木玥巷

營業中

休息中

一直很喜歡這間鋪用心製作美食，而且味道同坊間既小店有分別的。已經多次都店支持咖啦，今次平日就叫外賣平台有呢間餐廳，就落左order試試外賣水準啦。叮噹，外賣到。都係預計時間送到來啦！午市套餐 堂食係會有小碟配菜既，但外賣送遞就無啦，只係得個飯啊而佢地既蘋果西打豬軟骨飯 都係我既最愛但今次外賣個肉質就無我堂食個次禁軟淋～加上外賣溫度係會流失 的確體驗無堂食禁佳。鰻魚飯就正常，佢地既珍珠米比較乾生。屯門難得好食既台灣菜小店，建議有時間都係去返店鋪食啦。

《木玥巷》地址：屯門井財街7號力生大廈地下4-5號舖經過紅橋附近呢間台灣菜好多次，都未有機會試下；最近見外賣平台有佢，就叫來試下。蟹肉明太子炒新竹米粉，好惹味，食到少少鹹蛋黃香，唔會太寡；不過食到尾感覺有點兒鹹：味噌廣島蠔帶子泡飯，有三隻大大既蠔，同一些小帶子同乾瑤柱，唔太咸，好味～外賣是分湯上的：澎湖花枝丸，有少少墨魚肉粒係裡面，不會太油，外賣都冇影響到炸物既味道～基隆甜不辣，好味，食落質感較似魚片，唔似一般食到比較煙靭個隻質感：吃了一頓有質素的台式晚餐👍🏻

FF自己係台灣大部份香港人應該都鍾意食台灣菜今次介紹木玥巷 (屯門分店）屯門井財街7號力生大廈地下4-5號舖裝修風格非常之台灣風 餐具都好有台灣嘅味道黎到台灣餐廳一定要是招牌紅燒牛肉麵$96湯底非常濃郁 牛肉都好大片 麵質好彈牙戰斧鹽酥雞扒$82超級大塊 原本諗住食唔晒 點知係咁食停唔到口 乍得好好食唔會覺得成口油 雞扒仲好juice 我俾100分另外最愛我最愛嘅台灣腸都超好食總結一下 我隨機叫都冇中伏你地可以trytry

We came here for dinner about 7 months ago which was good so we came to revisit and ordered takeaway. It seems that they have changed the chef as the takeaway food this time is HORRIBLE HORRIBLE and HORRIBLE!The eel was not fresh at all and as hard as a rock which can’t be even split. The fried chicken was stale. And the drink was even worse as the coffee was the worst I tasted. Will blacklist this and never return!!!

今次第一次嚟到呢一間台式餐廳，見到個門面同裝修已經覺得好靚，估唔到食物一樣咁高質！今次試咗干貝醬蝦仁炒飯，分量唔算好多，但係用了（蝦仁，元貝）就用咗好多好多！一啲都唔慳！炒飯炒得好乾身，明顯廚師係有功架嘅！下次一定會再嚟試吓其他食物！

忙裏偷閑，趁住自己今日放假，就到訪左呢間台式餐廳，搬咗嚟屯門咁耐，終於有機會試哩間人氣小店。本身自己好鍾意食台式紅燒牛肉麵，特別鍾意佢帶有淡淡藥材味嘅湯底。嚟到呢度，當然會叫佢哋嘅招牌紅燒牛肉麵啦，另外再加錢叫咗杯熱檸水。本身自己都幾嘴刁，對哩間餐廳嘅期望都好高，但佢哋絕對冇令我失望！紅蘿蔔同白蘿蔔都好清甜（本身自己超鍾意食蘿蔔，如果佢哋可以俾多幾舊就好了）。牛肉味好濃郁好香，肉質亦好鮮嫩同煮得好淋好入味。麵亦煮得啱啱好，彈牙，軟硬度恰到好處。最嘅係佢嘅牛骨湯底，味道好濃郁，仲帶有淡淡嘅中藥材味（我嘅至愛），真係好想成碗當湯飲！下次會試吓佢嗰鹽酥雞，賣相好似好吸引！

會好想encore 嘅台灣餐廳，尤其係豬軟骨！🤩🤩黑糖蘋果西打豬軟骨飯🌟🌟嗰調味好有驚喜🤩真心其他地方無試過類似嘅味道，係有層次天然嘅甜味（但又唔會好explicitly 講得出係蘋果味），誇張到入口嗰下係wow 左出黎🤩上面仲有片蘋果乾🤣肉質就偏嚡，軟骨位係爽口嗰種酥炸排骨飯🌟豬扒肉質好嫩有肉汁😋唔會炸得太油炸衣唔厚，但調味同炸物黎講都無特別記憶點黯然銷魂安格斯滷肉飯食完唔覺得黯然銷魂😅得一塊牛肉然後都有啲嚡口又唔重入味🙈滷肉可能因為係牛肉無乜脂肪/油，於是成碗飯比較乾🙈🙈覺得做返普通滷肉飯仲好🤣紅燒牛肉麵好似係招牌（定晚市個碗先係？）有啲失望🙈麵比較淋，湯無乜層次，牛肉算ok有牛味但無加到太多分🙈🙈水果茶因為係signature 所以加左$28 試，的確幾好飲水果味夠重同甜（唔假嘅😂）但又唔係話非試不可咁樣

