有料案內所 (井財街)

營業中

休息中

屯門虹橋呢邊真係好多好西好似試極都試唔哂之前想去食同區另一間班戟但因為疫情要預約先食到就搵到呢間同樣食梳乎厘班戟嘅甜品店！店內嘅裝修非常日式好似置身歌舞伎町街頭咁仲有個大大嘅固力果人燈牌掛左牆真係有啲料到喎餐廳主打梳乎厘班戟亦有窩夫 刨冰同其他鹹食珍珠奶茶梳乎厘班戟面頭唧左奶茶味cream 奶茶味比想像中濃厚班戟質感鬆軟有蛋香空氣感較重 食完好似冇食過咁一啲都唔覺得膩仲可以加埋Hershey’s 朱古力夾心不過流心效果一般亦都得好少有啲失望 試過一次就好

呢間甜品店已經唔係第一次嚟食，事關佢真係太高質，所以無論幾遠都要男朋友嚟試吓！而佢都點頭認同好高質！呢到既甜品都等得有啲耐，因為即叫即整佢嘅梳乎厘pancake好好食。超級鬆軟，而家蛋香味十足。上面既cream亦都好夾。配既雪糕都幾creamy同濃味。重點係好大碟，好抵食仲好飽tim😂呢個珍珠奶茶窩夫同樣高質素。窩夫外脆內軟而且有蛋香。面頭嘅台式奶茶味cream好濃味, texture都好好。加上啲珍珠好煙韌。旁邊嘅芋圓都好煙韌。呢個沙冰係超。大。個。我諗2個人先食得哂😂 奶味好香，好正。

去食個士多啤梨刨冰，見到價錢39蚊，以價錢黎估計應該都系半個人份量，睇到實物勁大座..從刨冰上既cream，入面個雪糕，同份量，絕對睇得出呢間野超級有誠意！仲要好好味！應該系香港最好食既刨冰！！！其間侍應姐姐見到我凍到震😄仲畀左杯熱水我，真系好體貼，會極力推薦畀朋友！

周六晚8點，時間尚早，餐廳即刻有位。但到我用完餐時，外頭就有6，7個人排隊。不想等位就早點到吧。之前兩次我都是叫外賣，今次第一次堂食，兩人點了朱古力麻糬窩夫和綠茶奶凍。但份量遠比想像中大，兩人食了個奶凍已經飽左7成，然後pancake成個pizza咁又大又厚，初時好擔心食不完。不過因著那外賣無的甜美賣相，以及邪惡誘人的美味，我們還是消滅了整個pancake😂大家切忌一個人點pancake，一定要多帶個朋友分享啊。

當全世界還未脫難疫情禁飛的戒備，我竟於剛過去香港五一黃金周首天的假期，去了歌舞伎町！店內「歌舞伎町井財街」閃閃發光的招牌，大阪固力果跑跑人的燈箱，還有「有料案內所」的店名，不就是發放著滿滿的日本感覺！至於味道，「有料案內所」主打日系的疏乎厘班㦸、窩夫和刨冰等甜品，更使用日本雞蛋、日本麵粉和北海道 3.6 牛奶來炮製，踏進「日本案內所」，大可平伏大家思日的愁緒！炙燒焦糖布甸梳乎厘班㦸 HK$85 是我千挑萬選的寵兒！除兩件班㦸，還伴有雲呢拿雪糕、藍莓和士多啤梨！由於即叫即製，上檯時當然擁有「震騰騰」和「脹卜卜」的可愛樣子，相機要快手行動！梳乎厘班㦸色澤淡黃，面層鋪有脆薄的焦糖，四周口感是令人滿足的空氣感，中心帶有少許滑滑溜的口感，而日本蛋突出的蛋香的確是相當迷人！「有料案內所」果然是有料，香港黃金周後當然要繼續懲罰啦！

絕對係食過返尋味嘅一間甜品舖❤️❤️❤️基本上已經試過間鋪大部份嘅甜品 而個人最鍾意係焦糖系列😂感覺上焦糖配上啲咩都特別好味唔會好膩但又好香 係飯後甜品嘅必備之選！而且佢嘅小食可以媲美日本料理餐廳 個人比較推薦章魚小丸子☺️基本上去親都會嗌嘅小食黎！超足料而且啲醬唔會少 唔會食到最後冇晒啲醬同配料而甜品黎講 焦糖布甸梳乎班戟超級推薦！！最常嗌既甜品之一☺️另外間鋪點菜由手機點 對於好少出街食嘅我黎講 好新鮮 好新穎😂最重要係咩！！黃店呀係💛

