木人巷 (已結業)

最喜歡簡簡單單的早餐，今日的鹵水蛋同燒買都好正吖好喜歡鹵水食物，呢個鹵水蛋整得好入味，蛋白好脆好爽，鹵水滲曬入去，每一口都有鹵水味燒買都彈牙，重點系醬油，同辣椒油，細細個的味道，好懷念，好正

❤上個星期六小妹去左尖沙咀行街街，好開心天氣都唔錯，只係灑左陣過雲雨☺。。👄鮑魚碗仔翅 $28。。👉原以為鮑魚係同湯一齊煮，但原來只係最後夾隻鮑魚落碗翅度 #諗多左 ....味道正常，料都算多 （有木耳，有少許肉絲，有冬菇,都算多料,但無粉絲）。。但太杰身,小妹一直都唔係好鍾意太"獻汁"既食物🐷 。。。鮑魚係一口既size, 不過成碗翅$28有隻飽魚仔都算抵食既。但小妹試過就算~。。👉環境: 舖面好細無得坐，大家shopping行到攰時就唔好考慮啦👌需則有張企站既貼牆長枱，但舖內實在太熱太焗，點食得舒服。。。所以小妹覺得比較***適合外賣***

你無睇錯呀👀碗仔翅入面真系有原隻鮑魚嫁😌有膠羹咁大，仲要好入味☺️簡直系#窮人恩物碗仔翅熱辣辣，材料都好豐富，好多冬菇同木耳！小店主張無味精，所以味道都偏淡，感覺好健康😝

在尖沙咀返工午餐系個問題，但係新開的木人巷解決了我的午餐問題，傳統的滷肉肉燥，拌飯，相當好味，鹵水金錢展好有嚼頭，鹵水味好香，仲有半個鹵水蛋，細細分量剛剛好，好入味，會再幫襯，好食又⑤貴，自由配搭，

響網上見倒某雜誌嘅食評力推呢間野嘅食物於是就決定黎會一會佢一黎到見倒好有風味可惜入面嘅幾個企位已經俾人霸哂，唯有外賣啦今次試左原隻鮑魚碗仔翅同雞脾滷肉飯碗碗仔翅都幾多料不過比起平時食開嘅碗仔翅略為淺色同淡(P.s.如果大家要加醋胡椒粉或者麻油記得拎走前加，調味料佢自助式咁放響度俾大寄加嘅)冇呃你，真係有鮑魚仔隻鮑魚仔幾煙韌，不過唔係好夠入味雞脾滷肉飯，右邊仲有半隻蛋滷水蛋大大啖咁咬隻雞脾真係好有滿足感不過隻雞脾好大陣雪藏味，而且好老啲肉好鞋前脾味道夠鹹，但後脾冇乜味加上一拎開就雞脾睇倒啲滷肉原來得果幾粒，搞到冇哂果份滿足感我食左幾啖飯，但滷肉就係得果幾粒好似食緊白飯咁，因為食飯冇滷肉覺得唔係好夠鹹總括黎講，食物味道唔多濃，雖然雞脾夠大隻但滷肉太小