月龍軒私房菜 (已結業)

今日早餐又唔知食乜嘢，個頭狠狠地，又唔想食嘢嘅嘢，又唔想食鬼嘅嘢，於是就去OpenRice睇下有啲咩特色嘅早餐！果然呢一間私房菜係有唔錯嘅選擇！過嚟我就叫老闆娘發板叫啲最平嘅早餐比我食，不夠3分鐘佢就送咗幾粒燒賣同埋兩舊蘿蔔糕。先講幾粒燒賣啦，佢魚肉香濃又彈啊！而且絕無太多豬肉；另外就蘿蔔糕真係有家嘅味道！佢令我回想起媽媽當年每次新年嘅時候都會整一底有一底蘿蔔糕俾大家！裏面唔單止有臘肉，亦都有乾瑤柱同埋一絲絲嘅蘿蔔！呢個好明顯就同一般嘅酒樓好唔同，明顯係有心機去做野！…查看更多

今日朋友帶路去景峰附近嘅月龍軒食晚飯，佢哋話食過一次餸菜味道不錯。加上，今日去到門口已經有位唔洗排隊，梗係立即入去食！雖然坐得唔算舒服，冷氣直接吹著，但D餸菜起得好快，落單五分鐘都唔洗就起到菜，快到嚇親！我哋四個人叫四個餸，必食咕嚕肉、馬拉盞炒通菜、黃金蝦、原隻吊桶魷魚！咕嚕肉外脆內軟，甜酸味適中，馬拉盞炒通菜十分野味送飯一流、黃金蝦外殼香脆更有濃濃咸蛋黃嘅咸香味，我連外殼都食埋！最驚喜係個魷魚，平時出街食大部分都有D硬，今次食係柔軟同嫰嘅口感，加上本身個汁已經好好味，佢仲有另一個食法就係點Wasabi加醬油，竟然十分鮮味，一碟餸兩種食法，正呀！平均每人$97，免收加一！…查看更多

月龍軒 以前成日食中午飯的老地方，但自從轉左老細之後 已經好少再去！:(每次上各論壇睇呢間野既食評，都係負評多，自己都試過幾次食晚市，味道一般，價錢算中等但小弟自從呢次之後，發誓以後唔會再幫襯！粟米魚肚羹一簡單的湯，亦都係今餐最好味的餸,粟米 同 魚肚好明顯比以往少3分1！黑椒牛仔骨一 黑椒汁水準幾好，牛仔骨質素實在太差了，成碟約十舊牛仔肉，食完出黎居然得4舊骨！其他全部都係肥膏黎……都唔知有冇搞錯……豉汁蒸魚一 真係最簡單既餸，主角係呢碟餸既靈魂之一，黃立倉係冰鮮魚，照道理冇理由會難食掛，呢間舖真係勁！豉汁係一百分，但條女蒸過火位都算，最慘係霉架！食左兩啖魚肉已經想吐出黎！成餐要300蚊……我都唔知食過d咩比較肥既女人見到我地賣單後食剩成條魚話我地浪費食物 我都唔係第一次同佢地投訴d魚係霉，投訴完都係比呢d魚我食，錢就照收，慳返d口水好過…查看更多

之前有個朋友請食生日飯，咁就去咗屯門月龍軒嗰度食飯， 朋友話嗰啲海鮮好靚同埋價錢好平 ，小菜都o,k嘅一開始梗係食海鮮先啦 我哋買咗龍蝦蜆同埋蟹去加工 的確係整得唔錯嘅 但係最嬲尾嗰碟炒飯就好麻麻呀！嗰啲飯就一舊舊嘅好難食呀！…查看更多

食海鮮自己買的話一定畀酒樓平得多 呢間地方雖然不太就腳 但勝在新開不到一年 地方很乾淨 最緊要價錢非常街坊 55蚊一斤加工 自己去街市買啲海鮮過嚟 畀起酒樓平一大截 海鮮最緊要係煮功 呢度最出色嘅就係椒鹽瀨尿蝦 薑蔥炒蟹 真係比起好多海鮮酒家都仲要好食而且呢度仲有好多小菜可以再叫…查看更多

