有間嘢飲 (已結業)

去石門食午餐👉🏻有間嘢飲小店，每次去老闆娘都好細心好有禮貌，我覺得係一間好有人情味嘅小食店👍🏻👍🏻👍🏻雖然地方好細，但係佢嘅食材新鮮，每次去必叫💛牛油果蛋多士💛正常味道，但畢竟多士即刻整，所以都係熱辣辣的，🧡鮮雜果盤🧡唔使諗，佢俾咩生果就食咩👉🏻不過老闆娘會問你有咩生果唔食的👉🏻好細心👈🏻💜沙律盤💜都係一樣，每樣有少少，有沙律菜，新鮮生果，雞蛋，好滿足👍🏻👍🏻👍🏻食完必定外賣杯嘢飲😬😬😬呢一間係我好好嘅選擇😍😍😍…查看更多

估唔到果汁小店都咁！全個商場好幾間小食店，但係呢間d嘢食特別d，製作明顯又用心d！實在好難得！黐線芝士麻辣烤雞治（$28）個包烘到好脆，醬汁好好食！個多士好食過出面好多星級茶餐廳！肉鬆蔥油餅又係估唔到咁好食！柯華田多士…..鍾意西多嘅人一定會鍾意，好好食！果汁又好多選擇，水果新鮮。呢排多咗去京瑞廣場做嘢，呢個場出名多小食店，但係大部份都係交吓行貨咁，但睇得出此小店老闆好有心機整好嘢比人食，下次一定要試埋其他嘢食！👏🏻👏🏻👏🏻👏🏻值得支持呀！…查看更多

我就係鍾意飲一啲鮮榨果汁,感覺好Fresh同埋健康啲😍😍💛菠蘿橙汁菠蘿同橙都好甜，好fresh ,好好飲，好鐘意🍍🍊珍珠奶茶成日都飲，平時飲下果汁都唔錯呀可以清下腸胃！…查看更多

位於石門安群街一號京瑞廣場二期一樓116號舖的有間嘢飲 La Drinks，主打新鮮果汁。餐廳門口擺滿了各類蔬果，也有各式各樣的推介飲品。當天的天氣也頗有涼意，所以也有熱飲 - 雪蓮雪梨茶提供。朋友點了一杯，味道清甜，相當暖胃。店面也有很多款不同的飲品，而且也為石門工業區的打工一族提供飲品外賣。當天有和店長聊天，店長及職員的態度也頗為友善。點了一杯店長推介的 紅菜頭蘋果檸檬汁，紅菜頭的味道相當濃郁，味道微甜，配上酸酸的檸檬汁。三款蔬果：紅菜頭、蘋果、檸檬汁的味道也相當夾。…查看更多

早幾日除左陪經理係石門食lunch 後見客， 見客後經理好滿意我的表現話要同我食Tea, 我即諗起石門京瑞廣場2期的有間嘢飲到飲野和有間嘢食到食野。楊桃火龍果雪梨汁$28加$4配水珍珠藍莓奇異果鮮橙汁$28加$4配蘆薈親眼睇住佢用新鮮水果去打每杯果汁唔會係咁加冰，咁就真係安心享用。楊桃火龍果雪梨汁好清甜再加水珍珠入口就爆開好夾。藍莓奇異果鮮橙汁配蘆薈入口本來會澀d ，因有奇異果的清澀味 ，但有藍莓和鮮橙汁溝在一起就變得好順喉，一粒粒的蘆薈又有咬口，很好味。…查看更多

今日去石門見到有間野飲，知道佢哋有好多混合果汁出名，就揀咗一杯牛油果鮮橙菠蘿汁，同埋藍莓鮮橙火龍果汁， 兩杯飲品賣相都好靚，又係打卡之選，影咗唔少靚相，而且兩杯飲品都好fresh好新鮮，好解渴。下次黎我一定會再叫其他唔同種類嘅系列飲品。 佢哋有鮮果益力多系列，鮮果奶類系列，鮮果冰沙系列，排毒瘦身果汁系列等等…… 包羅萬有，真係要嚟多幾次，試多幾轉，都未必試得曬咁多種吾同味道。 值得一提，隔離間有間嘢食同有間嘢飲都係同一個老闆，大家不妨嚟飲嘢嘅時候去試埋隔離嗰D小食啦！…查看更多

