影片
開飯介紹
位於ICC 101樓，飽覽維港壯麗景致，店內紅色城門與牌匾設計充滿中國風，別具特色！品牌源自1935年，是中國十大火鍋品牌之一，主打重慶地道老火鍋，其麻辣紅鍋湯底香辣過癮，極富層次感。
繼續閱讀
營業時間
今日營業
11:00 - 03:00
星期一至日
11:00 - 03:00
公眾假期
11:00 - 03:00
公眾假期前夕
11:00 - 03:00
以上資料只供參考, 請與餐廳確認詳情
有關獎賞計劃
影片
相片
+177
招牌菜
今日帶左媽媽去九龍站ICC 101/F 打邊爐。這是朝天門繼中環後，在香港的第二間分店，主打四川麻辣火鍋。可以一邊打邊爐，一邊享受香港由101/F 看下的無敵海景，大地在我腳下的感覺好得意。火鍋店除咗有大堂位外，仲有私人廂房, 可以家庭聚會、公司搞活動使用，房內仲有唱K設施。來得四川火鍋店，必點麻辣口味過下癮。但又怕太辣，記叫了鴛鴦鍋，一個叫菌湯口味，另一個叫蕃茄口味。極品鮮毛肚 x 烽火戲豬喉將毛肚及豬喉加入麻辣鍋煮30秒上水，非常爽口👍好新鮮。海鮮拼盤超級新鮮蠔非常大隻，鮑魚亦好大隻，煮完後非常之爽口。冷鍋鴨血食得四川麻辣鍋，當然要叫當地必叫嘅鴨血鴨血吸收晒麻辣湯底嘅香味非常好食。黑虎蝦滑牛肉丸超級精緻，用5個玻璃盒，裝住5粒豬肉丸，打卡必影。肉多多午餐肉非常厚切，煮完嘅午餐肉非常有肉味田園山珍拼盤排到超精緻，如同盤景一樣非常美。多種疏菜在內，非常新鮮呈青綠色，煮後亦非常爽口。紅糖餈粑外皮炸到錢黃色，咬落好脆，入面是糯米，食落煙煙韌韌。安格斯雪花牛肉拼F4純血和牛板腱非常吸晴、打卡必點。牛肉脂肪比例均勻。加入麻辣湯底煮熟令牛味更提鮮。亦唔會過嚟非常過癮。松露和牛炒飯細細碗，有松露片在炒飯上。食返碗飯有飽肚感，同無咁辣。幫助吸返d辣油，對胃無咁傷。
繼續閱讀
今晚約好朋友去食麻辣火鍋, 訂了來自重慶的 [朝天門] (第二間香港分店), 位於尖沙咀環球貿易廣場 .門外用了紅色城門好有氣勢, 金碧輝煌, 同中環店極相似. 這間分店設置於 101樓. 高高在上, 欣賞維港景色最理想. 設有三間大小不同的廂房. 私隱度甚高. VIP 房間內有客廳, 可以聚會唱 K, 適合尊貴客人.今晚 我們只得兩個入, 安排了窗邊卡座, 有獨立個人火鍋. 窗外看見海景, 大家感覺飄然. 座位舒服, 服務員招呼親切, 落單後, 送上熱茶, 小食, 隔油方包, 再送上火鍋調味料, 醬油, 麻油, 蔥, 蒜, 辣椒......餐前小食有三款: 脆麻花/ 雲片糕/麻辣蠶豆. 傳統中國小食, 香脆小甜, 比吃西方薯片更可口. 大家都喜歡 麻辣紅鍋湯底, 因為採用重慶當地新鮮採摘香料熬制, 香味濃郁. 辣而不燥. 我的 鴛鴦鍋 (麻辣紅鍋湯底 + 板栗雞湯鍋) 用了電磁爐可以自己調教溫度. 板栗雞湯鍋雞味濃.朋友選 鴛鴦鍋 (麻辣紅鍋湯底 + 山珍雜菌湯鍋) 山珍雜菌鍋湯底有香菇菌味. 火鍋食品未到前, 我們吃口 重慶炸酥肉, 椒香酥肉, 鬆脆可口, 加些 辣粉一 起食, 正 !!紅糖爆漿糍粑, 炸得非常軟糯, 內裡包裹著流心紅糖, 食得滋味. 服務員接著送上了我們落單的各款食品. 食材好豐富, 色澤明亮整齊, 擺盤有心思. 最吸引大家眼球, 安格斯雪花牛肉拚 f4純血和牛板腱, 服務員用餐車送上大大個瓷器盆, 盛滿冰雪藏著雪花牛肉, 有仙女伴盤, 非常隆重, 活像嫦娥般俏. 精選雪花肥牛, 佈滿大理石油花紋路, 嫩紅色. 肥牛肉味夠香, 肉質柔軟, 油香而不膩. 餐廳給客人備用麵包吸油, 好窩心, 海鮮拼盤: 鮑魚, 生蠔. 每入一隻. 鮑魚彈牙, 生蠔蠔味濃.接著 鋒火戲豬喉, 好有儀式感. 招牌菜, 粉紅色的豬喉切成花狀, 擺設非常漂亮, 放在 之上, 即滾即食, 口感脆爽. 冷鍋鴨血, 服務員好細心, 替我們把冷鍋鴨血加進火鍋內, 用咭蓋遮擋, 湯不會濺起. 鴨血滑溜軟嫩 , 可同滑蛋比美, 配麻辣或雞湯底也非常好食.極品鮮毛肚, 用冰塾著保冷, 大塊薄身, 嫩脆好食, 十分爽脆, 必吃之選.肉多多午餐肉, 脂肪含量低, 啖啖肉, 打邊爐最好. 黑虎鮮蝦滑, 牛肉丸拼. 用水晶盅送上, 獨立裝載, 高貴又高質, 口感鮮, 煙韌彈牙. 田園山珍拼盤: 蔬菜新鮮翠綠, 有娃娃菜, 生菜, 茼萵菜, 粟米, 紅蘿蔔, 及菇菌, 好健康 , 滾滾便可入口, 質地爽. 金玉滿堂蛋炒飯, 炒飯粒粒分明, 有蛋香. 炒得香而不油膩. 非常好食.正宗重慶火鍋, 紅卜卜, 有麻香同辣味, 吃得醒神. 配合食材新鮮, 擺設有濃厚儀式感. [ 朝天門] 給大家留下好印象.
