木兆小品 (寶達商場)

營業中

休息中

叫咗個蔥油雞扒，雖然大大件，幾好食，份量都足夠，可惜，冷氣勁過殮房，職員話中央冷氣冇得較，所以未食完嗰飯已經涷晒，真係要同時間競賽，同埋第一位職員阿姐態度勁惡劣，但第二位後生啲嘅，態度就正常好多

咖哩牛腩飯啲牛腩真係好少, 飯好多, 下面間大家樂都多過佢, 味道 OK 夠辣, 不過呢個價錢貴咗啲。呢間舖前身係百份百餐廳, 唔知幾耐之前換咗呢間「木兆」, 不過叫晒嘢食先發現原來都係百份百同一集團 (即係藍店), 即刻覺得中咗伏, 下次都係去返大家樂或者搵其他舖頭食算喇。

係外賣app order 左兩個下午茶，炸脾薯條同雪菜肉絲炆米。本身對呢間野無咩期望，點知一試之下發現質素唔錯！ 雞髀係超好食 好入味仲好多汁，完全唔乾！ 超推介炆米味道都ok, 我個人認為好過前身果間。希望keep 到呢個水準 👍🏼

去開寶達，飯點本來打算去商場街市食車仔🍜，點知落去時經過🍑小品，俾佢攔途截劫🤣。其實我係俾佢個避風塘炒麵吸引住，見到張相都流晒🤤。木兆小品係Taste of Asia 集團，即係百份百啲細佬妹，從店內裝修同餐牌可以👀得出。正因為咁，佢地既食物質素唔會差得去邊。佢地午餐都唔少選擇，但最吸晴一定係避風塘🛶家炒麵，我就係衝佢而黎🤗。老婆想食咖哩牛腩但又怕🌶，最後叫左個枝竹🏄🏻‍♀️雞飯。呢個避風塘🛶家炒麵既靚仔又惹味，真係冇選擇錯👍🏻。