曼谷車站

營業中

休息中

好少到九龍灣食野，咁啱係呢頭搵朋友，見到一間泰國餐廳叫曼谷車站，就心血來潮想入去試吓。呢間泰國餐廳裝潢都好有泰國feel，入門口之前餐廳員工幫我們探熱、和塗上搓手液，這個疫情下衛生防範10分充足，讓人有一種安心的感覺。我們兩人點了這裏10分出名的海南雞飯和芒果糯米飯，還有酸辣鳳爪沙律作前菜，在點了一杯龍眼冰，便開始我們的晚餐了。首先上台的是酸辣鳳爪沙拉，這個鳳爪是沒有骨的配上沙律10分清新，酸酸辣辣好開胃，而且鳳爪無骨十分之容易入口。好快主菜便上枱了，海南雞和飯是分開上的，這個飯是雞油飯十分之香，海南雞肉十分之滑溜和新鮮，配上三種不同的醬料可以點，令這個海南雞有着不同的味道。食完海南雞飯我們就食這個芒果糯米飯，大大塊芒果十分之甜，糯米飯也做得十分之鬆軟，兩個配搭起嚟真的很搭配，不枉係招牌餐之一。我們邊吃邊飲這裏的龍眼冰，龍眼冰的龍眼10分之多，用了十足，一杯龍眼冰都差不多有10粒，讓人飲起上嚟很開心。第一次到這個曼谷車站泰國餐廳感受10分良好，下次想吃泰國餐都可以再嚟。

這間曼谷車站的設計就好似一架火車般，幾特別，開設於九龍灣一個比較舊式的得寶商場中，所以食物價錢都比較親民，仲要免加一服務費，餐廳座位闊落舒服。點了一個青咖哩雞，份量不算太多，青咖哩汁亦比較稀身，但椰香味足，雞肉嫩滑，而泰國小茄子，青豆，檸檬葉及九層塔當然不可少，除了點了個白飯外，還點多一客香脆的蒜蓉包來沾這個咖哩汁，好味。泰式炒椰菜苗，炒得脆綠惹味，亦不會炒得太油。青檸疏打，更是用上原樽泰國疏打水。

餐廳：曼谷車站 (牛頭角)地址：牛頭角牛頭角道3號得寶商場1樓218號舖得寶商場3樓嘅信望愛堂係我疫情未爆發前每個星期都會去跳舞嘅地方🕺🏼，所以時不時都會去得寶商場嘅餐廳食野，今次就介紹1樓嘅曼谷車站比大家話明曼谷車站緊係食泰國菜啦🇹🇭，而餐廳仲以車廂做設計🚇，夠哂特別，依家優惠期間仲免加一添串燒$68有半打，可以揀豬🐷、牛🐮或者雞🐔，但因為牛肉毒素比較多，想食少啲嘅關係就揀左豬同雞各三串，串燒燒得幾香，仲有少許沙嗲味🤤，不過以size同呢個價錢黎講就有少許貴另外叫左個泰式馬拉盞炒椰菜苗🥬($59)，椰菜苗顏色鮮嫩😋，以馬拉盞式炒法惹味少辣，用油炒香過嘅椰菜苗炩擸擸仲顯得更新鮮呢個正宗泰式海南雞飯($68)係用上油飯，好香好好味😍，不過餐牌寫住無骨但係結果就有骨嘅😂，好在海南雞都幾嫩滑，雞味都幾濃，算你過關啦

好耐無食泰國菜，原本想買返去食，時間尚早，冇咩人就系到食。【豬頸肉沙律】$68平時系九龍城食泰國菜呢款前菜都要$80~$100到，見呢到甘抵點都叫返碟。烤過既豬頸肉本身都有味，加埋酸酸辣辣既醬好開胃好刺激，豬頸肉份量都吾少！【正宗泰式豬手飯（無骨）】$68之前班fd叫過一鍋黎食，份量好多好抵食，今次叫豬手飯就肉少d，味道依然醇厚香料味，炆得入味又軟淋，仲好多膠質，補充下骨膠原。【乾炒香葉牛肉河】$58炒得好香，好有鍋氣，辣辣地好惹味，不過河粉有d軟身，令成碟野大打折扣。

