曼谷車站

營業中

休息中

自從生完小朋友之後，都冇食過泰國嘢，辣野又冇乜點食，但由於我實在太想食嘅關係，都係忍唔住，今日同老公帶埋小朋友就特登落咗黎牛頭角呢邊食呢間曼谷車站，呢間野係老公個同事介紹，話呢度啲嘢食都好多選擇又幾好食，我哋嚟到，店員就帶咗我哋入去坐係一個比較舒服嘅位置，呢度嘅店員服務態度都幾好，好細心留意你需要啲乜，尤其我哋有小朋友，佢好細心攞多咗隻碗仔俾我哋。我哋就叫咗酸辣鳳爪沙律，小食拼盤，菠蘿海鮮炒飯，小朋友可以選擇食菠蘿海鮮炒飯，甜甜地啱晒細路仔食，我個人就比較鍾意酸辣鳳爪沙律，酸酸辣辣既鳳爪，好開胃，小食拼盤個個都啱食，一間令你食得好開心嘅泰國嘢老公嘅同事無介紹錯~

妹妹最愛食沙律🥗,今次我叫左份🥢泰式金柚沙律比佢食同我地平時食個啲沙律好唔同，平時都會係沙律菜呢到既泰式沙律又有腰果，柚子同海蝦😱但個味道出奇地夾 而且幾好食！好特別既沙律，真係第一次食！仲有🥢酸辣鳳爪沙律 酸酸甜甜 仲有少少辣 好開胃 可以用黎做前菜 仲有洋蔥、車厘茄同香蔥做配料 ，食落口感更加豐富👍🏼食泰國野當然唔少得炸蝦餅啦！我地叫左個小食拼盤，因為樣樣都想食，小食拼盤有蝦餅、春卷、鳳凰卷同埋魚餅，岩哂貪心又餵食既我🥰📍曼谷車站 (牛頭角)牛頭角牛頭角道3號得寶商場1樓218號舖

好耐冇同老公出街食飯，聽日老公難得休息冇嘢做今日就帶左我周圍行吓同埋嚟咗呢間曼谷車站到食泰國嘢，老公話佢之前喺OpenRice已經見過呢間野，之前已經諗住帶我嚟食，但比較忙拖到今日先帶我黎食，黎到門口發現呢度裝修好得意，望落去好靚好有感覺，雖然今日可能比較旺既關係，我哋等位都等左差唔多20分鐘，不過店員都好好態度，講到嘢食，我就好鍾意佢嘅泰式金柚沙律，酸酸甜甜，仲有佢個正宗泰式無骨豬手，佢整得好入味，食落感覺唔會好溜，泰式馬拉盞炒通菜要來送飯食非常好👍🏻

呢次已經係我第三次食呢間位於九龍灣得寶商場嘅「曼谷車站」泰國菜，貪佢價錢唔貴之餘，味道仲好好。.泰式無骨海南雞呢款係佢哋嘅招牌菜之一。佢哋嘅海南雞每次食都好嫩滑同埋多肉汁，又唔會有雪味。配上三款醬汁，口味夠晒正宗，同喺泰國食嘅差唔多。.酸辣鳳爪沙律呢款開胃前菜又係必點。酸辣鳳爪口感夠晒爽口，充滿骨膠原，啱晒女仔食。撈埋泰式醬汁酸酸地，口味夠晒開胃，令人食慾大增。而且我好鍾意佢辣度適中，好似我呢啲食唔到勁辣嘅都會食得好開心。而且配上蔬菜感覺更健康清新。

今次係我第三次食利間曼谷車站，繼上次試完佢個燒牛肉，勁好食，我成日都想返黎再食多次，但又好想試下其他野。經過我一輪忐忑，終於今次再黎試佢個泰式無骨海南雞，另外我再叫左泰式金柚沙律，炸蝦餅。泰式無骨海南雞真係唔會失望，係好食既，有雞味之餘皮同肉都好滑。泰式金柚沙律真係令我喜出望外，甜甜地之餘仲有勁多蝦。炸蝦餅好食，份量多，蝦肉彈牙，外面又炸得夠脆，真係好滿足。曼谷車站，真心推介比大家，唔貴又好食既泰國餐廳，一間以火車車卡為主題既餐廳，雖然比較多人，但係係值得既！

