望月軒

營業中

休息中

以前住新界，日日搭巴士過黎港島呢邊都一定會經過信德中心上面嘅「望月軒」，戈陣腦海成日都萌生一個念頭：如果可以搵次試到就好喇今次喺機緣巧合嘅情況下，終於有機會試到。論位置黎講都可以話夠曬特別，喺信德中心上面，即系我地之前成日坐船去澳門戈座大廈嘅某一層。戈日去到都竟然冇乜人，畢竟眾多餐廳都受疫症影響，未完全穩定同埋恢復以前嘅狀態。作為一間喺港澳碼頭附近嘅餐廳，食物嘅款式應該都吾可以少得去邊，呢度都吾例外，首先發現呢度以中菜為主，所以好多菜式都系辣嘅。小龍蝦尾吾知系邊度嘅菜式？不過個人幾有興趣，可以配以勁爽麻辣味、酸甜味、油爆味或者避風塘味。首先叫咗份瑤柱賽螃蟹，瑤柱嘅份量都算ok啦，入口當然都幾好味同埋新鮮蛋白嘅份量更系毫不吝嗇，蛋味香濃，有好豐富嘅蛋白質呀！蟹肉嘅份量就還好，不過味道同瑤柱一樣都系好新鮮，同埋都食吾到有海水味，混合埋蛋白黎食，向來喺中菜館都系好吾錯嘅選擇吧。龍蝦尾呢個菜式我真系第一次食，冇諗到個數量會系咁多呢更加冇諗到嘅系原來佢系連殼上😅變相食嘅時候系有一定嘅困難。我系叫咗避風塘味，食落口真系幾香口，火侯十足，有大量嘅蒜蓉舖喺面，使得菜式更香口。蝦肉完全吸收咗蒜蓉嘅香味，

係上環食晚餐，今次揀左間酒樓係信德中心三樓, 呢間酒樓環境可以話係一流, 佢既環境好乾淨, 枱同枱都有一定距離, 好寛敞, 坐得好舒服仲有就係, 如果你坐窗邊位, 可以有個大海景食飯, 真係正!一坐低就叫左壺香片之後叫左三樣野食:四川擔擔麵: 呢個擔擔麵, 有驚喜, 辣度調得岩岩好, 麵硬度適中, 加埋上面D肉碎粒, 口感唔錯, 不過如果份量再多D就好蒜泥白肉: 上面鋪滿蒜泥, 蒜泥磨得好細滑, 每一啖都可以食到肉同蒜泥混合既味道, 辣汁唔會太辣, 配合得幾好油爆龍蝦尾(小辣): 呢個係今日既主角, 份量好足, 一大盤都鋪滿左小龍蝦尾,小龍蝦尾泡得好香口, 又唔油膩, 一隻接一隻, 食到唔停口, 勁滿足呢間餐廳, 服務幾周到, 食飯期間，自動幫你加水又換碟，侍應仲非常有禮貌👍🏻抵讚！

以前常到信德到同媽咪上船去澳門，現在疫情下冇得同媽咪去澳門玩，就同媽咪去望月軒嘆返個靚景下午茶啦！媽咪聽到我放假同佢去嘆茶好開心，我同媽咪第一次來飲茶的，環境真係一流，望住個海嘆茶，心情都舒暢D。我一口氣叫左幾款媽咪鍾意的點心: 魚翅灌湯餃 ～ 媽咪話抵食蟲草花棉花雞 ～ 雞夠滑臘味糯米飯 ～ 夠哂味芋泥燉蛋 ～ 芋泥好棉，配上燉蛋好夾。養顏銀耳羹 ～ 飲完喉嚨好潤以上散叫點心下午茶時間仲要做緊特價大中小點一律22蚊，好抵食。我咁為食上面d 點心點滿足到我呢！我仲叫左呢到最出名的雀籠點心拼盤，但侍應話冇蝦多士，可唔可以轉其他比我。上雀籠時，真係好吸引，影相打卡一流，即同媽咪影幾張靚相留念啦！雀籠點心拼盤 ～第一層 @奶皇花糕和千層薑汁糕第二層 @腐皮卷和蒜蓉櫻花蝦春卷第三層 @蝦餃和燒賣呢到點心味道唔錯， 炸野香口，而我最欣賞佢的糕點和甜品，甜而不膩。

依間主打食川菜既酒樓有無敵大海景☺️☺️唔係太多人，慢慢食慢慢傾都得😉👧🏻好鐘意食辣🌶🌶，所以川菜係👧🏻既口味😍今次叫咗個麻婆豆腐😍設計好靚，有個加熱爐heat住啲豆腐，唔怕會凍晒💕💕少少辣味好開胃😉😉😉餸飯一流tim😉😉仲叫咗口水雞🐔🐔🐔係幾滑同好味，同樣少少辣，好啱鐘意辣既人🌶🌶🌶🌶唔想食辣既話都可以叫唔辣，蒜蓉炒時蔬都唔錯😉😉😉最後，👧🏻仲叫咗雞湯，好入味😍

