曲奇四重奏 (新都會廣場) (已結業)

我買左五盒蝴蝶酥加一袋紙包蝴蝶酥，亦買多三個紙袋，打算新年送禮用。負責pack貨既嬸嬸將兩個紙袋重叠，將五盒蝴蝶酥齊齊放入，呢刻個紙袋已經full左，佢再將我包紙包蝴蝶酥放上面，包紙包蝴蝶酥分分鐘會跌，我問可唔可以比多個袋我，佢好囂甘話呢兩個紙袋已經係free比我(其實我自己已經買左三個)。我再請佢將兩個紙袋分開，每個紙袋分別放兩盒同三盒蝴蝶酥，甘我又可以好安全甘放包紙包蝴蝶酥。嬸嬸態度即刻變得更惡劣，斷然拒絕(間舖頭得我同另一客人)。疫情當前，又冇乜同胞遊客，加上甘體貼既服務態度，我真係衷心祝福你間店唔會摺。順帶一提，蝴蝶酥已經冇以前甘鬆脆香口。

話咁快又到左last day 唔想送西餅咁冇新意所以就決定去買蝴蝶酥$188裏邊有差唔多30塊。同事食完都話係比較酥脆而且唔會太油膩 有雜錦唔同嘅口味 購買嘅時候職員仲話只要參加網上活動就有九五折優惠

一直都很喜歡吃蝴蝶酥，自從曲奇四重奏分店越開越多後，買的次數就相對增加，原因過時過節，親朋戚友收到都會很開心，基本上無論曲奇或蝴蝶酥，大部分的味道，真的通通試過晒，在曲奇系列中，玉桂條和櫻花曲奇都是筆者至愛，玉桂條放在咖啡杯內，攪呀攪⋯⋯倍感療癒而櫻花曲奇，單看外形，一朵朵的日本櫻花放在長方形的曲奇上，點點海鹽味道，也是和咖啡很夾檔，曾有一段日子，對這兩種曲奇相當著迷。但筆者買得最多，算是蝴蝶酥。因為身邊很多朋友都對它情有獨鍾。最喜歡這店是有提供試食服務，每每有新口味，淺嚐試過才買，倍感安心。原來今年是他們的十週年，出了一個特別版，樣樣有齊。曾經到過朋友的結婚飲宴，收到四重奏的回禮禮物，個人覺得比收到朱古力更開心。最後筆者都是選擇了至愛的蝴蝶酥，三個味道，無論是原味、綠茶、伯爵茶等⋯⋯各有優點，鬆脆可口，就是喜歡它淡淡的，牛油比例不會太過火，不會太濃烈，感覺健怡一點。喜歡吃，就是要為自己找藉口。

終於到了工作last day了感謝上司對我的照顧但又唔想買西餅咁普通我今次買左蝴蝶酥作為散水餅昨晚去葵芳買店內已展示了款式和價錢有好多款式曲奇揀呢其實之前我已經都有食過曲奇四重奏的蝴蝶酥及曲奇餅真係幾好味！好鬆化，好香，又係食到停唔到口曲奇上面有哈哈笑好得意呀！我最鐘意及推介就係蝴蝶酥一盒大約$168可以加多個紙袋（$0.5）送禮一流！希望收禮者會感受到我的心意啦！P.S. 記得蝴蝶酥期限只有一個月架咋！

新年買禮盒嗰陣時買咗曲奇四重奏呢個雜錦曲奇，而家終於都開來試吓，佢比較多款式選擇，可惜我都係喜歡原味，佢啲曲奇都比較鬆脆，我唔鍾意有果仁嗰啲，下次都應該買返原味就算了，比較曲奇同蝴蝶酥我比較喜歡吃曲奇四重奏嘅蝴蝶酥

好多年前，我已經聽人講，曲奇四重奏嘅蝴蝶酥真係好好食，買咗一罐之後會食停口，不過以前嘅分店印象中只有尖沙咀果一間，所以都冇乜機會去買，而葵芳呢間雖然係開咗好耐，不過都冇乜機會買，今終於有機會可以買黎試喇！為咗試多啲唔同嘅味，今次我買咗一盒大嘅10周年紀念版，好似二百幾蚊左右。咁食完一路幫我pack緊嘅時候，當然唔放過可以試食唔同味道嘅機會啦！佢有好多特別嘅味道，例如伯爵茶，綠茶，海鹽，全部味道都好好食，今次冇揀錯多口味嘅，可以返屋企慢慢食！

🍪好多曲奇😍好開心阿 推介: 曲奇四重奏禮盒 $338😍😍😍😍😍(5分滿分)恭喜恭喜💕，新年就是不斷拜年不斷收禮的日子最近收到一堆曲奇，非常開心😍，日日發口癮，日日食曲奇都可以食番三頭半個月啦令我最最最開心❤，是收到  的曲奇禮盒😆，沒有香港人不知道這個牌子吧，這可是鼎鼎大名的曲奇品牌阿💯，有品質保証，送禮自用同樣開心打開鐵罐，滿滿的曲奇呈現眼前🎶，包括: 福袋曲奇，杏仁曲奇，亞麻籽曲奇，黑白芝麻曲奇，夏威夷果仁曲奇，牛油酥餠，榛子曲奇，藍莓曲奇，咖啡曲奇，玫瑰曲奇，蛋香曲奇，開心果曲奇，朱古力曲奇，原味蝴蝶酥，伯爵茶蝴蝶酥，抹茶蝴蝶酥等等，超多曲奇，全部甘香酥脆，令人一手接一塊吃不停口😋，暫時最愛果仁醬玻璃曲奇阿謝謝你💓送給我阿 ……………………👧 九龍城獅子石道9A地下👧 九龍尖沙咀加拿芬道10B嘉芬大廈地下E號商舖👧 銅鑼灣軒尼詩道432-436號人和悅大廈地下1號商舖👧 西營盤德輔道西321號瑧璈地下2號商舖👧 沙田新城市廣場第一期地下156號商舖👧 屯門屯門鄉事會路83號V city MTR層M-36號商舖👧 將軍澳重華路8號東港城2樓258C號商舖👧 葵芳興芳路223號新都