知道木玥巷好多人排隊 所以今次一早係open rice book定先😊我同fd兩個人6點就去到 個陣無乜人 店員安排咗坐窗邊位。我叫咗木玥招牌紅燒牛肉麵， 朋友叫蝦排拼椒麻拌麵，另外再加咗個鹽酥雞。木玥招牌紅燒牛肉麵 $96賣相好靚 湯底十分濃郁！最正係蘿蔔吸晒牛肉湯精華 炆得又夠淋 好好食🤩👍🏼蝦排拼椒麻拌麵 $74呢個麵食頭兩啖都好好正，不過就越食越漏，朋友食咗一半就食唔到啦。鹽酥雞 $42呢個就不過不失 正常鹽酥雞嘅發揮 啱啱即炸 熱辣辣 脆卜卜👍🏼

本身諗住去齊記買個兩餸飯番屋企食(唔係住附近，特登入黎買)點知有fd即慶約食飯就立即上黎openrice睇吓井財街有乜食Search附近餐廳見到第一間就係木玥堂又咁多好評就立即叫個fd過黎～利申非openrice打手(唔洗喺度幫佢自己賣廣告掛⋯😵‍💫)亦都唔係木玥堂打手 人地咁多好評唔差我一個😅～焦糖咖啡好好飲，入口香、滑，淡淡焦香味～桂花烏龍茶無糖，茶香，回甘微甜～四季豆杏鮑菇外脆內軟，薄薄一層炸粉炸得啱啱好又唔重油，食晒都唔會有罪惡感～炸蝦卷炸得油左少少不過個涵好輕 食落有d空氣感，打和～雙色腸本身淨係鐘意食黑橋牌波波腸所以台灣腸就麻麻反而覺得墨魚腸好食～蟹肉明太子炒新竹米粉個fd話好好味，我就覺得味道淡左d食唔出蟹肉味～甜不辣略嫌過油，味道咪就魚蛋咁嘅味，普通啦～鹽酥雞份量好多，炸得好脆雞肉juicy～櫻花蝦鰻魚炒飯臨走打包個飯番屋企宵夜個飯好香海鮮味足料 食到中間原來都幾多鰻魚肉👍🏻～下次會試朗屏店😅呢間喺屯門仲要轉車有d遠

位置及環境-首先位置位於景峰輕鐵站附近的隠世小店，間舖頭大概可以坐20至30人左右，晚上都會比較full建議大家可以OpenRice預約入座❥-食物1.招牌牛肉麵首先湯頭比較順口，牛脂嘅淡香味亦點綴了牛肉麵，以及牛腩燜得都幾淋，豆卜吸晒啲湯嘅精華，超推介陪啲湯一齊食👍🏻同埋亦都有啲蔬菜令到牛肉麵整體唔會好有負擔感2.鹽酥雞呢個價錢令到我都幾驚喜，外皮都算幾鬆脆，同埋配合甜酸汁一齊食好夾，炸粉亦都唔會太厚，以及啲雞食落去都幾嫰3.炸花枝丸佢有好香口嘅台式花枝丸味，唔係市面上比較遜色的花枝丸會有好濃的雪藏味，同啱啱鹽酥雞個醬汁有點類似，都係可以令花枝丸本身嘅味道昇華。4.水果茶（西柚及熱情果）建議微糖，可以配搭水果一齊食，咁就可以唔使咁甜～同埋個茶底都幾香，同埋西柚西瓜菠蘿個味都好新鮮唔似坊間加咗糖嘅水果❤️

對木玥巷屯門虹橋嘅第一店一直都追隨好耐，作為仲有兩個月脫離元朗嘅元朗人，梗係要嚟朝拜一下佢哋嘅元朗新店，元朗店比起屯門店要大兩倍有多，等位唔洗等咁耐， 實屬粉絲嘅福音。木玥巷黃金水果茶，水果茶味道甜美，有多款新鮮嘅切粒水果喺裏頭，感覺清新。藍莓多多綠茶，多多綠茶喺好多台式餐廳都有，但係配以藍莓就唔係咁常見，藍莓同多多綠嘅味道都幾配襯。雙色鹽酥雞，雙色嘅意思係鹽酥雞除咗原味之外，仲有南乳味，原味炸得酥脆，係不折不扣嘅台灣風；南乳味味道香濃，叫人驚喜。木玥招牌紅燒牛肉麵，牛肉份量豐富，湯底充滿著香濃嘅牛肉味，麵條彈牙，加少少辣椒油一齊食風味更佳。黯然銷魂安格斯魯肉飯，魯肉飯肥瘦均稱，有適量油脂嘅加持入口相當軟滑，配菜有燶邊太陽蛋、新鮮露筍同埋醃菜，其中醃菜有少少似 kimchi，但係無 kimchi 咁大陣草青味，同滷肉飯嘅油脂好夾。

