月光光

營業中

休息中

水餃麵水餃有蝦的?!?!仲有其他切碎曬的餡料…幾爽口彈牙…個皮仲好薄得黎唔係溶散曬…麵都幾有水準喇...標準的~星洲炒米幾多配料喎…蝦爽口…唔會用太多色料去染成營光黃~米粉炒到一條條都幾香口…仲有旦絲同芝麻都幾好口感…叉燒旦炒飯叉燒粒多D…冇咩旦喇…碎到都食唔出旦味…又唔係做到旦包粒粒飯的效果…?!?!用左老抽? 好深色的~成個飯都好好好油…龍鬚豉油王炒麵呵…幾多大條的龍鬚喎…食食下又發現幾條的~唔UN…又好咬口…麵有少少油…不過可接受…雖然麵幼…不過又幾彈牙架喎…湯跟餐的…給遊客試一下中國的傳統煲湯…幾好!!!唔多人…坐得好舒服呀…同朋友黎傾下計…好地方!野食唔多chOICES…不過這是酒店的24HOURS REST. 都係俾人醫下肚…港式的食物…都會E幾廿款出名的了…

難得沙田有多一間24小時的食肆, 可惜和同區大部份食肆一般"不吃也吧" 叫了:雲吞麴: 勁皂水味 $25牛肉粥: 淡而無味 $30油菜: 少得可憐 $8咖啡: 味淡 $5lemon 利賓納: 凍飲杯超細 $8撇開味道不說, 效率亦奇差,等了20min 才上食物.地方服務是可以的, 但畢竟食物才是最重要的罷?!我住沙田, 不幸地本區無多少好味的食肆, 十分無奈!!!!!!

聚會後開飯的選擇往往離不開河畔一帶地區。若想坐得舒服一些，就會走多兩步路到麗豪酒店內的"月光光"吃碗粉麵....沒來一段時間，發覺午市menu多了不少選擇 ---- 除了雲吞及牛根粉麵一類之外，現在還有一系列的即炒粉麵飯供應，看起來不像從前的那樣單調，這自然是一樁好事來....不知怎的今日忽然很想吃豬手，就叫了份南乳豬手飯。一端上枱來看見那微啡色的色澤就知是不太像樣，吃進口淡淡的毫無南乳濃香，基本上是沒有多大味道的而且肉及皮也是硬得可以。感覺上豬手是完全沒有炆過的，只是先用水烚熟之後再淋一個南乳汁在上而已。最噁心是皮上的毛是還沒有全然拔清....反而太太叫的蠔油义燒粒炒飯就好得多 --- 义燒粒用上半肥瘦的部份，吃落去不會有嚡且死實的感覺；飯是既很上色又炒得乾爽，而且是一粒粒的，絕無太多"黐埋一嚿"的情況出現。事前真的想不到這飯是會炒得如此出色....說老實話，是有跌眼鏡了.....

前日去開沙田, 經過麗豪酒店, 發現地下開咗間通宵餐廳(月光光餐廳), 有朋友話有D肚餓, 不如入去試吓, 入去D環境唔錯, 裝修幾雅緻, 開放式廚房. 我哋叫咗雲吞麫, 月光三寶盒, xo醬煎腸粉, 鹵水拼盤, 仲有D特色飲品. 雲吞麫D麫又爽口又無乜鹼味, 個月光三寶盒有蝦餅, 蝦膠釀青椒同茄子,幾有口感又唔油, 其他食物都好好味, 而且價錢唔貴, 五個人加埋都係百幾蚊, 抵食,經過開不防去試吓

我好鐘意同d sale姐姐黎呢間傾野,貪佢環境清雅,粥粉面甜品都超多.最正係枱面大.灘晒d文件同部腦都仲得. 我地点左: 云吞麵--麵身爽滑,但云吞略淡 鮑魚雞粥--粥底靚,食得出無乜味精 月光宝盒--煎釀三宝,全用虾膠 雞翼牛碾--質量夠,入味 楊枝甘露豆腐花--柚肉份量夠,豆腐很滑 奇異菓汁--即榨係好飲好多佢地係24小時營業,最哀唔係係屋企附近,如果唔係,夜晚肚餓走轉就可以買宵夜啦

