曼谷車站

營業中

休息中

經過幾次都無入到去,今次朋友生日就約左係度食生日飯,佢既樓底好高,裝修精緻,裡面大部分都係卡位,裝飾上都別出心裁,牆上面有時鐘,火車車卡內既扶手,如果有機會坐卡位,打卡影相都一流☺️趁今次多人就試曬我地想食既野!!!生蝦刺身:一人兩舊做前菜,沾埋甜酸醬酸酸甜甜好開胃💓肉碎生菜包: 肥瘦均勻,炒得好鬆,個底有肉汁,唔會好乾,包生菜食fresh啲無咁重油膩感🤩炒雜菜(椰菜,西蘭花,菜心,草菇),食落有小小高湯味,菜都幾有口感,索曬汁🥗正宗泰式海南雞飯:海南雞不過不失,大大件都幾抵食既🐔乾炒香葉牛肉河: 食得出鑊氣,竟然仲有粟米筍做配搭,份量唔係太多🤗蝦膏炒飯:呢個炒飯都係好有鑊氣,蝦膏味重,粒粒分明既飯,配埋甜甜地既蛋絲🤤燒牛肉: 塊塊都好嫩口,顏色仲好靚添,淡粉紅色🐮

今晚約左朋友食飯,佢推薦呢間泰國菜,話坐得舒服又多卡位,傾計食飯更加一流,侍應好好客咁帶我地入坐,檯面已經有一壺水可以方便我地自己加👍🏻 我地一行三個人就已經order七樣野食1. 生蝦刺身大大隻好厚肉寄生蝦,下面仲有舊冰座住保持蝦既新鮮同凍 2. 燒豬頸肉燒得好好,尤其係調味唔太鹹反而甜甜地似燒汁,切得厚薄一致 3. 正宗泰式豬手(無骨)已經燜到好捻好捻,仲要係無骨,好方便進食 4. 香燻肉碎煎蛋飯炒飯既份量真係好多,唔會太重味,加埋豬手既汁送飯一流 5. 泰式馬拉盞炒椰菜苗唔會太辣,保留椰菜苗原本味道之餘,仲帶出馬拉盞既鮮味(蝦) 6. 珍多冰7. 菠蘿冰沙 呢間泰國菜坐得舒服,食物質素亦不錯,而且餐廳服務態度良好,推薦比泰國菜愛好者 !

今日放假，到九龍灣探朋友，朋友家樓下商場好多野食,但lunch時間就較多人，上到二樓發現呢間食肆比較多位,轉檯率都好高，唔洗排好耐就入到去了。我地叫咗個炒雜菜，裏面有青椒,西蘭花,菇,仲有菜心同椰菜，份量都算多,食多D菜個人真係健康小小香芒蟹肉炒飯，個飯炒得幾乾爽，份量好多,如果芒果可以多d就好香燻肉碎煎雞蛋,相對比較出色,因為加左肉碎去炒,所以比較香口加多左杯珍多冰,最中意個種椰香味，同埋爽口的綠色粉條

今日lunch係九龍灣食，醒起老豆之前推介得寶商場呢間曼谷車站叫我試下。佢話D泰國菜唔錯，而且裝修好靚，好有特色，火車造型仲有扶手添，好得意喎。三個人叫左三份野share:1.     海南雞飯雞肉肉質鮮美，重點係真係好多件雞，重去曬骨添。個人覺得三隻醬撈埋一齊食最正，佢既薑蓉好突出，唔會太辣，油飯就普通。2.     馬拉盞炒椰菜苗就有少少辣，但係夠味。D菜索曬馬拉盞既味，好好送飯。3.     炒金邊粉既份量都好足，女仔食一定勁飽有得淨。調味適中，甜甜酸酸，雖然唔係好多隻蝦，但係蝦無雪味，都好好食。

落街同屋企人食飯,我地叫左 *香草粉絲大蝦煲(粉絲)$148 用一個鐵煲裝住,保持食物既熱度,粉絲炒得好乾身,粉絲索曬紅蔥頭、蒜頭、大蔥既味道,加埋蝦既鮮味,同埋泰國香料既味道,夠曬香口,大約有3-4隻蝦,都好飽肚*泰式炒金邊$62 入面有蛋絲,芽菜一齊炒得乾爽唔會太油,甜味居多,同醬汁配得好好,整體都做得好好*燒豬頸肉$75 豬頸肉好嫩,唔會好鞋,沾埋蔥蒜豉油,多多層次,原來蔥蒜同燒豬頸肉好夾,值得一提既係,份量都算多

