木屋炭火 (已結業)

味道不差，過年前吃過一次，數量也足夠。今日再叫外賣自取，打包得很好，分門別類，不是全部東西都放在一起，味道也不變；就是覺得燒金針菇不知是不是蒜處理不好，好苦，吃不下去。…查看更多

店主堅持所有串燒都是由生燒熟，每串都係心機野，唔會好似部分市面串燒店為省時間，用油炸或翻燒。串燒新鮮燒起，即叫即燒，每串都香脆可口又jucy,絕對係吃得出分別。多春魚脆口好有風味，秋葵串燒燒到冇咁粘滑，好有香料味皮脆好鐘意丫😍另外XO醬炒腸粉夠曬鑊氣之餘每粒腸粉2面都好香脆火喉控制得好好，辣辣地好惹味😍燒龍蝦亦有水準，用新鮮龍蝦，加入清酒、蒜和調味去燒。火候控制得剛好，保持到龍蝦水分夠爽口多肉汁😋…查看更多

老闆娘姐姐勁風趣，好開心。老闆專業，串燒啲嘢熱辣辣，海鮮好好食，蟶子皇超級正，最鍾意燒雞翼。價錢都好平。個個嚟到都好似熟客，好有親切咁。重點有啤酒得啤下。依家香港好少有呢一啲類似大排檔嘅感覺。有機會一定再嚟…查看更多

呢間燒烤店新開，見佢啲選擇幾新穎，所以過來試下。店舖細細，得老闆一個人做晒。👨🏻我就小試牛刀，叫咗串雞肉、豬肉、一款海鮮，同炒雜菜。海鮮老闆話係即日買，所以日日有唔同，我叫咗隻蟶子試下。雞肉同豬肉都係同一款汁燒，但醃嘅味唔同。雞肉嘅雞味都幾濃，肉質似雞胸肉，比較乾身，我個人幾鐘意😂。豬肉就有啲肉汁，肉質比較滑，口感好過雞肉。兩款都唔錯蟶子到！哇好多葱，好開心😆 海鮮真心新鮮，肉質好鮮甜，好少喺燒烤店食到咁高質嘅海鮮！調味應該只係用咗鹽同葱，比較濃味，好彩蟶子肉鮮甜，平衡返。好味！炒雜菜有驚喜！竟然用咗牛油炒😱 又幾好味喎！同埋見到啲菜嘅配搭都算多，講真，出面啲中級居酒屋，都係是旦炒下椰菜、菇。但木屋炭火有椰菜、芽菜、翠玉瓜、芥蘭、而且全部都係炒得比較幼身，$28大大碟，非常抵食！👍🏻👍🏻 有時食燒烤太多肉，食碟菜中和都好，多啲纖維幫助腸道消化👍🏻 支持！雖然係燒烤店，但都有好多特色菜，好似係炒雜菜、xo醬炒腸粉等（寫咗喺黑板冇印出來），唔怕食串燒食唔飽，平時肚餓又可以來醫肚，正餐宵夜都啱，唔錯！最重要係，街坊價錢都好有質素保證！掂👍🏻…查看更多

網上見到慈雲山竟然有間舖肯攞炭燒牌，用炭火？當然要試吓！當晚好大風，聞唔到炭燒味，返而風中帶點燃油味，唔知係附近巴士站定食店傳來，附近有幾間都賣串燒，門面最大過間特別多人，依間間中有外賣客，坐底食唔多，可能時間尚早。小妹幫忙開枱，一家人打理，柯打紙同餐牌一樣，所以旁邊加印既字同手寫字落單都要手寫。師父推介游水虎蝦，話今日新鮮取貨，大小適中，肉質鮮嫩，燒得夠脆，加上淡淡鹽香，連殻都可以食，以依種質素價錢還可接受。燒茄子，一般店舖會燒到茄子扁下，保持全形以為會唔夠軟，但完全唔會，反而外皮無燶可以連皮食，辣味夠，蒜味差D。燒雞皮，基本都燒得香脆，只差串中間小小，用少量孜然粉調味，但粉未燒香，不過都係食本身味道。蟶子皇，是我太傻以為依個價係一份，無留意係皇！燒烤計其實差唔多，但依個真係唔抵，肉質係新鮮，但水份已流走，蒜蓉又無烤到，一D燒烤香都無。鹽燒黃腳鱲，最為推薦！大小適中，成條都燒得香脆，肉質鮮嫩帶微鹹，雖然係平價魚，但依個味道對得起依個價錢。燒雞中翼，花時間嘅食物，本身有腌唔洗調味，飽滿，帶油香，肉質帶滑，燒得出色，抵食！炒什菜，份量合理，但配搭？淡淡牛油香幾特別，但未炒香，似煮菜，不過依度本身唔係食炒，未當清吓把囗。今次食都偏特別嘢，除咗蟶子皇無燒烤味同炒菜炒唔夠，其他都好值得食！建議調味早D落令香味燒出。去到尾都聞到小小炭燒香，但越夜越大風，都幾難慢慢坐，其實襯宜家涼返坐街邊檔都係唔錯，細雨都仲開到兩張。…查看更多

