暹羅苑

北角鰂魚涌附近都有幾間泰式餐廳，呢間款式比較多，價錢亦都比較親民。平日中午都比較多人幫襯，想快手食個泰式午餐，呢度會係唔錯嘅選擇。午市套餐有好多選擇，我揀左星洲喇沙雞絲米線，跟餐揀咗凍檸茶。我本身唔係太食得辣，呢度嘅喇沙米線嘅辣度對我嚟講都適中，一路食會覺得越嚟越辣，但亦都會覺得越食越惹味，配住凍飲就可以一路繼續食落去。餸菜份量好足，有雞絲魚片魚蛋豆卜雞蛋。米線比較腍，我自己比較鍾意食腍身啲就幾啱我口味…查看更多

🔥 **【北角泰菜震撼彈！$75炒飯大過塊面！】** 「衝入北角後巷老字號，兩碟 **$75蚊神級炒飯**嚇到筷子跌！ ✅ **蝦醬炒飯**：金黃飯粒臘腸飛舞，蝦醬香攻鼻！ ✅ **肉碎香葉飯**：九層塔辣椒爆炒，肉碎多多！ 📦 **分量警報**：每碟深過碗，兩人啃半碟已投降，**必打包明日午餐**！ 🏠 **環境加分**：新舖空間闊落似泰國宮殿，卡位大到打翻都唔怕！ 💰 **終極抵食**：+ 加一 **人均$90飽到上心口**！ 📍 街坊/打工人必mark：北角「暹羅苑泰國餐廳」，夜晚用餐免排隊～ …查看更多

openrice見間鋪都開佐十年+，晚上收工行過來食泰國菜。見玻璃窗貼佐名人合照，以為OK啦～ order冬陰功金邊粉，服務員上餐時我已經呆佐🫣excuse me? 魚蛋，魚片頭，蟹味菇，急凍蝦？嚴重超出我對冬陰功的認真!! 食落口確定完全中伏! 完全沒有冬陰功應該有的酸辣開胃, 湯底過量的cream, 反而令人反胃。嘗試食多幾啖醫肚……真心難以下嚥。已經嫐爆💢💢💢翻緊碗粉……樓面過黎問可以先埋單🥲加一服務，誠惠79。香港餐飲業退步成咁😡😡😡無求服務質素，食物質素可以正常嗎？！第一次棄餐離場! …查看更多

今晚同屋企人食泰國菜,叫左燒雞,塊雞皮燒得脆,又唔肥,忍唔住一舊一舊係咁食。另外，我地叫左個蝦餅,都好彈牙,又有蝦味,好好食。我地都叫左個炸蠔餅,炸得好恰當，入面又有超多隻蠔,同埋份量超多,適合5-6個人share.另外啲職員都好nice,推薦大家去食！…查看更多

鹵水豬手飯真係抵食！鹵水汁淋得非常足，撈飯一流，每啖飯都吸滿鹵水嘅香氣，濃郁但不膩。豬手份量十足，肉多而唔肥膩，啖啖入味，仲有半隻鹵水蛋作配搭，味道濃郁但不過重，整體平衡得非常好。飯底鋪咗少少酸菜，鹹香中帶點微酸，恰到好處。如果覺得鹵水味稍濃，配埋附送嘅酸辣汁一齊食，味道即刻變得開胃清新，完全冇膩嘅感覺。成碟飯嘅份量亦非常足夠，尤其作為午餐，呢個價錢真係物超所值。馬沙文咖哩牛腩亦係抵食！牛腩份量多而且夠大件，肉質軟腍香滑，煮得入味。馬沙文咖哩以椰糖、椰奶調製，香濃惹味，帶有淡淡甜香，唔辣但非常下飯。咖哩汁同白飯配搭得天衣無縫，簡直係送飯神器。最後再配一杯凍飲或者百事可樂，唔使額外加錢！呢個組合作為午餐真係非常抵食！無論係份量、味道定埋價錢，都係值得推薦嘅平民美食選擇！…查看更多

Weekend下晝想搵間餐廳 揀咗最鍾意嘅泰菜，兩點幾見到陸續有街坊入去食。下午茶餐牌係40幾蚊仲包凍飲，cp值好高。炒河同辣肉碎飯都好正宗，份量大，唔係下午茶size，會想再去食! …查看更多

8位同事結伴去食午餐，由坐低點菜到食完碟飯唔夠20分鐘不停收我哋枱面啲嘢，係短短嘅時間裡面問咗五次食完未！男服務員應該係老闆態度勁差，話生意難做！你覺得生意難做可以選擇結業！ 你可以係客人入坐前同啲客講定你限時食廿分鐘，咁啲客無咁嬲喎！又唔係有人等位但就不停催催催執執執，朋友杯嘢未飲完就俾佢收咗！中午食餐飯relax下變咗噴火！你估你間舖頭係大快活 大家樂定吉野家😡走個時服務員仲要嬉皮笑臉講：唔好意思 唔該晒！…查看更多

係附近做野，簡單食個lunch見到都唔少人食，就試下佢🤔🤔🤔🤔叫左個魚旦雞絲叻沙D餸既份量都唔水錯唔會太少但湯底略嫌唔夠濃椰香同我辣味都不足面底係米線但份量較少男仔食未必夠…查看更多

