅珍珠同茶凍都要另加的 有烏龍茶茶凍 茉香茶凍 爽口清新😆右邊的是敦奶烏龍茶☺️類似芝士奶蓋的 芝士味濃 淨飲芝士會太咸但茶底我叫左三分甜 茶撈埋奶蓋好好喝仍然茶味清新 佢嘅茶凍用茶整成咁特別當然我都有加配啦 係呢度叫一杯茶品 看一本書或者帶部電腦想要過悠閒下午或工作效率高嘅下午都可以哦☺️☺️

試左金星木星蛋糕未食之前一心諗住用黎打卡😂😂食完之後我錯了係真係又好睇又好食金星係朱古力香蕉 我覺得香蕉味可以再多少少就完美木星係好有驚喜 成個感覺好清新 茶味好到位環境不過不失 確係休閑吹水好地方

一場黎到，緊係要試下個星球布蕾啊😍​​🌕金星 (香蕉焦糖朱古力布蕾) $68​金星呢個真係靚得好緊要，仲灑上好幼細既閃粉，閃閃生輝好夢幻，完全唔捨得食，打開上面既朱古力外殼，入面都好精緻，有d朱古力脆脆同朱古力慕思，朱古力慕思濕潤creamy，入面仲有香蕉蓉，香蕉味好濃，加埋脆脆一齊食有雙重口感，雖然咁多朱古力，但因為朱古力味道唔係好甜個種，所以成個食曬都唔會甜到膩👍​​🌍地球(紅豆抹茶布蕾) $68​地球呢個都好靚啊，打開上面既朱古力外殼，入面有朱古力脆脆同抹茶慕思，呢個慕思既質地比金星個個厚實，無咁creamy，中間夾雜左紅豆，抹茶味道唔會太淡，但如果同埋朱古力一齊食有小小比朱古力搶左，個人覺得金星味道有驚喜d，但抹茶都不過不失幾好味​​木衛紅奶茶配蜜香珍珠 $34​紅茶濃郁香滑，配埋煙煙韌韌既珍珠真係好正😆有別於平時既黑糖珍珠奶茶，呢個配搭更能飲到紅茶既味道​

來到南豐紗廠找位置飲杯飲品休息一會兒，就想起這家店舖。想起朋友介紹過說不錯，所以好奇靜靜決定去買杯飲品看看素質如何吧。店舖位置比較入，環境不算太大，但有很多位置可以坐的。但由於限聚令的原因，令到餐廳位置減了一半，但店舖仍然很多人在休息，看似挻受歡迎的感覺。💥奶霜藍伯爵 HKD$39 ，看餐牌上寫著用了花香伯爵茶做茶底，奶霜是人手製作而成。飲品點了去冰微糖版本，味道還是很甜有點假，沒失去了茶的原味道🥺。若果甜味再少一點，茶葉放多一點才會比到茶的味道🤔。奶霜是挻滑身，但沒有奶的味道😭。💥極黑濃奶茶 HKD$43，甜度和冰度固定所以不能選擇，而且是冰沙版本。餐牌上寫著奶茶是店家主要研究飲品，會比較濃郁。這杯飲品比較好一點，雖然略為甜，感覺像飲泰式奶茶😂。

與友人來都南豐紗廠行到攰攰地喺呢度見到鑄茶所 感覺環境比較闊落所以呢就入去試一試呢度呢平日嚟呢就唔算多人客人呢通常都係自成一角細問之下原來呢一間呢係喺台灣有本店嘅茶飲我哋今日就試咗仲夏接骨木沙冰價值$43同埋木衛茶latte接骨木其實我就唔知係咩味嘅不過呢杯嘢飲呢酸酸甜甜適合用嚟提一提神甜度係固定左冇得揀少甜。至於木衛茶那堤咁落去呢查嘅感覺呢都好濃郁嘅，又唔會覺得太膩，成杯都可以飲晒順帶一提呢度亦都有甜品供應賣相都幾靚架！不過礙於我同友人都太飽啦今次就試唔到😂