木玥巷開業無耐已想過來試試，某個晚上一心去試下啦，但去到見到門口人頭湧湧馬上令我卻步這幾日放假就決定過去食lunch, 因驚要等位嘅關係，所以開門不久就到，最後真係唔需要等位打開餐牌午餐選擇唔算多，但樣樣都好似好想食咁，有選擇困難症嘅我最後同老闆揀咗「木玥鹽酥雞飯+紅燒牛肉麵」飲品就只要了兩杯凍咖啡。先來鹽酥雞飯，單睇賣相已經好吸引，滿滿嘅鹽酥雞，旁邊有一小碟伴菜，而醬汁旁還加上一小撮菜絲，睇到已經好想食先試鹽酥雞，炸得好好唔油林林，可惜雞本身唔係好夠咸，再用埋旁邊甜甜嘅醬汁味道就剛剛好，之後再食一口青瓜可去除熱氣嘅感覺。再來紅燒牛肉麵，先試一啖湯，唔似台灣嘅牛肉麵咁濃味，但就有好清甜嘅蘿蔔味，再試埋舊牛肉，望似好鞋，但食落超林，好軟滑，最後差唔多成碗湯都飲晒第二日即刻帶埋我家小老闆一齊過嚟試埋其他款式。黑糖蘋果西打豬軟骨飯，酥炸排骨飯和木玥鹵豬手便當🍱，飲品就叫了柳橙汁百香果茶和凍咖啡。豬軟骨飯份量十足，豬軟骨勁軟滑，勁入味用嚟送飯一流酥炸排骨都幾大塊，廚房好細心送上前已先介了幾多刀，方便人客食用，同之前鹽酥雞一樣炸得非常好，但今次嘅排骨就偏鹹。最後豬手便當一樣相當出色，豬手非常入味

晚市時間，大概七點四十五分到訪，仍有一兩枱空枱點菜後，不足5分鐘，極速地 飯及湯麵及鹽酥雞都已送到…餸菜只是微溫狀態黯然銷魂安格斯滷肉飯..（如圖）蛋的狀況 好明顯過熟了🙃穿破後，流心蛋黃 只有幾滴…另外，點了一個招牌紅燒牛肉麵，湯頭偏甜，但屬可接收範圍，可能🤔每一碗都有一大舊紅蘿蔔，以致湯底偏甜唯一較好的是髯鬚雞分量足夠，亦都比較熱 能保持溫度今次是第二次幫襯，可能冇下次！款式不多，但做得不夠精細，價格亦不親民留唔到人，真係有好理由。生意難做啊！

好少一間餐廳會黎完又黎，仲要係午市晚市都會黎咁多次。原因好簡單，因為真係好好食。今次又係叫左個招牌牛肉麵，牛肉依舊咁軟腍，手工既麵條相比起一般既麵條較有咬口；風琴豆腐依舊香脆，每次第一啖都係就咁咬，之後先會浸湯食，吸下D牛骨湯簡直一流。為左可以同朋友分享啲滷味，我地叫多一份滷水拼盤🤣啲料係一樣既。不過份量就比係個麵既多啲。朋友叫左櫻花蝦鰻魚炒飯，份量夠，鑊氣夠，夠乾身。冇左原條鰻魚飯，用呢個做替補都算唔錯。另外叫左兩枝手工唔啤，一枝烏龍茶手工啤、一枝菠蘿手工啤。個人口味感覺上菠蘿啤既味道較好，因為味道較突出。

聽朋友燒到去試一間好食既台灣野餐廳🍴見係屯門附近就過去紅橋個邊試下，除左食雲川燒米缐，呢間餐廳真係幾唔錯店鋪入面裝飾係偏日式多啲一坐底就有俾咗一細碟嘅隻糖合桃俾我食，朋友好鍾意食，好快就食晒🤣如果無限添就好啦🤣🤣🤣同朋友要咗兩個主食，好後悔添兩個人食唔晒，分量太大啦🤣好彩到最尾打包拎走左，冇浪費食物。叫咗蟹肉明太子炒新竹米粉同埋大蝦帶子黑松露炒飯，兩樣都係炒嘅主食真係好好食，份量又勁大，覺得米粉好食，入面有好多嘅明太子，食耐左覺得有啲鹹但係一杯嘢飲就啱啱好啦至於個炒飯正正常常，但係入邊大蝦好似有10隻！份量好多，好驚喜！！而且帶子size算大粒，數量都好多喎，雖然主食喺屯門小區個價錢有啲偏貴新但係睇返個份量又覺得好值得，加埋啲材料咁豐富覺得都幾值得呢個價錢😝至於台灣腸有兩款，一款係黑色我估係墨汁墨魚汁佢食落就相對上淡過平時見過嗰隻色嘅香腸，兩隻都好鍾意食，鍾意食台灣香腸嘅不妨試吓😝至於杯嘢飲係好大杯，兩個女仔飲都可以！