曼谷車站

營業中

休息中

因為餐廳的價錢唔貴，所以今次黎叫多咗野食~串燒串燒有豬肉、牛肉、雞肉，睇個樣就已經燒得好好，唔“窿”又唔會火候唔夠，是岩岩好的~上枱嘅時候仲係熱辣辣嘅！我覺得串燒真係夠熱先好味~燒雞燒雞有陣香茅嘅味道，好入味。Btw，又燒牛肉又燒雞，我地真心係食肉獸！翡翠苗食完咁多肉，唔食番d青菜真係覺得有小小油膩~蒜蓉炒翡翠苗非常青綠，色澤太好了！入口好爽嫩！咁嘅價錢食到真係份量好夠！食完咁多肉，食佢真係好fresh~青咖喱揀咗款可以撈飯嘅餸，最適合嘅應該就係青咖喱了！香噴噴，聞到已經好開胃！入面嘅用料都好足，所以豬肉好入味，有羅勒啊、紅尖椒、檸檬葉等等好多配料~呢款野，一黎就扒曬碗飯~燒牛肉燒牛肉之前就想食，佢望落好誘惑，入面d肉係粉紅色架~咁粉嫩，忍唔住即刻咬啖佢！咬落肉質好嫩，味道唔係平時食開鹹味重嘅燒牛肉，而係甜甜地~

喺得寶商場發現咗間好可愛嘅餐廳，經過俾個火車樣吸引咗入黎好喜歡“曼谷車站”嘅復古feel，我可以打卡，已經夠了❤椰汁湯上黎令我胃口大開，奶白色嘅湯，加埋幾條辣椒，同埋幾條菜，青青綠綠~靠近好香嘅椰汁味，入面有多菇！喜愛吃菇類的我至愛！豬頸肉肉質好嫩，味道鹹淡剛剛好，入味又唔會太鹹，煎得都好，唔會太幹身，會有小小肉汁流出黎~唔錯！難怪OpenRice咁多人推薦超級無敵鐘意食炸春卷，無論去到咩餐廳，見到春卷都會嗌番份食！曼谷車站嘅春卷算係好抵食，價錢同其他餐廳差不多，但係份量稍微多d。當然最important的是味道如何！味道都好好，外脆內軟，跟住點酸甜醬，哇~~醬汁可以解到春卷帶來的油炸感，好正~酸酸甜甜❤曼谷車站嘅價格好吸引，泰國菜黎講我覺得算平價，味道又唔差，所以值得推介！

10月去左一個月泰國番香港之後都無食過泰國菜啦,因為忙既關係,今日好有衝勁想食,所以今日收工就去左屋企附近既泰國餐廳食,而我係未食過呢間,叫埋由細一齊長大既朋友幾個一齊食,我地叫左5個餸,有:正宗泰式海南雞飯+正宗泰式豬手+蒜蓉炒翡翠苗+酸辣鳳爪沙律+燒牛肉估唔到幾好食wo!,我同D 朋友一路食一路講,個個平時食飯好多野講嫁,今日係不停食,雞同豬仲有牛都好有口感,都好入味,酸辣鳳爪沙律都係,有有D辣,不過係我自己唔受得辣姐,係好味嫁!牛肉燒得岩岩好,好多汁,好正! 蒜蓉炒翡翠苗圽炒得好有鍋氣,好香,食起來好清,呢間好野!

今日嚟到牛頭角同朋友食飯我地去左間叫曼谷車站既餐廳食🤩去到個外觀係用火車車做主題🚂好吸引小朋友同一家大細去食🤪🤪係食泰國菜嫁!🤩🤩餐廳格調作風都好似身在泰國咁😙feel 唔錯 咁基本泰國餐廳要有既菜式都有🤤都係抱住一個 試下有咩唔同既心態去食🤣🤣🤣我地唔係好食得多 所以叫左4個餸: 冬陰公🌶肉碎生菜包🥬燒豬頸肉🐖蒜蓉包✨食泰國餐我最中意係冬陰公 🥰所以食到好食既冬陰公我一定介紹🤣基本地唔會太辣 有酸度 都有鮮甜既味道😋因為知道泰國人都中意食開胃😗所以都偏向酸同小辣 但有好多都會煮左重口味 變左咸🙁所以係唔錯嫁依間餐廳☺️

平時收工多數會去德福或者淘大食飯，上網搵搵，發現淘大附近有個得寶商場，除左有唔同小店鋪之外，仲有唔少餐廳，一於試下食泰菜的曼谷車站。餐廳裝修模仿著古老火車站，牆上掛有多個世界時鐘，綠色卡位就好似平常等候火車的公共空間，整個室内設計充滿小心思。菜式方面點了泰式青咖喱雞、炒金邊粉、馬拉盞炒通菜及椰汁芒果糯米飯，樣樣賣相精緻。泰式青咖喱雞不會太辣，微辛嗆的氣味和椰香令雞肉變得更嫩滑，香濃惹味。炒金邊粉麵條乾身又帶點濕潤，口感煙韌，酸甜醬汁胃口大增。之前嘗試買泰式藍象調味料試整炒金邊粉，不過我煮得太淋，太濕潤，加埋醬料好似變左一pat野咁，證明呢道菜看似簡單，實質好有技巧。最後以椰汁芒果糯米飯作結尾，在煙韌的糯米飯上淋上微暖的椰漿，啖啖椰香配上清甜芒果，食得好滿足。實在意想不到得寶有如此不錯的泰國菜，睇怕以後要再多多光顧，嘗試更多菜式。