南豐紗廠呢間木衞二有得堂食除咗飲品之外 仲有甜品食添💛.🥤鐵觀茶拿鐵$32 (加茶香珍珠 +$3)通常我飲珍奶都係叫微糖嘅 用上三峽鐵觀音茶底 茶味好夠得黎又唔澀💕特別加左茶香珍珠 雖然都係要用糖煮 但咬落就會食到茶味 好特別而且唔漏🤤我諗我試完呢個茶香珍珠已經翻唔到轉頭食正常珍珠啦🙈🙉 ..🥤奶霜烏香 $37奶霜嘅口感就截然不同啦 先係飲到幼滑嘅奶泡 奶泡係有少少咸味個種 再黎就係茶嘅甘香😍呢杯相比起鐵觀音茶味更澀喔 另外左個鐵觀音芝士蛋糕 都唔係求其整件蛋糕hea你架🤣 cheesecake唔會過份鬆散 茶味都好夠😍而且店內大量文宣 大家快啲去支持下啦💛💛

自助形式的小店，出去order, menu 好多飲品選擇，好亂，其實我只係想揾個地方吹水，所以我同staff 講，我只想要一杯普通嘅珍珠奶茶，咁佢就話，咁你揀個茶底先，茶有好多選擇，我就揀咗個鐵觀音，之後佢就話咁你再揀要咩珍珠，有兩款，係蜜香同茶香，咁我就揀咗個茶香珍珠，我仲有啲想食野，咁就再order 埋個迷你芝士火腿批，其實坐低咗之後應該係自己出去攞餐，不過staff見我地掛住吹水，所以就送埋餐俾我地，都算唔話得。朋友點咗個玫瑰蛋糕，外形好靚，其實係開心果楓糖朱古力蛋糕，呢個世界呢……要有外在美又有內在美其實好難，所以呢個蛋糕其實好麻麻……,切開有綠色，黃色同啡色，不過食唔倒楓糖同開心果嘅味，只有啲朱古力味，當然唔係香濃嗰種朱古力，而且蛋糕質感都差，所以如果對味道有要求嘅朋友就唔好點呢個了。我嘅鐵觀音珍珠奶茶都幾好，好大杯，個杯好靚，茶幾香，珍珠都煙韌，不過個芝士火腿批就一啲都唔吸引，除咗份量細，芝士無乜香味，酥就更加無層次，不過咁講18蚊又唔可以要求太高。

你説藍色是你最愛的顏色～有冇聽過呢首歌😼我自己本身好中意藍色 咁啱今次幫襯呢間黄店用嘅杯都係藍色 加分！木衛二鑄茶所呢間荃灣分店可以堂食 或者拎走再行陣南豐紗廠都得姐！.👉🏻翡翠綠奶茶(加配茶凍$6)$36可能我叫左三分糖嘅關係奶味會比茶味更出但飲落都會有淡淡清香嘅翡翠綠茶味～茶凍個口感似仙草 滑溜溜✨✨✨✨✨呢間甜品比較出名 有好多款式嘅星球甜品有機會會想再去試下💛—————————————木衛二鑄茶所荃灣白田壩街45號南豐紗廠The Mills1 樓118號舖

呢間店有3款以太空宇宙🪐🧑🏻‍🚀為主題既甜品分別係金星木星同地球 外貌幾吸引🤩三款都一樣價錢 我就揀左✨地球(💰$68)呢個地球🌍即係紅豆抹茶布蕾岀面係朱古力外殼 可以直接移開上半個殼或者用餐具扑爛岀面個殼都得🤣入面既餡料有 朱古力脆脆同抹茶紅豆慕絲 抹茶味就比較淡 朱古力味就突出啲整體個樣係幾靚 但味道就有啲普通😚😚

一日一黃店 荃灣深黃文青台飲今日呢間係南豐紗廠 好出名既文青勝地呢間分店好大 勁多位座 有打卡位 整體乾淨舒服 有義賣 文宣 罷工 銅鑼灣店有連儂牆.呢日叫左⭐️泰晤士茶那提 配蜜香珍珠$38👌🏻淡淡清香既茶味 👌🏻配上清甜香味既珍珠👌🏻配合唔錯 珍珠口感偏實 彈牙🤔是日人流唔多 珍珠做唔到軟熟👎🏻定價$38 好貴 比銅鑼灣店貴但諗落呢到有位坐 同朋友坐下 吹水 其實唔錯‼️而且有時都會有半價優惠 性價比會高好多.呢排小左跨區 去搵 去試新既黃店有時難得去到 竟然因為疫情冇開完全感受到疫情對餐飲業既影響 咁既人流難做一杯好茶（呢日南豐紗廠 人流真係好小 可能半個鐘都賣唔到一杯）手足盡量保護自己既同時 記住支持黃店啦（有朋友建議飲栗子奶茶 下次去銅鑼灣試試先）.#木衛二鑄茶所 (荃灣)地址：荃灣白田壩街45號南豐紗廠1樓118號舖.⭐️評分：味道：3.5/5環境：4.5/5服務：3/5抵食：3/5