今日中午同好朋友去望月軒歎海景午餐❤️餐廳就係上環信德中心好方便👍🏻最緊要係個靚海景😍淨係食個景都值回票價👏🏻我地叫左一個雀籠點心拼盤🥟齊哂咸點甜點同炸點😋一人一件岩岩好👍🏻點心全部都新鮮熱辣❤️奶皇花糕同千層薑汁糕最岩我口味😍煙韌得黎唔太甜👍🏻正呀喂❤️值得一提既係個四川雞絲涼麵凍冰冰辣辣地岩夏天好開胃☀️不過唔食得辣既朋友就最好叫BB辣🤣

在上環突然想飲茶，見信德中心望月軒環境不錯就決定一試。樓面所有姐姐都十分有禮，每次都會說多謝 唔使客氣，因只想小吃一點所以只點了3樣食品：首先小籠包，感覺偏淡，味道跟平時在上海店食的不太相似，可能我習慣濃味吧…皮十分薄 晶瑩剔透，湯汁非常多，肉質也軟熟不會過實第二樣灌湯餃，湯頭十分鮮甜，完全感覺到用料十足，餃內包着瑤柱 蝦肉 豬肉 當然還有主角魚翅，每啖都鮮味十足最後點了甜品芋泥燉蛋白，3樣中反而最喜歡這個，薄薄一層芋泥，可以吃到啖啖芋頭絲，散發着芋頭香氣，蛋白也有水準，最重要整個甜品也不過甜，十分對我這甜品控口味

最近被逼放假, 每日係屋企懶懶閒既我突然勾起條筋想飲茶食點心即刻message約個老友lunch去嘆茶佢就話不如去佢公司個邊一間叫望月軒既酒樓, 貪佢個view夠靚, 點心又好食我地特意約早少少, 因為驚一陣食飯時間會好多人好嘈侍應安排我地坐半圓型卡位, 坐得幾舒服, 但就唔會太望到海景, 不過都無所謂既點心紙上既款式都幾啱我口味最後我地order左蝦多士、松茸燒賣皇、瑤柱賽螃餃、流沙豬仔包同埋響鈴牛肉球每款點心都做得好唔錯蝦多士 - 甘脆可口, 蝦膠部份口感豐富, 香口食物永遠都可以令我好滿足, 點埋沙律醬食, 更加美味!松茸燒賣皇 - 松茸香氣充斥住口腔, 菇菌既獨特香氣令人難以抗拒。而且每一件燒賣都好大粒, 每啖都好滋味瑤柱賽螃餃 - 內裡除左蝦粒, 仲有瑤柱、冬菇粒同粟米粒等等...有種清爽既感覺, 唔錯流沙豬仔包 - 顧名思義呢個包係一個豬仔造型既奶皇流沙包。賣相非常別緻, 小朋友一定鐘意。內餡的確係做得非常流沙, 奶皇餡甜美誘人, 令人忍唔住秒殺哂成個包響鈴牛肉球 - 從來食牛肉球我既重點都唔係個肉球身上, 而係墊底個塊山竹。因為塊山竹會將牛肉球同後期加落去喼汁吸索哂入去,

今日難得同阿媽同一日放假，便相約一齊去飲茶。因為我要約咗人澳門廣場交收，所以就決定去商場入面間酒樓食嘢。飲茶必點當然係蝦餃，個皮夠薄，夾起唔會穿，蝦肉爽彈鮮甜，食得出係鮮蝦。羊肚菌鮮竹卷，呢個都幾特別，用羊肚菌嚟做配搭，香氣濃郁。上湯竹笙雲吞，覺得最啱我口味係呢個雲吞，配上清甜的湯水，雲吞味道更加鮮美。薑蔥牛柏葉，牛柏葉除咗飲茶真係好少食，難得食到當然要叫嚟試下，味道都唔錯。芋泥燉奶，芋頭味嘅甜品對我嚟講都有好大吸引力，味道鮮濃香甜，好好味。

澳門既舅父一家人之前黎左香港探外婆, 今日就同埋媽咪一齊送佢地去港澳碼頭坐船返澳門點知船飛賣爆哂, 要等到兩個鐘後既班次先有飛賣咁我地就去搵左間酒樓食住飯等啦舅父一家人就唔多鐘意食點心, 所以就叫左小菜食我地叫左炸子雞啦、鐵板安格斯牛柳粒、松子桂花魚、燉湯同埋兩碟蔬菜呢度環境幾舒服, 仲望住個海, 裝修都幾高雅員工服務態度都唔錯, 碗筷都乾乾淨淨食物方面質素都幾好, 水準以上炸子雞真正做到皮脆肉嫩安格斯牛柳粒肉質軟淋有肉味松子桂花魚完全突顯出師父既功架, 惹味非常又不失應有既甘香脆口其餘幾項菜式都唔錯, 值得一試