今日過咗嚟牛頭角呢邊打波，同班波友不嬲打完波都會去食下野，通常都會去下大排檔呢啲。🤩今次有啲特別，其中一個friend提議話去附近一間食泰國嘢嘅餐廳度😋，咁我哋都冇意見，我哋嚟到嘅時候已經係八點左右，比較多人，等左一陣位，店員就帶我地入去坐啦，呢度都幾得意裝飾到好似火車咁。🚋而啲嘢食都好好食，有幾樣我自己覺得好正嘅，佢嘅泰式無骨海南雞飯🐔，唔會好多肥膏，肉質夠嫩，佢個炸蝦餅🦐真係好好食，係必點小食，仲有佢個菠蘿海鮮炒飯🍍，菠蘿唔會好酸而且炒得好好，睇嚟呢度嘅廚師火候拿捏得好好。間餐廳水準都算幾好，會再黎食😎

午飯時間去得寶花園探朋友前見到這間車仔隔格的泰菜店。目測空間寬闊，大部分是卡位，決定試一試。打開menu琳瑯滿目 ,不知從何選擇好。一個人唯有只點一客沙律和一個無骨豬手試試。正宗泰式無骨豬手很大隻的充滿骨膠原無骨豬手， 已經全起骨， 非常軟淋，鹵水咸度適中，非常入味，一開二鹵水蛋點綴了單調的豬手。泰式金柚沙律用上泰國 柚子做出的金柚沙律， 柚子非常清新，沙律混合多種配料，紅洋蔥、芫荽、羅勒葉、香茅、花生碎•••• 吃起來非常多層次。

同屋企人食飯，緊係食餐好嫁啦！呢間泰國料理第一次黎食，總體感覺都幾抵食，坐既座位幾闊落舒服，環境唔錯，食物品種都幾多！我地點左兩個主菜：菠蘿海鮮炒飯、泰式蝦炒金邊粉另外叫左生蝦刺身、炸蝦餅、泰國金柚沙律同埋酸辣鳳爪沙律🥗我覺得呢到啲食物都幾好食，質素唔錯而且個份量幾幾多！我個人推薦🥢菠蘿海鮮炒飯、🥢酸辣鳳爪沙律同埋🥢炸蝦餅👍🏼呢到既飲品都唔錯，叫左個椰王同椰汁冰，食完咁濃味既食物，飲返啲清甜啲既飲品就岩哂喇！

昨天朋友相約一同前往牛頭角吃飯，其實餐廳正確位置是位於九龍灣地鐵站附近，路程約需八分鐘左右的商場之內，地理上還算方便。 餐廳裝橫方面， 有點像車站的設計， 內裏座位寬闊，十分舒適， 加上商場中央冷氣充足，還算不錯。泰式馬拉盞炒通菜， 充滿泰國特色，看起來雖然份量不多，但作為蔬菜絕對稱得上佛心， 味道方面， 少少辣帶點鹹香味， 最重要沒有多餘的醬汁。菠蘿海鮮炒飯， 味道和平常的沒有大分別， 但我最驚喜的就是他不是用菠蘿外殼包裝炒飯， 這樣看起來更加衛生。

呢排日日係屋企食飯，今日突然好想食泰國野，就黎左呢間試下☺-🥢生蝦刺身一黎就緊係要整返個泰式嘅前菜啦！啲生蝦望落都好晶凝通透☺而且食落都爽口👍🏻個泰式汁好正，酸酸辣辣勁開胃😋🥢正宗泰式無骨豬手見到佢個樣都知佢入味！啲皮好爽口好好食加上無骨啖啖肉，簡直爽呀！而豬手都有配返個泰式醬食，一樣好夾😁🥢菠蘿海鮮炒飯個炒飯望落都幾足料，都算多海鮮👍🏻啲海鮮都唔會係細細粒，而最滿意係佢用左新鮮菠蘿😁好甜個飯都炒得唔錯，算粒粒分明，仲加埋肉鬆，加分！正🥳🥳