今天到河畔探朋友,經過麗豪酒店下有間餐廳叫月光光,行埋D睇睇,原來食粥麵及甜品,反正重有時間便入去食碗麵,餐廳佈置簡潔,有卡位坐得有舒適,叫了一碗雲吞麵及煎釀三寶,麵質很爽亦食唔到鹼水味, 煎釀三寶,感覺用料新鮮,如果豉油分開放會好D. 最後再order 一碗什果豆腐花,什果是新鮮的,比起用罐頭什果好得多,豆腐花很滑但不夠甜.大致上是一間不容錯過之餐廳

早幾日去左月光光食野,先叫左個鮮牛肉粥. 粥底夠綿,牛肉都好新鮮, 一食就知唔係雪櫃牛肉 ^^之後又叫左個芒果西米露, d芒果酸左少少,可能唔係時令生果啦 ,但整體都唔錯.想唔到酒店都會有一間24小時營業既餐廳,價錢唔算好貴,而且仲唔收加一服務費同提供外賣服務tim. ,雖然餐廳裝修簡單,但環境同氣氛都唔錯 .

那天...我正在放假...朋友介紹我去食月光光.....我諗...酒店應該唔方會平......但朋友說不是這樣的......咁我就去左試下...那時太約下午1點幾.......有LUNcH.....35元.....平到哭==有棻跟....還有腸粉........都飽呀...酒店服務..水準算係咁啦.........平.....正唯一不足係人手不夠....

前日聖誕節去開沙田， 見肚餓， 有朋友就話不如去麗豪酒店地下間(月光光餐廳)試下，入面環境好舒服， 裝修好雅緻， 開放式廚房夠衛生， 咁我哋Order咗雲吞麵、紅荳冰、炒蘿蔔糕、芒果汁什果西米露。雲吞麵啲蝦好大隻，啲麵就唔同出面食開o個啲咁多鹼水味，紅荳冰啲紅荳應該攪拌過，好有沙冰口感，不過炒蘿蔔糕就失望啲。食落去成口都係油，又無咩蘿蔔味，其他食物水準都可以，最緊要價錢抵，四個人食都係一百蚊鬆啲，又好食。不過隔鄰間酒吧嘈音比較大，靜靜傾計就要中午時間去，正門口比較難到，欠指示牌，要問吓啲酒店職員，總括嚟講都好滿意，去開沙田o既朋友不妨去試吓。^v^

知道麗豪酒店地下開了不少新食店，於是趁週末就黎試下！黎到已經三點多，有好幾間廳餐也在下午茶時段休息，雖然眼見入面只得一檯食客（之後也有四五檯客），但被舒適的環境吸引及在沒多選擇下便入去試試．我們點了三個下午茶餐：(一) 鮮牛肉湯麵　配豆漿 ($30)牛肉都幾"淋"，但無乜牛肉味；麵底幾爽，幸好沒有簡水味！點了熱豆漿，都幾大杯，略甜，有豆香味，但不夠熱，只是微暖．(二) 鮮桂魚片粥　配豆漿 ($30)桂魚片幾鮮甜，而且都有好多塊，粥既份量幾多，由於用番瓦煲盛著上檯，所以熱辣辣，"正"！(可以加$3配是日甜品，當日係綠豆沙）(三) 鼓油皇炒麵　配月光光甜品&豆漿 ($30)炒麵無乜特別，同一般粥麵舖、街市檔既出品無乜分別，而且份量比較小！當日既甜品係芒果涼粉，都幾好食！如果可以大碗d仲好 之係我地再點了一個甜品：意大利咖啡芝士班戟 ($28)件cake幾香咖啡味，不過食唔到芝士味；附上一小碟咖啡醬點黎食，好好味！班戟只得兩件，仲好細件添，唔太抵食，但由於出面多數都係食生果班戟，所以覺得幾特別，一試無妨呢！整體黎講，食物不俗、環境舒服、地方清潔、待應有禮，值得一試！順帶一提：此乃二十四小時