喺網上見到有人嚟食就黎試吓，呢間鋪頭面積細細，買嘅除咗甜品之外仲有小食同熱食！不過啊今日係主要黎食甜品，就叫左兩款甜品試！呢度座位唔算係好闊落，坐得有少少唔舒服，不過食甜品嘅話唔會食好耐都冇咩所謂！而店員服務態度就一般，有待改善。疏乎厘pancake即叫即整,上枱嘅時候仲係熱辣辣好軟熟！有入口即溶嘅感覺，唔會太甜，亦都唔會太膩！份量啱啱好，焦糖面亦都好脆。 至於個炮冰就覺得一般般，冇話好特別，食到中間好快無味，可以係呢再加多啲功夫。但就好大嚿成座山咁，都叫做幾抵食。

#炙燒焦糖布丁麻薯窩夫 #麻薯窩夫 #窩夫喱個窩夫真係好好味！一上枱既香味超濃郁😍😋🦆小編不得不獨立幫佢出一個post!!因為就連平時少食甜品同唔太好窩夫既朋友都覺得超好味！🥰先講麻薯窩夫既部份，雖然佢麻薯既份量並唔係特別多，而且存在得都唔係特別明顯🙈即係你切開個窩夫睇佢既橫切面個陣你未必會發現到佢🙊但佢嗰種煙煙韌韌既口感真係非常之好味🤩配合埋佢面頭既焦糖+特別既醬+清新既雲尼拿雪糕，一啖食曬咁多樣野真係超幸福😳♥️不過對於🦆小編黎講，佢整體有少少過甜，一個人絕對食唔曬，食三份一真心足夠喇，幸福感已填滿！💫而且伴碟既部分，可能因為d🍓唔係當造，所以就帶酸，扣左少少分🙁但佢依然都係植得一試嫁👍🏻👍🏻.#Oreo朱古力流心梳乎厘斑戟🍫 #梳乎厘斑戟喱個梳乎厘斑戟超級軟滑啊🙈一上枱個下已經超級傾斜，🦆小編個朋友仔拍完boomerang之後就掉落黎咁制，要托一托先可以影到喱張圖比大家睇嫁😂佢呈現到咁既效果就知佢食落口係軟林林唔係實的的個種口感！雖然未去到入口即溶好似食空氣咁😆但係🦆小編好鐘食喱種唔洗點咬就會開始溶起口，好易吞既感覺！😝而且佢既蛋香味都好濃！🥚入面既朱古力流心再配合埋d Oreo碎

第二次黎朝聖，都係食返好評嘅窩夫🧇。今次叫咗特別嘅珍珠奶茶窩夫，材料好豐富，唔只窩夫咁簡單，一次過滿足多個願望。首先有奶茶雪糕，味道似台式奶茶，比較甜。同上次嗰個灸燒焦糖布丁窩夫唔同，窩夫今次切開咗4件，排得靚靚仔仔。窩夫上有重茶味嘅cream，cream好細滑。由於cream唔會過份甜，食落唔會太膩，好味到每一細件窩夫都要點晒啲cream。半碟仲有紅豆蓉、珍珠同埋三色芋圓。本身對護院冇大期望因為唔係主角，但佢嘅芋圓絕對唔馬虎，分別好重地瓜、芋頭味，唔會只係好似食到一舊冇味嘅粉。紅豆蓉本身甜，所以覺得配埋窩夫食嘅話就太甜，有可有可無嘅感覺。而珍珠口感就正常發揮。一齊行山嘅同學就叫咗店舖抹茶紅豆刨冰🍧，分量大得驚人。佢有啲後悔落得唔夠多煉奶，但整體好評。

虹橋出名多嘢食，今次就帶非大西北嘅朋友嚟食甜品。我都係第一次光顧有料案內所，好彩絕對冇伏到朋友。有料案內所鋪面比較細，裝修最大嘅特色係掛係牆大大個大板嘅招牌，有少少日本感覺，岩曬我位以日本為第二個家鄉嘅朋友。雖然樓面得1個店員，但採用QR code落單，點餐幾方便、快捷。我就叫咗灸燒焦糖布甸麻薯窩夫，係窩夫嘅上面鋪滿一層脆脆嘅灸燒焦糖，太幸福。一切開，吉士布甸醬係窩夫一個窿一個窿度擁晒出嚟，將一細件窩夫點埋半溶嘅雲呢拿雪糕，係幸福嘅味道。放心，吉士布甸醬唔會過甜。話到明麻薯窩夫，對於咁麻薯喺邊，我都研究左一陣。原本以為麻薯係一粒粒嘅，但係佢應該係整窩夫嗰陣時加埋麻薯，所以令到成個窩夫都有煙煙韌韌嘅口感。呢一點加埋本身個窩夫好大件就令我即使冇食晚餐，都飽到食唔晒。朋友就點左招牌嘅焦糖疏乎厘同四季春。佢覺得四季春一般，因為唔甜。睇嚟佢同我都係鍾意食甜野多。