次次黎南豐紗廠都一定黎飲杯茶、食件cake🍰呢度平日少人好多，靜靜地係度坐下同朋友傾下計都好寫意好舒服😌啲cake尤其吸睛：有地球、金星、木星...... 金星姐係香蕉焦糖朱古力布蕾，入面好creamy，朱古力同香蕉味比例都啱啱好，外層就類似以前出奇蛋嘅外層再好味少少🤤另外叫左杯藍伯爵奶茶🥤，又係意外地好飲☺️個茶味好出，淡淡清香飲晒成杯都唔覺得好似出面啲珍珠奶茶咁heavy😈好啱文青黎。

之前有朋友介紹我嚟呢度飲木衛二個芝士奶蓋，最後我揀咗伯爵奶茶配芝士奶蓋。首先個芝士奶蓋都算係比街上一般嘅做得好，都算凝固，雖然都係食幾啖就冇咗，會沉咗底。如果奶茶方面我就真係飲唔到伯爵茶嘅味道，對於呢方面有少少失望，但係如果當佢係一般奶茶咁飲，算係幾好飲嘅，佢價錢比較貴，不過都算大杯。但係等候時間就非常非常之長，我等咗好耐都未有，等到我朋友係出面已經食完個芒果糯米飯都未有。我見完工嘅工作都比較悠閒，不過嚟得呢度都係慢活嘅，有時間就嚟買一杯，建議行過圈返嚟先再飲

性價比低既飲品！等左50分鐘！好慢。。。我哋買嘢飲個時，收銀同我哋講前面有10杯水野飲，大約等20分鐘，好呀，周圍行下啦，個時望客人其實唔多，(可能行開左🤷🏻‍♀️)，之後20分鐘後番黎，走過去問下叫到幾多號啦，我哋前面仲有8杯🤦🏻‍♀️我哋最後等左50分鐘，終於見到有杯似我哋既野飲。即刻衝過去啦，點知杯野飲佢放左係後面張工作台，以為唔係我哋啦，點知等左10分鐘，佢攞住個杯野叫我個號碼！好野呀！😡我個杯係沙冰，比我個時已經溶左滴緊水😒而且台面仲見到一杯放左半個鐘都無人攞既野飲🤷🏻‍♀️建議大家一入去南豐沙廠就去買，你行完應該有得攞😎味道普通，一定唔會再去。

【二訪木衛二】【文青茶飲店】上次去完銅鑼灣店，睇收據知道荃灣紗廠店有得坐有得hea，特登去懲罰下。xx叫左咩xx#奶霜法芙娜 ($49) (👻伏）～佢係特調飲品，出面的木衛二冇得叫，奶霜加黑朱古力加伯爵茶加啲Oreo 碎咁，睇落應該好好味，仲要係店員推介，但唔知點解我飲到一大陣番梘水味🙈🙈🙈我飲左一半都冇就掉左。#翡翠綠奶茶 ($30)#金星 ($68)～打卡必叫！！！！我睇琴佢有好多星，金星木星地球，我覺得擺盤最靚就係金星，個碟金光閃閃勁吸睛。味道方面，外皮係好味嘅朱古力脆皮波，入面係香蕉蕉糖朱古力brulee，唔中意食甜就唔好叫啦。#木衛二藍伯爵蛋糕配奶霜加珍珠（$52) (米奇推薦）～呢個等左超耐，懷疑佢係即叫即焗，兩塊切左條的蛋糕一杯奶蓋同一碗珍珠，賣相比起其他甜品好一般，但食落口有驚喜，蛋糕烤到外脆內軟，同奶蓋珍珠好夾，但我覺得份量太少了，幾秒就卑我食哂。...『木衛二香港鑄茶所』📍荃灣白田霸街45號南豐紗廠118號鋪...