繼續閱讀
知道朝天門喺ICC開左分店，望住海景，好吸引，所以約左朋友去食。喺圓方入邊就可以上到ICC，101樓有獨立專lift。 餐廳裝修好有私隱度，2個人都有獨立空間，呢度食一人一鍋，仲可以揀鴛鴦鍋。 麻辣湯底夠哂香辣，很惹味，小辣啱啱好，菌湯很鮮，菌味勁香，番茄湯底酸甜度啱啱好，裡邊亦有很多番茄，真材實料。 呢度同平時打邊爐嘅醬汁有啲唔同，照樣落芫荽蔥蒜蓉等等，不過就唔係落豉油，而係落香油，係重慶食法。 F4純血和牛呢個設計好靚，好架勢，和牛肉質柔軟，油花分佈均勻。 海鮮拼盤鮑魚很新鮮爽口，介左格紋好快熟，蠔亦都非常新鮮，蠔味很香。 河豚竹蓀滑呢款即係竹苼，釀左料入去增加口感。 極品鮮毛肚職員話呢款配辣湯底，8秒食得，毛肚新鮮，爽口彈牙。 冰川鵝腸職員話呢款都係推介辣湯底，一樣係8秒就食得，鵝腸新鮮，很爽口，口感滑溜。 肉多多午餐肉本身有輕微煎香，午餐肉味道很香，鹹度剛好。 椒香酥肉呢款趁熱食，很香脆，點埋辣粉很惹味，不會太辣，啱香港人口味。 重慶擔擔麵呢款都係趁熱食，先撈好擔擔麵醬汁，醬汁很味，麵有彈性。 田園山珍拼盤呢度嘅蔬菜拼盤用料很不同，有花生芽同鉛筆菇，蔬菜都很新鮮。 呢度環境好好，食物用料高質，而且仲有3間廂房，可以唱K，職員話3間房都有客人用緊，非常受歡迎。
繼續閱讀
最近發掘咗一間好正嘅高空重慶火鍋🍲❤️🔥 就係喺環球貿易廣場101樓Skydining嘅朝天門🚪 呢度環境靚，有無敵海景，私隱度又夠高，仲可以包房唱K添💓今次我哋就叫咗個👭🏻午市雙人A套餐，每人揀咗一個火鍋底，我揀嘅係鴛鴦鍋，麻辣口味🌶️番茄口味🍅，一邊有正宗重慶風味，越煲越麻辣，超入味🤤 另一面清甜解膩，好match☺️🐮 F4純血和牛呢盤和牛超級正😍 牛肉雪花好靚，肥瘦得宜，牛味香濃，我最鍾意加落麻辣湯，味道更突出🥳 🦪 海鮮拼盤海鮮拼盤有鮑魚同蠔，兩樣都大大隻好肥美🥰🍢河豚竹蓀滑第一次食呢個菜式，佢用竹蓀包住蝦滑，口感更豐富😋🤰極品鮮毛肚🦆冰川鵝腸🩸冷鍋鴨血好少食內臟嘅我，嚟到「重慶」都入鄉隨俗試咗幾款，估唔到配兩個湯都好夾，又香又新鮮～🐷 肉多多午餐肉之後仲有幾時都咁夾嘅大大塊午餐肉！🥬 田園山珍拼盤當然唔少得蔬菜同菇喇～🍤 椒香酥肉🍜 重慶擔擔麵熟食方面就椒有香酥肉同擔擔麵，好滿足呀🥳
繼續閱讀
位於ICC 101樓嘅新開麻辣火鍋店！一行入去就感受到好豪華嘅裝修😹應該主打商務客～整體食物質素符合預期，但主要都係去食個景，可以對住270度維港海景打邊爐，真係超靚！🥰。手切牛肉吊龍用聖旨盤上碟，好有氣派，好有打卡feel🤣啲肉都好嫩～淥大嘅8-10秒就食得，但就算煮耐咗都完全唔使擔心會韌！（因為我一開始揾唔返嚿肉所以淥咗好耐😂，但都仍然好好食，所以實證左唔會韌）。海鮮拼盤有象拔蚌、帶子、鮑魚、蟶子皇、生蠔，全部都大大件，而且感覺都好新鮮，唔會腥。東星斑 又係一個好浮誇嘅擺盤！用魚片砌到成個摩天輪咁🎡肉質偏結實，魚肉片有細骨，小朋友同長者可能都要注意一下～。烽火戲豬喉 / 冰川鵝腸 呢兩樣都係平時香港打邊爐比較少見嘅食物，兩個嘅口感都有啲相似，都係好脆好爽口😆，本身擔心呢類型嘅食物會有一浸內臟味，但食落都唔太覺～。特色紅糖冰粉口感清涼爽滑，而且佢本身係唔甜，主要甜味來自面頭嘅少量果乾～同埋有少少花生碎增加口感，是好適合嘅清爽解膩之選！概括一下，其實呢類型火鍋主要都係超濃味湯底同埋調味料😂，所以食材嘅味道唔係太明顯、但都食得出口感係唔錯嘅！有得唱K又有靚景，都可以一試！
繼續閱讀