我最鍾意食海鮮 平時如果出西貢啲海鮮酒家食 起碼都六七百蚊一位 今次平平哋係街市自己買海鮮 每人 200蚊有找第一個餸係芝士龍蝦伊麵 呢個係最好食 啲龍蝦唔係好大隻 開邊 一啖就食曬啦 個龍蝦炸得好香 伊麵同芝士都係啱好平時啲鮑魚多數係用果皮蒸 但係依個係啫啫鮑魚好味嘅 依個食法都係個唔錯嘅選擇呢個係避風塘斑馬瀨尿蝦 啲瀨尿蝦唔算好大隻 如果大隻啲一定好食好多 不過貴好多啲味道都煮得唔錯貴妃雞喺酒樓叫的 不過不失啦綜合嚟講如果喺度食海鮮加工係ok嘅 而酒樓嘅出品 就一般啦下次我都會再嚟食 不過就淨係買海鮮過嚟加工囉…查看更多

呢間月龍軒屈客人，態度惡劣，真係不知所謂，真係一肚氣，明明星期五晚訂位訂星期日，留哂電話留哂名，係電話入面多次提醒係個個日子同時間，結果屋企人去到先話無位。本人親自打電話了解，竟然屈我地話早1,2日打黎取消左，連確實取消日子都俾唔到係到吹水！我book大枱10幾人，你間店仔得2張大枱，阿豬阿狗打黎話取消都唔對下資料就取消我張枱？新年流流咁大班人可以係附近walk in去第間酒樓食？個店員之後好串咁話，而家好忙，係咁啦，就cut我線，不知所謂！唔做我生意可以打黎搵我，離譜到屈個客話取消就接受唔到。呢間野真係屈得離譜，會black list，而家間野真係差左好多。😡😡😡😡…查看更多

小弟第一次寫食評，但係寫呢篇食評，要最少寫八十個字真係好難。曾經有諗過放棄，但因為唔希望再有街坊中伏，所以最後決定寫四句「三字『驚』：用料差，味道淡，份量少，價錢貴。…查看更多

又係朋友慶生飯，今次好好朋友肯由觀塘入來屯門食飯，咁我就搵左呢間小炒，之前都有食過好幾次，第一次來就係買了大量海鮮來加工只食海鮮冇食小炒；海鮮靚我信相點樣烹調都冇得輸，第二次來過之後就每次只食小炒，因為真係好好味。今晚三個人點咗4個餸，有豬手、蛋角、油麥菜、腩排。《專家三杯豬手》印象中係入味淋身粘口，有入口即溶既感覺，但今晚就唔入味及有點韌《冰梅香腩排》濃味得來又太多肥肉《足料蛋角煲》蛋角好足料，白蘿蔔絲入味又夠甜，每次食都好有媽媽既味道《豆豉鯪魚油麥菜》炒得唔夠鍋氣，好淡，連豆豉鯪魚都冇味總括今次水準的確下降咗，希望師傅留意返。…查看更多

今日同朋友慶生，其中有位朋友提議去食呢間客家私房菜，仲話要預早訂位，月龍軒分2段時間，我地訂左8點果場，都仲好鬼多人架，私房菜好多人都聯想係樓上鋪，但呢間私房菜就係地鋪，都好易搵:)店內都係一般裝修，但就有街坊既味道，親切感，我地成10個人，人多點菜就最正，可以點多幾個餸我地點左專家三杯豬手，專家三杯鴨，客家黃酒煮雞，蝦乾肉碎芥蘭煲，椒絲腐乳炒通菜，椒鹽風沙豬扒，䜴汁蒸魚頭，足料蛋角煲，豉汁蒸黃鱔。一大班圍威喂吹下水，唔洗等好耐就有得食啦，呢度既三杯煮法外面唔係成日食到，一放底就已經嘩嘩聲，因為賣相吸引之餘，都幾大碟，呢d就係良心餐廳三杯酒豬手必點菜式，炆得好入味之餘，唔太咸，超水準之作再黎係三杯鴨，都係必叫菜色，味道恰到好處，也是必叫黃酒煮雞唔係度度有得叫，呢度整得相當好，重酒味之餘，雞件嫩滑，食到停唔不到口呢度炒餸都好夠獲氣，係食小菜主要想食到野既，佢個風沙椒鹽豬扒整得乾身，食落勁juicy, 唔覺得太熱氣。呢個蛋角煲超足料，煮得好好，湯底好好飲，唔太味精，超得個個食到家鄉小炒王，送啤酒一流，呢個小炒王裡面既魷魚好好食架呢2碟魚相比下就有許失色，蒸得好滑，但咸左d，有待改善呢度既菜色都係用心之作，本黎想點梅菜扣肉，原來要預訂先有，下次要再黎試佢其他菜色…查看更多