雖然同平時串燒既款式差不多，但除左串燒，仲有其他好食既野，例如：上海粗炒。雖然唔大碟，但好好食，好抵食。最岩同朋友夜晚吹下水食個宵夜！老闆又好人，又好傾，對客人好nice我覺得最好食係雞軟骨同豬頸肉。。。如果鐘意食內臟既，我會推薦試吓雞腎牛脷個啲，因為真係好好食，醬汁有辣有唔辣，係老闆自己調教，味道襯托得非常好👍🏻。仲可以有蜜糖雞腎添。而且，可以試下腸仔，10蚊2條，蜜糖腸仔，超正。。。仲有最好食既緊係海鮮啦⋯⋯…查看更多

喺慈雲山呢個咁多好嘢食嘅地方，食店要殺出條血路真係唔容易架。好似呢間串燒店，最初喺黃大仙沙田坳道鐵皮屋擺街，跟住喺嗰度租咗間鐵皮屋舖，由於舖位太细，無座位供應，最後老闆選擇喺慈雲山開舖。雖然宜家舖位都唔係大，但勝在可以開枱擺街，總算提供座位堂食，咁做多好多生意架。另外，串燒種類又比以前多咗，起碼多咗唔少海鲜嘞！其實小店嘅收費大眾化，可謂物超所值。老闆燒每種食物都落足心機，绝對將食物生燒至熟。因為我最討厭一些食店為求方便，將食材先炸熟再補一補燒，這绝對是欺客的行為，無資格叫做串燒店。所以“木屋炭火”呢類小店買少見少，值得一試！鹽燒鱲魚才五十蚊，用鹽簡單燒熟，鲜味非常，皮脆肉滑，食味恰到好處，堂食上佳之選。燒雞中翼$18三隻，燒雞皮$18三串，非常抵食，唔會燒到過燶，恰到好處，雞皮食時仍有脆口嘅感覺，不得不讚。如果肉食太多，可以揀選蔬菜類中和油膩感，店主提供不少蔬菜供客人選擇，如：翠玉瓜、鲜冬菇、燒茄子、燒尖椒和炒雜菜等。而我就揀咗燒尖椒，希望老闆可以賣埋燒韮菜及菠蘿，就達到極至嘞！論裝修同外貌食店未必可以第一時間吸引食客入内，但食過總會番尋味。正所謂“禾稈冚珍珠”，喺慈雲山咁多老饕聚集嘅地方生存，店主點都有兩招留客。不妨一試哟！…查看更多

食物全部採用生燒方法，相對於香港市面的先油炸後燒的做法不一樣，更能保住鮮味。唯一不足是由於全部生燒而製作需時，但能食到好野，等下都係值得的。主打：鹽燒臘魚、日式燒元貝、燒全翼、蜜燒雞中翼、西北燒羊串。…查看更多

兩人共食，$250唔駛，比晚餐更豐富低食，仲要即燒新鮮，海鮮大隻多汁鮮味濃郁，牛脷乾爽入味，食完串燒唔飽+上海粗炒相當好味包肚，炒雜菜仲可以幫助消化，我住附近仲可以外賣自取，今晚再食…查看更多