周末和父母食晚飯，揀左佢地最喜歡的泰菜，上左開飯網查查發現此店評分甚高，唔駛特登出九龍城食泰菜近近地就去左一試，原來係堅料好味抵食指數滿分，全部係泰廚主理質素有保證。開業三年依家先發現咁正的泰菜，相信未來日子這裡是我家的飯堂。此店位於得寶商場內，平時好日都唔入去該商場，但交通就真係方便的。餐廳外觀花了不少心思，如店其名曼谷車站，外圍被列車圍繞，連車廂卡位都做到十足十，相當有特色。我地晚上７點到達餐廳近乎滿座，見場內盡頭坐了兩大班人，該位置好適合大班人聚餐應付廿人都綽綽有餘，聚餐點又多一個好選擇。餐牌菜式選擇多，但就無圖無相，點了5樣野埋單唔駛加一，三人食三百蚊有找相當抵食。串燒半打 $68雞牛豬各兩串，肉質嫩口燒得唔燶，沙嗲醬係重點沾了非常惹味好食。炸蝦餅 $58外皮酥脆咬落彈牙，蝦餅肉唔粉真材實料，預先剪開半件半件，唔駛大啖咬食落方便相當貼心，係必點小食。正宗泰式海南雞飯(無骨) $68份量十足，雞肉起左骨食落啖啖肉。雞皮幾厚但就唔見有油脂，肉質嫩有雞味，有三色醬可點個人喜歡薑蓉。黃油飯味道一般，飯粒粒分明口感煙韌，食落無乜油膩感。泰式炒金邊粉 $62金邊粉口感煙韌炒得乾身，味道酸酸

今晚同男朋友想食泰國野，但又唔想成日都係九龍城食，所以決定試下新野🤘🏻成間店既裝修就好似火車咁，啲座位係卡位所以唔會好迫。我地先叫左半打串燒，有豬、牛同雞，配埋個醬汁，啲肉唔會好鞋口。之後再叫左個香草粉絲大蝦煲，個粉絲索哂啲汁好好味😋 啲蝦都好大隻，好爽口👍🏻最後都係叫多個飯，蝦膏炒飯，成個飯面都係蛋絲，仲有啲肉鬆，個蝦膏味超濃超香，正！最重要係呢度既價錢都係平民價，串燒同蝦膏炒飯都係60幾蚊，最抵食係個香草粉絲大蝦煲，HKD148，平時出面食起碼都二百幾蚊。

記得之前朋友推介過呢間泰式餐廳話性價比好高又好味於是就黎試下啦。環境裝潢真心幾靚，起碼入到去坐得舒服，位置雖然唔太近地鐵站但好值得一試。我叫左一碟香燻肉碎煎蛋飯，如圖所見份量超多，好大份！肯定食飽你，米飯有嚼勁，炒得夠乾爽唔會好油膩，肉碎同埋其他炒飯配料 例如青瓜，煎蛋同埋蝦都好好味，個人好喜歡食隻煎蛋少少流心。我仲另外叫左個泰式飛天炒通菜，少少辣幾野味，通菜框都煮得夠稔，配飯食一流，啲香料味都頗香濃

在觀塘一帶食cafe就食得多，最近愛上泰菜後就開始搜羅一些非連鎖的泰國餐廳，試試每一間的風味，今次選中的是牛頭角的曼谷車站。和友人都不算大食，叫了一個海南雞飯、一碟菜和一個小食拼盤share。正宗泰式海南雞飯 (8/10): 欣賞店家的擺盤雅緻，雞油飯香而不膩，雞肉很嫰。小食拼盤 (9/10): 炸物非常出色，蝦餅的炸粉很脆，蝦肉彈牙，其他炸物都炸得很香口，推介～蒜蓉炒翡翠苗 (8/10): 筆者一向喜愛吃翡翠苗，這裡的翡翠苗炒得剛好，色澤翠綠，入口口感爽嫰，微微的草青味和蒜味平衡得剛好。愛吃泰菜的可試試～

我今日我去左牛頭角探我個朋友，上左佢屋企坐左一陣，之後肚餓街去食飯。個朋友強烈推薦我食呢間，所以就一齊去食。兩個人食唔叫得多，叫左3款野燒雞，濕炒豬肉河同埋一個肉碎生菜包。本身我都覺得呢三款無咩特別姐。但佢個味道整得好好食。~燒雞皮脆肉嫩，有啲肉汁唔太干~濕炒豬肉河都可以，豬肉唔知係咪用新鮮豬肉好有豬肉味，個汁有岩岩好唔會太稀。~我好鐘意食肉碎生菜包仲加左啲香草入去炒啲肉碎都入哂味。真係估唔到啲味道真係無得彈，有機會再黎探個朋友再食過。

