32
12
7
| 餐廳: | 暹羅苑 |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
以上資料只供參考, 請與餐廳確認詳情
今晚同屋企人食泰國菜,叫左燒雞,塊雞皮燒得脆,又唔肥,忍唔住一舊一舊係咁食。另外，我地叫左個蝦餅,都好彈牙,又有蝦味,好好食。我地都叫左個炸蠔餅,炸得好恰當，入面又有超多隻蠔,同埋份量超多,適合5-6個人share.另外啲職員都好nice,推薦大家去食！
繼續閱讀
鹵水豬手飯真係抵食！鹵水汁淋得非常足，撈飯一流，每啖飯都吸滿鹵水嘅香氣，濃郁但不膩。豬手份量十足，肉多而唔肥膩，啖啖入味，仲有半隻鹵水蛋作配搭，味道濃郁但不過重，整體平衡得非常好。飯底鋪咗少少酸菜，鹹香中帶點微酸，恰到好處。如果覺得鹵水味稍濃，配埋附送嘅酸辣汁一齊食，味道即刻變得開胃清新，完全冇膩嘅感覺。成碟飯嘅份量亦非常足夠，尤其作為午餐，呢個價錢真係物超所值。馬沙文咖哩牛腩亦係抵食！牛腩份量多而且夠大件，肉質軟腍香滑，煮得入味。馬沙文咖哩以椰糖、椰奶調製，香濃惹味，帶有淡淡甜香，唔辣但非常下飯。咖哩汁同白飯配搭得天衣無縫，簡直係送飯神器。最後再配一杯凍飲或者百事可樂，唔使額外加錢！呢個組合作為午餐真係非常抵食！無論係份量、味道定埋價錢，都係值得推薦嘅平民美食選擇！
繼續閱讀
Weekend下晝想搵間餐廳 揀咗最鍾意嘅泰菜，兩點幾見到陸續有街坊入去食。下午茶餐牌係40幾蚊仲包凍飲，cp值好高。炒河同辣肉碎飯都好正宗，份量大，唔係下午茶size，會想再去食!
繼續閱讀
8位同事結伴去食午餐，由坐低點菜到食完碟飯唔夠20分鐘不停收我哋枱面啲嘢，係短短嘅時間裡面問咗五次食完未！男服務員應該係老闆態度勁差，話生意難做！你覺得生意難做可以選擇結業！ 你可以係客人入坐前同啲客講定你限時食廿分鐘，咁啲客無咁嬲喎！又唔係有人等位但就不停催催催執執執，朋友杯嘢未飲完就俾佢收咗！中午食餐飯relax下變咗噴火！你估你間舖頭係大快活 大家樂定吉野家😡走個時服務員仲要嬉皮笑臉講：唔好意思 唔該晒！
繼續閱讀
係附近做野，簡單食個lunch見到都唔少人食，就試下佢🤔🤔🤔🤔叫左個魚旦雞絲叻沙D餸既份量都唔水錯唔會太少但湯底略嫌唔夠濃椰香同我辣味都不足面底係米線但份量較少男仔食未必夠
繼續閱讀