木兆小品 (寶達商場)

營業中

休息中

淨係識做外賣…堂食唔使理；客人等半粒鐘都冇嘢食；垃圾餐廳唔好再喺度獻世啦…如果大家要去受氣嘅你咪入去食囉…要雞飯可等足半粒鐘；都冇人理…淨係講句唔好意思就冇事…垃圾

寶達商場冇咩選擇 食晚餐都係個幾間今日去左木兆叫左個蠔仔泡飯味道ok既 不過唔係粒粒蠔仔都咁新鮮單叫冇野飲 越食越口渴🤣不過份量就好多 夠哂飽另外加12蚊叫左碗仔翅碗仔翅反而有驚喜喎 12蚊好好食 可以一試間唔中幫襯下都ok既😀

點咗一個香煎一口雞魚肉春卷麻酸辣米線酸辣米粉，幾大碗，有一口雞肉，小小辣，好開胃，好食啊。另外點左個新鮮冷壓檸檬茶，幾特別，裏面冇檸檬，感覺上平時冇平時有檸檬嘅咁有檸檬味。用手機code落單，唔知點解scan極都scan唔到，但我個friend又得。服務態度都正常，只係有點understaff, 有個moment見到個職員開咗熱水fill緊個熱水壺，跟住居然行開咗，唔記得返嚟。我個friend去幫佢閂咗個水龍頭。

今日下午收錢果位大嬸，幫位婆婆落外賣單，語氣態度表情都十分差，呼呼喝喝，問多兩句都十分唔樂意回答。點樣，收錢收出優越感？定係唔想做，要趕客？體驗一次比一次差，身為一間連鎖式經營的食店，食物及環境質素固然重要，服務生的質素都非常重要的。不過集團唔重視，講多都浪費口水，唯有以後唔幫襯，反正都忙到成日聽唔到客人叫。

近近地系附近食，拎飛等左幾分鐘，叫左2個餐都係蒽油飯，上菜快手，但d蒽切得太大個，叉燒ok幾入味同肥瘦都有，雞扒正正常常，環境都可以，希望改善個蒽真係太大個啦😂

兩個人去食個早餐 因為啲冷氣太勁所以選擇坐入面 枱號11要落餐時 位女職員話坐返出面啲先會幫手快啲落單 由於冷氣太大 我地都照坐喺原位 等左5分鐘左右 見有位經理應該放飯中 佢都有叫幫我地落單先位職員明知我地等緊都堅持吾過黎落單 仲大大聲話出面有位係要坐入面 全場得十台客左右都懶得行過黎 甘索性吾好開後排俾客坐啦 一係你地就整個code 俾人自己落 吾係用忙黎打發啲客人囉 食品質素幾好 價錢合理 但啲員工真係好難忍受 最後係另一名員工過黎幫手落單

第一次打食評打電話外賣自取，落到去拎先話冇其中一樣野食然後換完食物發現所謂既半熟流心蛋既蛋黃都爛鬼埋唔見左，然後杯凍奶茶就擺到溶晒冰仲要講到係我問題，話今次先唔洗我補錢！我真係唔該你呀，落單時唔知鋪頭冇咩食物，仲可以聲大大怪責客人，仲有人幫襯都要偷笑喇😡之前係鋪面嗌過外賣，知道要等好耐諗住打電話實冇死喇，點知仲衰！寶達商場同行冇咩競爭對手，但唔代表可以接受，服務冇！食物水準冇！一定唔會再幫襯！🔥

位置喺寶達商場入面，比較遍門既地方，住嗰區既人先會去，因為近我屋企，唔想唸食咩就會揀佢，揀佢亦有另一原因，佢價位同食物質素都親民下午茶叫左個豬扒炒麵，時間耐少少，但炒出嚟夠鑊氣又熱，因我鍾意食辣，會叫樓面畀包辣醬油，加一包辣油再惹味啲，下午茶嚟講，份量啱哂女士吃，埋單都係$43+$3凍飲。因為實在太多茶記好無水準，呢間論味道同價錢都親民，值得一試冷氣就建議較返高少少，因為太凍，怕凍人士建議加外套。