約左朋友係附近下計,於是是但搵左間餐廳☺️蒜蓉包來到仲有小小熱,仲叫多左個青咖哩(豬肉)用來沾住食,佢既青咖哩同泰國道地青咖哩好接近,但就無咁濃味 仲叫多左碟菜泰式馬拉盞炒椰菜苗,碟菜係我最推薦既,原因係雖然用馬拉盞炒但都唔會太辣,個味唔係好搶,椰菜苗仲好嫩,外表都好翠綠,代表佢唔係炒得太老 天氣咁熱緊係要配多杯冰沙啦,我叫左杯菠蘿沙冰佢既沙冰唔似其他餐廳整到好水,無咩味咁反而有好濃既菠蘿味,冰冰涼涼解渴之餘仲消暑!

同阿媽一齊收工,梗係食埋飯先翻屋企架啦!餐廳以火車車卡為題,入面既間隔都係用火車卡造型設計就算食泰國野都好似置身於泰國咁(比多小小想像力)見到openrice好多人推薦豬頸肉,見到我都好想食就叫左個”燒豬頸肉:,豬頸肉既肉質比較嫩,適合煎炸,佢醃得好好食,同埋唔會太乾,肉質嫩滑之餘仲有肉汁流出來唔係間間都炒得好食既炒金邊粉,呢間真係值得推介!唔會炒到一patpat 仲好易夾,酸酸甜甜地好開胃,仲有花生碎比你沾,但我就唔係咁岩!最後,”正宗泰式海南雞飯”以套餐來講佢既量好多,海南雞大大件,叫左白飯無咁油膩,個人最中意加甜豉油同薑蓉一齊食雖然係簡單既一餐飯,都尚算滿足,餐廳走親民路線,價格落在大約$50-$100之內其實CP值都好高

見到openrice指定時間訂位有9折優惠,所以book來試下,其實個menu都幾多野食,仲要冇加一服務費!小食拼盤:有炸春捲、魚餅、鳳凰餅、蝦餅,春捲入面有好多蘿蔔絲同青瓜絲好足料,整體都炸得好好青咖哩:入面既椰香令豬肉更加好食,同埋fresh既感覺,有陣陣既金不換味薄餅:就咁食都好香,甚至係可以沾住青咖哩食都別有一番風味嫁椰汁雞湯:有好香既椰汁味,入面有勁多菇菇,好足料

上網搵泰國菜就見到呢間好多好評,同埋用openrice book位仲有9折添,無理由唔試下既,餐廳裝修好精緻,有濃烈既泰國味,餐廳座位係用火車卡既設計,令人好難唔記住炸春捲係即炸既,做到好脆身, 一啲都唔求其,沾埋啲泰式酸辣醬好好食香草粉絲大蝦煲, 呢個煲係我最中意既菜式, 應該係用薑蔥蒜爆香左隻蝦之後,再落粉絲, 蝦唔會太老,中有小小膏係入面,加左紫洋蔥有小小甜味香芒蟹肉炒飯, 就普通,不過就加左腰果,多左唔同既口感,如果有埋肉鬆應該會好正

一講泰國菜就諗起九龍城，不過來來去去都係得幾間，食到有少少悶，無咩新意。今次就來到九龍灣既曼谷車站試下啦！ 泰式馬拉盞炒芥蘭 : 有小小辣辣地，好有鑊氣，啲菜索曬馬拉盞既味，好入味好好送飯，同埋見到佢斜切左個梗，易咬之餘，唔會成條咁長。 蝦膏炒飯：用蝦膏炒飯香氣逼人，加埋泰國辣腸同炒蛋更加呈現泰國菜既風味。燒牛肉：外表有坑紋，而且入面仲要係粉紅色，店家細心地切左件，客人唔洗再自己切，另外仲有一碟加左蔥蒜辣椒既鼓油，仲惹味。 椰汁雞湯：香濃酸辣既椰汁雞湯，加左椰漿既清雞湯，估唔到咁夾，入面有好多菇同埋雞肉。正下次再嚟

