木子居酒屋

營業中

休息中

伏～ 食物選擇少～ 第一間食居酒屋，土佐豆腐咁基本Ge 野都冇.(可能我掃code 電話load 唔到？）食物價錢真係其次，但連服務都冇～以下我share 俾自己朋友內容: 琴日去大圍食左間性價比其差新開居酒屋：一坐低，服務員同我地講：我哋學日本居酒屋係唔會提供茶水，要order 就掃QR code 。我心諗：會唔會學日本唔收加一結果：0 服務，但要俾10% service charge總結： 用日本居酒屋角度看, 都真係一間可以有日本清酒飲Ge 元氣壽司 ，sorry 元氣種類仲多個佢～P.S. 食評都真係不能信，尤其有級數個D

今日嚟到大圍新開嘅日式居酒屋 - 木子居酒屋，店內嘅裝潢以木系為主，座位除咗有吧枱同同榻榻米之外，仲有用晒啤酒箱做枱腳嘅餐枱，而牆身擺滿清酒做裝飾，入到嚟真係好似去咗日本，啱曬一大班人嚟傾計聚會呀！我哋坐定定之後，就開始掃 QR code 點菜啦～餐牌上面都有好多唔同嘅選擇，沙律、小食、剌身、壽司同串燒等等，每樣都好想試試呀。蕃茄同沙律菜清新爽口，加上胡麻醬，濃滑又香口，令我哋胃口大開。因為魚乾係以味醂醃製，帶有少少甘甜嘅味道，配埋沙律醬，送酒一流呀～即係海膽、吞拿魚腩蓉、帆立貝剌身，食落口感軟綿綿，唔單止有海膽同帆立貝嘅鮮甜味仲有香滑嘅吞拿魚腩蓉 。蟹鉗嘅肉質鮮甜，仲好結實同飽滿架！雞頸肉嘅肉質比起其他部位更鮮嫩，仲有豐富嘅肉汁。豚肉中間包住啲豆苗，配上埋醬汁燒得好香，食落爽口juicy，呢個配搭唔錯~青椒仔上面加咗木魚絲，食起嚟有微甜同爽脆嘅質感。材料雖然只有溫泉蛋、紫菜、木魚絲同炸天婦羅脆脆，但係簡單得嚟又好味，浸咗湯嘅天婦羅脆脆依然香脆香口，蕎麥麵仲好彈牙㖭！

大圍木子居酒屋🏮發現大圍積富街呢到原先間西餐已經無做，新開左間居酒屋，估唔到啲裝飾又幾有心思，啲檯腳用晒啤酒箱，放左好多清酒做擺設，終於有啲新野可以試下～居酒屋既食物都幾多元化，有刺身、壽司、天婦羅、串燒、丼飯等等🍤🥟🍣🍱🍢🍡叫左幾樣野食，飲下酒傾下計咁。食物的份量都幾足，天婦羅有3隻大蝦、有菇、栗米芯、南瓜、蕃薯等，炸粉唔算厚，都幾脆，隻蝦好新鮮好爽口🍤刺身盛合有5款刺身，分別係拖羅、深海池魚、海膽、帶子同油甘魚，都好新觧，拖羅好肥美，深海池魚肉質細緻味道鮮甜，好正😋炸雞同沙律就正常發揮啦～餐廳啲位都好闊落，都好岩約埋一班好朋友一齊黎聚會下！👯‍♀️🔸胡麻豆腐蕃茄沙律🥗🔸和風炸雞🍗🔸燒飯團🍙🔸雜錦天婦羅🍤🔸木子刺身盛合5点🍣🔸巨峰燒酎、自家製梅酒🍾📍#木子居酒屋 (#大圍美食)大圍積富街33號積康樓地下E-G舖➡️𝗙𝗼𝗹𝗹𝗼𝘄左我未啊😚跟住我去飲飲食食😎吃是真愛❤️ @eatistruelove.hk 🌟🔖#吃是真愛_大圍

唔講唔知原來大圍最近開咗間新嘅日式居酒屋，以木系為主調，座位設有榻榻米、吧枱、小房間等，加上樓底好高，感覺十分舒適，適合同朋友過嚟飲酒聚一聚😊前菜有牛油果三文魚沙律，牛油果切粒，軟熟度啱啱好，三文魚新鮮又肥美，旁邊更有蕃茄點綴，色彩繽紛，簡單又健康～ 吉列廣島蠔有四大塊，外皮酥脆，炸粉唔厚，咬落juicy，鮮甜唔腥，搭配少量椰菜大大減低油膩感🦪鮪魚壽司拼盤好豐盛☺️ 由魚蓉開始食起，到後面就feel都有油脂感！值得一讚嘅壽司飯有調過味，而且青瓜切到一絲絲咁都係第一次食！厚切牛舌心燒至七成熟，呈現粉嫩狀態，牛味突出而且調味好正，會話性價比好高👍🏻 唔夠飽嘅可以叫埋燒飯團，再配上巨峰生啤同自家製梅酒就perfect了！