估唔到得咁少食評。今晚第一次去食，細細間，唔多檯，但好多人訂檯食飯，可能係星期六啦。我地叫咗三杯大腸、鴨、冰梅腩排、西蘭花炒斑腩。大腸同鴨都好出色，另外兩款都ok但未到好正嘅地步。最like嘅係食身上檯時超級熱！鴨同大腸都好香！大腸畀晒全條你，由頭到尾，連無肥糕嘅部分都有畀埋我地。斑腩就較淡但有畀蠔油我地，蠔油勁咸。服務都唔錯，有禮貌，又好快手。要讚佢地嘅碗筷好乾淨，平時連鎖餐廳嘅碗筷都唔太乾淨架。…查看更多

$369月龍軒平安夜唔一定食西餐，一家人晚餐都可以好開心，家姐介紹呢間，3大3小無訂位去到，店員比咗張中枱我哋！普通中菜館格局，光猛乾淨！不過就幾迫，落單之後食物好快到！椒鹽鮮魷（$80）炸漿薄，魷魚煙韌，加上避風塘港式嘅味粉，唔點喼汁都好味！西蘭花帶子蝦仁（$98）份量好迷你，西蘭花爽口，蝦仁爽口彈牙，帶子好鮮，好味啫啫雞煲（$68）香口惹味，雞件嫩，不過好油膩！瑤柱肉碎蒸水蛋（$68）水蛋蒸得好滑，加上肉碎同瑤柱嘅味道，好好味！米粉：估唔到咁大碗，可以分到4小碗，湯底清甜，米粉爽口！加上爽口小白菜，好味白飯：啲飯鬆軟，但啲飯色黃色！飯只係ok店員有禮，對小朋友有耐性！食緊已經有人排隊等位平夜夜快樂，惹味好味…查看更多

這一位置經過多次易手，新進駐的是這家月龍軒。聽說是舊店重開，掌廚的是前三聖太興的水爺，聽起來很有來歷似的。  走的是平實小廚路線，新張關係，平日晚上只有兩、三桌食客而已。  餐牌上選擇不多，在選菜上亦有困難，作為街坊食店絕對是個死穴。也許是小本經營關係，並無游水海鮮供應，但接受來料加工。菜式是一般的家常小菜，如小炒、煲仔菜等，海鮮菜式方面只有斑球和魷魚較吸引。 蘭花斑球($102)侍應推介菜式，斑球是冰鮮貨色，但魚皮爽彈，該是龍躉來着，有鑊氣之餘鮮味不俗，但味道偏向清淡。   椒鹽鮮魷($94)較為出色的一道，魷魚是鮮貨，薄身的外層十分酥脆，椒鹽咸香得來又恰到好處，魷魚軟滑不靱身，挺鮮美，口感很不錯的說。 梅菜扣肉($72)店員說是用上鮮貨，其實只是冰鮮豬肉而已，加上燉煮時間不足，沒了扣肉軟稔即化的效果，汁醬也不算出色，食味一般而已。   作為一家私房菜，照理該是有點個人之處，但今天嚐到的只是小廚水準。餐牌選擇不多，說是三聖前廚師坐陣，該是處理海鮮功夫了得，只是常設餐牌海鮮菜式欠奉，也就英雄無用武之地了。再說若要自攜海鮮，井財不會是屯門人的首選，依個人之見，還是安安分分做一家小廚好了。附餐牌給大家參考:…查看更多