聽朋友介紹呢間泰式餐廳都唔錯，就同男朋友過黎試下。我地叫左冬陰公湯，泰式炒金邊粉，海南雞同埋一份生蝦刺身。我比較鐘意食呢到既泰式炒金邊粉，除左味道好食之外個份量都好夠，啲料又多，有我仲意食既蝦同雞蛋配料，啲蝦好新鮮！海南雞都一向好受大家喜愛，我都唔倒外，啲肉質好滑，又新鮮！正呀而且食物擺設得好整齊！仲有醬料可以調味點黎食！另外生蝦刺身既擺設都好令，好似一朵花咁，點落啲酸辣汁到食，都好好食！仲有冬陰公湯都好多料，仲可以加配白飯撈黎食，岩哂依加凍冰冰既天氣暖下胃！

今日阿仔話悶左咁多日，不如收工出街食，佢話想食下泰國野，我即刻上openrice睇下有無好推介，睇左幾間send左比阿仔睇，阿仔就揀咗去九龍灣曼谷車站，收工join埋個仔就即刻過去，7點鬆啲雖然已經好多人等位，但都唔算等得好耐就有位啦😃。我地叫左個🥢正宗泰式無骨豬手，豬手已去骨，啖啖肉又入味，豬皮煙煙靱靱，骨膠十足😋，阿仔超鍾意食，差唔多成碟佢食晒🤣，最後食埋隻蛋減去d油膩咁。🥢泰式蝦炒金邊粉 - 個粉炒得好乾身唔油，加埋韮菜同芽菜，加多重爽口同香氣，再加小小青檸汁落一齊食，更加開胃😋。🥢招牌泰式咖喱炒大蝦 - 唔會太辣，但咖喱味極濃，蝦亦好彈牙，最正係個汁杰杰地，其實最適合就係叫份蒜蓉飽點黎食，不過可惜今晚已食得飽飽啦。下次一定要帶埋其他屋企人黎食，到時可以嗌多啲野食下，尤其最想試埋個肉碎生菜🥬包😋。

-正宗泰式豬手（無骨）我成日都覺得食肉去骨真係好正🤤食落口啖啖肉既感覺真係好正好滿足！而且呢到豬手夠淋夠入味，夠哂出色！-冬陰功湯湯既味超濃超好飲👍🏼🤤加埋香蔥同芫荽個味更加出！而且個湯好多配料，可以加碗飯咁食！又香又濃！係呢到既廚師推介！-小食拼盤無論係幾時都好，炸物一樣咁好食🤤特別係蝦餅同春卷！真係我最愛啊！外脆內軟到不得了，配埋泰式醬仲正！餐廳幫你全部一開二，好方便食，一啖放落口超滿足！-馬拉盞通菜食通菜一定要簡馬拉盞通菜，個味又香又濃！呢到既份量都幾多，啲菜一啲都唔老，仲好嫩好好食！

曼谷車站 一向仲意食菠蘿🍍既我當然要試下呢度既菠蘿海鮮炒飯呢度既菠蘿炒飯超足料有蘿蔔、蝦、魷魚、腰果做配料飯上面仲有肉鬆添啊全部都係我最愛食既野❤當然都唔少得我最愛既菠蘿開頭我以為會係切開一粒粒上枱先知原來係一大塊菠蘿肉真係超滿足❤🤤仲有啲腰果超脆超香口肉鬆撈埋啲飯食真係好好食👍🏼海鮮都非常新鮮另外都叫左馬拉盞通菜同埋海南雞，配白飯食一流！啲雞又滑又嫩好出色！通菜既份量真係好多我覺得呢到既價錢都唔會貴，而且好合理高質泰式料理，推薦👍🏼

今日同朋友專登來食椰子雞湯取暖,入到餐廳就被佢既裝修吸引左,以火車內部為裝修基礎既餐廳, 有小小千與千尋既感覺除左食得都睇得~熱炒 ,用馬拉盞炒過既芥蘭特別香,尤其係對切左既芥蘭,更加可以吸到馬拉盞既味道, 送飯一流熱炒 ,呢個濕炒豬頸肉加埋芡汁一齊食相對地無咁乾,仲有小小蔬菜一齊做配料,五顏六色幾靚重頭戲 朋友指名要飲椰汁雞湯, 下面仲有個小火爐reheat住, 每一啖都熱辣辣,濃郁既椰香,加埋雞湯一齊, 啖啖都好香阿~~