沙田友發現大圍去左間靚裝居酒屋 好彩今日早到咋 原來好full 想食嘅朋友記得要book位❤️角切刺身和風沙律$88性價比好高 早上多角切刺身 有甜蝦 三文魚 八爪魚 油甘魚 三文魚子 仲有 沙律菜 刺身已經用盡執完先撈好做頭盤一流 夠晒開胃❤️鱈魚片$48即叫即烘 熱辣辣 脆卜卜 係喺居酒屋先會食嘅嘢 送酒一流❤️岩手縣山田灣岩蠔$88超巨型有手掌咁大 岩蠔肉質鮮甜 口感滑嫩 帶有微微的海洋味道 超新鮮 必食！❤️木子三文魚盛合$88三文魚腩壽司 肉質鮮美 口感滑嫩 夠晒肥美三文魚子軍艦 粒粒三文魚子卜卜脆 滿滿嘅三文魚子好滿足辣三文魚軍艦 最愛軍艦 辣味三文魚夠晒惹味火灸三文魚壽司 微微焦香加埋沙律醬 三文魚入口即溶必食 ❤️西京燒銀雪魚 $138西京燒銀雪魚肉質鮮嫩 外皮烤得香脆 內裡鮮甜多汁 醬汁帶有微微甜味和酒香 與魚肉相得益彰 ❤️厚燒牛舌心 $98厚燒牛舌心肉質柔軟 口感豐富 肉質的油脂和肉汁充分釋放 回味無窮 搭配埋黃芥末醬 味道出奇地夾 必食仲要有bar 枱坐添 呢度樓底夠晒高 座位夠晒闊落 打卡一流 距離地鐵站只係3分鐘路程 該夠晒方便木子居酒屋 (大圍)大圍積富街33號積康樓

Lunch time有set lunch, 午餐奉送蒸蛋、漬物、沙律、麵豉湯（鳥冬除外）。▶️自選魚生丼，自選三款$168揀咗蔥碎吞拿魚腩蓉、帆立貝、海膽。午餐一set咁上，蒸蛋好滑又夠湯味。漬物係中華沙律。沙律有沙律菜小碟酸酸地沙律汁。麵豉湯清清地有海帶。魚生丼細細碗好精緻，海膽份量多、帶子帶4小片、蔥碎吞拿魚腩蓉撈飯不錯。▶️ 壽司定食配烏冬$148壽司有8件，有海膽、帶子、甜蝦、三文魚腩、吞拿魚、兩件白身魚及一件火炙魚。賣相不錯，味道新鮮。▶️青蘋果梳打$48飲品顏色翠綠、青蘋果🍏酸酸甜甜，有氣幾爽。▶️自家製檸檬綠茶$38大大杯幾抵飲，檸檬綠茶味夠香甜。

終於搵到間近屋企嘅日式料理啦☺️-三文魚加州卷 $108睇唔睇到上面嗰層三文魚，好肥美呀🤩唔經唔覺就食晒🥹-三色手卷 $68有海膽，吞拿魚蓉同埋魚籽一啖食落去口感好豐富😋-吉列廣島蠔 $88粒粒都脹卜卜㗎😆而且唔會腥🥰-阿波尾雞翼 $46串燒點可以唔食雞翼呀☺️燒到個色澤好靚，皮脆肉嫩，燒到好juicy🥳-免治雞肉棒 $38-燒飯團 $28-牛油炒雜菇 $78-士多啤梨梳打 $48-自家製檸檬綠茶 $38

胡麻豆腐蕃茄沙律🥗豆腐好滑蕃茄又新鮮，最正配埋麻醬，清新又好味😋木子號大漁伴帆立貝🥢帆立貝超級大粒，仲有拖羅蓉、海膽、魚子，樣樣都好鮮甜，一啖咬落去好好好正。深海池魚薄切🐟師父刀功好好👍🏻薄薄一片點埋柚子汁，帶出到魚嘅鮮甜味。豚肉韮菜卷🍢豚肉燒完脆脆地，卷埋韮菜一d都唔覺得油膩。汁燒雞腎🍢好爽口加埋醬汁好惹味。軟殼蟹天婦羅🦀啖啖肉好脆口，點埋天婦羅汁好正呀…福岡凍蕎麥麵🥢溫泉蛋撈埋蕎麥麵一齊食，最正有天婦羅漿炸左d脆脆，加埋一齊口感好好，真係覺得好食。芒果白桃烏龍茶🥤咁嘅配搭另有一種風味，甜甜地好好飲。青蘋果梳打🥤清清地解渴得黎好好飲。