呢輪終於黎到呢間晚7先開既甜品鋪 😌〰️依加唔似之前咁個個都話要等位 星期六晚都只係滿一半多啲 唔多洗等位 大家有罩有精神可以比啲爭扎去幫襯下💪🏻🙎🏻‍♂️叫左個士多啤梨藍莓芝士奶蓋刨冰 冰粒好夠士多啤梨味 味道食落唔化學 冰比較粗粒有咬口 起度溫馨提示下 無牙力或唔太鐘意咬硬或者有敏感牙齒既人士 注意啦 呢款可能未必唔岩你地 可以揀佢地其他款既甜品😌當然你地想食 都可以俾啲爭扎 品嘗佢既美妙 🤤佢上面有一層濃厚既奶蓋 鹹香惹味 撈過新鮮士多啤梨同藍莓食夠曬香甜 😛睇圖唔知你地感唔感覺到 但佢既份量真係勁重量級 佢大過我個頭勁多 🤯今次第一次黎 我地兩個想食佢既刨冰 同Pancake 🤤諗住食完冰先叫Pancake唔洗溶曬啦🤣點知原來係會食唔曬 唯有留返下次再試 😛🤨佢個刨冰勁大份都只係30幾蚊 真係超乎我地既想像 下次晚餐食無咁飽 希望食到佢個Pancake 最好就夠胃食埋佢既窩夫😆搵日再戰黎過🥰〰️

每日營業時間為 7pm to 2am (1:30am 截單) 想食呢間好耐，但係佢個營業時間真係 有點難搞 咁岩今日幸運地 趕得切可以佢一現嘅時候 淺嘗一下士多啤梨藍莓芝士奶蓋刨冰 價錢: $36 $36 cp值 爆高刨冰 佢個芝士奶蓋 每一啖都食到我心花怒放 好邪惡 King Size 幾個人share 較好 意式Tiramisu 梳乎厘班戟 價錢: $86呢個同刨冰比 稍為有點遜色 另外 個班㦸 食落蛋味好重 空氣感不足 感覺似食雪芳蛋糕 Tiramisu味不重 小失望講多次店舖營業時間係 下午七點到凌晨兩點 切勿摸門釘 過左虹橋 橋低就係 好易揾

虹橋甜品都好特色食完飯都要特登過嚟食甜品佢其實有大阪嘅感覺好掛住大阪呀再加上美麗嘅甜品叫咗個芒果小丸子奶凍同埋芒果芝士奶蓋刨冰完全冇諗過佢個芒果小丸子奶凍係咁樣嘅味道唔錯而且個賣相我鍾意刨冰方面，就係一個普通嘅刨冰上面有芒果同奶蓋

今晚突然想食下甜品, 想食動L梳乎厘. 不過就真係唔係話周街有. 咁岩屯門紅橋有一間.雖然個舖位好細, D枱都迫, 但個樓底成2層半樓咁高, 所以坐落一D壓迫感都無, 反而重幾舒服. 重有佢地都幾方便, 係舖外面就可以Do 個QR code 睇餐牌. 入到去都係用QR code 自己落單.2個人叫左一個灸燒焦糖布甸梳乎厘, 加配一杯藍蝶花荔枝梳打水.灸燒焦糖布甸梳乎厘個蛋香味好出色, 配埋個焦糖面脆仆仆, 梳乎厘軟林林, 口感充滿層次. 雪糕方面就無咩特別, 但好在佢係比較軟身. 事關好多甜品舖D雪糕球都比較硬, 唔方便食. 藍蝶花荔枝梳打水 就係一杯顏色美麗既荔枝汽水, 荔枝味OK, 杯野唔會太甜. 雖然唔係咩突出精品, 但就係一個請職綠葉, 用黎配一個主甜品係一流選擇.

見係黃店又捐錢比星火先諗住支持下試下 本身都幾鐘意食soufflé waffle 不過只此一次 下不為例平日夜晚係附近食完晚餐9點幾唔洗等位坐底幾分鐘見店員未比menu 於是打算招手與此同時 唯一店員行埋黎無出聲默默放底張單 我同男朋友即刻有啲驚訝 諗住同店員講我地未嗌野食 望多兩望張單 原來有個QR code 即刻恍然大悟係用電話落單男朋友落單但唔成功 因畫面出現error 於是我嘗試落單 成功落左1個焦糖soufflé 由9:19 分落左單 等左20分鐘未有野食 覺得唔對路 怕張單無落到 於是同店員查詢 佢話幫我地睇睇但無覆翻我地 到等左35分鐘 仲未有野食 再次查詢店員係咪漏左單 店員回覆soufflé 係一批批咁整 所以要等咁耐 一路等有種無了期等待既感覺 因為餐廳細細間 十幾個座位 廚房有3個人 樓面啲客係我地入黎既時候好多都已經食緊 照道理排係我地前面既單得好少 無可能要等咁耐 於是我地諗住等到十點就走到十點零幾分 諗住最後一次查詢店員 真係無野食就走 呢個時候野食終於到！店員再次默不作聲放底野 比人感覺餐廳明文規定要等咁耐所以老奉要等呢個食評終於可以講下野食soufflé