望月軒位於信德中心，有一日坐巴士去到總站，見到餐廳在落地玻璃窗的招牌，認識了它。今晚放工無煮飯，來食過晚飯。餐廳布置高貴典雅，坐在裡面好舒適，部分座位及廳房更望到海景。店員幾有禮貌，服務不錯👍餐廳起菜亦算快，香片水滾茶靚。嚟到梗係要食佢哋嘅招牌川菜，我今日揀咗乾煸四季豆配白飯，四季豆炒得香口乾身，但吾油，有麻辣味道，好送飯。食飽飽最尾仲送免費嘅紅棗雪耳糖水, 甜度剛剛好，雪耳煲到有膠質，好滋補💞。

環境開揚闊落，仲有落地玻璃窗，個View好正。睇menu，餐廳主打粵菜和川菜，粵菜就常見啦，但喱度川菜的款式都好多，例如水煮魚和毛血旺等。可惜我食唔到辣，試唔到，都係叫返啱我地口味嘅嘢。點咗幾樣嘢，味道都幾出色。鮮菌蜜汁黑豚肉：黑豚肉食落滑嫩，無豬肉騷味，配上鮮菌四季豆食，香甜可口。桂花帶子韭菜苗煎蛋角：帶子韭菜蛋餅喱個組合第一次見，韭菜清香搭配帶子嘅鮮甜味道唔錯，底仲鋪咗一層瑤柱乾，配埋食口感更豐富。鮮粟米番茄炒飯：番茄本身會出水有可能整到飯濕軟，但呢個食落粒粒分明仲乾身，唔錯。板燒牛柳粒：最愛喱個餸，牛柳粒好軟淋，又Juicy。整體而言，食物質素確係唔錯。會再嚟。

Lunch去咗上環飲茶，係阿媽話去呢間酒樓嘅，佢話之前同佢D朋友去過，覺得味道都幾好，價錢又ok，所以諗住再同我哋去食點心。酒樓喺商場入面，都唔算太難搵，只係去上環有D遠。入面唔算好大，不過有海景，相信都係其中一個亮點。好彩唔多人，都有空枱可以即刻入座。流沙包係豬嘅造型，內裡嘅餡做得幾好，真係好流，唔小心食真係會滴咗落身。鳳爪我無食，不過阿媽話煮得好腍亦到好入味。蝦餃大大隻，外皮晶瑩，入面嘅蝦肉都爽口，配少少辣椒油最好食。咸水角煙韌；炸蝦多士好香脆，炸物都唔錯。如果有機會都想去食晚餐，試下川菜味道如何。

剛好在碼頭附近放工，就約了老媽子去商場唯一的中菜館吃晚餐～餐廳景色不錯，可以飽覽維港海景；入門處放有酒精，全部員工亦有戴口罩，防疫尚算不錯。——————————🔹四川回鍋肉 $138回鍋肉一向是我的最愛，但這裏的同平時的不一樣，少了椰菜，但多了大蔥，所以相對較香～可惜調味較鹹，較重口味🔸手拍青瓜 $58/份原本以為手拍青瓜是酸酸辣辣，沒想到上菜的是不辣的蒜蓉version...味道清爽，配上回鍋肉一齊食就剛剛好！

之前一路黎信德碼頭都冇留意到3樓開咗個澳門廣場。入邊有好多間細細間嘅餐廳，包括呢間比較大間嘅酒樓，景色非常優美，睇到無敵大海景。我今日嚟到中午唔算人太多，唔需要等位就可以入座啊。呢度嘅點心選擇，最吸引我係有呢個流沙豬仔包（$38）。有一個豬嘅樣係上面，入邊嘅流心亦都唔野少，一咬又有爆漿效果。另外叫咗一個瑤柱賽螃餃（$38）。比我想像中足料，入邊嘅蝦份量同埋出邊好多蝦餃差唔多，仲有啲冬菇同埋蟹籽，當然仲有賽螃蟹嘅蛋白啦。最後就係響鈴牛肉球（$38），大大件，夠晒飽肚。肉質鬆軟。呢度午市茶位$16一位，我叫普洱亦都好香，好有茶味。每張枱上面都有紙巾，夠晒衛生。呢度嘅裝修亦都係較高檔，服務員亦都好有禮貌。

今日同朋友去了澳門一日遊回程在信德中心 打算一起吃完個晚飯走着走着就行到了這間餐廳內裏裝修不錯 坐得很舒服 枱與枱之間不擠塞這兒是吃川菜和中菜為主由於朋友身體不太舒服不能太吃辣的東西就叫了賽螃蟹 $88 和脆米海皇泡飯吃 $158菜式很快就上到 賽螃蟹比想像中大份附上醋混合一起吃 還有一些蟹肉 增添口感和鮮味海皇泡飯 湯底清清的有紫菜 蒽粒 帶子等等調味 附上脆米令到口感更加豐富一大窩可以分成八碗左右 吃完後侍應還附上桂花糕作甜品 桂花糕不甜大香氣 非常滿足的晚飯這兒價錢雖然不算很便宜但是侍應態度非常好食物份量大份作為家庭聚會也相當不錯