呢度既裝修係香港比較少見,近門口有兩張偽Tatami既大枱, 成間舖既牆身都擺滿左各式各樣日式酒既酒樽同大啤酒桶🍻 食物選擇都幾多, 飲品都好吸引😍牛油果三文魚沙律🥑 ($88)沙律菜被滿滿既三文魚籽, 牛油果粒, 三文魚片包圍住, 撈埋一齊食好開胃😌深海池魚薄切🐟 ($198)薄薄既深海池魚好新鮮配埋Wasabi同柚子醬汁食特別鮮甜🤩味醂魚乾🍥 ($68)厚身既魚乾甜甜地帶啲咬口配埋沙律醬送酒一流😙汁燒雞腎🐓 ($32)醬汁好濃郁, 雞腎好爽脆😎阿波尾雞皮🍢 ($32)雞皮燒到好香油脆香腍得黎帶少少脆身, 好邪惡😚和風炸雞🍗 ($88)新鮮炸起熱新新, 咬開仲噴緊煙同見到啲肉汁🤤燒飯糰🍙 ($28)脆卜卜既紫菜包住煎到微微焦香既飯糰好脆身, 飯糰混合蔥碎好香🥳士多啤梨梳打🍓$48淡淡既士多啤梨加埋少少野莓飲落酸酸甜甜有助消化😌芒果白桃烏龍茶🥭 $58芒果味勁香濃加埋淡淡既菜茶香好爽😄呢度既環境同食物性價比都幾高, 所有野都係即叫即整😍

前排係大圍見到積富街開了一間新的居酒屋，當然要約個朋友入去飲返杯，傾下偈。選了辣味螺肉夠晒入味，而且冰凍彈牙，送酒一流。來一杯青蘋果梳打和巨峰啤酒，果味香濃，正。牛油果三文魚沙律三文魚和牛油果都好新鮮，令整份沙律都唔需要加上大量醬汁來調味。三色腐皮海賊有吞拿魚、蟹子蟹肉和三文魚，總有一款岩你口味，原條梭子魚，賣相不錯，件件厚切燒皮，油香十足，入口彈牙，個人覺得不沾醬汁，味道更突出。福崗凍蕎麥麵，配料裡有天婦羅脆脆、蔥、紫菜碎、蘿蔔蓉和溫泉蛋，入口滑嫰，天婦羅脆脆提昇不少口感。

大圍開左唔少好chill既餐廳、Café，行下行下發現一堆村屋入面有間日式居酒屋，非常突出！全個餐廳都用上實木做設計，樓底好高，座位寬敞，餐廳設有吧枱、塌塌米、小房間等位置。即叫即整，上菜速度快，服務態度非常友好。 - 沙律、剌身、壽司 -⦁角切剌身和風沙律 $88⦁活平目魚 $188⦁三色腐皮海賊 $98🥗角切刺身都幾厚肉，口感豐富，配上和風沙律，非常開胃。🐟活平目魚平時好少見，主廚切成12片厚薄均勻，魚味唔重，口感嫩滑無筋，而且好新鮮。腐皮包裹住三款唔同口味的食材，最鍾意係蟹肉🦀口味，蟹味清香鮮甜。 - 燒物 - ⦁阿波尾雞翼 $46⦁免治雞肉棒 $38⦁汁燒雞頸肉 $38🐤阿波尾雞採取放養方式，不含生長激素同抗生素，天然健康。阿波尾雞翼的外皮燒得香脆，肉味香濃，而且好有彈性。🐤免治雞肉棒基本上系居酒屋名菜之一，香脆外皮，雞肉軟綿，肉汁豐富，蘸上蛋液更加香滑。🐤非常少見的雞頸肉，肥瘦適中，肉質比起其他部位更有彈性同嚼口。 - 麵食 - ⦁福岡凍蕎麥麵 $88用上溫泉蛋🥚、炸天婦羅碎🍤、木魚絲，配上鮮甜既高湯，mix埋冰凍的蕎麥麵，簡簡單單的食材，整體好鮮甜清爽。