黎到牛頭角曼谷車站食泰式嘢。嚟到侍應好有禮貌咁安排左座位俾我哋，亦都好好咁介紹左菜式。睇到餐牌其實有好多都好想食。但係胃口有限嘅情況下淨係叫咗炸蝦餅同埋泰式蝦炒金邊粉。炸蝦餅有六件，蝦肉打得好爽脆好厚身好彈牙，外皮炸得好脆。配埋既泰式酸辣汁酸酸甜甜，唔食得辣既人唔洗擔心。酸辣汁令到炸蝦唔會食到好膩，最後我一個人食左5舊。至於泰式蝦炒金邊粉，廚師炒得好入味，我食過有d炒金邊粉會炒到一舊舊，好濕好難食。今日呢間唔會炒到黐埋一堆，啲金邊粉唔會太濕亦都唔太乾啱啱好。啲蝦一啲都唔會霉好

濕濕又熱天氣飲冬陰功湯係最好，又開胃又袪濕，但好多地方既冬陰功湯都淨係酸唔辣，得寶商場曼谷車站試過唔錯，呢日我就捉埋屋企人三個黎試下，我地叫左冬陰功湯，酸辣鳳爪沙律，泰式馬拉盞炒通菜，生蝦刺身，三碗白餸。冬陰功湯真係無得輸，好正，飲完好舒服，仲有胃口食多啲野，馬拉盞炒通菜好入味，送飯一流，仲有就係我非常滿意嘅酸辣鳳爪沙律，鐘意食酸辣既朋友，利個係一個好選擇，生蝦刺身唔洗多講，必食，整體唔錯係可以再食！

平時好少行開牛頭角呢邊，講真真係唔熟路更加唔知有咩食，今日出開來呢邊見客，我個客約咗我喺得寶商場一間餐廳度話坐低食下嘢，呢個客我都跟咗三年，所以其實好熟，熟到好似朋友咁，搵咗一陣已經搵到呢個商場，黎到佢約我嘅呢間餐廳曼谷車站先知原來間餐廳裝修咁靚，望落去好特別，估唔到連佢啲嘢食都幾好食，我地叫咗個泰式蝦炒金邊粉，酸辣鳳爪沙律同埋生蝦，一開始仲擔心唔夠飽，但原來佢個金邊粉份量都夠多，而且好夠味，火候夠，生蝦好好食，仲有佢個酸辣鳳爪沙律個汁酸酸地辣辣地配搭得好好

食過返尋味，呢間餐廳嘅青咖喱味道十分正宗，香濃青咖喱味，小小辣香及椰奶讓口感更溫順，入面仲有泰國茄子！～ 本來叫炸雞髀係配雞汁，但因為太掛住青咖喱，店員都好好幫我轉汁， 雞髀皮脆肉嫩， 白飯軟硬適中，不過建議間鋪頭唔好擺啲餐具出嚟，等有人食先拎所需餐具會更加衛生。

前幾日收工好攰唔想煮飯，突然諗起朋友介紹過一間佢話覺得幾正嘅泰國餐廳俾我，於是我就一個人去試吓😋呢度裝修幾特別，外牆泰國嘅車，好似坐響車卡入面食飯咁。今次我叫咗泰式金柚沙律同埋泰式蝦炒金邊粉。泰式金柚沙律好多配料，有車厘茄、蝦、腰果、金柚，配埋佢個清新嘅醬汁，金柚肉厚唔苦澀，唔錯。泰式蝦炒金邊粉炒得夠乾身，味道酸酸甜甜有少少辣，有幾隻蝦，蝦肉爽口彈牙幾新鮮，配合埋其他配料一齊食好正。真係唔錯，下次要同朋友一齊嚟食試多幾個菜式👍🏻

最近搬咗嚟淘大附近，見到唔少街坊推介呢間泰國菜餐廳，一於帶埋全家大細嚟試吓。炸蝦餅口感香脆，仲有啖啖鮮蝦肉，夠晒足料。炸嘅火侯時間都啱啱好，唔會好油膩，亦唔會炸到冇蝦味。呢碟餸啱晒鐘意食香口嘢嘅我，最重要連同行嘅小朋友都食得好開心。碟泰式蝦炒金邊粉一嚟到就覺得好大碟好抵食。材料除咗有豆腐乾、大豆芽，最緊要仲有大大隻鮮蝦。呢度嘅炒金邊粉調味甜甜地好開胃，仲有唔少花生碎，食落好正宗，所以我地一家大細都好鐘意食。絕對值得encore。呢間餐廳又平又好味，我好推薦大家嚟食。

