影片
以上資料只供參考, 請與餐廳確認詳情
係觀塘做完嘢又想食簡單dinner ，捻起東廣場2 樓有food court 就上咗去睇下食咩好，行咗一轉最後揀咗食「朝陽越泰」，主打越南/泰國菜風味。而家天氣咁熱，揀咗豬扒撈檬 $45 加$18 有3件越南春卷 + 凍檸檬茶 （加$8）埋單＄73都算抵食。豬扒撈檬都算大份，入面有唔少生菜🥬絲，豬扒整得幾好，又淋又入味，越南春卷熱辣辣，炸得不錯幾好味，加埋撈檬同酸酸甜甜醬汁撈埋一齊食幾match 。下次要試吓招牌泰式海南鷄飯。
繼續閱讀
放lunch諗唔到食咩， 就行上東廣場2樓個小小美食廣場， 就見到哩間朝陽越泰， 叫左個單邊雞翼撈檬，跟住加3件春卷 再加多杯檸檬茶， 埋單$73， 價位都算可以既野食方面都正常， 雞翼撈檬料都算足， 我要多汁，個收銀姐姐就比兩包我， 都幾好人。春卷新鮮炸，熱辣辣， 不過都係市面上街市凍肉舖買到果款越式春卷。如果有多d泰越特飲就更加好。價錢正常， 野食正常， 驚喜講唔上， 不過如果行開觀塘， 又想搵d越南野食下都ok 既。不過最好先搵左位再買野食， 因為位置都唔算好多。
繼續閱讀
喺觀塘東廣場found court ，我去嘅時間仲早，所以唔使等位，我揀咗豬頸肉泰式湯檬粉湯底清清地，唔算話食完好口渴，豬頸肉香口有溫度，不過就真係好細碗，男士幾肯定會唔夠飽
繼續閱讀
上年11月有嚟食過覺得幾好食，個湯底幾好飲，有正宗越南牛骨湯嘅味道。但係今次食，個湯好油，完全唔係越南河粉嘅湯底，變咗普通河粉。味道似魚蛋河嗰啲普通河粉味，懷疑轉咗中國河粉所以先至咁油。碗生牛肉河粉，只有三大片牛肉，肉質幾嚡，麻麻哋。豬頸肉就比以前出色，上年啲豬頸肉就燒得唔夠耐。今次嘅豬頸肉係有脆邊，好食😋不過唔知佢喺上面加啲蔥油做乜，有啲多餘。凍檸茶少甜，有幫我少到甜，正宗港式凍檸茶嘅味道。上年嘅湯頭係清澈嘅牛骨湯，唔會油膩，好食啲。
繼續閱讀
開檔初期開始食，直到12月02日，我有嘢想講，見開飯終於搜尋到 😏，我早就自己備份先 😛食過無數咁多次嘅我，居然問我要唔要個酸汁。（唔係話熟客唔熟客）要跟與否，都唔係作為收銀去決定卦？！硬係要加個人情感去判斷個汁個醬係有定無 🤷♂️柯打：海南雞河粉，理應跟住酸雞汁。。收銀主動問我要唔要，唔要就唔俾。。我心諗，點解要問，跟呢個汁係需要架啦。我見佢入緊辣椒粒外賣兜，流量大嘛，皆因小店人手做呢啲瑣碎事係煩嘅，但呢啲係你公司嘅問題，其實唔係好關客嘅事，最好 cut X 埋個酸汁辣椒青檸，花少啲功夫 🙂。見佢咁問我唔要啦講到咁 😒食過海南雞覺得幾啱口味，雞有雞味，有時仲有“啫喱” 😋燒豬頸肉：初期做得好好，乾身夠脆，就算唔熱都係脆。到依家都唔係果回事 🤷♂️燒豬手：都係唔錯嘅選擇。（我好耐無食嘞）
繼續閱讀