[ #caloriefoodie大圍 ]• 木 子 居 酒 屋 •🐿-位於大圍新開嘅日式居酒屋🏮有一種地區小店嘅感覺一入到去 有榻榻米嘅位置 裝修風枱頗日式另設有包廂 好適合一大班人敍敍舊 飲下酒 傾下計-🐟 活平目魚 （12切）💰$188平目魚係專屬刺身級數嘅魚初初味道比較淡 口感有嚼勁 但越食越有魚鮮味-🦀 松葉蟹鉗（2隻）💰$88蟹鉗肉質結實、飽滿 蟹肉一啖咬唔晒 -🍽 原隻磯煮鮑魚💰$65鮑魚燒得頗淋身 加上用醬汁煮熬過 食落甜甜地廚師預先切開咗兩舊 方便進食-🦪 岩手縣三田灣岩蠔💰$88生蠔超大隻 大約有掌心大細 肉質飽滿爽口 少量海水味卡路最近係英國返嚟 佢話同borough market嘅蠔有得比-🦪 吉列廣島蠔 💰$88食完生蠔 再試炸蠔٩(˃̶͈̀௰˂̶͈́)و 一共有三隻 再配個沙律🥗炸蠔酥脆 炸粉唔算好厚 但蠔嘅味道就唔係好突出配上特製醬 味道有少少似大阪燒嘅甜醬-🦐 雜錦天婦羅 💰$88估唔到有幾多唔同款式 最鍾意係蝦 外脆內鮮有蝦、魚、冬菇、茄子、青椒、番薯等等-🐮 厚燒牛舌心💰$98呢款係今日嘅MVP 真係燒得超級好食燒到大約七成熟 中間呈粉嫩狀態 肉質超腍有牛味如果下

大圍出名多食肆，亦都有好多出名嘅小店，今日就跟住住大圍嘅朋友搵嘢食，朋友話呢間日式居酒屋新開，裝修都幾吸引，就一於過嚟試吓餐廳裝修以木系做主打，仲有好多燈籠，同日本特色嘅旗幟，就好似置身日本嘅感覺一樣✨胡麻豆腐蕃茄沙律$88沙律菜非常新鮮爽脆，用咗日式豆腐，超嫩滑，豆味濃，仲有一片片蕃茄加胡麻醬，酸酸甜甜好開胃✨吉列廣島蠔$88蠔脹卜卜而且好鮮甜，外面包住一層薄薄的天婦羅🍤脆漿，炸得好香口，但一啲都唔油膩，點埋天婦羅醬汁一齊食更惹味✨木子刺身盛合5點$328五款刺身，分別有拖羅，深海池魚，白身魚，炙燒梭子魚，海膽，拖羅極度肥美，入口柔潤鮮甜，深海池魚🐟油脂最豐富，入口即溶，梭子魚火炙後油香盡情發揮，味道份外鮮甜，白身魚，油脂含量適中，入口味道帶有香滑魚鮮味，海膽非常飽滿，入口充滿鮮味✨厚燒牛舌心$98做得好出色，師傅火候控制得非常好，燒得好香口，而且充滿肉汁，牛舌顏色仲好粉嫩，非常厚切，爽口彈牙，一啲根都無✨汁燒雞頸肉$38雞頸肉即脖子肉，因雞隻經常轉動此部位，肉質有彈性，富嚼勁✨豚肉豆苗卷$48估唔到豆苗加豚肉個口感係咁清新，豆苗的爽脆清甜，可以解到豚肉嘅油脂感，食落無咁重罪惡感✨燒

大圍啲村屋一帶有好多有質感嘅小店,而呢間居酒屋仲係啱啱新開嘅添🪔!入到去真係覺得好似返咗日本咁,木系而且好溫暖嘅感覺🪵。前菜叫咗個牛油果三文魚沙律,三文魚厚切勁肥美🐟,而且食落好香油脂~吉列廣島蠔好大粒🦪,而且佢嘅吉列炸粉做得非常出色,酥脆得嚟啲麵包糠係粒粒分明🍞~更重要嘅係完全無多餘嘅油份,完全唔會整腍咗啲炸皮~好少食到咁好嘅吉列炸皮,非常驚艷👍👍!呢個12切嘅活平目魚真係好新鮮😋~雖然魚味唔重,但係非常嫩滑,完全無筋,係比較少見嘅刺身款式~燒物要等得比較耐🕑,但絕對值得等候!佢嘅阿波尾雞翼只係稍稍用鹽調味已經好夠🐔,雞肉鮮嫩彈牙,要雞皮就好香脆~勁愛食雞皮嘅我仲叫多咗串阿波尾雞皮,又係只用少少鹽調味,已經好香好好食😋😋~呢個密集恐懼症嘅有啲驚🙈所以都係快啲放入口😂😂豚肉配上醬汁燒得好香,但係稍嫌燒得略乾🐷~加上豆苗爽口又juicy,配搭唔錯🥬~呢個福岡凍蕎麥麵只係好簡單咁有溫泉蛋🥚,木魚絲同炸天婦羅碎碎~但係簡單配搭起嚟又令人好回味~木魚絲嘅配搭埋高湯味好鮮甜~而炸天婦羅碎碎雖然浸住湯,但都keep到脆度好一陣子~估唔到咁簡單嘅蕎麥麵咁正😋~作為居酒屋當然有好多酒類🍶,但因為第二朝

開張沒多久，食物新鮮，座位寬敞，要極力推介海膽及刺身，梅酒也好喝。而且服務很熱情，有效率。燒物非常熱呼呼的送上，超好的體驗！非常適合情侶及家庭到訪，而且地點便利，附近也有糖水店，配套一流！