「有間嘢飲」的確揾到好嘢飲！同友人買左推介既士多啤梨藍莓橙汁($32)同是日特飲哈密瓜菠蘿蘋果汁三拼($18)。士多啤梨配橙汁都係第一次試，配搭又幾夾，酸酸地幾有層次，橙味凸出，好開胃而且飲落有啖啖士多啤梨味道同果肉。是日特飲寫左喺黑板上面，見份量同樣大杯，都係賣緊$18就梗係買泥試吓，哈密瓜菠蘿同蘋果味三款都顯著，甜度岩岩好，靠生果本身甜味，天然無加糖或水。雪櫃有七彩繽紛既蔬果排列好整齊，望住啲生果覺得零舍健康又fresh，冬日仲有熱飲雪蓮雪梨茶，睇落幾滋潤但今次冇試到，期待下次黎到有咩新配搭推岀再飲過～…查看更多

好耐無黎石門，今日自己一個經過黎搵啲小食食吓黎到二期二樓，見到呢間「有間嘢飲」，之前幫襯過，即時用生果炮製，印象幾好門口擺滿哂一堆堆生果隔離開咗間「有間嘢食」見呢度有凳坐，決定買啲小食同嘢飲，坐低慢慢食餐牌啲嘢飲唔平隔離「有間嘢食」性價比會高少少但我估係同一個老細，買完過隔離再買嘢食可以坐坐低慢慢食嘢飲就叫咗呢杯鮮橙芒果爽顏色就唔太吸引，想話打卡就感覺差啲但飲落幾好飲，芒果味幾重，仲有啲芒果肉添！整體唔會太甜，橙味唔太夠走嗰陣先畀我見到原來有特飲有機會再試！…查看更多

已經唔係第一次嚟「有間嘢飲」！雖然附近都有其他飲品店（珍珠奶茶嗰啲）但真係好鍾意佢地嘅鮮榨果汁，問過老闆佢話無加糖同水（佢講就信不過見住佢整我嗰本嘅過程又真係無加嘅）。我叫呢杯藍苺香蕉蘋果雪梨汁應該有10次以上個人幾鍾意飲～呢幾排見佢有新嘢就試吓係杯嘢飲度加晶球，雖然我唔知係咩係晶球但咬落又幾正，彈彈地牙有啲似比較硬身嘅啫喱:)甜甜哋咁都幾過癮哈哈之前試過幾次佢其他嘅嘢飲都ok，有啲有益力多乜乜乜，不過個人就鍾意鮮榨果汁多啲，健康啲又自然啲同埋見佢好似有得買切好嘅生果添～…查看更多

我喺附近番工，差唔多一星期黎飲幾次，代替食生果（因為費事切）。宜家閒閒地一杯珍珠奶茶都二十幾，呢間新鮮果汁每日嘅特飲都係賣$17 ，仲有三種生果喺入面。之前問個男職員，佢話冇另外加加糖，飲完覺得健康左 😂…查看更多

食完正餐繼續邊行邊食，見到間買鮮榨果汁既小店，又見到我好喜愛既菠蘿，同男朋友一人一杯解下喝我哩杯係菠蘿雪梨汁，有菠蘿既酸甜，又有雪梨既滿潤，十分解喝哩杯係菠蘿芒果，芒果味比較重，容易搶去菠蘿既酸甜，不過味道都好夾👍🏻…查看更多

好耐無黎呢間食早餐喇今日番工前想食餐好所以就黎左😂..menu同以前一樣無變過今次點左兩個餐特濃班尼迪蛋、脆香煙肉、粟米粒、茄汁焗豆經典英式炸魚、嫩滑炒蛋、茄汁焗豆再另外加左一份法式西多🤤🤤..個班尼迪蛋本身係配muffin但因為無貨變左係配多士有少少唔開心但個主角真係好食上面啲醬加埋隻水煮蛋一齊食真係不得了🤤🤤🤤..而個炸魚都好大塊炸得好脆魚肉又唔會好似啲連鎖快餐店咁散晒配埋個加左少少醋既沙律醬一齊食正呀！🤤..我地仲加多左個法式多士呢個有啲失望之前係好好食㗎多士加蛋一齊煎煎到脆邊加糖粉蜜糖一齊食好正但今次份多士加完蛋煎一啲都唔脆睇相都feel到淋晒一餅野咁唔得！水準大跌失望😐…查看更多

鮮榨果汁好正飲落去好fresh有時太忙冇時間食生果飲呢間果汁可以補番d纖維真心解渴而且老闆好Nice希望呢間嘢有多d人認識啦蘋果甘筍真心正我一個禮拜差唔多飲3-4日絕對唔係打手啊！！希望呢間嘢多d人會去啦…查看更多