黎到九龍灣行街，原先想食果間餐廳無開,於是係得寶商場見到呢間餐廳裝修得好靚,就衝左入去試***埋單既時候發現唔洗加一服務費,難得佢既環境舒適,同埋服務好 🥢呢個大大隻冰鎮既生蝦刺身$78,沾埋泰式酸辣醬更加凸顯出蝦既鮮味,蝦肉彈牙又肥美,仲剝埋殼添。🥢小食拼盤$98 (蝦餅,春捲,鳳凰丸,魚餅) 擺碟好風趣,由食物體積大至細排,每款四件,仲有兩隻sauce沾。🥢蝦膏炒飯, 炒飯上面有滿滿既雞蛋絲,仲有肉鬆,泰國辣腸。 整體來講,程個用餐過程都幾舒服同愉快,除左食物質素好之外,我諗餐廳裝修對顧客都有一定既影響,如果環境唔舒適,可能我都唔會想入來,不過間餐廳做得好好!

朋友之前來過曼谷車站, 知道我鍾意食泰國菜 ， 特登帶我嚟試下呢間特色餐廳。餐廳係九龍灣mtr附近， 地點都算幾方便😁😁 餐廳裝修好得意, 好似一個車站咁🚃🚃今餐叫左幾樣野,燒牛肉🔥🐂、蝦膏炒飯🍤、燒雞🐥、香燻肉碎煎蛋飯🍳“燒牛肉”一擺落檯就覺得好吸引,因為切開入面粉紅色,感覺好嫩,食落甜甜地唔係太鹹,仲有好多舊添!“蝦膏炒飯”用油爆過既蝦膏真係好鬼香,側邊仲有兩塊泰式臘腸“燒雞”可能醃既時間好長,所以好入面,唔知點解我覺得有小小香茅味,都幾襯“香燻肉碎煎蛋飯” 有金不換既味道,但無蓋過香燻,煎蛋有小小流心,撈埋個飯真係比個like本來仲想食埋甜品， 聽講芒果糯米飯好好食 ，但係因為真係太飽喇， 要下次再嚟試佢哋啲甜品😋😋

今日3點放工去了這邊同朋友食野傾計，見呢間泰國野食好似好吸引，有好多泰國地道的菜式，所以入去醫肚入面好多卡位，而且坐位又闊又大坐得好舒服，設計簡約整齊。這間餐廳的主題係火車站，好有泰國既氣息及風情，令我想飛返轉泰國點了這個必叫菜式: 肉碎生菜包肥瘦比例岩岩好，唔會太乾身又有小小辣，保有肉汁，配埋個爽脆健康生菜真的好fresh香芒蟹肉炒飯炒飯個量好滿足，材料有芒果肉、蟹肉、同埋腰果係入面，口感好正泰式飛天炒通菜這個是我食泰菜必點的，唔會太油膩，炒到好有鑊氣，加埋辣椒，惹味得來值得一讚海南雞飯雞油飯抵讚，粒粒分明，好香既黃薑粉，另外海南雞都算嫩滑，更有清爽青瓜片

可以作為餐前小菜既”酸辣鳳爪沙律” 基本上已經去曬骨,等你食得滋味食得方便,酸尾尾好開胃,原先唔肚餓,越食越餓！ 已經淋到就快溶既”正宗泰式豬手”入口即溶,豬手十分嫩滑,唔會太鹹,好好送飯(但我今次無叫飯) 大大塊辣椒,你以為好辣但其實唔係好辣既”泰式飛天炒通菜”,炒得好有鑊氣,入味！！ 乾炒香葉牛肉河,最怕炒得太乾或者太油,而佢係入面加左唔同蔬菜,有青椒洋蔥同粟米筍,解油膩之餘,仲有D菜落肚!抵食丫真心

為左就朋友腳，去到觀塘食飯🥰🥰佢話想食番上次果間泰國菜!🍽🍽就係呢間 「曼谷車站」今次決定試一啲 未試過既菜式,於是叫左酸辣鳳爪、蒜蓉炒翡翠苗、濕炒豬肉河,同埋冬陰功😎酸辣鳳爪（4/5）已經去曬骨,醃得好入面,😍😍😍加埋啲紫洋蔥同紅蘿蔔食翡翠苗（4/5）通常有陣青味,佢呢味蒜蓉炒翡翠苗 蒜蓉已經蓋過青味,而且份量好多,多過一碗白飯,好抵食!濕炒豬肉河（4/5）🐖唔知係咪加左高湯落去吵呢?無港式果啲咁油有草菇、紅蘿蔔、青椒、粟米筍係入面最後,冬陰功（4/5）偏酸,椰奶味偏重,係用小火爐一路熱住飲。冬陰功一定要熱既先好飲,入面有好多菇都算足料整體：4/5⭐️價錢：4/5⭐️衛生：4/5⭐️服務：4/5⭐️味道：4/5⭐️