門口寫住泰國廚師主理就引左我入來幫襯，因為我不嬲都好鍾意食泰國菜。餐廳名係曼谷車站，入面嘅裝修就同個餐廳名一樣，好似車卡咁，一卡卡嘅座位，裝修別有用心，座位坐得好舒服，可以擺袋。如同置身於泰國車站一樣，餐廳好容易搵，喺得寶商場二樓，跟住指示牌行就搵到，服務嘅態度都好好。 最快來嘅係「泰式馬拉盞炒椰菜苗」，香味撲鼻，馬拉盞好惹味有少少辣，加埋椰菜苗夠新鮮好嫩口，值得推介!香草粉絲大蝦煲，用一個砂煲裝住，熱辣辣又大大煲，落左好多蒜蓉去炒，蒜香搞到我流曬口水，啲蝦收埋左喺底勁大隻。燒雞個皮好脆，相信醃左好耐先會咁入味，配埋個珍多冰一流! P.S. CP值高，而且裝修好比心機，服務人員態度亦都好好呢。

串燒拼盤有豬、牛、雞，啲肉醃得勁好，可能有獨門秘方，哈哈。就咁睇燒得好均勻，正反兩邊都燒到有小小焦邊，香口嫩滑！仲附上沙嗲醬，忍唔住一啖接一啖 薄餅唔一定要沾咖哩食既，好食既薄餅就咁食都好好味！個薄餅整到好靚，好似台式手抓餅乾既外表，不過再金黃色啲。有少少甜甜地，沾辣椒醬食都好正嫁！ 正正常常既香芒蟹肉炒飯，雖然係用罐頭芒果，不過加埋蟹肉一齊炒就有不一樣的感覺！炒得夠乾身。有水果鮮甜之餘，仲好有飽足感添！

這天下班去了這間泰菜吃dinner。氣氛不錯，店內的樓底很高，空間感不俗，枱也不算很多，所以很寬敞。經常要ot，吃飯時間時間短，今天有機會出來，當然要食盡佢！我叫左個濕炒豬肉河粉同埋菠蘿沙冰落完order大約10分鐘左右就送到我面前,炒得好靚,勁大兜,同普通乾炒河吾同,加左好多菜係入面,唔另外加碟菜係入面都可以食到蔬菜, 菠蘿沙冰,有小小綿綿冰既感覺,打得好幼細,每一啖都食到菠蘿味，呢幾日天氣咁熱,吹住冷氣飲沙冰人都無咁躁底,火都下翻啖。

岩岩暑假去完泰國,好掛住泰國既野食,果日收工提議去食泰國野一班同事有講有笑,我地叫左好多樣野食,諗住懷念一下係泰國既日子生蝦刺身,下面有一舊用保鮮紙包住既冰墊住啲蝦,好新鮮無雪味,凍冰冰咁食好彈牙配埋甜酸醬食更加好食燒豬頸肉,個份量都好多,切到薄薄地咁,燒到岩岩好吾會太乾好嫩,仲有好濃既豬肉味!正宗泰式豬手(無骨),無骨既泰式豬手特別正,因為送飯一流,燜到好捻入口即溶,罪中意食豬手個豬皮! 正宗泰式海南雞,食都未食就覺得佢好嫩,而且反光肯定好正,真係無令我失望! 蒜茸炒翡翠苗,一向最中意食蒜茸炒既菜,炒得香口右無油膩,食多啲菜人都健康啲架嗎!冬陰功係重頭戲,湯好足料,入面有蝦,番茄,香茅同草菇等等製成,味道吾會太搶,吾會太辣同太酸,岩岩好!

今晚與屋企人到Mega box逛街，回程去牛頭角吃晚飯，在Open rice看到這間泰國餐廳很吸引，決定親自來試一下。餐廳價格行親民路線，大部份食物約$50-$70，餐牌很仔細地分類食物類別，食物種類多，應有盡有，總有一款合你口味。 酸辣鳳爪沙律：酸酸甜甜的，很入味，與紫洋蔥一起吃會更甜，做開胃菜一流。 香燻肉碎煎蛋飯：大大碗，上面的荷包蛋有小小流心，與飯混合好吃，而且炒飯粒粒分明，有鑊氣，不會太黏。 青咖哩(豬)配薄餅：青咖哩不過不失，第一次配豬肉片吃，肉質嫩口，薄餅烤得香酥，沾青咖哩一起吃更美味。