午餐唔知食咩好 求其入左呢間餐廳叫左個避風塘艇家炒麵 $58以魷魚、蝦仁、魚片、芽菜、洋蔥作炒麵咸度剛好 色水唔差 幾有特色既炒麵麵食落幾有彈性 夠晒獲氣意外地覺得又幾夾幾好食份量大 性價比唔差奶茶幾大杯下 甜度適中環境都坐得舒服服務都還可以

我係住呢頭附近嘅人真係唔係冇選擇都唔食佢有時覺得難食都唔緊要嘅服務態度真係差到爆服務態度差到爆！佢放餐嘅時候超級爆大力唔講以為佢扔落嚟食咗好幾次都係咁明明冇乜人（講緊餐廳）嗰樣嘢整應該唔使半個鐘😦應該都好易整都等咗差唔多半個鐘之後要再問一問佢好似每次差唔多問佢佢先識出餐咁👎🏻佢啲嘢食呢真係一時時！應該炒嘅就變咗滾水淥咁😦究竟我食緊啲乜🙂經常落錯單冇落錯唔緊要啊但係都可以整錯嘢飲㗎🤣我仲要之前問呢杯咩嚟之後要佢都可以整錯同埋服務員成日都喺度嘈交簡稱侍應

野食真心好食的，但服務態度非常惡劣，由其是收銀員，好似不想做似的，之前的工作員工都不是這樣，希望可以有改善，不改善只會客人寧願去令一間的翠x,這個就是我，不夠好吃但服務態度沒有這麼惡劣，是不是因為好吃多人吃就可以不休做？

服務超級差，一入門口已經覺得企門口果個有啲無禮貌架啦，跟住我就住左係右手邊果一個區域到，完全無人服務，坐底15分鐘一個員工都無，相反另一邊就有兩個服務員係到，我想問點樣安排工作，叫左兩三次無人落單，最後要等20分鐘後先有人來落單，完全無人來落單，當我係透明咁，門口個果整係識行行企企，服務真係超級差，以前都無咁差，換左批人導致咁差？依家係一次比一差，貴公司真係嚴重要檢討下，但係食物係唔錯既，不過等左好耐

喺openrice 叫外賣自取下午茶，落完order 15分鐘內有👍🏻👍🏻叫咗碗仔翅 炸雞髀🍗 熱檸水 $36-碗仔翅份量略少，得半碗左右，味道正常，但係偏少，紅醋係本身加好咗，個人鐘意偏酸，可以講句多醋🙌🏻-炸雞髀有驚喜，有手掌✋🏻咁大，但係就唔算厚，放耐咗都仲有少少脆，做到外脆內嫩😋仲要完全冇雪味，味道甜甜哋，齋食都夠味🤤🤤-外賣熱檸水就冇檸檬🍋喺入面，酸度冇得自己調節，個人覺得有啲酸🥶

木兆小品嘅早餐高質個普通快餐，佢哋個豬扒餐，豬扒比較軟熟，豬扒大大塊不過就有啲油膩，同餐就嗌咗，腸仔正正常常兩條嘅廚師腸，過下油，同埋有得加雪菜米線，雪菜爽脆, 滑蛋都滑啲。成個餐加埋杯凍檸茶，茶底偏苦澀，兩個女仔分食都夠，不過嗌外賣佢就唔記得咗畀個茄汁豆，有啲失望。

蜜桃咕嚕肉份量都算多，蜜桃咕嚕味夠濃, 咕嚕肉細細件, 方便入口椒鹽一字骨雖然用左好多辣椒炒，但一d都唔辣架。有6件一字骨。小炒皇由韭菜，花生，蝦干，蠟肉炒埋一齊，普普通通。