繼上次於河夢進餐後，今次再偕太座來吃個light lunch....環境相當寬敞好坐，位與位之間相當大。驟眼看上去是西餐廳格局，但實際上卻是以粥麵小吃作主打....最大的優點是二十四小時無休運作，住在附近的街坊可有福了....一個粥麵set lunch只賣接近四十大洋，以酒店級來說都算是十分便宜了。跟太座各點一份，埋單才一百大洋，算是合理la...本來對食物質素是有點期望的，但吃落卻又不太對路 ---- 薑葱灼牛肉飯內的牛肉是梳打製成品，薑及葱也下得不夠，整體水準絕不能稱之為及格；雲吞餡是全蝦的，一點豬肉也沒有下，而且蝦是一點味也沒有的，大失所望；牛腩不夠入味，失望 x 2；湯底淡得很，更遑論有大地魚魚香了，失望 x 3；可幸麵沒有很重的鹼水味，總算是吃得過，不然便要到附近買麵包啃了本來跟餐是一碟油菜，但端來是除菜外再附送一小碟腸粉，很surprise但那腸粉吃落卻是硬得可以，很難吃。太座邊吃邊笑說寧願整碟都只是油菜好了....環境一流，但食物卻全然令人失望，可惜，可惜....

店內常常有員工們聚在一旁開會，由於換了侍應，今晚既服務進步多了！ 魚片粥 - 粥底夠綿但味道淡淡的，薄切魚片新鮮，小心細骨。蔥和薑絲，加埋少許胡椒粉好快食晒 瑤柱滑雞粥 - 用 coupon 換的。滑雞柳去了骨，味道調得唔錯，似綿花雞既雞肉。瑤柱絲令綿綿既粥底鮮味一點。 我地打算試埋其餘兩間新開既餐廳

帝都部份餐飲已為奧運暫停服務至九月中，麗豪這邊就新開了三間食店，其中這一間開廿四小時呢！ XO醬炒籮白糕 - 用 coupon 換的一款小食。籮白糕稔軟，蝦米幾香，XO醬微辣，加埋辣油先夠。 雲吞麵 - 雲吞既蝦彈牙但無蝦味，蝦肉比例四分之三，似乎太多。麵勝在無鹼水味但不太爽身，湯底亦太清。 牛腩麵 - 牛腩唔 un 卻只得鹹味，麵同上。我地都覺得有腩汁既湯底較好。 感覺似酒店內的茶餐廳，可惜服務速度極慢，輪流叫晒全部侍應埋單都無理到，用了差唔多半個鐘先走到。

見麗豪酒店竟然開咗間24小時仲有得食甜品既餐廳, 一定要試試啦!環境都唔錯, 乾淨企理, D位都幾舒服, 點都好過晒附近D大排檔一打開MENU, 有超多選擇, 粥粉麵飯樣樣齊仲有好多甜品!!!最驚喜係真係一D都唔貴!最後同個朋友試左木瓜汁, 芒汁什果涼粉同煎釀三寶個木瓜汁真係新鮮搾同有好多果肉喺入面, 夠晒天然又唔甜, 正正正!芒汁什果涼粉賣相都非常好, 分量都好夠, 味道亦很好煎釀三寶都好好味, 唔似街邊檔淨係食到成口油, 其中以蝦餅特別好食今次食得好滿意, 會去多幾次試多D 其他野

　昨日去開沙田搵舊同事食完飯，點知見到有間野叫做"月光光"，仲要係麗豪酒店開既24小時既糖水&粥麵店，見佢門面幾靚仔，所以膽粗粗就入去試下D甜品啦~點知MENU入面有勁多款甜品，我地3個見有D係餐廳推介既，就Order左!一共我地叫左兩個甜品同一杯果汁，分別係: 月光光班戟同黑芝麻萬壽果奶凍，仲有一杯鮮榨奇異果汁。個班戟賣相幾好，係香蕉味既，食落不太甜。而個奶凍由於我唔食木瓜既關係，所以冇ｔｒｙ到。而最抵既就係個奇異果汁，好鮮甜，有少少酸，但一飲就覺得唔係用糖水溝出既～ａｎｙｗａｙ，ｏｖｅｒａｌｌ都唔錯，平均都係洗左３０蚊，抵食！