食左好多年，一直維持到水準雖然唔係啲咩靚裝修嘅餐廳不過勝在喺街坊餐館經濟實惠，性價比高！☺️✨泰式酸辣鳳爪$62今日第一次食嘅開胃菜，比較辣少少，份量都非常足，四個人每人都食到幾嚿！✨明爐冬陰功炸烏頭$148次次必點！餐廳有個套餐都係冬陰功烏頭，不過散叫呢個烏頭就炸過嘅，比較香口啲，口感都比較結實👍👍✨沙嗲串燒 （一打；6豬🐷/6雞🐓） $144沙嗲一路都係穩定發揮！不過係得豬同雞，叫1打每樣6串就唔使爭😺✨粉絲雜菜煲 $78砂煲上枱非常夠熱！欣賞佢粉絲唔會係一餅嘢，雜菜都有好多款，例如粟米仔、芥蘭、椰菜、紅蘿蔔等等，口感好豐富✨泰式蝦醬炒飯 $75蝦醬炒飯今次都係第一次食，非常足料，雖然個名冇講明，但原來有炒蛋面、臘腸同一串串燒👍蝦醬雖然唔係好濃味，但整體嚟講好夠鑊氣！✨芒果冰沙 $35呢個我哋幾乎每次必點！超級大杯，芒果新鮮好甜🥭欣賞佢唔會係成口冰嗰隻口感👍👍四個人食，今日埋單六百幾蚊👍星期六晚都幾旺場，不過上枱速度依然快，每一碟都係熱辣辣上枱🧡推薦度：🧡🧡🧡🧡🧡…查看更多

北角啲friend介紹呢間泰國菜佢話平時食開，真係又平價又好吃，而且環境都幾好，服務都幾好，嗌咗個套餐，一條魚+1個雞肉先＄228，三個人食飯 人均＄190，仲要加埋嘢飲真係超抵同啲friend可以慢慢食慢慢傾，下次再嚟…查看更多

暹邏苑的黃咖喱魚柳飯真是令人驚艷。這道菜品散發出誘人的咖喱香氣，讓人垂涎欲滴。咖喱的味道非常濃郁，每一口都能感受到它的香辣風味。特別令人印象深刻的是椰子味道的濃度。椰子的香氣在咖喱中融合得非常完美，讓整個菜品更加豐富和滋味。每一口都能品嚐到椰子的香甜風味，這種口感真是令人愉悅。除了咖喱和椰子的美味，魚柳也非常出色。魚肉鮮嫩多汁，經過咖喱的調味，更加美味可口。它與咖喱的結合簡直是完美的配對，彼此的味道相互融合，帶來了出色的食物體驗。總體來說，暹邏苑的黃咖喱魚柳飯真是一道令人難以忘懷的美食。咖喱的香氣和椰子的濃度給這道菜品帶來了獨特的風味，而魚柳的鮮嫩口感更加提升了整體的味道。如果你喜歡咖喱和椰子的組合，這道菜絕對是你不容錯過的佳餚。…查看更多

依間泰國餐廳既下午茶set CP值好高, around $50一個炒野連杯飲品，今次我点了個豬肉炒河 ，味道系吾錯不過有点兒味道太濃同有少少油，整體算ok,下次會再黎過食其他既set👍…查看更多

是日收工搵好野食😆😆主要本身想食生菜包，所以就搵泰國菜食環境都還可以，尚算寬敞餐牌方面😋有套餐有散叫本身想叫個二人套餐由於二人套餐冇生菜包，所以就散叫左了今日叫左四個菜1. 肉碎生菜包2. 泰式蝦餅3. 泰式炒通菜4. 泰式炒金邊粉全部份量都OK大，好彩兩個人食得晒🤣味道不錯👍還可以 整體1-10分為滿分，有8分啦！☺️…查看更多

今日又黎到北角閒逛到3點3下午茶周圍搵嘢食😋最後試左依間泰國餐廳我毫不猶豫叫咗個Pad Thai😎(其中一樣我最鍾意食嘅泰國餸菜)😌一嚟到第一眼就知道太濕🤨但食落味道正常發揮依個Pad Thai冇蝦 🦐佢係配雞肉粒根本就係攞雞肉串燒嗰啲肉嚟煮所以雞肉粒個味唔係太夾個麵 變咗串燒味🍢😅overall個麵僅僅合格啦另外朋友叫咗海南雞飯 仲加咗$10轉雞髀油飯🍚出色 乾身 👍🏻雞髀幾大隻 啖啖肉 嫩滑 😍因為佢係下午茶餐 轉埋雞髀先係$57 仲配凍熱飲品🍹反之餐廳環境就麻麻哋 衛生唔係幾好😥餐枱餐牌黐笠笠 周圍傢俬都有啲年紀🤭…查看更多

暹羅苑是北角一大聽日性價比高嘅泰國餐廳。雖然餐廳地方好大，但喺中午繁忙嘅時間，有時都需要等位。雖然係泰式，但佢地嘅主打並唔係冬陰功。其中我覺得佢哋比較出色既菜就係海南雞飯。佢嘅海南雞，有少少肥啦，但佢哋嘅海南雞燜得非常之腍，雞肉又唔韌。配搭佢哋嗰個泰式醬汁，係一個唔錯嘅配搭。佢哋嘅湯係好傳統嘅海南雞雞湯，雖然雞係肥但反而個湯唔算多油，唔肥膩，清清地，唔太鹹，應該唔似味精湯。間中，佢哋既海南雞，會俾雞翼你食添不過就要睇彩數啦！我比較喜歡食佢哋個雞油飯。唔油膩之餘，亦都有微微嘅薑味，係海南雞飯嘅最好拍檔。唯一美中不足嘅係佢哋嘅飯唔乾身，估計係因為佢哋係煲飯前無炒過啲米，但其實都好好味。佢哋午餐係可以配泰式特飲，不過要加$10 ，比較貴。註：以上價格時值 2023年3月…查看更多