今日喺牛頭角收工，搵埋朋友食飯，終於可以同尼同朋友傾吓計，唔使成日留係屋企咁悶🤣😂​​泰式無骨海南雞​海南雞入口香滑，又唔會太油膩，雞皮爽口，女仔食都唔怕！☺️​​生蝦刺身​生蝦幾新鮮，點佢搭配嘅醬汁，再加上蒜片同辣椒，好開胃🥢​泰式炒金邊粉​仲有呢個金邊粉送海南雞一流，炒得幾香，份量剛好，味道都唔錯！​​呢個份量兩個人啱啱好～ 整體食物質素都算唔錯。如果你都想好似我咁，平平地想食個泰國菜，又過開尼呢個價錢都唔錯☺️

今日同男朋友放工去左食泰菜,疫情期間好似好耐冇出過去食嘢咁黎到餐廳又唔算少人,我地又唔算太肚餓,所以叫左兩樣嘢share食第一個係鳳爪沙律,平時我好少食鳳爪,男朋友想食就陪佢啦配埋d配菜食又幾唔錯,因為新鮮之餘又夠味,鳳爪都唔會比酸味蓋哂本身嘅味,見男朋友似食得好快又好滋味咁之後就係我地都好中意食嘅炒金邊粉酸味同濕度都適中,最緊要佢唔係好油個隻,配菜都足,而我最中意就係佢滿滿嘅蛋絲同豆腐干,大蝦都唔係乾爭爭冇味個d,啱哂我地!

同個妹落街食晚餐 見有間食泰式野就想試下我地點左燒牛肉、鹹魚炒芥蘭、泰式金柚沙律、肉碎生菜包、冬陰公湯🤤燒牛肉啲肉質粉紅色嫁！好靚好吸引🤤可以比美西餐廳嘅牛排，咬落又唔韌，又juicy🤤碟芥蘭超香鹹魚味又香又野味🤣冬陰公湯都好正，酸酸辣辣禁好開胃至於個金柚沙律、啲腰果同鮮蝦係超好食❤🤤好香好入味👍🏼原來泰式既沙律禁多配料🤣❤而且好出色👍🏼總體黎講,我最推介燒牛肉同鹹魚炒芥蘭,仲可以叫碗白飯食👍🏼

一早已經聽啲同事講過有一間好特別既泰國餐廳，佢既特別在於餐廳既主題係圍繞住火車，而佢既坐位好似車卡咁.雖然地放距離地鐵站遠少少但其實係牛頭角得寶商場都相當方便.今日我就約左兩個為食既朋友仔等埋我收工就一齊行過去食，提提大家晚市會比較旺，需要等位.有幾樣野係我覺得係值得推介比大家既，生蝦，食泰國野必食，佢既生蝦，蝦夠生鮮，配埋個醬汁好好食，生菜肉碎包，肉碎唔會太辣，咖喱炒大蝦，個咖喱好香仲有好多蝦，滿意

今日去牛頭角諗住食D平民價的餐廳，經過商場見到呢間以舊式車廂做主題泰式餐廳，就入去試下。🧡冬陰公湯 (小)$68係用火鍋形式上菜，有火熱住d湯，可以飲到熱辣辣又惹味的湯。冬陰公湯內有好多香料，湯底非常濃，有大蝦、蘑菇等，吸哂冬陰公湯的精華，不錯🧡芒果蟹肉炒飯 $72呢個炒飯就味道正常，好似差咁d鑊氣🤔🤔芒果🥭就一大片放在係飯的最底，真係要筆開先知😂有蟹肉和三色豆，如果可以加埋肉鬆就更好🧡芒果糯米飯芒果非常甜，糯米飯好煙韌，又有一大碗椰汁可以倒係糯米飯，係好好ge甜品🧡泰式馬拉盞炒椰菜苗 $59呢款味道有小小辣，但令椰菜苗好入味👍🏻👍🏻👍🏻